كل وحده تقول شقاثها

[فيونكا فوشيهـ]

--------------------------------------------------------------------------------

ماحبيت أقرا الموضوع وأطلع من غير ماأرد
الله يشافيلكم عيالكم ويخليهم لكم
اسأل الله العظيم رب العرش العظيم أن يشفي أبنائكم
اللهم رب الناس مذهب البأس اشفهم أنت الشافي لا شافي إلا أنت
فصبر جميل والله المستعان على ما تصفون

(اللهم آتنا في الدنيا حسنة وفي الآخرة حسنة وقنا عذاب النار)

 

[HearT ChocolaTe]

الله يجزاج خير فديتج .. ويشفيلج كل غالي

 

[الصابرة المحتسبة]

--------------------------------------------------------------------------------

ماحبيت أقرا الموضوع وأطلع من غير ماأرد
الله يشافيلكم عيالكم ويخليهم لكم
اسأل الله العظيم رب العرش العظيم أن يشفي أبنائكم
اللهم رب الناس مذهب البأس اشفهم أنت الشافي لا شافي إلا أنت
فصبر جميل والله المستعان على ما تصفون

(اللهم آتنا في الدنيا حسنة وفي الآخرة حسنة وقنا عذاب النار)

جزاج الله خير
وهذا ان دل يدل على تربيتج الصالحه عسى يوفقج بحياتج

 

[@شمس الضحى@]

رفع

 

[مشاعل الشمري]

:0bee2e8d8

آآآآآآآآآآآآآآآآآآآآآآآآآه على القثى اللي بقولكم عليه اليوم
من أمس وأنا متكدرة بصراحه
عسى الله يحفظ عيالنا يا رب .. الله يسلمكم امس وأنا طالعه من دوامي وأنا بنص الشارع
لقيت بنتين أعمارهم 4 سنوات وسنتين ...يركضوووون بنص الشارع
تتخيلون ، انا انصدمت بصراحه كانت الساعه 6 المغرب @@
شتسوين بهالموقف ..!! وقفت أترك بالليت لهم جان يوقفون ركض وقامو يتمشون
إنهبلت يا بنااااااااااااااااااااااااات يعني لا خادمة ولا أحد كبير معاهم
جت البنت الكبيرة جان تقولي انتي ليش تسوقين سيارة ؟؟ أمي ما تسوق عندنا هندي ؟؟
قلت : عشان أنا بروح البيت .. أنتي ماتبين تروحين البيت ؟؟
قالت : لا أنا بروح الروضه أمي راحت مع الهندي وأنا بروح الروضه ؟؟
قلت : ما في روضه الحين بالليل ؟؟ الروضه الصبح وين بيتكم ؟؟ روحي بيتكم
قالت : زين ومشت تلعب بالحديقه اللي أنا واقفه جنبها ..!!
وتميت واقفه أبيها تدخل لأن كانت حزة صلاة ورجاجيل وايد وهنود يطلعون من المسجد وخفت عليهم بصراحه
فتحت الدريشة وقلت لها تعالي شنو اسمج ؟؟ قالت حور وأختج؟ قالت جمانه
قلت : تركبين السيارة معاي وأوديج البيت سكتت ، جان أكرر سؤالي عليها بس قلت أعطيج كاكاو أذا ركبيتي
جان تركــــــــــــــــــــــب واااااااااااااي بقيت أصيح بنات يعني صج طفوله لما أركبت قلت وربج واحد ماني هادتج
الا لما اردج البيت .. بسرعه ركبت ما ردها شي عن الكاكاو ؟؟؟
قلت : وين بيتكم جان تقول هذاك هناك أمشي وأمشي وألف معاها وأثرها ما تدل
ورجعت فيها مرة ثانيه للمكان وقلت لها انتي من وين طلعتي ؟؟ شوفي هذي الجمعيه ؟؟ جان تقول هني وأشرت على فريج
قلت يمكن طالعه من بيتها وخاطرة الشارع تبي الفرع ودخلت ماكوووووو البنت مو عارفه بيتهم
وتسولف ولا هامها شي .. وااااا فديتهاااااا .. وقفت عند بيت أسأله عن عايلتها هي عتيبيه قال هذا الفريج كله ما في عتبان !!
ولا الفريج اللي ورا ، وتعقدت السالفه وقامت الحرمه ودقت على زوجها بالشرطه وقوم يا الزوج دق على المخفر
الله يعافيه حاول يطلع العنوان قبل لا يبلغ بس ماكو فايدة ما وصلنا لشي .. عقب دق علي المخفر يبيني أوديهم هناك
وي وي شلون أقطهم بعد عمري بمخفر وأمشي بصراحه قلت لأ ماني موديتهم أطفال صغار ولا أبي أدخلهم مخافر .. فديتهم
ورجعت لدوامي وقعدتهم والكبيرة تصيح أبي أمي والثانيه ما تدري عن السالفه تلعب ودق علي المخفر مرة ثانيه
وعطيتهم عنوان الدوام وجوا ... عاد يوم طلعت برا والصغيرة شافت الشرطه وصيااااح ماله أول ولا له تالي
فديتها كسرت خاطري انخشت ورا عباتي ومسكت يدي ولا رضت تهدني والكبيرة قاموا يسألونها عن بيتهم وما تعرف
الا ما اجري ابي امي .. ابي عباتي !!!!
ركبت مع مسؤولتي السيارة مرة ثانيه ورجعنا مكان ما لقيتهم والا في سيارات وايد متجمعه.. يوم سألنا سيارة كانت فيها
مرة جان تقول ان في حضانه دار القرآن بسكة داعوس المسجد .....؟؟؟؟؟؟؟؟؟؟؟؟؟؟؟؟
تخيلوا يا بنات اليهال طالعين منها ولا رقيب ولا هم يحزنون وبعد ما مرت ساعه من البحث جاني تلفون بلاغ ان الحضانه مبلغه!!
أماااااااااااااااااااااانه يا حبيباتي عيالكم اذا دخلتوهم هالأماكن تتأكدون من الأمن
الباب كان مفتوح يوم وصلنا والسايق مالهم قاعد بالسيارة وما يدري شسالفه .. والأبله طالعه من المسجد .. يعني كانت تدور من قريب
حتى ما كلفت نفسها تركب السيارة ... والله العالم قالوا للأم والا لأ ..
أنا البلاغ كان مو مسجل بأسمي واحد موظف معانا سجله بأسمه جزاه الله خير ..فما قدرت أقعد كان لمت رجاجيل والمخفر مشيت
والله معاهم أستودعتهم الله .. والله خير حافظ بس ماني قادرة انسى شكلهم وهم بنص الشارع يركضون
يعني لو سيارة خبطتهم ؟؟؟ من المسؤول ؟؟

