@@@كل مايخص الهيئة العامة لشئوون ذوي الإعاقة@@@استفسارات -أخبار- متجدد

[memes]

رد: @@@أخر تطورات الاعلى المجلس الأعلى لشئئون المعاقين@@@

منو سمع عن القرض الاضافي للمعاق؟؟ (5000) سمعت ان بيزيدونه الى 10000؟؟ ناس تقول اقتراح وناس تقول اقروه؟؟ منو عنده خبر؟؟؟

 

[huda85]

رد: @@@أخر تطورات الاعلى المجلس الأعلى لشئئون المعاقين@@@

انا لحد الآن ما وصلني لا الاقتراح ولا القرار

جان نزلوه وانا بأجازه مادري

لانه انا باجر اداوم ان شاء الله عقب اجازتي

واشوف الاخبار هناك

 

[الصابرة المحتسبة]

السلام عليكم ورحمة الله وبركاتة
اخر تطورات المجلس الاعلى شئون المعاقين
ذكر في الصحف انه تم نقل وليد العريفي من مدير مجلس المعاقين الى مكتب الوزير الفني
وتم تعيين نجاة القلاف مدير للمجلس الاعلى للمعاقين
تستاهل نجاة وانشالله نشوف منها الاحسن لابنائنا المعاقين ​

:dddds::dddds::dddds:

السلام عليكم ورحمة الله وبركاته..............



الشروط الواجب توفرها في الراغبين بالإستفاده من الرسوم الدراسيه لفئات ذوي الإحتياجات الخاصه من المعاقين:
- أن يكون الطالب كويتي الجنسية أو من أم كويتية.
- ان لا تتوافر للطالب خدمة تعليمية في مدارس وزارة الترببية:
( إدارة مدارس التربية الخاصة - الأمانه العامه للتربية الخاصة- الفصول الملحقة لبطيئي التعلم - فصول داون الملحقة برياض الأطفال.
- أن يكون الطالب قابل للتعلم.
- ألا يقل عمر الطالب عن 3 سنوات ولا يزيد عن 21سنة في 15 سبتمبر من العام الدراسي.
- لم يسبق له التسجيل في المجلس الأعلى لشئون المعاقين.

يقدم ولي الأمر طلب الدعم التعليمي لدى قسم تعليم وتأهيل وتشغيل المعاقين مصطحبا معه المستندات الآتية:
- صورة من شهادة إثبات إعاقة.
- صورة من شهادة ميلاد الطفل.
- (3) صور للبطاقة المدنية للطالب.
- (2) صورة البطاقة المدنية للأب.
- صورة من شهادة الجنسية الأصلية للأم لغير الكويتيين.
- جميع الشهادات المدرسية السابقة والحالية إذا توفرت.
- أية تقارير نفسية وطبية.
- تقرير صادر من مركز الأمراض الوراثية.
- صورة شخصية حديثة عدد 2.
- كتاب تفويض من ولي الأمر في حالة من ينوب عنه.

 

[memes]

رد: @@@أخر تطورات الاعلى المجلس الأعلى لشئئون المعاقين@@@

قوة حبيبتي هدى؟؟ شخبارج؟؟؟ ماوصل قرار او اقتراح عن القرض؟

 

[بريسم]

رد: @@@أخر تطورات الاعلى المجلس الأعلى لشئئون المعاقين@@@

هدى لو سمحت بسأل عن اعفاء الموظفين اللى عندهم أبناء معاقين ساعتين بداية او نهاية الدوام

كان هالاعفاء موجود بعدين ألغوه ...و الحين ردوه بس ما تنفذ للحين اذا عندج فكره عن الموضوع يارييت تفيدينا

 

[huda85]

رد: @@@أخر تطورات الاعلى المجلس الأعلى لشئئون المعاقين@@@

هلا فيك حبيباتي

بالنسبه للقروض لحد الحين 5000 ما تطور

وبالنسبه لساعات تخفيف العمل اسألج باجر حبيبتي واشووف

واي احد يبي يستفسر عن اي شي انا حاضر وبالخدمه

 

[رشة مسك]

