كل وحده سوت عملية الخشم تدخل ضروري!

[غــايــه]

السلام عليكم

بنات انا عمليتي عند خالد الصبيح شهر 6 إن شاء الله
بسوي الخشم والحنج
بس حدي خااايفه وأوسوس أخاف بعدين ما أقدر أتنفس عدل!
ومنو مجرب عنده أو شاف أحد مسوي عنده؟
أبي خشمي يكون طبيعييي وأخاف يصير معووج أو يكون فتحه كبيره وصغيره
والعوار جم يوم ويعور حييل ولا لا؟

بليييز جاوبوا حدي خااايفه

 

[فاطمة 25]

أهلييين

الله يوفقج يارب وتسوينها بصحة وسلآآمه يارب
وإن شاء الله البنات يفيدونج عن الدكتوور ..

والخوف شيء طبيعي
بس دامج واثقه من شغله

أدعي الله امورك تكون تمام .. والله يجنبك ويحفظك من إلي تخافين منه

بالنسبه لي (من خلال تجربتي) مع العملية (سويتها بإيران - مشهد)

أول مااصحيت من البنج
كاان فيه عوار بالخشم .. ألم قوي موو سهل

لأن انا الدكتور سوالي كسر عظم بالجوانب ونحت ورفع للأرنبه

بس الألم بسرعه راح ماحسيته طول

والجبس يتعب شووي .. الوحده ماتقدر تنزل راسها أو تجلس طويل

وبعد العمليه .. لمن تشيلين الجبس
السجود يكون يألم بأول أسبوع . أسبوعين
بعدين ماتحسين بألم إذا سجدتي

وبالنسبه لي
كان في ألم خفيف بالأنف أول ماأصحى من النوم
((تقريباً أستمر شهرين))

أما الحين كلش مافي ألم ...
قريب بكمل ال5 شهور من سويت العمليه ^^

 

[Dalo0o3a Cute]

بالنسبه لتجربتي ابد ابد ماكان فيه عوار ولا شي معنها كانت شامله
بس تحسين نفسج مزكمه يعني خشمج مسكر وهالشي راح يأذيج. وكله تتنفسين من حلجج لين يشيلج الجبس وينظفه لج
وان ما تحسين براحه لان ما تقدرين تجندسين او تسجدين او تسوين شي يحتاج مجهود
عمليه تجميل الانف برايي اثارها النفسيه اكثر لان اول ثلاث شهور يكون خشمج مو طبيعي من الاورام وتقعدين تحاتين وجذي
وبالنسبه ما تبين. يطلع معوج او اختلاف بالفتحات هالشي يعتمد على التوفيق من الله واختيارج لدكتور شاطر وترا خالد يمدحوه بس ما شفت بعيني
عليج بالاستخاره والدعاء والله يقومج بالسلامه يارب

 

[غــايــه]

فاطمه 25
Dalo0o3a cute

آمييين يارب أجمعين
مشكورييين حبايبي جد ريحتوووني!
ومصليه الاستخاره وكل يوم أدعي

الحمدلله♡

 

[فطمطم]

الله ايسرلج اختي
بس من جد متعبه

 

[onlyforwoman]

الله يسر أمورج

 

[منار123]

نصيييحة نصيييحة استخيري
ايران عندهم دكاترة أفضضضل
مقل دكتور رجب شيرواني بطهران
او غيره بشيراز