أنا ما أقدر أسكت بروح الأحد وآخذ عنوان البنات وبدق على الأم .. هذا شي ما ينسكت عنه .. أخاف أن ما قالوا لها
فديت عيونهم وهم يصيحون ..

:0bee2e8d89:لا حول ولا وة الا بالله العلي العظيم والله بكيتيني واخنقتني العبره اتصدقين صار لي يومين افكر اودي بنتي حضانه ومتردده عشان تتعلم بس ترى زين اللي سويتيه وقواك الله احنا نود عيالنا المدارس ونستودعهم الله خصوصا صرنا بزمن الماده فيه اهم ما يكون

 

[HearT ChocolaTe]

أي والله يا مشاعل أمنتج الله أذا وديتيها تحرصين تشوفين بعينج الأمن أول
بعديت تسجلينها ... والإستخااااااااااااارة يا عمري لا تجدمين على شي بدون ما تستخيرين
ربج واذا تمت الأمور على خير .. أستودعيها الرحمن بكل توصيله ..
والله خير حافظ عليها وعلى غيرها

 

[مشاعل الشمري]

أي والله يا مشاعل أمنتج الله أذا وديتيها تحرصين تشوفين بعينج الأمن أول
بعديت تسجلينها ... والإستخااااااااااااارة يا عمري لا تجدمين على شي بدون ما تستخيرين
ربج واذا تمت الأمور على خير .. أستودعيها الرحمن بكل توصيله ..
والله خير حافظ عليها وعلى غيرها

حياتي ام عزوز هونت تقعد بحضني وعندي ولاحقه عالى الروضة ان شاءالله

 

[HearT ChocolaTe]

بعد قلبي لا يكون خرعتج مشاعل .. فديتج ترى في حضانات زينه والله الظليمه شينه عاد
الحمد الله اليوم تطمنت وارتاح قلبي على البنات .. كنت أحاتي ان ما يقولون لأمهم بس أشوى
وصل لأمهم اللي صار .. وعسى الله يخليلها بناتها وبنات الكويت كلهم

 

[@شمس الضحى@]

عورتي قلبي بقصتج ياام عزوزي ع البنياااااات
الله يجزاج الجنه ويبارك لج بعزوز واخوانه وبميزان حسناتج ان شاء الله
فديييت قلبج الحنون..

 

[HearT ChocolaTe]

يا بعد قلبي يا أم أسووم .. أي وحده بمكاني بتسوي جذي
<<< أخجلتينا فديتج

 

[مشاعل الشمري]

عسى ربي يجزاك الخير ويجعل اللي سويتيه في ميزان اعمالك

 

[HearT ChocolaTe]

فديتج أجمعين يا الغاليه

 

[العبدة أم كشة]

الله يعين الجميع
ايه والله كل من يعاني فى حياته من صوب

 

[HearT ChocolaTe]

حياج الله فديتج ..

 

[@شمس الضحى@]

رفع لعيون الغااااالين..

 

[مرمر]

رفع علشان خطيب بنتي

 

[الصابرة المحتسبة]

السلام عليكم اشلونكم انشالله بخير

 

[HearT ChocolaTe]

حلاتكم والله يا أحلى خوات دنيا
والله اني ولهت عليكم كتير كتير وبحبكم كتير كتير ..
وأدعو الله يطلع عزوز من المستشفى بأسرع وقت كتير كتير

 

[مشاعل الشمري]

اللهم آميييين واحنا نشد ازرنا فيك فما نبي الا الابتسامه الدائمه
ان شاء الله

 

[HearT ChocolaTe]

يا بعد شمر انتي فديتج والله