كل ما يخص الدوره الشهريه ؟

[مجنونه هواهـ]

سلام حبوبات شخباركم
قريت بكثير من المواضيع الي تبحث عن افضل غسول للمنطقه الحساسه
وتنضيف الرحم وتخفيف الالام والاهتمام بالنضافه .........الخ
قلت نسوي مناقشه بالموضوع
وسهل
نبي تفاعل الموضوع مو صعب وايد
كل الي عندها خبره تعطينا فوائدها وكل الي محتايه طلب او سوال
تكتبه
كتبت هاذا الموضوع للاستفاده والمساعده
شفت كثير من الي عمرهم 14 او 15 يساالون كيف يهتمون بنفسهم
وفي كثير ما يحبون يناقشون اهلهم بالموضوع :eh_s(4):
نبي كل وحده تكتب كيف تهتم بنفسها وقت الدوره وبعدها وقبلها وتحط صور المنتج بنضافه والماكولات .... الخ من هـ الامور
واي وحده تبي تستفسر الخبيرات يردون عليها وانشالله نفيدكم ونستفيد :eh_s(7)::eh_s(7):
يلا بنات نبي تفاعل

 

[منو انت]

اهم شي ابدل كل ساعتين تقريبا او اقل اذا كنت قاعده بالذات الايام الاولى لان يقولون لو طولتي مابدلتي ممكن تتكون بكتيريا عاد انا من سمعت هالسالفه كل ساعه ابدل

ويعني احاول اشرب اشياء زينه مثل دارسين واعشاب مع ان صارلي فتره من زمااااااان عنهم :d

 

[مجنونه هواهـ]

يلا انا ببتدي
اول اشياء الي تحتاجه كل فتاة وقت الدوره الشهريه قبلها وبعدها هاذي
الفوط الصحيه

غسول للمنطقه

مناديل للمنطقه

مسحوق القرفه

حبة الرشاد

مسحوق الزنجبيل

موس الحلاقه

نبدا بالاهتمام قبل الدوره الشهريه بيوم تقريبا نبدا بازالة شعر العانه والابط وندهنها بزيت زيتون السوسن

بعدين نستغدم الغسول الساءل للمنطقه
الي فوق بالصوره واايد زين يشيل الافرازات وينضفها ويعطيها رائحه تجنن
بنفس وقت الدوره نشرب مشوب القرفه
الطريقه:
نغلي اربع اعواد من القرفه بنصف لتر ماء واقل
ونخليه يغلى لين 20 دقيقه بعدين نسكر النار منها ونخليه يبرد 15 دقيقه
ونشربه
اكرمكم الله وقت تروحين دورة المياه
اكيد بينزل دم من الرحم خليه ينزل لين يوقف بعدين غسليه بماي ونشفيه واستخدمي المناديل الي فوق تعرفون الريحه والاوساخ
بعدين لا يا الفير اشربي قلاس حليب دافي بقرف
الطريقه :
3 ملاعق حليب
كاس ماي حار
ملعقه قرفه حلوه
ملعقه سكر
وتحطين المكونات مع بعض وتفين الحليب وتشربينه وتنامين والله بتعدين لي طعم حلو ورااااااحه مو طبيعيه
اول شي الحليب يخليج تنامين ويلين اعصابج وعظامج المشدوده ويخفف عليج الالام ويزيل عنج الهم والقرفه اتهدي الاعصاب وتلين بالج
تنامين مرتاحه في ناس ما يقدرون ينامون من الام البطن
انصحج تسوين لها مساج تعطين زيت زيتون على النار 2 دقيقتين يصير شوووي دافيه ودهني فيه بطنج وسويه على شكل دائره
لين يخف الام ودهني بزيت زيتون وناامي حاولي تفكرين باحلى الاشياء انسي نفسج التفكير يسبب ماشكل لكل شي مو بس بالدوره بالعقل والقلب وكل شي
وتنامين لين الظهر تقومين تصلين وتتغدين وجبه زينه ولازم يكون فيها خضروات وفواكه وعصير برتقال
ابتعدي عن الوجبات السريعه تقوم الوحده تشرب لها ببسي وتطلب ماك ولا تروح الافنيوز تاكل هناج
لا تفكرين فيها ابد
وعلى جذي اليوم القاني تشربين قرف وبالليل على الفير حليب وملعقه صغييره زنجبيل عطيناكم فواد الحليب والزنجبيل له فواد اا
ااما عن حبة الرشاد تخفف الام الظهر وتدر الطمث وهاذي فوايده بموضوعي انصحكم تقرونها والله بتعدولي http://www.q8yat.com/t907726.html
وانشالله اكون افدتج اختي وطبعا من كلامي عطيتك وصفات زي الحليب بالقرفه والزنبيجل بالقرفه ومساج زيت الزيتون وغسول ومناديل والله انها مريحه وايييد كان الغسول او المناديل
ويالله يالله بردود وطريقتكم بالنظافه واستفسارتكم والخبيرات نبيكم ونبي تفاعلكم

