كل وحده تقول شقاثها

[مشاعل الشمري]

مراحب حبيباتي
والله مافي شي غاثني مثل وزارة الشؤون الأجتماعيه تخيلوا لي سنتين مقدمه على إعانه لبنتي وإلى الأن ماطلعت مع ان الموافقه صدرت بعد عشر أيام وكل شهر يقولون اللي بعده والا عاد اذا كلمت مركز التأهيل للفتيات المتخصص لأن الإعانه تنزل عن طريقهم الله من شين الأسلوب والنفس الخايسه صدق بعض اللناس مايستاهل الوظيفه اسأل وحده والله ان ذربه في التعاون {.مادح نفسه}بس من جد اقولها صباح الخير اختي تقول نعم اقول بسأل عن إعانه بنتي ياتسكر السماعه اوتحولني وما يردون او يردون ويقولون مانزل شي اقولهم ليه يققولون ماندري مناب موزينها أقولهم طيب خلاص انتوا تتصلون اذا نزلت قالت والله مانشتغل عندكم انتي اللي دقي ونأكدي
معليش بربرتي واجده بس محتره
وامس راح ابو جود للوزاره وسألهم قالوا من الماليه مومنا ..........
الله يعين
اللهم إغننا عن من أغنيته بفضلك عنا .

قولي لي اي اداره وقسم وشنو المطلوب وانشاء الله بحاول اساعد اذا بالشؤون

 

[مشاعل الشمري]

اتصدقين انعرفوا الحريم بالنفس الخايسه والعصبيه مع ان مو الكل يعني هذا مو رايي
بس من كثر ما اسمع من مواقف
ودشي على ريال والله ان يخلصج من اول مره

 

[سمسومه الحبوبه]

يابعد قلبي يامشاعل ماتقصرين يالغاليه
بس إذا عندك واسطه في السعوديه شي

 

[HearT ChocolaTe]

مراحب حبيباتي
والله مافي شي غاثني مثل وزارة الشؤون الأجتماعيه تخيلوا لي سنتين مقدمه على إعانه لبنتي وإلى الأن ماطلعت مع ان الموافقه صدرت بعد عشر أيام وكل شهر يقولون اللي بعده والا عاد اذا كلمت مركز التأهيل للفتيات المتخصص لأن الإعانه تنزل عن طريقهم الله من شين الأسلوب والنفس الخايسه صدق بعض اللناس مايستاهل الوظيفه اسأل وحده والله ان ذربه في التعاون {.مادح نفسه}بس من جد اقولها صباح الخير اختي تقول نعم اقول بسأل عن إعانه بنتي ياتسكر السماعه اوتحولني وما يردون او يردون ويقولون مانزل شي اقولهم ليه يققولون ماندري مناب موزينها أقولهم طيب خلاص انتوا تتصلون اذا نزلت قالت والله مانشتغل عندكم انتي اللي دقي ونأكدي
معليش بربرتي واجده بس محتره
وامس راح ابو جود للوزاره وسألهم قالوا من الماليه مومنا ..........
الله يعين
اللهم إغننا عن من أغنيته بفضلك عنا .

إنا لله وإنا إليه راجعون .. وحسبي اله ونعم الوكيل في هالأشكال
أن شغلوهم أشتغلوا نفسيه على الأوادم .. وإن ما أشتغلوا قالو ملل ونبي نشتغل نكسر هالورتين
طيب كسري بالعمل الجاد .. ما أدري شنو الوظيفه بالنسبه لهم !!!
عليج بالدعاء يا الغاليه مالج غير ربج مسهل الأمور والله أني أتوكل عليه سبحانه .. لأني أدري
لا رحت بقضي شغل لعزوز بشوف أشكال وألوان من هالنمـاين

 

[HearT ChocolaTe]

اتصدقين انعرفوا الحريم بالنفس الخايسه والعصبيه مع ان مو الكل يعني هذا مو رايي
بس من كثر ما اسمع من مواقف
ودشي على ريال والله ان يخلصج من اول مره

صدقتي يا مشاعل والله أنج صاااجه
أنا المجلس الأعلى إذا عندي شي يلوووعون جبدي الله يسامحهم
ولا راح زوجي تخلص بنفس الوقت وااااي أنصدم والله @@
:denya:

 

[الصابرة المحتسبة]

صدقتي يا مشاعل والله أنج صاااجه
أنا المجلس الأعلى إذا عندي شي يلوووعون جبدي الله يسامحهم
ولا راح زوجي تخلص بنفس الوقت وااااي أنصدم والله @@
:denya:

بعضهم حتى السلام مايردون اللهم ياكافي

 

[الصابرة المحتسبة]

أختي سمسومه نشبي فيهم ولا تخلين ترى عندنا وعندج خير

 

[مشاعل الشمري]

ماضاع حق وراااااااااه مطالب

 

[سمسومه الحبوبه]

مااقول الاحسبي الله على من وقف في طريق رزق هالمساكين

 

[HearT ChocolaTe]

ونعم بالله .. سبحانه يمهل ولا يهمل

 

[الأماني]

خواتي بقولكم شنو غاثني

عندي اعيالي عسي ربي يحفظهم عبدالرزاق وعبداللطيف يشتكون من اسنانهم ورحت وديتهم الطبيب وقالوا لي احنا ما

نعالجهم لازم تودينهم مجمع دور الرعايه عندهم مكان خاصه خق الأسنان وحق الإحتياجات الخاصه وراح ابوهم واخذ موعد

