كل مطلقة لازم تدش هالموضوع، بقولج شي

[حسبى الله ،،،]

والله كلامك راىع فديتك

بس احب اخبرك شغله يمكن تكون خاصه بس تحكي عن معناتي يمكن تخففين ب اسلوبك الطيب معي

بنات تتكلمين عنهم ذول تزوجوا عن طريق اقاربهم انا وخواتي تزوجنا عن طريق خطابه

مو انا ماعندنا احد وايد جماعتنا بس خلاف معهم يعني أبوي من قبيله امي وغيرة فا مانختلط وياهم بذات موضوع زوجات

بس الي حبيت اوصله لك احنا مخرج ؤحيد نتزوج به طريق خطابه امي تعرفها وثقه هي زوجت كل خواتي وزوجتني مع أبوي سال عنه بس ابوي كبير شوي بسن يعني لو بحث اكثر يمكن نلاقي شي يمنع بس حتي فترة ملكه كنت دخلت اسمه وشوفه يغازل بنات ليته من وقته فسخت ملكه لكن صار صار

مويهم احنا مالنا بزواج من بعد الله سبحانه الا ذي خطابه يوم امي كلمتها ققالت بنتك مطلقه ي حبيبتي صعبه كل عندي علي حريم ولا ابو اطفال لين بديت
اتنازل شوي عن احلامي وقلت اخذ ابو اطفال احس ماحط يديني بنار ودخل مع شريكه ومشاكل انا مارضاها لي ولها
كنت اتمني مطلق منفصل وبقريب لسني لكن ربي اراد هالشي. يجونها عيال حمايل وجاويد بس كلهم يبون بنت

تخيلي حتي مطلق ماينظلم مثلنا مايعيبه شي لا صار منفصل بثلاثينات ياخذ بكر
انا بقول مراة مسكينه والله تطلق بكل سهوله ولا مراعاة مشاعرها الحمد الله اعرف هالشي حكمه من ربي العصمه بيد رجل بس للي يستاهلها مو يستعملها ادة حادة يطعن به مراة ويظلمها. يوم تكلمني فلبينيه كوفيرة هي كانت تقول عندهم قوانين الرجل مايطلق المراة الا بذنها ون طلقها بدون سبب ي ويله لهم انظمه بس حسيت ب العدل فيه مراعاة مشاعر المراة حنا يجي معه شهود خمس دقايق جراءت ويخلص بدون اي حقوق او اخذ اذنها بذات ماغلطت
اكو رجال ظالمين بس رجل يعيش حياته بنت لا مجبورة تنازل وتقبل الوضع لو بيدي انا اختار رجال لنفسي اقول هذا يناسبني بس ملزومه اقول لنفسي خلاص راح الشاب الي تحلمين به ماكنت افكر بشكل بس العمر واخلاق وذريه نربيهم سوا

كلل الي عليه الحين ارضي بقسمتي ودعي ربي واحلامي اودعها وقول خلاص برضي في الي جاي بس علي اقل يكون قريب لعمري يارب م يخالف معه اولاد ولا
اهم شي اشوف اولادي الي احلم فيها الامومه لما اتذكر الدنيا مو دار بقاء دار فناء مو مخلدين فيها تهون علي جروحي

ماعليش تعمقت وكنت صريحه بس خاطري اطلع الي بقلبي دعواتك ربي يوفقني ويسعدني عاجلا غير آجلا...

 

[حسبى الله ،،،]

انا من السعوديه هو ترا لو بيخطب ماحد بيعرفني بيروح خطابه ثانيه
لنفرض قال مطلق بيحطها براس البنت الي مثل ذول يسوي اي شي للي يبيه لانه ماعندة ذمه وضمير
لكن الحمد الله علي قضاء الله وقدرة انا مايهمني هو اذ ربي وفقني وسعدني مع غيرة بس مقهورة الان لاني مجروحه
اتمنا له الموت ومرض بدون شفقه ورحمه لانه موتني وانا حيه عمري ماتصورت الظلم بخصوص امور الطلاق لبنت كيف يعذب نفسيتها لما جربت وحسيت
انا الحين مرتاحه مو مثل اول لكن تفاىلي بشاب لي وشريك حياتي وحيد حلم تحطم

الحمد الله ع كل حال..