 

[مجنونه هواهـ]

مشكوره منو انت على ردج وطريقتج

 

[منو انت]

العفو حبوبه

بس مستحييييييييييييل افكر بالمناديل ماادري احس موزين بتقولين تعودت ومامنها ضرر اقولج مستححيييل يعني الماي والغسول والتبديل المستمر وازاله الشعر كل هالاشياء كافي بعد ليش المناديل ؟؟؟؟؟؟

 

[ولعتني وصديت]

آستحي لوووووووووووووووووول

 

[امي الحنونه]

انا عندي سؤال انا عمري ١٣ ودوره غير مضمونه يعني شهر اي وشهر لا تنصحوني اروح لدكتور او طبيعي هل ًراح تتم علًى هالحال ولا

 

[مجنونه هواهـ]

انا عندي سؤال انا عمري ١٣ ودوره غير مضمونه يعني شهر اي وشهر لا تنصحوني اروح لدكتور او طبيعي هل ًراح تتم علًى هالحال ولا

هلا حبوبه فيج
حبوبه انا كنت مثلج كانت تتاخر علي شهر ايه وشهرين لا
رحت سويت تحليل هرمونات طلعت هرموناتي مو ثابته عطتني الدكتوره حبوبه تنظهم الهرمونات وتثبتها والحمدالله بعد انتهاء الحبووب ولا مره تاخرت علي وبعد باسبوعين رجعت سويت تحليل الحمدالله كل شي طبيعي والهرمونات احسن من الطبيعي ما تقول تخجلين تروجي حق دكتوره انت مو مسويه شي روحي وقولي لها وهي بتعطيج دواء:eh_s(7):

 

[مجنونه هواهـ]

العفو حبوبه

بس مستحييييييييييييل افكر بالمناديل ماادري احس موزين بتقولين تعودت ومامنها ضرر اقولج مستححيييل يعني الماي والغسول والتبديل المستمر وازاله الشعر كل هالاشياء كافي بعد ليش المناديل ؟؟؟؟؟؟[/QUOTE

حبوبه الغسول قبل الدوره الشهريه صراحه انا اخاف استخدمه لان ناس يقولون مو زين وقت الدوره وانا استخدمت المناديل وطريقته سهله تغسلين المنطقه تنشفين بالمنديل وبس ومشكوره عـ مرورج

 

[غيــرة انثى]

مطاره حاره و البس دلاغات و جاي دارسين
و ماتاكلين فلفل و لا ايس كريم و لا تشربين بيبسي

 

[مجنونه هواهـ]

اب اب يلا بنوتات خلونا نتعلم ونستفيد وناخذ نصايحكم ونقبل اتفسارتكم

 

[فدوووو]

ماتشربين برتقال ولاليمون ولاطماط ولاباذنجان

تتحركين كثير وماتنامين كثير

تحاولين انك تكونين مدفيه نفسك من البرد ممنوع البارد

هذا اللي اذكرة وصح كنت اسوي لهوم العتيبات للدورة ومعروفه بالنت بس ماكنت اخذ كل الاشياء اللي فيها

وحب الرشاد مو زين للبنت هذا ينفع للنفاس

 

[ودآعتك قلبي]

في موضوع لوحدة أسمهااا ضحاوي الديرة والعضوة داهية مطير أقروووو لهم بتستفيديون ..

 

[q8ia7]

^^^

فيه ناس تقول الرشاد مو زين للبنت وفيه ناس حاطينه بمقادير اللهوم ويقولون هذي الاشياء ناخذها من كنا بنات وتصلح للبنات والمتزوجات ماعرفنا الصج الحين ..

حتى مواضيع داهية مطير وضحاوي كاتبين عن الرشاد ضمن شغلاتهم ..

الحين شلوووون ؟
والأخت اللي تقول الرشاد مو زين .. متأكده ؟ وشنو يسوي الرشاد للبنت يعني شلون مو زين ؟

 

[ملكة الجاذبيه]

نجاح موضوع التضييق اليكن هذه الوصفة الصاروخية من تجربة شخصية !

--------------------------------------------------------------------------------



أخواتي الكريمات ..


