كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب

[أم روض]

موضوعج واايد حلو ومفيييد ماشاءالله

يعطييج ألف عاافية يارب وعساج ع القوة

 

[ام المهره]

الله يعطيكم العافيه صراحه موضوع لها فائده ويستحق الشكر
ياليت ولا عليكم امر تفيدوني معلمة تربيه اسريه متوسط مستجده ابي افكار لدرس فن التعامل مع الولدين والجيران والاخوه و..........وكيف طريقة العرض ووسائل

 

[بنات حواء2]

كويتيه
حياج الله حبيبتي منوره الموضوع يالغاليه

فراي اهلين حبيبتي عندي جاهزين الحين انزلهم لكم و انشالله يعجبكم انا عادة اطبعهم على اوراق ملونه ومشيره منها و فيها
بنسبه للطابع الي ينحط على دفتر التحضير انا اطبع اسمي و معلوماتي عليه على اورقه اي فور بيضه بس احطله برواز حلو و اسوي بحجم مربع و اغلفه تغليف حراري و الزقه على الملف و احط عليه زينتي الي عادة تكون زينه بسيطه فراشه عجنب او ورده كبيره عجنب على حسب لون التغليف طبعا جذي افضل عشان يدوم معانه دفتر التحضير بسلام لي اخر السنه
و اي شي تبين لا يردج الا لسانج حبيبتي

ام روض
حياج الله يالغاليه فديتج منوره الموضوع و ربي يعافيج و مشكوره عالدعوه الحلوه دايمن ادخل و اقرا هلدعاوي و ارتاح وايد الف الحمدلله اني سويتلي شي يفيد الكل و يدعولي

ام المهره
حياج الله يالغاليه و ربي يعافيج و انشالله الحين بحاول انزلج افكار بخصوص موضوع التعامل مع الوالدين و الجيران و الاخوه و انشاء الله اقدر افيدج يارب




حبايبي تلبية لطلب فراي هذي عباره عن روابط تحميل

هدف دولة الكويت الشامل
عرب شير - هدف-دولة-الكويت-الشامل-doc
و هذا رابط ثاني اذا ما نفع الرابط الي فوق
هدف دولة الكويت الشامل.doc - 24.00 KB

و هذا هدف المرحله المتوسطة

عرب شير - اهداف-المرحله-doc

و هذا رابط ثاني اذا ما نفع الرابط الي فوق
اهداف المرحله.doc - 26.00 KB

عموما كل الروابط انشاء الله فعاله

 

[بنات حواء2]

ام المهره موضوعج حلو
فن التعامل مع الولدين والجيران والاخوه
موضوع اخلاقي فأنصحج تبدين الحصه بحديث الرسول صلى الله عليه و على آله و صحبه و سلم
((إنما بعثت لأتمم مكارم الأخلاق))
او
((أدبني ربي فأحسن تأديبي))
و هي احاديث صحيحه و هذا الرابط اذا حبيتي تتأكدين من صحة الحديث و تطمنين
ما صحة حديث:" إنما بعثت لأتمم مكارم ( و في رواية صالح ) الأخلاق " .؟ - تمت الإجابة عنه - Google إجابات
و ممكن تستندين على الآية الكريمة التي فيها يخاطب عزوجل الرسول الكريم
((وإنك لعلى خلق عظيم))
و يفضل لو تنقلينها بصوت العفاسي افضل من انها تكون مكتوبه او مطبوعه و تبدين فيها درسج و تسترسلين في التمهيد حول اهمية الاخلاق و التعامل مع بعضنا وفق ما هذبنى الاسلام
ولو عندج كتاب مكارم الاخلاق ممكن تستخدمينه كمصدر بحث في الحصه و تكونين مجهزه رقم الصفحات و تخلين وحده من الطالبات تقرى الي انتي حددتيه و في فصول كثيره كل فصل يتكلم عن مكارم الاخلاق حتى في التعامل مع النفس كتاب جدا رائع و منقول كله عن الامام علي عليه السلام فهو مصدر موثوق و فيه عن اخلاق الجار و اخلاق و الاخوه و غيره