 

[توتة UAE]

حسبى الله ،،،
البنت العشرينية اللي تزوجت واحد بنفس عمرها مب من أهلها ولا يقرب لها من بعيد، هو شافها في دوامها وحب شخصيتها، وتقدم لها . .
يعني مب كلهن يوهم من الأهل وأنا خبرتج قصصهم مب عشان تقولين هيه هالبنات كان عندهم فرصة سهلة يتزوجون مرة ثانية لأنه هذا يقربها وهذي تطلع تشتغل الرياييل يشوفونها وأنا غير كل شي لا، يا حبيبتي عشان تشوفين إنه الشي مب مستحيل، هالبنات طبعا شافو نفسهم مطلقات يعني عندنا فرصة أقل نتزوج واحد زين محترم، والبنت اللي تطلقت عقب سارت تشتغل كانت تفكر أكيد اللي فالدوام بيشوفوني بنظرة سيئة لما يعرفون إني مطلقة، وكانت تشوف بنات جميلات مؤدبات وياها فالدوام فكرت الحييين الرياييل بيودرون هذيله وبيفكرون فيني كزوجة! نعم؟ بس سبحان الله، رزقها الله من حيث لا تحتسب . . زوج صغير ويشتغل وياها في نفس المكان!! يعني كان يروم يتقدم حق البنات الصغار بس قلت لج الحين مب مهم هل هي عذراء أم مطلقة؟ الله يخليج التفكير السلبي خليه لا تيلسين تعددين لي العوائق اللي تمنع زواجج من شخص طيب وتقولين انتو إماراتيات مجتمعكم متفهم نحن لأ، ترا كلنا بنات يعني البنت لو تطلقت كلنا ناكلها ناكلها لو من الكويت ولا الإمارات ولا السعودية . . وهالحالة طبيعي كل بنت تعيشها أول ما تتطلق، لأني أعرف بغض النظر منو كان الظالم والمظلوم دوم البنت تكون الضحية، لأنه هالشي يكسرنا أكثر، نحلم بالزوج اللي نعيش وياه بحب في بيت ونيب أطفال، وآخر شي ينهدم ف لحظة. .إنسان سيء ما يستاهلج يهدمه لا وهو شو عليه من طلع فالدنيا يلعب يمرح يسافر يغازل يرقد ينش ياكل يعني أصلا عايش حياته وشبعان
أنا أعرف كل هذا . . لكن ما أركز عليه ولا أيلس زعلانة أقول ليش مانروم نسوي جي وليش مايخلونا، لأنه هالتفكير لا يودي ولا اييب، لا امبلى
يوديج لمكان، يوديج لحياة أسوء . .تفكيرج عن مستحيل اييني زوج صغير خلاص حلمي تحطم وشكلي باخذ واحد عنده عيال، بيضرج.. المفروض
دام تعرفين إنج في حالة نفسية مب زينة، تحاولين تغيرينها مب تثبتينها أكثر..لا تتريين حد يغير لج وضعج، زوج يديد ولا صديقة تواسيج ولا اي
حد لا تترين حد انتي بنفسج غيري من نفسج دوري طرق تحقيق الدعاء اقري قصص، احضري أعراس لكن لو سمحتي لاتحضرين عرس و
انتي ويهج حزين وإلا ايلسي فالبيت مانبا الناس يرمسون عنج وانتي مب ناقصة شي الحين، تواصلي ويا ربيعاتج يعني لا تقولين الخطابة هي
الطريق الوحيد لزواجي، انتي مب عالمة غيب ماتعرفين شو المكتوب لج، وحتى لو عندج 10 خوات وكلهم تزوجو عن طريق الخطابة، لا تحطين
فبالج انها المخرج الوحيد لي، خلي أملج بالله ♡ هو اللي بييب لج الزوج اللي تبينه، انتي مايخصج كيف ومن وين وشو الطريقة، انتي اللي
عليج تطلبين من الله وبس . . مع ذلك لو تبين نصيحتي (طبعا انتي براحتج سوي اللي تبينه) لا تفكرين بالزواج الحين، أجليه شوية لين ما
تطلعين من هالحالة النفسية تماما . . وقتها تكونين مرتاحة ومستانسة وتفكرين عدل ولما اييج الزوج تستانسين وتنشغلين بعرسج بدون
تذكر الزواج السابق، ذكريات الأخ ما بتضايقج ولا بتخرب عليج أيام البنت المفروض تكون فيها مشغولة بنفسها وعرسها . . شي وايد أسباب
غير هالشي بس فديتج عطي نفسج وقت حقج وبس، لا خطيب ولا زوج يدش حياتج هالفترة، ركزي على نفسج كيف تونسينها وكيف
تطورين من شخصيتج، عشان لما تتزوجين تكونين وحده قوية واثقة من نفسها تدخل عش الزوجية، مب وحده مجروحة للحين تتألم بعدها
ما نست الزوج السابق وظلمه لها . . الحين طبعا بسبب حالتج النفسية تشوفين زواجج من زوج صالح مستحيل وطبعا لو قلت لج ألف قصة
عن بنات تزوجو بتشوفين اللي مروا فيه سهل أما وضعج هو أسوء وأصعب شي . . بس وكالعادة ( لازم أحط خط تحت كلمة كالعادة وأكبرها بأكبر حجم وأخليها مب بس بلون أحمر إلا ألوان قوس المطر ) لما تنتهي أزمتج النفسية واييج واحد حنون وصالح وتتزوجينه وينتهي موضوعج
بتي وحده غيرج توها متطلقة أو من زمان وتقول الريال مايعيبه شي بيتزوج 4 بنات صغار أما أنا استويت مطلقة محد يبا وحده مطلقة ومن
هالكلام . . ولما أقولها ترا أعرف عضوة نكها حسبي الله تزوجت بظاااالم بهدلها شهر ونص عقب طلقها وحليلها وايد تألمت وعانت لكن عقب
فترة يو ناس يخطبونها شافوها ف عرس حضرته ( مثال ) والحين ما شا الله ف بيتها ويا ريلها وعندهم عيال . . بتقولي هيه هو طلقها وكل
حد يعرف أخلاق هالريال وهي ماتمت وياه وايد يعني ما عاشت حياة وياه بس أنا عذبني سنتين وعندي ياهل الحين ، منو بيتزوج وحده
مطلقة عندها ياهل وترا حسبي الله ماكان عندها يهال طبعا عادي بيتقدمون لها، وترا نحن ماعندنا أهل وايد وين أحضر أعراس عشان
يشوفوني؟؟ حسبي الله سارت حفلات واستانست وكل حد شافها .. الخ