بصراحة لم اتوقع ان ينجح موضوعي الخاص بالتضييق !ولكن لاحظت ان المواضيع التي تكون عن تجارب شخصية تجد نجاحا أكثر من المواضيع المنقولة أو التي تكون نقلا عن وكالة يقولون !

المهم يا أخواتي أنا كان عندي نزول بالأرحام لاتتي بصراحة كنت أحمل أشياء ثقيلة بعد ولادتي الأخيرة طبعا بسبب ظروف انتقالنا لبيت جديد تعرفون حنا الحريم ما نصبر !

طبعا بتقولون كيف تعرفين ؟؟

من علاماته ألم بالظهر شديد وكذلك وقت الجماع تكوني غير مرتاحة وفيه شيئ ينغص عليك (اتمنى تفهموا )!


المهم ذكرت لي إحدى الأخوات ممرخة ممتازة (اللي تبغى رقمها تراسلني على الخاص )ترى والله ما اعرفها لكنها والله عالجتني من أشياء كثيرة منغصة علي حياتي الله يرزقها الخير ذيك المرأة وين ماراحت والله اني ادعيلها بكل وقت !


المهم كلمتها وقالت لي تجيني وقت الدورة واليوم الخامس يكون أفضل !


ورحت لها على الموعد المحدد ..المهم شرحتها بالشيئ اللي اعاني منه قالت لي راح اعرف وش فيك بدون ما تتكلمين !


المهم قامت بالتمريخ الا وصرخت ذيك الصرخة يا اختي انت مو بس الرحم خربان عندك ونازل الا معدتك خربانة !

والله اني اندهشت وشلون عرفت ؟قالت انت معك امساك مزمن صح والا لا ؟قلت ايه وش دراك ؟شوفي معدتك فيها التصاقات ؟وعندك كسل بالمعدة يعني الأكل يا حبيتي ما يتهضم زين وهذا الي مسبب لك إمساك ؟قلت لها والله ما تركت شيئ ما استخدمته للإمساك لكن ما نفع معي وبديت اشعر انه جزء لا يتجزأ مني ؟

قالت تدرين ان الرجال ينفر من المرأة اللي فيها إمساك ؟قلت أفا يا ذا العلم واللله يوم بديت اتذكر أشياء كانها صحتني من النوووووووووووم ؟قلت كيف ؟قالت الإمساك يسبب روائح في المنطقة اللي انت خابرة مهما حاولت ان تنظفيها از تعطريها ؟بصراحة بغيت أصيح بأعلى صوتي ؟معلومات جديدة نكبر ولا أحد يعلمنا عن هذه الأمور قاتل الله الجهل !وفي رواية أخرى قلت :لو كان الجهل رجلا لقتلته !!!!!!!!

المهم ..قالت ترى رحمك بالباب ؟قلت وش بابه ؟قالت شوي ويطلع على برا ؟قلت حسبي الله ونعم الوكيل زين ما طلع وسير على الجيران !


قالت شوفي حبيبتي نزول الأرحام أمرها سهل راح امرخك في كل دورة وان شاء الله تطيبين بس لا تشليين أشياء ثقيلة وخاصة وقت الدورة أو نفاس ؟قلت ابد ما يصير خاطرك إلا طيب يا بنت الأجواد !

طبعا مرختني ثلاث دورات وطبعا دفعت لها فلوس حق التمريخ !


أما الموضوع الثاني (خراب المعدة )قالت شوفي ابذكرلك وصفة خرافية وسحرية وبتدعيلي بس اللي يكرهونك لا تقولين لهم أبد مدى الحياة وبعد شغالتك انتبهي منها لا تشوفك وانت قاعدة تاخذين هالوصفة !قلت أبد

وقالت لي هذه الوصفة راح تعالج أمور كثيرة عندك مو بس معدتك يعني راح تزينين وتزين بشرتك الباهتة !(والله انها جاءت على الجرح )وأقول ورى بشرتي باهتة مهما سويت فيها ما ينفعلها شيئ اثر المصيبة بالمعدة وقالت لي بعد شهر من استخدام الوصفة راح تشوفين وجهك بالمراية وتقولون يا سلام سلّم معقولة الطخمة أنا !وراح كلن يلاحظ التغغيرات حتى زوجك قالت بس لا تقولين لأحد حتى زوجك !وإذا سألك أحد قولي عادي انا سامنة حبتين !

وقالت لي هالوصفة استمري عليها مدى الحياة ما راح تضرك زي ما تاكلين رز خوذي هالوصفة !لكن يا أخواتي انا أخذتها أربعة شهور ومن الشهر الأول زنت وفعلا لما اشوف نفسي بالمراية ما اصدق اني انا تغير شكلي اثر الإمساك مو هين لاعب فيني لعب !

