رد: @@@أخر تطورات الاعلى المجلس الأعلى لشئئون المعاقين@@@
السلام عليكم ورحمة الله وبركاته
خواتي الفاضلات
معاكم موظفه بالمجلس الاعلى لشئون المعاقين
حبيباتي انتوا وايد متضايقين من مبالغ الكراسي
اذا ولي الامر مو مقتدر انه يدفع نص الفرق اللي فوق الــ 500 دينار
في حل وبسيط ان شاء الله
تقدرون تاخذون كتاب من المجلس الاعلى وبالضبط بالدور الخامس قسم الاجهزة التعويضيه حق صندوق اعانة المرضى
اهم يدفعون عنكم والمجلس يدفع الـ 500 والنص اللي فوق الــ500
يعني انتي ما تدفعين شي
واتمنى اني اكون ساعدتكم بهالشي
وبالنسبة للاخت اللي قالت عن مواظفات المجلس انه نفسيه ... الخ
اقولج اختي الحبيبه مو الكل في مواظفات ينحطون عالجرح يبرى صدقيني
واحنا الموظفات نعاني من بعض اولياء الامور اللي ما يتفهمون بعض المواضيع ويعصبون علينا بس ما قلنا شي
وانا شخصيا تعرضت لكذا موقف محرج من مراجعين
لكن ياحبيبتي هذا ان دل دل على البيئه اللي عايش فيها الموظف والمراجع يالغاليه وطولي بالج
لانه اصلا الدور الثاني اللي فيه كوبونات الحفاظات مضغوط جدا جدا
لانه قسم مالي واداري بنفس الوقت
وبالنسبه لمبنى المجلس فهو صج صج مو شي ولا مريح لا حق مراجعين ولا موظفين
وان شاء الله راح يتغير احنا كلنا امل انه يكون للافضل
وطبعا لو كان هيئه مستقله راح تتغير اشياء وااايد وراح يكون افضل بالف مره من الوضع اللي اهو فيه الحين
والله كريم
