كل وحده تقول نوع سيارتها واي موديل

[بسم الحب]

الله يهنيكم يارب انا ودي أسوق بس زوجي عنده ممنوع والله لو علي كان أسوق تاكسي عادي المهم سياره المشكله الي حولي كلهم يسقون دموعي أربع أربع امزح الله كريم ويرض علي توم كروز

 

[اخصائيه]

مرسيدس 2014 بانوراما وفل اوبشن والله مو عيارة بس دفعت دم قلبي عليها
اشتهيتها لما شفتها بالمعرض وحيل حبيتها ومن أخذتها وأنا حريصة عليها أخاف عليها من أدنى خدش شوي بشيلها فوق راسي وأمشي عكس سيارتي اللي قبلها أدعم فيها الأرصفة والعواميد عادي:fun:. الله يسامح بنت يوم الخميس لزت سيارتها عند سيارتي وفتحت بابها جان تطق سيارتي << للحين بقلبي من يوم الخميس

 

[keka89]

اخصائيه الله يهنيج حبيبتي ويكفيج شرها ويرزقنا نفسها يارب

 

[اخصائيه]

اخصائيه الله يهنيج حبيبتي ويكفيج شرها ويرزقنا نفسها يارب

تسلمين حبيبتي keka89 ان شاءالله يرزقج أحسن منها
ويرزقنا جميعا الجنة :yaaaaaarb:

 

[muhrat uboha.]

kia sportage 2013
مالت كد و مد بس عيبها مافي مكيفات ورا
يعني الي يركب ورا الله يرحمه:eh_s(8):
ان شاءالله لي اشتغلت اشتري سيارة احلامي :eh_s(2):
range rover :bbbiu:

 

[barosha]

انا سيارتي
انفنتي جيب سبورت
احبها ومو بالي سياره ثانيه معنه ريلي يحن اغيرها
عيبها صغيره لانه عندي عيال 3 وخدامتين
بس احبها وحمدالله من فتحتها من الوكاله 2009 لي الحين ماكو خرابات
بس محافظه عليها بسيرفس كله وكاله وما اطوف سيرفس
والشي الحلو فيها والكل يشهد فيه تكيفها عجيييب انزل درجه الحراره 53
وداخل وله تحسين بالحر ريلي يستانس نطلع فيها الصبح يقول صج تكيفها تكيف
ومواصفاتها قويه يعني السياير اليدد توهم 4 كامرات انا من 2009 مواصفاتها وايد حلوه ومن داخل حلوه بس صغيره

 

[keka89]

بروشه أي صح الانفنتي حلوه ونعومه ومكيفها قوي ركبتها قبل وهم شكلها نعوم وكيوت بس صارت غاليه الحين 15 الف ونص تقريبا

 

[مدربة الرشاقة]

هاي بنات يلا كل وحده تقول شنو نوع سيارتها واي موديل وشنو عيوبها او مميزاتها الي شافتها فيها اوكي حبيباتي ومانبي صواريخ سوالف فراري وبنتلي ومايباخ

والله شاجولج صج ماعندج سالفة شينو هالموضوع
اي وحدة عندها سيارة ما سيارة والله حالة
اذا عندج شي افيد الاعضاء فيديهم مش ايي اي سيارة عندج
وموديلها لا بعد اترد عليهم تعطيهم الحلول
موضوعك بايخ عذريني واتمنى بغلق الموضوع

 

[keka89]

والله شاجولج صج ماعندج سالفة شينو هالموضوع
اي وحدة عندها سيارة ما سيارة والله حالة
اذا عندج شي افيد الاعضاء فيديهم مش ايي اي سيارة عندج
وموديلها لا بعد اترد عليهم تعطيهم الحلول
موضوعك بايخ عذريني واتمنى بغلق الموضوع

ووووويع انتي شكو ياشين اللقافه وثقل الدم
منو طلب رايج قطيعه ناس مرررض
انا اسولف ويا البنات بموضوع حلو عن السيارات
ونتبادل الخبرات والتجربه بس شكلج مريضه نفسيا
ومحرومه وماعندج سياره ومحبوسه بالبيت ومعقده مالومج يلا الله يشفيج

 

[مدربة الرشاقة]

ووووويع انتي شكو ياشين اللقافه وثقل الدم
منو طلب رايج قطيعه ناس مرررض
انا اسولف ويا البنات بموضوع حلو عن السيارات
ونتبادل الخبرات والتجربه بس شكلج مريضه نفسيا
ومحرومه وماعندج سياره ومحبوسه بالبيت ومعقده مالومج يلا الله يشفيج

مشكورة ماقصرتي مارد عليج لاني اكبر منج سنن
حمدلله عندي سيارة ومش معقدة اطلع اي مكان ابي
ورياضية وادرب بنات واشكر ربي
ممكن انا ان ردي كان قوي
واول مرة اكتب هالانتقاد في المنتدى
واهم شي عندج سيارة
وانا اسفة

 

[ام نورهam]

مامعي سيارة والحين بحن وازن انه يوافق ان اسوق زوجي معاه تويوتا لاندكروزر مدري اي موديل

 

[keka89]

ام نوره مشكوره علمرور

الله يرزقج بالسياره الي بخاطرج وتتعلمين السواقه

وتطلعين كل مكان

 

[ام نورهam]

الله يخليج بس خلي ردك حلو بموضوع الجنسية شكلج طيوبة ليش تعصبيني بردك والله شكلي راح احبج&#55357;&#56859;مامحبة الا من بعد عداوة

 

[keka89]

ام نوره

لووول اوكي انا ماعصبت بس في ناس اتنرفزك بالغصب

 

[Kocheko]

أنا سيارتي توكسن هيونداي Jeep موديل 2013 مممممم بما أن السياره يديده للحين ما واجهت فيها مشاكل
بس السرفس وقطع الغيار فيها رخيصه ومتوفرة في كل مكان .. بس أحسها تصرف بترول وممكن لاني أدوسه ( أسرع ) عشان جذي تصرف

 

[*شغف*]

فوق

 

[keka89]

اب اب

 

[keka89]

اب اب وينكم بنات
المنتدى ميت الكل راح انستقرام وتويتر

 

[المتميزة*]

الموضوع حلو ياليت ترفعون الموضوع عشان انا استقيد لاني ناوية اشتري سيارة بعد &#55357;&#56856;

 

[ماكدونلز]

انا سيارتي كرولا 2010 واحد لف علي و انحاش انتقلبت فيني السياره رحت الشارع الثاني تهشمت السياره من سنتين الحجي

شريت سياره هيونديا اكسنت مواصفاتها تكيفها بارد و زين قصه صارت لول