كل متزوجه تفيدنا من تجربتها: شنو الشغلات الي ما يحبونها الازواج عشان نتجنبها؟؟؟؟

[جـمـان]

مــا يـحب الرنــه , ولا لمـا تسـولفين عن الدوام و اذا طولتي وانتي تتـزهبين حق الطلعه
و تشبين الليت واهو نـايم , واهم شي لما تـتــعبـثيـن بالتـلفوووون , ولما احد يدق و تطيـحين اسئله
منو وشيــبي داق .؟

 

[حرم_الغلا]

مايحب الخدامه تسويله شي ماتجيب له ماي ولا تغسل ملابسه ولاااااااااااا شي<< منبطه جبدي من هالشغله
ومايحب انه ولدي تشيله الخدامه..
والحنـه.........والعنـــــــــــــــــاااااااااااااااااااااااااااااااد

 

[dalloah]

الصوت العاااااالي والمناقر

 

[pusy cat]

العناد

المرادد وطوالت اللسان

مايحب تقولينله امك واختك واهلك

ماتطلعين مكان الا مستأذنه منه والشي اللي مايرضى عنه اتركيه

ممممم التحقيقات الزايده وين رحت ووين جيت وليش مارديت علي وووو

 

[تفديني روحه]

بنااات انا خطيبي من النوع اللي شخصيته ضعيفه وما يعرف يرد !!

وانا شخصيتي غير ومرحه وكل اهلي قالولي ليش رضيتي :/

وبنت خالتي تقولي انتي تبين ريال يحس فيج ويطبطب علي واهو شكله مايعرف هالسوالف

وباجر تتحسفين

خرعتني واحس جني تحسفت واستحي ارفض الحين لانه صار كل شي رسمي


شرايكم

اولا مبروك ثانيا على اي اساس حكمتي انه ضعيف الشخصية يمكنه حليم و طيوب
ثالثا على فرضا انه ضعيف شخصية احسن من واحد مستقوي و ياذيج باجر و يطلع لج قرون

دامه صالح و حبوب خلاص بعد الواحده شتبي و الله الي يلومونج الكثيرات منهم حاسدينج و يقولون بقلوبهم باجر تخليه خاتم بيدها انتي عندج كنز ولانتي عارفه ماشاء الله تبارك الرحمن

العناد

المرادد وطوالت اللسان

مايحب تقولينله امك واختك واهلك

ماتطلعين مكان الا مستأذنه منه والشي اللي مايرضى عنه اتركيه

ممممم التحقيقات الزايده وين رحت ووين جيت وليش مارديت علي وووو

بنات بارك الله فيكم الاكثرية متفقات ان الرجال يكرهون العناد و الصراخ

 

[صمت المرافئ]

عن نفسي ... ريلي ما يحب فيني يباسة الراس
وما أغير رايي لو تنطبق السما على الأرض :ggdw:
الرياييل يختلفون
بس على العموم الريال ما يحب :
الزوجة النكدية :eh_s(14):
واللي تعايره <<< هذي بالذات يبيلها ذبح :eh_s(13)::eh_s(13):
النوامة بالنهار ... ما تدري عن بيتها وعيالها وسهرانه طول الليل
اللي ... عباتي وآنا فيها <<< هايته مع صديقاتها :RoadRunner:
اللي مع كل زعل .... ودني بيت ابوي :rgewrg:
​

 

[هواياااااا]

انا زوجى حار بحار :rgewrg:ونظامى ومشينا بساعه :eh_s(4):ما شاء الله عليه لدرجت عودنى على كذا وصرت مثله هههههه00ولا يحب اتاخر بغداء والقهواوولا يحب الصوت المرتفع ولا يحب اعياله يمرضون يتضايق >>>>>>>>> غصب:eh_s(10):
واصابعك مو سواء 000000000000000
وبثثثثثثثثثثثث وسلامتكم:eh_s(8):

 

[فانتا ستروبري]

احس هالشي يختلف من شخص للثاني

مثل رايها ومرات على التعود من اول شي عوديه على شي معين راح يتعود​

 

[رفيقه الأمل]

العناااد

 

[♥ SWeeRa ♥]

ومنكم نستفيد

 

[لياليـ]

