كل يوم في بلد وانتي في مكانج(تقارير مصورة منقووولة)

[دلوعة أبوي**]

وبعدها غيرنا الطريق الى طريق 101 وهذي المناظر الطريق بعد تغييره

الحين شوفوا التنوع بالمناظر .. الحين بتشوفون البحر

وبعدها كملنا طريقنا ووصلنا الى الخضره

وهذا جبل من الرمال

وهذي صوره الطريق للمكان اللي احنا قاصدينه

والمكان اللي احنا قاصدينه اهو

وهو عباره عن مكان غريب وعجيب وبتشوفون اشلون وكان اسعار الدخول 5$ للشخص و 5$ لموقف السياره

وهذا الموقع مالهم

The Mystery Spot Official Website

اخذ منه الطريق تقريبا 6 ساعات ونص وهذي صور للمكان من داخل قبل لا ندخل بالجوله

 

[دلوعة أبوي**]

وهذي نبته عجيبه صورتها

وبعدها قعدنا شوي وكان موعدنا بعد 15 دقيقه .. وبعدها وصل موعدنا وكنا مجموعه تقريبا 10 اشخاص ومعانا القائد وهذي صوره واحنا رايحين الى المكان الغريب

وبعدها وصلنا الى البيت المبني على ارضيه مو طبيعيه و اللي مادري اقول عنه مسكون ولا شنو لأن موعارفين اشلون قاعد يصير جذي وهذي صوره معلقه على البيت

وبعدها وقف الguide امام البيت ويشرح طبيعه البيت وسوه شغله غريبه بس حسافه مقطع الفيديو موعارف اشلون احطه وهو عباره عن خشبه حاطها مايله جانب نازل وجانب صاعد وكان يحط كره بالجانب النازل وبعدها الكره تصعد بروحها الى الجانب الصاعد يعني عكس الجاذبيه

وهذي صوره للبيت وشوفوا اشلون واقف الguide مايل شوي وترى اهو واقف عادي

وبعدها قالنا راح ندش البيت ولكن حذرنا اذا احد فيه دوار ولا ضغط انه مايدش واذا الواحد حس بدوار لازم يشوف الجانب اليمين مادري ليش .. وبعدها دشينا وفعلا اول ماندش عادي بس اذا مشينا يبدي الراس يدور واحتمال نطيح كأن نصعد جبل وهذي صوره وانا داخل البيت وللمعلومه تره انا واقف عادي مومايل

وبعدها طلعنا من البيت بصعوبه

وبعدها وقف ناس من اليمين الى السيار ورتبهم من الطويل الى القصير واذا وقفوا بجانب بعض اهني تنصدمون لان احنا نشوهم كلهم نفس الطول !!

وهذي صوره بعد ماطلعنا من البيت وشي غريب نوقف عدل بس الصوره تصبر مايله

وبعدها خلصت الجوله وكان شي غريب بس حلو وكان ودي اروحله يوم نزلنا من سان فرانسيسكو بس ماكان في وقت والحمدلله بعد تعديل الجدول الله كتبلنا نروح له والحمدلله استمتعنا فيه صراحه

بس عندي نصيحه حق اللي بروح لا تاخذون نفس الguide واكوا وحده احسن منه لأن الguide حق جولتنا مايعرف يتصرف ولا يعرف ينظم المجموعه

وبعدها كملنا مشوارنا الى وجهتنا القادمه وهي سان فرانسيسكو والموقف اللي صارلي هناك

اخذ منه الطريق تقريبا ساعه ونص وكان هذا فندقنا

 

[دلوعة أبوي**]

الفندق امام الunion square والموقف اللي صارلي تدرون انا من الفجر طالع ويعني بس ماقمت اشوف عدل المهم واول ماوصلت الفندق قاعد ادور وين اوقف سيارتي لأن امام الفندق كله سيارات تاكسي واقفه .. جان الف يمين ولا اشوف في صعده داخل الفندق وهناك مفروض ارح ولكن طوفت اللفه وهني بدأت الكارثه

اول شي القارمن وقف ويقول لا يوجد ارسال وتدرون شوارع سان فرانسيسكو اغلبها one way وايضا صاعده نازله الشوارع المهم بعد ماطوفت اللفه ابي الف يمين وبعدين يمين علشان ارد للشارع من اول ولكن كل الشوارع مافي يمين اهني بديت اتنرفز وبديت اتوتر بعد لأن لازم ارد الفندق بسرعه اسوي شيك ان وبعدها عندي موعد علشان ارجع السياره قبل لا يصكر AVIS .. ويعدها كملت ولا انا داش في طريق الباص واشوفه وراي جان الف لفه ولا امامي الcable car وبعدها على طول لفيت لقه ثانيه ولا اشوف شرطي قاعد يخالف سياره ومن التوتر ولا جدامي اشاره صارت حمره ولا اطوفها وبعد ماطفتها مادري وين اروح لفيت يمين ولا الشارع one way والسيارات اللي على اليمين اطلعت امامي يعتي wrong side مع اشاره حمره يعني كل انواع المخالفات سويتها وبعدها غيرت اتجاهي ورحت يسار والحمدلله بعدها القارمن لقط الارسال ووصلنا الى الفندق بسلام وهني صار الموقف الثاني

