كل وحده يابت عيال ورا بعض تدخل بسررعه :p

[q8 knosha]

السلام عليكم..​

بنات عندي سؤال بخصوص البيبي والاربعين​

يعني انا مفكره اقط حبوبي انشاءالله على الشهر الياي وحمل​

ولدي عمره سنه و4شهور​

زين على ماحمل و اولد قولو بيصير عمره سنتين او سنتين ونص​

زين لما انا اكون بالاربعين شلون اعتني فيه :eh_s(1): قاعده افكر بهل شغله​

اللي يابو يهال وعندهم عيالهم صغار​

منو كان يسبحه يوكله يلبسه يسهر معاه؟؟​

كله علخدامه؟​

بما انج انتي نفاس وعندج بيبي الثاني منو بيقوم بالاول؟​

شوفو انا ماراح اكون فبيت امي بالاربعين بقعد فبيت حمولتي وخالتي وحمواتي مايقصرون يساعدوني فلبيبي يلبسونه ينومونه اللي اهوا الثاني ​

لان كانو يساعدوني وانا بلنفاس بس حبيبي الاول لول منو بيداريه قاعده افكر بهل نقطه!​

حبيت كل وحده يابت بيبي ثاني والاول كان عنون شلون كانت تقسم وقتها وتحوس بينهم واساسا اهي نفاس!​

و الوحده زين لها خلق نفسها :eh_s(4):​

 

[الـــغـــلآ]

تصدقين عمري مآ فكرت بهالشي !
بس اللي أشوفه إن الأول حيييل يغآر من البيبي الجديد يعني انتبهي لآ يسوي شي فيه
لأن أخوي كآن يحط الفرآش ع أختي و هي توهآ بالأربعين
وولد خآلتي يشيل أخوهـ و توهـ بالأربعين
<< لوووول طلعت من الموضوع بس تذكرت الأفلآم اللي تصير حق دلوع المآمآ إذآ جآهـ أخو جديد

 

[بشوشه]

عااااادي
الكل بيساعدج و البيبي الاول بتتعدل نومته و ببلش ياكل بروحه و الخدامه تقسمين بين مساعدتج للبيبي الاول و الثاني و الله يعافي اهلنا
وزوجج يساعدج شوي و الحمدالله انت ببيت حموله ينزل البيبي الاول يقعد و يلعب معاهم و انتي تشوفين البيبي الصغيرون
والله تسااااااهيل انا بين ولدي و بنتي سنه الا يوم
تخيلي و انا حامل بال ٧ و ثقيله و ارضع ولدي البكر ة ابدله عااااااااادي و ما انسى فضل اهلي و زوجي واااااايد كانو يساعدون
و لمن امسك احد من اليهال الخدامه تكون مع البيبي الثاني

فتره حلوه و عدت و كبرو اليهال و تمر الايام و تتعلمين و الحين صار عندي كذا ياهل لو اقعد معاهم بروحي هم اعرف ادبر نفسي الوقت راح يخليج تتكيفين

 

[ضحاوي الديره]

امبي مانصحج صراحه تخلين حبوبج تو الناس
لو منج انطر شوي سنه جذي

 

[q8 knosha]

بشوشه تسلمين حبيبتي والله يسهل انشاءالله

ضحاوى ليش اني قاعده لاوظيفه ولاطلعات نادر ما اطلع كله قاعده بلبيت قلت فرصه احمل وايب دام اني قاعده فاضيه
بعدين لي توظفت احس لويه .. وتبين الصج ودي فبيبي عنونو لول ولدي كبر صار مليق خخخ ابي واحد نتفه

الغلا ايه ادري هل شغله حاطه بالي عليها لوول
عاد هل ولد لاتشوفين نحاسته ولعانته معانا
وشلون يغار لي مسكت ايد ابوه يبجي والله لين نهد بعض
ولا اذا شلت ياهل ولا لميت ياهل يبجي بجي ودموع
هل مره بيبي ثانياحس بيسوي خطط عليه لول

 

[ام الحلوااات]

مــع وجـــووود طــفــل جــديـــد
الـــطــفــــل الاول يــبــي كــل شـــي حـــقـــه مــن بـــاب الــــغــيــره​

فـــا انــتــي لــعــبــيــهــا لــصـــالــحــج وصــالــحـــه
(مــثــل مــا انــا ســويــت مــع بــنــاتــي
لانــي لــمــا ولـــدت الــــثــانــيــه كــانــت الــبــجــر ســنــتــيــن و3 ش) ​

الـــيــيــبــي الــجــديـــد مـــا يــبــي الا تــرضــعــيــنــه وتــبــدلــيــن لـــه
وبــعــديــن كــلــه نــااايــــم مـــوحـــاس بـــشي
لــو تــقــوم بــه الــخــادمــه او احــد حــــولـــج ​

انــتــي انــتـــي انــتــي اهــتــمــي بــاالاول
مـــن اكـــل ولــبــســه وحــنـــان عــلـيــه ونــومــتــه
قـــدر اســتــطـــاااعــتــج عـــشـــان لا يــحــس بــتــغــيـــرج عــلــيــه
وديــــررررري بـــااالـــج تــقــطــيــنــه عــلــى الــخــادمـــه
عــشــان لا يــفــقــدج ويــحــقــد عــلــى اللــي اخـــذج مــنــه
اللــي هــو الــبــيـبــي ويــضــمــر لــه الــشــر ​