لحظه لحظه الحين احنا انقوم انخاف ع مشعرهم او انجوف شنو مايعجبهم او شنو يعجبهم او اهم يطقونه بالطوفه باللعنه سامحيني بس شي ينرفز يعني اهم مو مهمتمين فينا ولا في شعورنا احنا نهتم قبلي مروري

 

[اسرار الغلا]

العناد والنكد

 

[عروسة داجه]

1- الحنة <<< ميزة الكويتية الاولى

2- انج تقطين كل شغلج على الخدامة<< حتى لو سكت زوجج صدقيني ما تكبرين في عينه الا وانتي راعية البيت، صح الخدامة مهمة و ضرورية لكن لازم تكون مساعدة لج، مو انتي مساعدة لها << بعض البنات الله يهداهم ما بقى الا تخلي الخدامة تنام بغرفة نومها بس عشان تصير الخدامة هي راعية البيت

3- مبادراتج بتكون حلوة حيل و بيفقدها زوجج لو ما لقاها و راح يشتاق لها حيل و يحس بأهميتج، و هي أمور بسيطة و صغيرة << مثل المساج عالاقل مرة بالاسبوع، مسجي ايدينه و رجوله وقت لما يقيل الظهر او قبل النوم بالليل \ لما يلبس بيطلع حطيله البخور و بخريه بنفسج \ إذا نوعه يتقهوى انتي قهويه لا تخلينه يلمس الدلة أبد إلا بأندر الظروف
والله ادري في بعضكم يعتبرها دلع، بس جربيها لمدة شهر او شهرين و عقبها بمجرد انج تنشعلين بيحس انه فقد شي مهم و بيحس بأهميتج اكثر


4- إذا طلعتي برا البيت بدونه، لا تطولين و لا تمصخينها بالطلعات، و بنفس الوقت لا تحكرين نفس، بحيث انج ما تعطينه مجال يتكلم، احشمي نفسج قبل لا يجي يوم يقولج انتي هايتة و كله برا البيت فماكو طلعة ، خلي كل شي باعتدال


5- في شغلة البنات عبالهم من حقهم ، و هو فعلا من حقهم لكن والله نتائجه عكسية عالمدى البعيد
و هي رفع الصوت بوجهه، مهما كان الحدث لا ترفعين صوتج الا بحالة وحدة ،، خيانة اي نعم خيانة، لانها السبب الوحيد اللي ممكن ترفعين فيه صوتج وانتي مو متحسفه عليه
لا ترفعين صوتج مهما كانت الاسباب، صدقيني بتكبرين بعينه، وبيحس بأنوثتج، أما اللي كل ما عصبت رفعت صوتها والله العظيم حتى اسلوبه يتغير
ادري في رياجيل مو كفو احترام لكن اغلبهم باذن الله فيهم خير

5- إذا جبتي عيال لا تقعدين تصايحين عليهم جنج داشه تجنيد ، حاولي كثر ما تقدرين ان صوتج ما يرتفع

 

[قطرة من سحاب]

بنااااااااااات نصيحه

ترى الريال مايحب الحرمه اللي تقعد على النت كثير

مهما كانت طيبته بالهاية ينفجر

تخيلوا اختي تطلقت لهالسبب

وتدرون شقال عنه ريلي(قال زوج اختج ماعنده سالفه معقول يطلق عشان هالسبب والله لو اشوفج 24 ساعه على النت ما ازعل ويكفي تقومين بواجباتج وحقوقي وباقي اليوم كيفج سوي اللي تسوينه)

تخيلوا هالكلام قايل لي اول الزواج اوكي المهم الحين وبصراحه طولت قعداتي على النت خاصه على هالمنتدى والماسنجر

تدرون كل يوم يقط علي نغزة وآخرها امس هاااوشني ورفع صوته علي وقال ترى بأضطر اقطع النت عنج!!