اول ماوصلت قلت حق العامل اللي ينظم السير قلتله بس بسوي شيك ان واطلع علشان ارد السياره وماله داعي يخذون علي رسوم ادخال سياره رفض وقالي راح تاخذ وقت .. قلت مومشكله ولما نزلنا قلتله وهو ينزل الحقائب ترى الحقيبه الصغيره فيها لابتوب شوي شوي عليها جان يشيلها ويحطها حيل على الارض كأن يبي يكسر اللابتوب اهني عصبت صراحه موقفه بايخ ويانا ويوم نزل الحقائب كلها وقف امامي يعني يبي tips قلتله مشكور وماعطيته شي لسوء تعامله وقف امامي فتره ويعدها بينلي ان موعاجبه اني ماعطيته شي .. المهم كملت ودشيت الفندق وهذا موقع الفندق


وهذي صور الغرفه

ماصورت عدل لأن كنت ليلحين متنرفز من العامل اللي تحت وتقييمي للفندق

الموقع 5/5
الفخامه 4/5
النظافه 5/5
الخدمه 1/5
الجو العام داخل الفندق 0/5
السعر 5/5​

وهذا موقع الفندق

http://www.westinstfrancis.com/

ما انصح اي احد يسكن فيه لعده اسباب اولها خدمتهم سيئه وثاني شي فيه تفرقه يعني اللي ايي بساره مرسيدس يعاملونه غير عن احد ايي بسياره عاديه .. وبعد المصعد توقف طابور علشان تصعد !! اول مره اشوفها صراحه .. وبعد اللوبي كله زحمه ووايد مؤتمرات تصير فيه وحفلات يعني على طول زحمه ولكن يشفعله موقعه اللي امام اليونيون سكوير

وبعدها نزلنا علشان نرجع السياره وصراحه مابي يصير فيني الموقف اللي صار فيني من قبل .. المهم خذيت الوصف لأن مابي اعتمد على القارمن والحمدلله ان avis قريبه من فندقنا وبعدها وصلنا السياره ورجعنا مشي ورحنا الى macy`s للغداء فيه وهذي صوره لسياره واقفه امام macy`s

وبعد الاكل لقيت وقت اصور احلى مافي هذا المطعم

وبعدها رجعنا الى الفندق للصلاة والراحه بعد يوم متعب بس جميل استمتعنا فيه حتى الموقف اللي صارلي ويا السياره الحين وانا اتذكره اقول حق زوجتي حسافه ماصورناه فيديو

وان شاء الله يكون الجزء عجبكم وان شاء الله الجزء القادم بكون جزء بسيط ويعدها الجزء الاخير اللي بكون ان شاء الله دسم

 

[دلوعة أبوي**]

اليوم الحادي والثلاثون
2010-5-21 الجمعة
سان فرانسيسكو
​

بسم الله نبدأ ... اليوم هو اليوم قبل الاخير لنا ان شاء الله في امريكا وكان يوم راحه وتسوق اخير قبل اغلاق الحقائب استعدادا للسفر

احنا بدأنا في سان فرانسيسكو ويوم خرجنا منها كنا خلصنا فيها كل شي وقلنا بس ماله داعي نرجع لها مره ثانيه ولكن يوم رجعنا لها مره ثانيه كأن صارلنا سنه مورايحين لها ولهنا عليها وطبعا اليوم بنروح الى احلى مكان في سان فرانسيسكو من وجهة نظرنا وهو

اخذنا ناكسي من امام الفندق وذهبنا الى البير 39 واعتبره من احلى الاماكن في سان فرانسيسكو .. وكان الجو في هذا اليوم جدا بارد وهواء قوي عكس الوقت اللي كنا فيه اول ماوصلنا امريكا كان دافىء وهذي صور اول ماوصلنا صوب الاكويريم

وبعدها بدأت اعلام البيير في الظهور

وبعدها دخلنا الى البيير وهذي صور وكان نهايه اسبوع فكان مزدحم قليلا

وهذي بعض المحلات اللي موجوده بالبيير

 

[دلوعة أبوي**]

وهذا محل لبيع الشوكولاته واخذنا منه وايد وفيه اشكال عجيبه على معالم سان فرانسيسكو

وبعدها قررنا الوقوف الى هذا المكان للتحليه عالرغم الجو بارد ولكن الice cream لا يقاوم