 

[رانس]

نطري كم شهر احسن او كيفج اذا شايفه هالشي مافيه تعب عليج احمملي والله يرزقج ان شاء الله ويخلي لج ولدج وتشوفينه معرس

 

[ELFAD3Ah]

تبين نصيحه

فطمي البيبي الاول وعلميه عزج الله يروح الحمام بعدين حملي عشان ماتتاذين وتهملين الياهل الاول

اب

 

[*ضيفة*]

والله انا بناتي بينهم سنة وتسع شهور وكنت بغربة قمت فيهم الاثنين وانا صغيرة وما اعرف ما عندي ذيك الخبرة بس ربك سبحانه وتعالى يعطي القوة والصبر وصرت احسن من اللي عندهم عشر جهال الحمدلله\
انصح كل وحدة ما عندها التزام او وظيفة ما تخلي فرق بالعمر بين جهالها اسهل لها ولهم رح يصيروا اصدقاء ويلتهوا مع بعض خاصة اذا كانوا الاثنين من نفس الجنس
اتوكلي على الله حبيتي الحين وقتك مناسب جدا

 

[miss_Ba6oOo6a]

انسي البيبي اليديد واهتمي بالاول
بالاربعين وبعدة لان البيبي مراح يحس ويغار مثل الكبير
وسالفة الحمام والحليب الغيرة كل شي تسو ي لو قطعتيعم راح يرد عليهم

 

[أدووويا]

حبيت انبهج على شغله

الفرق بين (انشاء الله) و (ان شاء الله)
بسم الله الرحمن الرحيم

السلام عليكم ورحمة الله وبركاته ،،،،،،،،،،،،،وبعد :
إخواني وأخواتي الأعضاء :
كثيرا ما لاحظت ولا حظ غيري من يكتب إن شاء الله بهـذا الشكل ( إنشاء الله )

لذلك أحببت أن أطلعكم على هذا الموضوع الذي يبين الفرق بينهما... نسأل الله الاستفادة ومنكم التطبيق...

معنى الفعل إنشاء أي إيجاد ومنه قوله تعالى ( إنا أنشأنهن إنشاءً..) أي اوجدناها إيجادا...

فمن هذا لو كتبنا ( إنشاء الله ) يعني:أننا نقل والعياذ بالله إننا أوجدنا الله.. تعالى شأنه عز وجل عن هذا علواً كبيراً... وهذا غير صحيح كما عرفنا...



أما الصحيح هو أن نكتب (إن شاء الله)... فإننا بهذا اللفظ نحقق هنا إراداة الله عز وجل
... فقد جاء في معجم لسان العرب معنى الفعل شاء، أي أراد. فالمشيئة هي الارادة فعندما نكتب إن شاء الله... كأننا نقول بإرادة الله نفعل كذا.. ومنه قوله تعالى.. ( وما تشاؤن الا إن يشاء الله )


منقول لأهميةالموضوع ،،، وفقنا الله وإياكم إلى مرضاته ،،،،،،


وشكراً....

وتقبلو تحياتي​

​

 

[Judy . abbot]

احس هالشي يعتمد عليج انتي اذا تقدرين توفقين بينهم ولا لا
انا افضل علي الاقل يكون عمر البيبي سنتين وتحملين علي الاقل يفهم اذا كلمتيه ويعتمد علي نفسه
وانتي تفضين حق الياهل الصغير

 

[الجوهرا]

اصلا لماتجيبين البيبي الثاني ماراح ياخذ ووقتج حييل وخلي خدامتج اتساعدج والله يسهل عالجميع

 

[q8 knosha]

مشكوريين بنات ماقصرتو

 

[بيت التوت]

وكلي امرج لله ولاتحاتين ترا مرات انفكر ونخاف ونحاتي الشي قبل لايصير
ولي صار
كل شي يتسهل بفضل رب العالمين سبحانه
ونحس ان احنا كبرنا السالفه

الله يرزقج بلي تتمنين

 

[دلع86]

سهالات لاتحاتين

وانتي قاعده ببيت حمولتج يعني عادي في من يساعدج موقاعده بشقه بروحج وترى حرام ولدج يبيله اخو يلعب معاه يضيق خلقه بروحه ووايد حلو لمن يكبرون يصيرون ربع وعلى قلب واحد

 

[q8 knosha]

ايه انا هم فكرت بهل شغله

لان بيت حمولتي اصغر وحده بنت وعمرها 6 سنين وكلهم بنات بس اكبر منها كبار

وعند بيت يدي لي تيمعنا عماتي واهل ابوي كلنا ماشاءالله عيالهم وايد بس اصغر واحد صبي عمره 7سنين

لول فماكو احد كبر ولدي وكله من بنات حمولتي ماعنده احد

 

[q8 knosha]

وانا بخاطري احمل فبنت وبنفس الوقت ودي بصبي عشان يلعب معاه لول <<< طماعه

 

[q8 knosha]

وكلي امرج لله ولاتحاتين ترا مرات انفكر ونخاف ونحاتي الشي قبل لايصير
ولي صار
كل شي يتسهل بفضل رب العالمين سبحانه
ونحس ان احنا كبرنا السالفه

الله يرزقج بلي تتمنين

تسلمين ياقلبي

 

[أبكاني ذنبي]

انا مافكرت بهالشي



ومنكم نستفيييييييد