بنااات مهما كان الزوج طيب وحبووب بس يطنقر من انشغالج بالنت

مع اني ما اتعدى ساعتين على كل قعدة بس خلاص ماصار يتحمل انتبهوا بنات

 

[سكـــرهـ]

العناد والتطنيش

 

[ماريا الجهراويه]

الحــنــه

والعنـــاد

 

[غرقانة بالحزن]

اهم شي لاتحطين مكياج وايد باليل وانسي شي اسمة زري
لوووووووووووووووووووووووووووووووووووووووول
واذا شاف مباراة لاتكلمينة ابدا

 

[اخاف اقول تتغلى]

اب اب

 

[maku-sh'3l]

-ما يحب لما احلل الموضيع على قولته لا تفجيجينها .... يعني اذا سوى شي اقوله ليش جذي اكيد مسوي جذي على شان جذي <<< مشروع بوضح لكم يعني :krkrkr:

-يتنرفز حييييييييييييل لما اخش عنه شي حتى لو كان تافه يقولي بداية الموضوع تافة بعدين لا صار شي ما اقدر اوقف معاج لاني ما ادري شسالفه

-ما يحب اني ابين له اني عادي اقدر ادبر اموري بدونه يعني لو بغيت اروح مكان و قالي روحي باجر عشن اكون معاج اذا قلتله لا عادي سهالات اقدور اسويها بروحي .. احسه يتضايق بس ما يبين :eh_s(2): يحب لما اعتمد عليه بكل شي و اني ما اعرف اسوي شي بدونه :eh_s(7): الله يخليه لي

-ما ادري عنكم بس انا احب اطول اظافري و اصبغهم و اهتم فيهم بس من تزوجت اول الايام زوجي لما امسكه يقولي اي اي شنو هذا اظافرج :eh_s(4): و دايما لما امسكه يتشمخ بالغلط حبيبي .. بعدين قالي قصيهم انتي مو قطوه جسمي كله خرايط من اظافرج بالبدايه كرهت الوضع و ايدي احسها قرعه بس تعودت

-يكره لما اكون متضايقه و ما يقدر يسوي شي بخصوص الموضوع يعصب حيل و يزفني يقولي لا تتضايقين ما يحب يشوفني متضايقه :eh_s(7): يعني لو كنت راده البيت متضايقه من وحده من رفيجاتي و لا شي ما يقدر بعد يروح يزفها .. بس يعصب لا شافني متضايقه يقولي بالطقاق اللي يطقه لا تتضايقين عشانها و خل تولي و لا اشوفج ترافجينها مو كفو اللي تضايقج لا تعطين احد ويه و لا تصيرين طيبه و تسكتين عن حقج :eh_s(14):

- أكثر شي ينرفزه لما اسكت على الناس انا نوعي مسالمه زياده عن اللزوم و اكره هالشي فيني عادي عندي الناس يدوسون علي و ابستم لهم ما اعرف لاني وحيدة امي و من و انا صغيره دايما معاها البنت الوحيده فما اعرف اتصرف اب وايد مواقف و اسكت حيل اتكاليه من ناحيه " الدفاع عن النفس " :eh_s(1)::eh_s(1): و صج دايما اذا حس اني ما دافعت عن نفسي عادي يوم يومين ما يكلمني يقعد معصب يقولي مو مرتي اللي يغلطون عليها و يقثونها و تسكت :eh_s(2): احبه و الله و الله اموت فيه يا رب يخليه لي و لا يغير علينا

- ما يحب لما اقوله ما اعرف اطبخ :bbbiu: معني صج ما اعرف :eh_s(7): و اهو يطبخ احسن مني بس يتنرفز لي قلتها و يحب اسويله اي شي حتى لو خبز و جبن :ch12:
- يتنرفز لما اسأله عن ربعة يعني لما واحد يكلمه اقوله منو يقولي رفيجي و خلاص شكو تسئلين :eh_s(14)::eh_s(14):

- يكره كلمه يلا ! يعني اذا قلتله يلا يلا قوم و لا يلا ناكل و لا يلا لا نتأخر يصير مخلوق متوحش يقولي انا مو اضغر عيالج احبج اوكي بس مو تقعدين تذليني :eh_s(4): عنده هالكلمه عيب و معناته ان اهو عبد ابوي ... فشلت كلمه يلا من قاموسي:eh_s(8): .. يعني اقوله حبيبي قوم تغده بس يلا غده مستحيل ما ادري ليش شكله في عقده من الطفولته او شي

- يكره المكيااااااجججججججججججج !!!!!!!!!!!! عنده الحمره امبي وايد و ما يحب احط شي على ويهي غريب بس اريحلي :rerrerek:

و بس اتوقع هذا كل شي و يختلف من ريال لي الثاني :gathering:

 

[dectora 7elwa]

الصوت العالي
والبوووز اول ما يدخل البيت