كل وحدة تقولنا .. شتسوي بالكتب الدراسية حق اعيالها بعد انتهاء الدراسة؟؟؟؟؟؟؟

[برونزية رشيقة]

شلونكم بنات :eh_s(7):

يلله كل وحدة تقولنا شتسوي بالكتب الدراسية حق إعيالها بعد انتهاء الدراسة ( العام الدراسي) :bbbiu:

تحتفظ فيهم ؟؟؟ وإلا توزعهم حق ناس بنفس المرحلة الدراسية ؟؟؟؟ وإلا سيييييييييييييدة على الزبالة ؟؟؟؟


خل نسمع مشاركاتكم :ggdw:

 

[أمووونه]

هلا حبيبتي
قبل كنت اخشهم حق بنتي الثانيه .. ولما شفت نفسي ما استفدت منهم .. سيده بالزباله ماعدا كتاب الاسلاميه والقران
بس هالسنه وداهم زوجي حق الجمعيه في هناك حاويه حق الجرايد والكتب

 

[ديانا سبنسر]

عيالي بعدهم صعار مايرحون المدرسة بس اذكر قبل امي ماتقط الكتب تقول تستفيدون من الصور اللي بالكتاب ويستفيدون اخوانكم من كتبكم وانا راح اطبق طريقتها ان شاء الله

 

[قدها وقدوود]

بوسط جناطها وسيده بالشارع يم الزباله مو وسطها اخاف اخذ ذنب الكتب الدينيه

 

[Om_Ksha]

اذكر ابلات قبل كانو يطلبون كتبنا القديمه ,,

 

[أغلى حبيبه]

لا حرام ليش الزباله


من يخلصون المدارس ايمعهم وادق ع اللجنه تاخذهم

بس اخلي كتب العلوم والاجتماعبات حق الصور

 

[النوري نور عيني]

اول كنت اخشهم بس ما استفدت منهم بعدين يوم دريت انه في لجان خيريه تاخذهم مع الجرايد ادق عليهم وباخئونهم ...

 

[مسك حياتي]

خوش موضوع ...

مبتلشه بكتبي ...

يعطيج العافيه ...

 

[برونزيه شقرا]

جم رقم اللجان الخيريه

 

[أم يزيد &سديم&]

أنا عندي ولدي واحد هو اللي يدرس كتبه اخته تستفيد منها تلون وتقرأ وتكتب فيها بالعربي ماأرميها أبد

 

[برونزية رشيقة]

عطونا أرقام اللجان أللي ياخذون الجرايد والكتب ..

خل البنات يستفيدون ما عليكم أمر !

 

[شوق الوليف]

اب اب اب اب اب اب اب اب اب
اب اب اب اب اب اب اب اب اب
اب اب اب اب اب اب اب اب اب
اب اب اب اب اب اب اب اب اب
اب اب اب اب اب اب اب اب اب
اب اب اب اب اب اب اب اب اب
اب اب اب اب اب اب اب اب اب
اب اب اب اب اب اب اب اب اب

 

[جديده 1]

باللجان الخيريه اتحصلينهم عند كل مسيد لونها اصفر

 

[!الجادل الصعب!]

ماحتفظ فيهآ اقطهم صرآحه ..!

 

[ام علاوي وعزوز]

هذا رقم لجنه عبدالله مبارك يأخذون الكتب والجرائد ٢٤٣٥٥٥٥٠

 

[برونزية رشيقة]

رفع

بمناسبة العودة إلى المدارس !

 

[حلاتي بندرة وجودي]

نفس البنات يااعطيهم احد يبيهم ولا اعطيهم اللجاان

 

[ليتك هنا]

الله يخليلي بنيات بعدهم صغار ومنكم نستفيد
عساكم على القوه

 

[Lourdez]

حسافه والله قبل جم يوم سويت تصفيه على كتبي ملوت الجامعه .. كل كتبي ملوت مسيرتي الجامعيه قطيتهم تعرفون سلة الغسيل والله انترست مرتين حسافه ياريت لو شايفه هالموضوع من قبل لاني اتحسف اقط الكتب الدراسية احس في ناس محتاجينهم و اصلا اغلب الكتب كلش مو مستعملين بس جذي شكل