ممكن تعرضين قصه يستنتجون من خلالها اخلاقيات الجار مثل موقف الرسول عليه افضل الصلاة و السلام من جاره الكافر

و ممكن تستعينين باليوتيوب و تنزلين الفيديو و تعرضينه لهم بالحصه و اذا الفيديو طويل استخدمي اي برنامج يقصصلج الفيديو حسب ما تبين و هذي روابط من اليوتيوب بحثتلج عنهم انشالله تستفيدين منهم و ضروري لا تنسين تحددين مصادرج كلها عشان تكون حصه حلوه و معتمده على مصادر موثوقه و احب اقدم نصيحه مهمه لكل المعلمات اتمنى تستفيدون منها
نصيحه : لا تنقلون اي خبر اي معلومه اي حديث اي شي غير صحيح و غير متفق عليه لسببين السبب الاول انج راح تنقلين شي مو متأكده منه فبتالي راح تتحملين اثم نقلتيه لكم طالبه و الطالبات يتمسكون باي معلومه تكون من معلمتهم لانهم يثقون بها و السبب الاخر ان لو اكتشفوا الطالبات عدم مصداقيتك حتى لو من غير قصد ماراح يصدقونج في اي معلومه هذا اذا ما فندت المعلومه الي قلتيها فور القائها اي في نفس اللحظه و هذا يشكل موقف محرج لج فأعتمدوا مصادر موثوقه خصوصا المصادر الي تكون من النت عادة تكون فيها مبالغه او غير صحيحه نوعا ما فاحرصوا على البحث في المواقع السليمه و مواقع الموسوعات المختلفه و مواقع الجامعات و الوزارات اما الاحاديث فسهل التأكد من صحتها عبر الانترنت و محرك البحث قوقل مايقصر

اخليج حبيبتي مع الفيديوات الي بحثت عنهم في اليوتيوب خصوصا لموضوعج و سامحيني على القصور

اخلاق المصطفى مع الجار
‫برنامج من أخلاق المصطفى | حق الجار‬‎ - YouTube
حقوق الجار وايد ممتع للاطفال
‫أخلاق المسلم،الدرس الثاني : حقوق الجار‬‎ - YouTube
بر الوالدين
‫( أحكام القرآن)لتعليم للطفل المسلم- بر الوالدين‬‎ - YouTube
‫بر الوالدين افلام كرتون قصيرة‬‎ - YouTube
اخلاق الاخوه
‫الأخلاق والآداب الاسلامية - آداب الأخوة‬‎ - YouTube
الاداب العامه
‫كرتون اسلامي يعلم الاطفال الاداب العامه‬‎ - YouTube

 

[fri2010]

والله ما ادري اشلون اوفيج حقج ام زنوب الف شكر لج على جهودج الروعه بارك الله فيج وجعل كل ما تقدمينه في ميزان حسناتج

 

[ام المهره]

مامنك قصور يالغاليه خدمك المال والبنون والزوج الحنون

 

[ام المهره]

اذا مااثقل عليك في عندك فكره للوسائل الملموسه

 

[ام المهره]

عيوني ام زينب انا معلمه من السعوديه ماشاالله عليك استفاد منك القريب والبعيد جعله الله في ميزان امالك

 

[ام المهره]

وايضا اريد فكره للسبوره ياروحي

 

[بنات حواء2]

فراي
فديتج فرفورتي الحلوه والله مابي الا الاجر و الدعوه الحلوه و اني اساهم في مساعدة الجميع المعلمات و اولياء الامور و الطالبات للارتقاء في المستوى التربوي لديرتنه الحبيبه الكويت و انتو ماشالله عليكم مبدعات مافيها روح تعال و تبادل الافكار اكيد يقوي هشي و يعززه و لا تقاطعين يالغاليه و لا يردج الا لسانج

ام المهره
هلا ياقلبي فديتج و فدين دعوتج الخلوه و فديت اهل السعوديه انا و فعلا لاحظت ان موضوعي منتشر بالسعوديه و اكثر المعلمات السعوديات استفادوا منه و اكيد لي الشرف يالغاليه و اتمنى ماتقاطعون و تستمرون معانه بالموضوع و نستفيد من خبراتكم ماشاء الله عليكم مبدعات