ولهم وقالوا لهم جيبهم وراح جابهم ثاني يوم وقاعدين من الصبح وآخر شي قال انا ما اعالجهم وديهم المستوصف واخذ ورقه

تحويل وبعدها ودهم وين المركز الأسنان إللي بالفروانيه تخيليوا الموقف واحنا افراره مع العيال وبعدها رحت المستوصف

العصر ولازم أخذ رقم طبعا علشان الدور بعد شنو يقول ان الحين ما ارقام تعالي باجر او شوفي الدكتور إذا يستقبلج

والمفروض اكون من الساعه اربع العصر علشان اخذ رقم مشكله والله ورحت الدكتور وماشاءالله عليه وعلي روحه الطيبه

بس كنت واقفه عند الباب وقلت دكتورالله يخليك ابيك بس تسوي لي تحويل حق اعيالي علشان اوديهم الفروانيه قال دخليهم

هذيله علي راسي والله يجزيه كل خير دخلني قبل الكل وشافهم وعلي ان يعالجهم بعد بس الأدوات ما كانت متوفره حق اعيالي

بس كتب لهم تحويل علي ثاني يوم اوديهم والفروانيه ما تستقبل حالات إلا يوم الثلاثه الله المستعان

اعيالي اتعبوا تخيلوا كل طووول الوقت واهم قاعدين ينطرون واشيلهم من الكرسي واحطهم في السياره وارد انزلهم المكان

الثاني علشان يشوفونهم والله الواحد مدري شنو يسوي مع الأطباء إللي ما يتعاونون والله انقهرت ليش مو حاسين بتعب

اعيالي حق اسنانهم بس الحمدالله علي كل حاااااال

 

[مشاعل الشمري]

غثه الله يغث كل دكتور ما عنده روح المعامله الطيبه:eh_s(14):
لا والمشكله انهم اقسموا على ان يؤدون الامانه على اكمل وجه
صارت معاي لمه يويو تعب من ضروسه من مكان لين مكان لمه قالو لي في بالمعاهد الخاصه
وكان الدكتور الله يسلمه من احسن ما يكون لا وعيادتهم فاضيه بعد
الله يعينج والله عسى صارو احسن الحين

 

[الأماني]

الله المستعان

تخيلي أن اليوم راحوا مع ابوهم واقعدوا انطروا دوووووور وبعدها بس كشف عليهم

وقال نعطيهم موعد إلي 23|8 شوفوا شنو تقولين واهم يتألمون من اسنانهم .. عبدالرزاق وعبداللطيف صار لهم فوق

الأسبوع


والله الواحد مدري شنو يقول فعلا شي يغث والله

 

[HearT ChocolaTe]

يا بعد عمري يا الأماني .. صاجه والله أنا رحت لهم .. قالوا لي الأولويه لمرضى دور الرعايه !!!
طيب ليش يحولونه من مكان إلى مكان .. والله شي يقهر لما تشوفين كويت العز جذي
عسى الله يأجرج ويعوض صبرج خير يا الغاليه .. بس يمكن عندهم إلتهاب وما قدر يشتغل بالضرس
إذا الضرس ملتهب يعطون مضاد أسبوع حبوبه .. وكلي أمرج لله وإن شاء الله خيره لهم بعد قلبي العيال هم اللي ضايعين بالطوشه

 

[الأماني]

خواتي العزيزات


بكمل لكم شنو غاثني تكمله علي موضوع اعيالي حق الأسنان

قلت لكم آخر شي اني موعده يصادف 23/8 إللي أهو اليوم وقام وراح ابوهم اليوم وداهم تخيلوا ان عطوهم موعد ثاني

حق عبداللطيف عطوه نصف تسعه وعبدالرزاق علي اسبوع الجاي شنو الواحد يقول راح يحطون له جسر علي اسنانه

وعبداللطيف يسون له حشوه حق اسنانه الله المستعان

 

[الصابرة المحتسبة]

الأماني الله المستعان
الصراحة شي يغث اللي ربي ميسرها معاه وعنده فلوس بروح الخاص انزين واللي على قد حاله وين يروح ؟؟؟؟ موعيد مواعيد لين يملون.

 

[الأماني]

الأماني الله المستعان
الصراحة شي يغث اللي ربي ميسرها معاه وعنده فلوس بروح الخاص انزين واللي على قد حاله وين يروح ؟؟؟؟ موعيد مواعيد لين يملون.

إيه والله الله المستعان ... تخيلوا قاعد اقول حق ابوهم حرام ان عبدالرزاق اسنانه تعوره قاعد علي المسكن ربي يرحم حاله

والله اني حييييييييييييييييييييل مغثوثه ::


:0bee2e8d89:

 

[الصابرة المحتسبة]

يارب يشفيه ويلطف فيه
الله يعينج ويمسح على قليبج

 

[الأماني]

يارب يشفيه ويلطف فيه
الله يعينج ويمسح على قليبج

اللهم آآآ ميييييييييييييييييييييين

 

[فجرالعيد]

ياعمري يالأماني وسعي صدرج (وخلق الإنسان في كبد) يعني في تعب وكلشي بأجره الله المستعان والله الواحد مايدري شقول لو الموضوع يخصنا تهون الواحد يصبر بس هالمساكين إشذنبهم يتحملون الألم اللي فيهم مكفيهم الله يسهل أموركم ويجعلكم من كل ضيق مخرج يارب العالمين ويشفي عيالنا ولاياكلنا علي أحد غيره