عالعموم حبيبتي عطي نفسج كم من شهر لين مايخف ألمج، ما أتوقع منج تنسين كل شي وتعيشين حياتج مرة ثانية ف شهرين . . لو تبين تزعلين ازعلي لو تبين تصيحين صيحي لكن لا تنسين تيلسين ويا أهلج كل يوم وتقرين القرآن كل يوم وتهتمين ببشرتج وشعرج وتداومين على
أذكار الصباج والمساء والشي اللي بتستمرين عليه ( دراسة، شغل، دورة، هواية )

وتصبحين على يوم أجمل ♡

 

[حسبى الله ،،،]

كلامك مرة مريح فعلا انا مريت بازمه نفسيه صعبه
بس قادرة بحول ربي اتجاوزها
فعلا كنت تعبانه مهمومه واهلي يحاولون يخففون عني بس انسان مساعد نفسه بنفسه
صعبه احد يساعدك ليه م أكل زين يقول متغيرة لا تسولفين ولا تضحكين طول وقتك ساكته
والله لو اققولك ايش صابتني كاىبه لدرجه درجه ماشتهي اكل ونحفت
وجهي حزين من بعد ماكنت الابتسامه مشرقه بوجهي
عيوني كانت فيها تفاول وحب الحياهة
بعدة جرحها الدموع


اايام الي رتميت فيها بحظنه عبالي مستقبل والامان... بسهوله اعطاني ورقه طلاق مافيه سبب هذا اثر فيني لانه عاملني محبه واحترام بس يتسلي مو بضميره