الوسائل الحسيه حبيبتي انتي مخيره فيها انا عن نفسي ما استخدم المجسمات لسبب بسيط انها مكلفه و بنفس الوقت تتلف مع الوقت و نقلها شوي صعب فبتالي استبدلها بوسائل محسوسه و بسيطه و الوسائل المحسوسه اليوم عديده
انا عادة اييب اي علبه ما ابيها او كرتون مثلا كرتون خلاط كرتون اوتي او ميكرويف و حتى كرتون علبة الجواتي عزج الله استخدمته اغلفه بأي تغليف حلو و اعلق عليه وردات الي يكون فيها مشبك احنه متوفر عندنه بسوق بو 100 و اثبتهم علعلبه و اسمي هلوسيله حديقة المعلومات تكون مجسم حلو و يجذب الطالبات و اعلق البطاقات او الاوراق على الورود و بصراحه فادتني هلوسيله في اكثر من موضع خصوصا لمن يكون الدرس في نقاط فممكن تسوينها بسيطه و ماتكلف حتى دينار بس ضروري لمن تسوين وسيله ملموسه انج تعطينها اسم مثل حديقة المعلومات او حديقة الفراشات على حسب انتي شلون بتسوينها

ممكن تيبين بطاقات و انا عن نفسي طريقتي وايد حلوه بالبطاقات وراح اشرحها لكم الحين بتفصيل و عبر ضرب مثال تستاهلون يالغلا كله
البطاقات التقليديه صارت ممله و بليده انا اسويهم بطريقه حلوه و جذابه و كل الطالبات يتشفقون على لحظة البطاقات بحصتي لاني دايمن اكسر الروتين فيها

ممكن تسوين لعبه او مسابقة انا مره جربتها و حضرتلي الموجه الله يذكرها بالف خير و وايد حبتها و هي عباره عن صور وزعتها على جنب السبوره المتحركه و عبارات تمثل هصور بجنب الثاني و خليت البنات يقرون عباره عباره و يوصلونها مع الصوره الي تمثلها و نتناقش فيها مناقشة بسيطه و هذي اللعبه خلت الصف شعله ما تتخيلين البنات وصلوا لي عندي عشان يشاركون
و مرات اسويها بطريقه عشوائيه من غير توصيل ابعثر العبارات و الصور و اهمه يركبونهم
و مرات احط الصور بطريق مبعثره و اخليهم يختارون العباره المناسبه الي تمثل هصوره من على طالوتي يعني انتي و اسلوبج في عرضها و لا كنها لعبه و مسابقه شيقه

ممكن تحطين صور فيها مواقف صحيحه و خاطئة و تخلينهم يقولون صح ام خطأ
انا اعتبر هذي الوسائل جذابه اكثر و لا حظي ان كل مافي المسئله صور و الوان و لا كن يعتمد على اسلوبج في الطرح و في جذب انتباه الطالبات
الوسائل المحسوسه اليوم لا يشترط ان تكون مجسم و شي كبير ممكن تكون بطاقه ممكن تكون كتاب ممكن تكون قصه ممكن تكون صوره
و الوسائل اليوم مالها حصر توسعي فيها و ابدعي فيها ممكن صوت ممكن فيديو تخيلي حتى قلم الرصاص نفسه ممكن يكون وسيله
كان في دكتور بالكليه نقلي تجربته في عمل برزنتيشن في لندن اتوقع و يستحق اني اذكر اسمه وهو الدكتور الفاضل عيد الهيم مع كل الشكر و التقدير لهذا الاستاذ المبدع في فكره و ثقافته و في اكثر من موضع انقل تجربته لانه بصراحه تعلمت منها الكثير و تجربته كان دافع لي في اني ابدع في اختيار وسايلي و من ابسط الامور و ايقنت ان الوسيله الناجحه هي الي توصل المعلومه و ليس الوسيله لاغاليه في ثمنها
كان عنده برزنتيشن و كان بشكل مفاجأ و ماكان محظرله تخيلي طلع تكلم عن قلم الرصاص و انواعه و اختلاف مادة الرصاص الي فيه لانه سابقا كان معلم فنيه فقدر يستفيد من خبرته و تكلم عن معلومات الي في القلم و استخدم قلم الرصاص الي كان بيده كأداة و لا قى اعجاب الاستاذ
فبتالي الوسيله هي وسيله سواء كانت عندج او عند غيرج من المعلمات و لاكن التنافس يكون في عرض الوسيله و اسلوبج في تقديمها و استخدامها
و بالمناسبه هذي مجموعة صور جمعتها لج انشالله تستفيدين منها

