كل من قامت اتنهوص ،، عسى ما شر ؟؟ شفيني انا ما تنهوصت للحين !!!

[( مي )]

قوة بنات















بنات التنهوص زايد
وهاليومين وايد اسمع تنهوص البنات
سمعتوا اللي امس دقت على أحمد الموسوي في برنامج تراي اللي تقول ( ندارة ،، يعني نظارة ؟؟ ) وقامت يحليلها اتدلع ذايبة حدها
بس تبون الصج ؟
ماشالله دلع الدنيا وكلامها حلو ،، مهما احنا يالحريم قلنا ويع وما تستحي ،، بس هذا اللي ازواجنا يبونه منا
يمكن اهي مصختها لما قالت حمودي عفية وحمودي اللي يخليك هني مصختها شوي

اليوم هم دقت علي وحده النمرة غلط
امبييييييييييه لو سامعينها شلون تتكلم !!!
قلت الحمدالله انا اغلطت برقمي مو برقم زوجي
لوووووووووول
:ggdw::dddds::ggdw:

الفئة اللي اتكلم عنها
مو نفس كلام حليمة ،، لا لا كلام حليمة مو حلو

الفئة هذي مثل كلام ميساء مغربي ابأدوارها اذا قامت تتدلع وتصير عيارة

قمت افكر
اقول وشفيهم هذول يتكلمون ويتميعون جذي وانا لأ ؟؟

اهم اناث وانا نص انثى ؟؟ لوووول

ولا سالفة هرمونات انوثة طافحة عندهم ؟؟

ولا من صغرهم تعلموا يتكلمون جذي ؟؟؟

ولا شالسالفة ؟؟

ليش اهم يقولون سح وانا اقول صح بالفم المليان
ليش اهم يقولون ندارة وانا اقول نظظظارة ولساني واصل لي سري وانا اقول حرف الظاء لوووووووول


انا شكلي بدش دورة بالتنهوص لووول​

 

[لاتينيـه]

هههههههههههههههه بدش ويآج
تغطين وتردين لنآ بموآضيع عسل
لآ صج اكو دلع حلو وتنهوص ينبلع واكو لآ
بس اقولج شي اغلبهم مو من كانو صغآر لا !
يعني عودو روحهم عليه

قبل فتره رحنآ نخطب حق خآلي والله قبل الزواج
كلآمهآ عآدي
بس يت لنآ البنت صآر كلامهآ غييير قآمت تتنهوص ودلع وتمد
بالحجي اهو صج حلو بس لي سولفتي ويآهآ غصب اتييج النومه
سآعآت ودي بس مشكله اخآف من الطنآزه هههههههه

 

[Un-6be3iya]

هههههههههههههه يا حلوج و يا حلو مواضيعج p:
والله مادري سهلة السالفة مايبيلها شي جابلي ميساء و غيرها وتعلمي منهم و طبقي شوي شوي يعني يوم قطيلج كلمة يوم كلمتين تالي خلي سالفة كاملة بهالطريقة بعدين قلبي كلامج كله بهالطريقة و الي يسأل قولي وي شفيكم من عمر انا جذي ! P:

 

[اموله111]

ياحلوتس يامي انتي وسواليفك
انا ماعرف الدلع واحاول اتصنع هم ماعرف مدري وش سالفتي
يبي له جراه وانا استحي من الدلع
لوووووووووووووووول

 

[مطيريه ماركه]

لآ مي حلآته آلشي طبيعي وبـ حدود مو حلو آلتصنع

بعدين زوجج عآرفج من جم سنة صح ؟

شلون كويتي بـ يطوفهآ هههههههههههههههههههههه وآلله يقول يآشين شي مآ شآبه أهله :krkrkr:

آنآ توني عروس لـ آلحين مآبخصني عدل أتدلع ؟ بس خوفج تطلع آلدفآشة لآجت آلصجية :krkrkr:

 

[opera]

حلات الشي طبيعي

والتنهوص ترا يبط الراس


احنا اللي فاهمين الدلع غلط !!


وقمنا نتميع ونتدلع ونعم الصووووت


بس ترا يبين انه مو صج !!


والصراحه مصاااااااخه

 

[اميرة المحبة]

حلات الشي أصلي مو مصطنع

يا الوحدة تكون ذربة من صصصصصصصصج ومن غير مبالغة ولا لاتفشل عمرها

يعني اللي دقت عليج بالغلط توقعي شكلها يخررررررررررع بس الصوت حلو

 

[Miss Golden]

حبيبتي ترى الريال يعرف الدلع الطبيعي و الصناعي وماكو احد يحب التصنع صدقيني..