رد: @@@أخر تطورات الاعلى المجلس الأعلى لشئئون المعاقين@@@

السلام عليكم أختي هدى بنتي الحين عمرها 13 سنه و كانت تاخذ معاش من المجلس وهي فيها إعاقه ذهنيه بسيطة وبعد تجديد الأوراق رفضوا استمرار المعاش وقالو ان راتب الأب أكثر من الألف ب26دينار شنو الحل وهي اللحين تحتاج أشياء أكثر من الأول وين أراجع وحتى دوام أبوها رافضين زيادة معاشه لأني سمعت اذا كان فيه ولد معاق يزيد معاش الأب 50 دينا فهل هذا صحيح أرجو الإفاده لمن عندها معلومات لأني صج ما أحب أراجع المجلس بسبب نفسية الموظفات ولا يعطونج إجابه اعالسؤال

 

[memes]

رد: @@@أخر تطورات الاعلى المجلس الأعلى لشئئون المعاقين@@@

هدى لو سمحت بسأل عن اعفاء الموظفين اللى عندهم أبناء معاقين ساعتين بداية او نهاية الدوام

كان هالاعفاء موجود بعدين ألغوه ...و الحين ردوه بس ما تنفذ للحين اذا عندج فكره عن الموضوع يارييت تفيدينا

هلا فيج حبيبتي،،،
رفيجتي تشتغل بالمجلس سالتها وقالتلي عن تخفيف ساعات العمل
تخفيف ساعات العمل الي بالمجلس مجرد كتاب استرحام وليس قانون! وديوان الخدمة يخصم من راتب ولي الامر الاخذ التخفيف 20% من الراتب ويعتمد على ادارتج اذا وافقة على التخفيف او رفضت..
انشالله اكون فدتج.​

 

[memes]

رد: @@@أخر تطورات الاعلى المجلس الأعلى لشئئون المعاقين@@@

السلام عليكم أختي هدى بنتي الحين عمرها 13 سنه و كانت تاخذ معاش من المجلس وهي فيها إعاقه ذهنيه بسيطة وبعد تجديد الأوراق رفضوا استمرار المعاش وقالو ان راتب الأب أكثر من الألف ب26دينار شنو الحل وهي اللحين تحتاج أشياء أكثر من الأول وين أراجع وحتى دوام أبوها رافضين زيادة معاشه لأني سمعت اذا كان فيه ولد معاق يزيد معاش الأب 50 دينا فهل هذا صحيح أرجو الإفاده لمن عندها معلومات لأني صج ما أحب أراجع المجلس بسبب نفسية الموظفات ولا يعطونج إجابه اعالسؤال

حبيبتي لازم سقف الراتب للاب ما يتجاوز 1120دك بعد استقطاع قرض التسليف والتامين للي يبي يقدم على معاش اعاقة للمعاق الي عمره اقل من 18سنة
راتب زوجج اككثر من المبلغ هذا؟

 

[الصابرة المحتسبة]

رد: @@@أخر تطورات الاعلى المجلس الأعلى لشئئون المعاقين@@@

السلام عليكم أختي هدى بنتي الحين عمرها 13 سنه و كانت تاخذ معاش من المجلس وهي فيها إعاقه ذهنيه بسيطة وبعد تجديد الأوراق رفضوا استمرار المعاش وقالو ان راتب الأب أكثر من الألف ب26دينار شنو الحل وهي اللحين تحتاج أشياء أكثر من الأول وين أراجع وحتى دوام أبوها رافضين زيادة معاشه لأني سمعت اذا كان فيه ولد معاق يزيد معاش الأب 50 دينا فهل هذا صحيح أرجو الإفاده لمن عندها معلومات لأني صج ما أحب أراجع المجلس بسبب نفسية الموظفات ولا يعطونج إجابه اعالسؤال

ليش الأب ما يكتب كتاب تظلم للجنة الطبيه بالمجلس؟
وسالفة نفسية الموظفات طبعا الأغلبية من المراجعين أأشكال وارناق اللي حلو اسلوبه واللي جاي يتهاوش الله يعينهم بس هذا ما يشفع لهم فيه موظفات تدشين عليهم حتى سلامج ما يردون عليه اللهم يا كافي.