اكيد كلامك يعطيني التفاىل ورحمه وعطاء من ربي
الحمد الله الهم لا اعتراض علي قضاء الله وقدرة

 

[توتة UAE]

فديتج خلاص خليه يولي هذا مايستحي على ويهه، الحين أهم شيء انتي ركزي في نفسج وبس
فقدان الشهية والكآبة والضعف كلها أشيا تدل على إنه وضعج تمام، لأنه البنت أول ما تنفصل تمر
باللي ذكرتيه . . لا تضغطين ع نفسج عشان تطلعين من حالة الحزن، لما تمر شهور من نفسج
بتعيشين حياتج ولا كأنج البنت اللي كانت مكتئبة، وعادي تستغربين من نفسج كيف ماتحسين
بالحزن! ارقدي فالليل ونشي الصبح وعيشي اليوم اليديد بأفكار يديدة، الحين وضعج غير يعني
المشاعر لازم تكون غير، في كل يوم عطي كل شي حقه، للأكل وللعناية بنفسج وعبادة الله واليلسة
بين الأهل وهواياتج ومساعدة اللي في بيتكم . . ربي يوفقج حبيبتي ويسعدج ويرزقج بالخير :*

 

[بنوته كيكه]

حسبي خلي لش ثقه برب العالمين صدقيني لا حطابه ولا عن طريق اقرب كل واحد ياخذ نصيبه اللي ربي كاتبه حسبي سوا رجال ينظلم او مرا انا بقولج سالفه اخوي تزوج وقعد سبوع اللي زوجته اطلبت الطلاق وستغرب اخوي ليش والله ماحبك ماعجبتني بعد كل هل مخاسير وبعد العرس. ليش وفقتي الزواج مو لعبه مسوليه مع الاسف انه للحين كل يشوف الزواج لعبه احتي الرجال اذا جا يخطب وطلع مطلق. اكيد فيه شي فيه عيب كل واحد علي حسب تفكيره بس صدقني الرزق عند ربي ولا تفكرين ياما عزاب خذو مطلقه وياما مطلق خذو عزبات. كل شي قسمه ونصيب

 

[توتة UAE]

للرفع​

وايد بنات لما ينفصلون يحاتون كلام الناس . . ترا لما كنتي بنت أو متزوجة وما تطنزتي على وحده ولا عايرتي
مطلقة، انتي بعد محد بيرمس عنج بالسوء . . لأنه كل حد يعرفج انتي كيف كإنسان وشخصية . . ولما المطلقة
تقول الحين وين بسير من كلام الناس . . أنا أقولج مب الناس إلا الحريم للأسف محد يخرب على الحريم إلا
الحريم نفسهم . . مادري من شو بالضبط بس ممكن يحسون إنه وحده أحسن ف يرمسون عنها يعني تنافس
وممكن حقد عافانا الله . . بس المهم إنه نحن تطورنا وتثقفنا وفاهمين الأمور أفضل وأحسن من قبل . . وهالفئة
من الحريم قامت تقل . .

إذا تطلقتي أو انتي في مرحلة الطلاق تأكدي هذي مرحلة وبتمر . . تجربة وبتستفيدين منها وايد . . عطي نفسج
فترة نقاهة خذي بريك واستانسي بالعزوبية شوية لأنه بعدها بتتزوجين ريال أحسن بمليون مرة عن اللي قبله ؛)
إن شاء الله ♡

 

[فتاة الكوخ]

الله يوفق بنات المسلمين يارب

 

[Pinky -cat]

يعطيج الف عافية والله على هالموضوع

 

[توتة UAE]

فتاة الكوخ و Pinky -cat
مشكورات :*

 

[ظبية بوظبي]

ربي يسلمش يا توته قريت كلل كلامش
الله يجعلش دايما سعيده وحماسية

 

[توتة UAE]

ظبية بوظبي

مشكورة حبيبتي أجمعين يا رب

 

[بنك بااستا]

استغفر الله العظيم
استغفر الله العظيم
استغفر الله العظيم

سبحان الله وبحمده

سبحان الله العظيم

 

[الدلوعه2008]

جزاج الله خير