و في موقع مره عرضته للاطفال في المرحله الابتدائيه يحتوي على قصص و اناشيد ممكن تفيدج لاكن ياريت لو ترجعين لفهرس الموضوع تلقيني بملفي الشخصي شوفي مواضيعي و اختاري موضوع فهرس اموضوع و انا انشالله الحين برفعه
و سلميلي على اهل السعوديه و امانه لايردج الا لسانج يالغاليه و لا تتردين في السؤال

 

[ام المهره]

ياروحي انتي يام زينب الله يسخر لك ويقر عينك بصلاح زينب ويفرحك ويرزقك الذريه الصالحه يارب

 

[mafio98]

السلام عليكم

بنات حواء مشكورة وتسلم ايدج بس حاولت اشوف الموضوع من اوله مالقيت شي يخص الديكور ياليت تحطون شغلات نستفيد منها بالديكور

 

[هواجيس ضائعة]

الله يعطيج العافيه من جد موضوعح خدمني واجد الله يجعله في ميزان حسناتج يارب
انا بحاول اشارككم بس خليني اتعلم تنزيل الصور وموفقين وجزاكم الله خير جميعا

 

[فله وطله]

حبيبتي مافتحت الروابط اللي بأول صفحه
فيه غيرهم

 

[كتكوته22]

السلام عليكم اشلونج اختي ام زينب. مشكوره علي الموضوع المفيد وايد فاد المعلمات اختي ابي اطلب منج طلب انا خريجه علوم اسره ومستهلك تخرجت قبل ٣ سنوات والحين بقدم اوراقي علي الوظيفه ابيج تنصحيني بما انج نفس تخصصي وما شالله يبين عليج معلمه مجتهده تنصحيني اتوظف بثانويه ولا متوسط وانا كنت بالميداني متوسط بس الاغلب. قالولي الثانويه وايد اريح بنفس الوكت متخوفه من الثانويه والتعامل مع طالبات كبار. وبعد المنهاهج ما عرف عنها شي كلش. وطريقه تحضيرها ما عليج امر اختي اذا تقدرين تساعديني وتقوليلي منو الافضل مع ذكر المميزات والعيوب والاهم المناهج واكون شاكرتلج

 

[كتكوته22]

السلام عليكم اشلونج اختي ام زينب. مشكوره علي الموضوع المفيد وايد فاد المعلمات اختي ابي اطلب منج طلب انا خريجه علوم اسره ومستهلك تخرجت قبل 3 سنوات والحين بقدم اوراقي علي الوظيفه ابيج تنصحيني بما انج نفس تخصصي وما شالله يبين عليج معلمه مجتهده تنصحيني اتوظف بثانويه ولا متوسط وانا كنت بالميداني متوسط بس الاغلب. قالولي الثانويه وايد اريح بنفس الوكت متخوفه من الثانويه والتعامل مع طالبات كبار. وبعد المنهاهج ما عرف عنها شي كلش. وطريقه تحضيرها ما عليج امر اختي اذا تقدرين تساعديني وتقوليلي منو الافضل مع ذكر المميزات والعيوب والاهم المناهج واكون شاكرتلج

 

[toooooly]

اسأل الله العظيم
أن يرزقك الفردوس الأعلى من الجنان.
وأن يثيبك البارئ خير الثواب .
دمت برضى الرحمن

 

[أم عامر]

ربي يوفقكم

 

[موهوبه فنيا]

يامال العافية

قواج اللة

 

[Kuwait_Perl]

مدرسين و مدرسات الكويت
www.modarseen.com