الهم أليكن الوصفة (تبي تقولون وش هالخطبة الطويلة العريضة )وأقولكم المخرج عاوز كذا !(تعرفون عنصر التشويق مهم !!!!!!!!!!!!!!!

بسم الله نبدأ ...


قالت تاخذين على الريق الآتي تخلطين (ماش +فلفل أبيض +زنجبيل )طبعا كله مطحون وبنسب متساوية !

ثم تاخذين قد ملعقة صغيرة من تلك الخلطة مع حليب حار وتخلطينهم مع بعض +سبع تمرات وبسسسسسسسسسسسسسس!

طيب انا سألتها عن كل واحد منهم بالضبط وش فايدته ؟

قالت التمر +الحليب حق الإمساك راح يكنس معدتك كنس ويشيل الالتصاقات اللي فيها !

والماش معروف فوائده للظهر وجبر الكسور يعني مثل الحلبة والزنجبيل معروفة فوائده أيضا والفلفل الأبيض يا عيني عليه !كيف ما نعرف فوائده ؟قالت لي تعرفين ليش الاندونسيات زينات من تحت علشان الفلفل الابيض علشان كذا قلت لك شغالتك لا تعرف بالوصفة والله لو تدري انك تاخذين فلفل ابيض ان تصكك عين لانهم يقدسون شيئ اسمه فلفل ابيض !يعني اللي فهمته من الممرخة انه ممتاز للخوا (صوت يطلع من الفرج )وقالت هو بشكل عام مفيد للمرأة ولازم تاخذه على طول تراه مفيد مفيد مفيد بكل ما تعنيه الكلمة من معنى وراح تشوفون فوائده واضحة عليكم !


..ملاحظات هامة ..


_الفلفل الأبيض يختلف عن الفلفل الأسود اختلاف جذري ولونه بهد ما تطحنينه سكري أو بيج !وتراه اشد حرارة من الفلفل الأسود !

_الحليب اللي ما تبغى السمنة تاخذ قليل الدسم او منزوع الدسم !


_التمر اللي ما تبغى السمنة تاخذ السكري حق الثلاجة !


_انا بصراحة في البداية ما تحملت الفلفل الأبيض والزنجبيل فقللت مقاديرهم يعني (كأس ماش _نصف كأس زنجبيل +نصف كأس فلفل أبيض )وخلطتهم مع بعض وحطيتهم بثلاجة غرفتي !

_استمريت على هذه الخلطة اربعة شهور والكل لاحظ التغييرات وأولهم ابو الشباب والكل يسأل لكن كنت اقول سمنة لا أكثر !


يا أخوات اللي يمرون على الموضوع ما ابغى منكم الا الدعاء لزوجي ان الله يهديه ويصلحه الله يجراكم خير واي سؤال انا حاضرة والسلام ختااااااااااااااااااااااام ..


..تراني ما أحلل اي وحدة تنقل الموضوع دون أن تذكر اسمي عليه وتنسبه لي ..


منقول للفائده من العضوه ام رغد و امل ورابيةجزاها الله خير
موضوع منقول بالله ادعو صحابة موضوع وكل من حاول ينقل موضوع

 

[ملكة الجاذبيه]

روعه يابنات انا مستمره عليهاااااا اللي هي الماش والفلفل والزنجبيل والله حلوه كثير

 

[مجنونه هواهـ]

والله صج كلام الاخوات في ناس تقول حب الرشاد مو يزن اقروا هاذا الموضوع ادله بـ الاحاديث تفضلو حياكم
انه يفيد البنتhttp://www.q8yat.com/t907726.html

 

[مجنونه هواهـ]

ابــــــ ابـــ ابــ وينكم بنات وانا اقول بصير تفاعل قوي ومناقشات حدها مهمه ومساعدات حدها عجيبه وين هاي كله

 

[miss non]

حلوو الموضووع
بصراحه استفدت كثير
مشكورات حبيباتي ما قصرتوااا

 

[منو انت]

حبوبه الغسول قبل الدوره الشهريه صراحه انا اخاف استخدمه لان ناس يقولون مو زين وقت الدوره وانا استخدمت المناديل وطريقته سهله تغسلين المنطقه تنشفين بالمنديل وبس ومشكوره عـ مرورج[/quote]



انتي تقصدين المناديل العاديه اذا العاديه كلنا نستخدمهم بس في مناديل خاصه للمنطقه وفي بنات يستخدمونهم مو زين وبالعكس غسول البابونج طبي وحلو