كل ما يخص المدارس تحت سقف واحد

[FoFa stylish]

للصف اولى ابتدائي - حكومة

اول يوم راح يكون استقبال تتعرف على ابلاته و الطلبه و الصف و بنفس الوقت بيعطونكم ورقه فيها الطلبات يعني لا تستعجلون

 

[b2door2]

السنافر ماعندهم فرع ثاني صح
وجرير شنو افرعه غير الي بحولي بااارك؟!

لا امبلا مكتبة السنافر عندهم فرع ثاني بالعقيلة والاندلس ومادي اذا فيه ثاني

جرير ماعرف

 

[النوالنو]

وين أحسن مكان للقرااطسيه

 

[الصابرة المحتسبة]

86روعة
ماشاءالله شغل عدل المشترى عليه بالعافية وخوووش هدية

 

[الصابرة المحتسبة]

اختي ذكريات

وعليكم السلام
عندج سنتر بوينت

 

[الصابرة المحتسبة]

النونو هلا اختي

الحين تقريبا جميع الجمعيات يسوون معارض للقرطاسية وانتي وكيفج

وعندج جمعية وزارة الدفاع

 

[النوالنو]

الله يجزاج خير اختي الصابره

 

[86روعـه]

يعافيج الصابره تسلميييين

b2door2 متاكده انه السنافر لهم فرع ثاني وبالعقيله صج
وين وشلون عرفتي انه فرعهم الثاني لانه مو كاتبين ع جيسهم
حتى لمن تسألين الهندي
يقولج مافيه انا اخر مره سالته من زمان صراحه

 

[b2door2]

يعافيج الصابره تسلميييين

b2door2 متاكده انه السنافر لهم فرع ثاني وبالعقيله صج
وين وشلون عرفتي انه فرعهم الثاني لانه مو كاتبين ع جيسهم
حتى لمن تسألين الهندي
يقولج مافيه انا اخر مره سالته من زمان صراحه

لا من زمان فاتحين فرعهم وححاطين بعد ورقة على باب السنافر ان فرعهم موجود بالعقيلة اذا عندج رقمهم دقي عليهم سأليهم

 

[cawcaw]

مريت مؤيد المير بحولي بلازا خذت نفنوفين مدرسه وعندهم فرع بعد بالبيرق.. سوالفهم حلوه اول مره اجرب اشتري منهم بس موكل المقاسات متوفره للاسف
خذت طقم جنطه ومقلمه وجنطة اكل ومطاره وجم دفتر من سنتربوينت منزلين تشكيله كبييره على كل الشخصيات تقريبا البناتيه والولاديه والاسعار مووايد غاليه وخذت منهم جوتي وانتوا بكرامه
وعلى يوم بمر سيتي ستارز اشتري القرطاسيه واكمل باجي الدفاتر والملفات وهالسوالف بس عقب ماسوي جرد لان تقريبا عندي تشكيله لاباس فيها حق اول كورس
وملابس الرياضه راح اخذ من النصر
اول سنه بالحكومه واولى ابتدائي .. وايد متخوفه.. الله يسهل الامور عالجميع يارب

 

[الصابرة المحتسبة]

بالعافية المشترى اختي cow cow

مكتبة السنافر موجوده بمجمع أوتاد العقيلة فوق

 

[أم بتول*]

كل الأماكن منزلين أغراض المدارس سيتي سنتر وكارفور وجيان بس اللي لاحظتو بكل الأماكن حتى بالاماكن الشعبية أسعار الجناط المدرسية كتير كتير غالي يعني ما كانو هيك قبل هلأ 9 و10 واللي شوي أحلى من غيرها 13 و16 مو معقول هالأسعار حرام هيك يعني اللي عندو 3 او 4 عيال بالمدرسة شو يعمل هاد غير اسعار الدفاتر اللي كل مالها بالعالي
لازم يكون في رقابة على هالأشياء لانو مو معقول هيك كتيررررر عم يرفعو الأسعار

 

[الصابرة المحتسبة]

هلا ام بتول

صج صارت الأسعار خيالية واستغلال موسم المدارس مع ان الجناط مو ذيج الجوده
لكن إحنا مضطرين نشتري

حسبي الله ونعم الوكيل.

 

[النوالنو]

اي والله الاسعار نار بالذات مترو نصب بس نحب نشتري منهم مدري ليش القراطسيه

 

[abouadm]

السلام عليكم بنات هذا رقم وحده جداً ممتازة تفهم الانقليزي مثل الماي تأسيس و تفهيم صج روعة ما شاء الله عليها درستني و درست عيالي و هذا رقمها60333423 لا تنسوني بخالص الدعاء

 

[ام دودو المزيونه]

بالنسبة لي أخذ لبنتي ملابسها من الأيوب والجنطة والدفاتر والاقلام وغيره غالبا مكتبة الروضة عندي ولاء لمنطقة الروضة ومكتبتهم تشكيلتهم فضيعه كل الشركات تنزل هناك بس هذا لسنة بنتي مو راضيه تروح تشتري تقول لا تذكريني بالمدرسة تو الناس هاليومين بوديها غصب
ولدي العام جنطته من مكتبة بالافنيوز يم فانتسي وولد حتي تشكيلتهم شويه مو ذاك الزود بس صدفه شفت له جنطة بن تن وأعجبته بس هالسنة جهزت له من سنتر بونت خذي جنطة جون سينا من عدتها المقلمة ولنش بوكس وخذينا له بنطلون واحد لان ما اعجبوني كلش وقميص واحد وشورت للألعاب وقميصين للألعاب وادلاقات ربطه فيها 5 حبات
طبعا بأخذ له بعد من أماكن ثانيه مثل مارك سبنسر عجيب لبسهم ومذركير بس مشكلتي انه تعقد من كثر ما يبوقون فلوسه وهالمحلات بنطلوناتهم رسمية ومخابيهم مو عميقه الايبوب عنده بنطلونات فيها مخابئ تتسكر فقام يلبس مال الايوب وخله الكشخه
أما جواتيهم أطلبهم لهم من أمازون ماركة بوما حلوه ورياضية و تكد وتشكيلة أمازون اكثر و مو موجوده بالكويت
مثل ما قلت الأدوات مالي غني عن جمعية الروضة

 

[الغلا كله 82]

انا للحين بس سويت لها شنطه طقم مع شنطه الاكل والمقلمه تفصال على صورتها لان كانت عاجبتها حييييل

ملابس الالعاب عندنا كل مرحله لون عشان جذي بس راح اشتري الشورت الاسود بس

 

[أم بتول*]

انا أكتر شي حبيت شنط سنتربوينت أخدت منهم طقم كامل شنطة مع مقلمة مع شنطة أكل والادوات المدرسية كل مكان يعجبني فيه شي آخذه بس اللي بتعرف يا ريت تخبرني رابع ابتدائي الانكليزي 4 أسطر ولا 2
والعربي دفاتر 100 ورقة ولا عادي 80

 

[الصابرة المحتسبة]

عليكم بالعافية

 

[بيت التوت]

شوفوا اي مكان اروح له اخذ نظره علي ادوات المدرسه

بس ماشتريت مادري ليش مالي خلق

والشي اللي لاحظته ان سنتر بوينت أرخص واحلا بالنسبة للجناط

يعني الجنطه اتكون مع المقلمه وجنطة الطعام علي سبع او سبع ونص وهذا أرخص شي