 

[رومنسيه بس دلوعه]

رد: الدعم التعليمي للطلبة المعاقين في المدارس الأهليه الخاصة@@@

حق شنو هذا مافهمت .....؟؟؟
ممكن توضحين اذا مافي ازعاج

 

[huda85]

رد: @@@أخر تطورات الاعلى المجلس الأعلى لشئئون المعاقين@@@

هدى لو سمحت بسأل عن اعفاء الموظفين اللى عندهم أبناء معاقين ساعتين بداية او نهاية الدوام

كان هالاعفاء موجود بعدين ألغوه ...و الحين ردوه بس ما تنفذ للحين اذا عندج فكره عن الموضوع يارييت تفيدينا

هلا فيج حبيبتي

اي ردوه بس على حسب ادارتج اذا قبلوه

 

[memes]

رد: @@@أخر تطورات الاعلى المجلس الأعلى لشئئون المعاقين@@@

السلام عليكم
شلونكم بنات؟ انشاء الله يخير؟
اخر خبر ((المجلس قاعد يدرس صرف لوحات لمواقف المعاقبن لذوي الاعاقات السمعية الي مركبين قوقعة وجهاز خارج ولكن لم يتغير شيء لانه قيد الدراسة))​

 

[مرمر]

رد: @@@أخر تطورات الاعلى المجلس الأعلى لشئئون المعاقين@@@

اليوم رحت المجلس علشان راتب بنتي والمجلس التعليمي وبعدين رحت لرعاية الاسرة بمجمع الوزارات
الحمدالله سهالة وعطوني اوراق الطلبات وجاوبوا علي اسالتي
المهم بالنسبة للداون اذا ابوه عنده رخصة يستثني حتي راتب 5 وبعدين يقولون بيمددون 5شهور ثانيين وكاتبين كتاب لوزير الشئون ان ينشال بالمرة من التمديد لفترات

 

[مرمر]

رد: الدعم التعليمي للطلبة المعاقين في المدارس الأهليه الخاصة@@@

علشان التسجيل في المدارس والحضانات
سمحلي لي يالصابرة تليقفت

 

[الصابرة المحتسبة]

رد: الدعم التعليمي للطلبة المعاقين في المدارس الأهليه الخاصة@@@

بالعكس يامرمر كلنا ايد وحده لنفيد ونستفيد ربي يحفظج.

 

[HearT ChocolaTe]

رد: @@@أخر تطورات الاعلى المجلس الأعلى لشئئون المعاقين@@@

عساكم على القوة حبيباتي
عسى الله يطرح فيكم البركه
بنتعبج معانا فديتج هدى

 

[huda85]

رد: @@@أخر تطورات الاعلى المجلس الأعلى لشئئون المعاقين@@@

مافي اي تعب حبيبتي ام عزوز وربي اني مستانسه فيكم وااايد

واي شي تبون تسالون عنه مايردكم الا لسانكم

حاضرين وبالخدمه

 

[مرمر]

رد: @@@أخر تطورات الاعلى المجلس الأعلى لشئئون المعاقين@@@

مافي اي تعب حبيبتي ام عزوز وربي اني مستانسه فيكم وااايد

واي شي تبون تسالون عنه مايردكم الا لسانكم

حاضرين وبالخدمه

يابعد عمري ماتقصرين
عساج ذخر ياهدي

 

[بصيص الامل]

رد: @@@أخر تطورات الاعلى المجلس الأعلى لشئئون المعاقين@@@

اختي مرمر عساج عالقوه .. حبيت استفسر شنو المقصود (((المهم بالنسبة للداون اذا ابوه عنده رخصة يستثني حتي راتب 5 وبعدين يقولون بيمددون 5شهور ثانيين وكاتبين كتاب لوزير الشئون ان ينشال بالمرة من التمديد لفترات)))

سامحينا ما فهمت عدل وياريت توضيح اكثر ,, لانه ابو ولدي عنده رخصة تجاريه واول ما ولدناه قالو ما يستحق المعاش