خلج طبيعيه وناعمه و حتى الدلع يطلع منج طبيعي و حلو ومالج شغل بغيرج

​

 

[تعويذه الحب]

اممممممممممممممم
انا عن نفسي ليش امي اجنبيه ففي بعض الحروف ما نلفظها عدل فتلقيني اتكلم احم احم جذي بس والله انا صوتي جذي وكلامي جذي ما اتصنع

ومره صارلي موقف بالمستوصف كنت اسال عن دكتوره اسنان بشوفها مداومه ولا لاء والكاتبه تغمز حق رفيجتها وراحت يمها تقولها تعالي

سمعي صوتها وشوفيها شلون تتكلم , انا سمعتها شوي ولا يو ثنتينهم وردت قالتلي انتي اي دكتوره تبين عشان اتكلم انا هني ويهي صار احمر

من الفشله قلت لا مو ضج امبيه وقعدت ادرب صوتي على الخشوونه وانه اتكلم عادي بس ما قدرت



بس الحمدلله كل اللي يعرفني يعرف ان صوتي جذي وانا ما اتصنع الدلع بس في ناس الله يهديهم يغارون

واهم شي ريلي الحمدلله مستانس على كلامي و عاجبه

 

[زيــنه]

يازيييين الوحده على طبيعتها

 

[موت وميلاد]

امبي بالضبط نفس تفكيري

انا ذيك المره اقول حق رفيجتي بالدوام ليش كل البنات يتنهوصون الا احنا

جان تقولي لانه ماعندنا سالفه

شوفيهم مضبطين عمرهم عدل مع التنهوص واحنا مالت علينا انا مطلقه وانتي عانس لوووووووووووول

 

[ياااقوته الكويت]

يااحلو مواضيعج

والدلع حلوو بس عاد مو تنهوص !!!!

وما اعتقد اي وحده ما تعرف تتدلع على زوجها !!!

بس اللي نسمعهم هاللحين اللي نفس حليمه ولا نفس ميساء على قولتج ما يعجبوني !!

حلات الوحده على طبيعتها مو تتصنع

ووواااااي مرات اتفشل من تنهوص البنات خاصه لي دقت وحده على برنامج بالتلفزيون

وااااااااااااااااااااااااااي يااخزيااه والله استحي

ودمتم

 

[فلونة احلى وردة]

ههههههههههههههههههههههههههههههههه
هههههههههههههههههههههههههههههههههههه
مت
صج ناقصتنا هرمونات انوووووثة
سامعة بعيادة تقزها بابرة ما تعور



ههههههههههههههه
يا قلبي انا بعايلتي ثنتين فجاااااااااااااااااااة جكم بكم صاروا مثل حنييييييييمة
التاااااااااااااااااااااااااااااااااااولة = الطاولة امبيييييييييييييييية مو سج

اقول يا شين السرج على البقر
انا ما تطلع افكاري وشخصيتي الا اذا كنت انا انا
والله يعين بعلي العزيز
وهو ما يشجع يقولي اذا تدلعت
عسى ما شر مرررررررررررررررررريضضضضضضضضضضضضضضضضة
يما منة ما يشجع
يمدحون كوني نفسج تجذبين اكثر

 

[شنكولة]

ههههههههههههههههههههه
انا اعرف وحدة نعرفها ايام المدرسة كلمة صبي اشوي عليها وشوفيها يوم تزوجت زوجها يذوب لما تناديه من كثر الدلع اشلون صارت جذيه مادري
واحنا لا انوثة ولا هم يحزنون خخخخخخخخخخ

 

[alb7ranya17]

لا من قال رياييلنا يبون جذي رياييلنا ما يحبون المياعه الزايده انا عن نفسي وعن ريلي ما يحب جذي يحب الدلع الي بتكانه مو بمياعه ومصاخه

 

[وهج الخير]

عفيه يكفى الباص انا بدخل الدوره معاكم

 

[kekat kakaw]

لوووووووووووووووووووول ضحكتيني اي والله مادري اشسالفتهم .. انا ملاحظة بالدوام التينيجرز اهم اللي اكثر يتنهوصوووووووون على قوووووووولتج

 

[الحور العصيمي]

ههههههههههههههههههههههههههههههههههههه

إي والله شسالفة الدلع هالأيام يقولون صاير موضه الدلع هابين فيه البناااااات

بس أنا من رأيي إن شي إذا صار عفوي وطبيعي أحلى يدخل القلب بسرعه<<<هذا أهم شي
خخخخخخخخخخخخخخخخخخخخخ

 

[رورو 88]

ممممم ماكو احلى من الدلع احسه يطلع تلقائي لما اتكلمين لوووووول عودي نفسج مي مع التعود كل شي يصير

 

[Tutti-Frutti]

لـووووول

يـا وخـيـتـي والله مـو حـلـو الـدلـع الـمـصـطـنـع

سـاعـات اجـرب صـوتـي بـالـدلـع
:krkrkr:

فـلــــــــــــــــــــــــــــــــم والله

اقـول خـل ارد عـلـى صـوتـي وطـبـيـعـتـي وايـد ابـرك واخـلـي الـدلـع لاهـلـه

شـلـي بـالـدلـع وتـالـي يـقـومـون يـتـطـنـزون عـلـي .. لـيـش ايـيـب الـحـجـي حـق عـمـري :dddds:

وبـعـديـن خـلاص كـل الـنـاس عـرفـو صـوتـي واشـلـون اتـكـلـم
فـحـتـى لـو بـتـدلـع راح يـعـرفـون انـه مـصـطـنـع

فـخـلـج عـلـى طـبـيـعـتـج احـلـى :eh_s(6):​