وبعدها مرينا على مكان لبيع الفواكه وكان شكلهم حده يشوق

وبعدها وصلنا الى اخر البيير وكان هذا المحل عجيب كل مكان اشوفه فيه لازم اكل منه وهو عباره عن سينابون بس لذيييييييييذ جربته في كل مكان في سان دييغو في فيغاس وهني في سان فرانسيسكو وكان لي وقفه عنده

وهذا المطعم اللي اكلنا منه اول مره لما كنا في سان فرانسيسكو ومكانه حده عجييب

وبعدها وصلنا الى اخر البيير وهو يطل على البحر والمناظر الرائعه

سجن الكاتراز

golden gate

وهذي مناظر جميله للبحر

وبعدها اشتد الهوا وتعالت الامواج

وبعدها طلعنا من البيير وكان فيه الكثير من العروض الجميله وجلسنا نشاهد هذي العروض ويوجد بعض الشخصيات وهذي شخصيه عجيبه صورت معاها

وبعدها وصلنا الى المسنه وهذي صور للمراكب والمينه

وبعدها رحنا الى مطعمي المفضل لتوديعه وناكل اخر وجبه لنا فيه قبل ردتنا الى الكويت وهذي صوره مطعمي المفضل

 

[دلوعة أبوي**]

وبعد هذي الاكله الدسمه قررنا نرجع الى اليونيون سكوير وقعدنا ندور على تاكسي ولقيت هذي السياره واقفه بس ماوصلتنا

رجعنا الى اليونيون سكوير نتمشي بين محلاته وبين شوارع سان فرانسيسكو وهذي صوره تبين الارتفاعات في الشوارع

وهذا بيوت سان فرانسيسكو وايضا هي مرتفعه

وهذي صوره ليونيون سكوير من تحت

وهذي صوره لليونيون سكوير من اعلى وصوره لفندقنا

وطبعا دام صعدنا فوق عند macy`s مومعقوله ماندخل cheesecake factory بس كان للتحليه فقط وايضا يكون اخر مره انحلي فيه قبل ردتنا الكويت

وبعدها رجعنا الفندق للصلاة والراحه وتجهيز اغراضنا قبل الرجوع الى دولتنا الحبيبه الكويت والاستعداد للسفر لان يوم غد بكون اخر ايامنا واخر مغامراتنا الامريكيه في هذي السنه وان شاء الله يكون لنا رجعه في السنه القادمه

وبهذا ان شاء الله يكون الجزء القادم ختام رحلتنا وان شاء الله يكون ختامها مسك

 

[دلوعة أبوي**]

اليوم الثاني والثلاثون
22-5-2010 السبت
المغامرة الاخيرة​

بسم الله نبدأ ... اليوم اخر مغامرة لنا في امريكا واخر جزء لي في هذا التقرير ... اليوم كان يوم استثنائي لأن موعدنا في الصباح الباكر من الساعه 6 صباحا واول شي قعدنا من الفجر وصلينا الفجر وبعدها تزهبنا للنزول الى اللوبي للذهاب الى مغامرتنا الجديده والممتعه

طبعا في شي انا ماقلت عنه بالنسبه لمصعد الفندق .. مصعد الفندق يعتبر مكشوف للخارج بحيث اذا ركبت المصعد تشوف اليونيون سكوير واذا ان في اخر طابق كأنك راكب لعبه وهو ينزل بطريقه مخيفه وفعلا اخر يوم جربت صعدت بروحي الى اخر طابق ونزلت الى اخر دور

اتوقع جذي زحمه على المصعد

المهم بعدها نزلنا الى اللوبي وقعدنا هناك ننتظر الباص اللي راح يمرنا ويودينا الى المغامره وفعلا على الساعه 6:10 والا الباص ينتظرنا بالخارج وركبنا الباص وبدا الباص يمر كل واحد بروح معانا و في ميزه عند الامريكان الالتزام بالوقت يعني ولا مره مرينا عند فندق ومالقينا اللي مارينا واقف ينطرنا

وبعد ماكملنا تقريبا احنا 26 راكب من اماكن مختلفه كان معانا اسبان وامريكان و وهنود والمان .. كانت مجموعه ممتازه خاصه بالالتزام بالوقت لأن انا صراحه عندي اهم شي الالتزام بالوقت علشان نقدر نغطي المكان عدل بدون تأخير

ومثل ماوعدكم حطيت في هذا الجزء 130 صوره تقريبا

انطلقنا الساعه 7 تقريبا وتوجهنا الى ..... خلونا اول نشوف صور الطريق

ويعدها وبعد ساعتين من الطريق وقفنا للريوق والراحه قليلا وقالنا المرشد بعد 30 دقيقه نكون عند الباص .. ورحنا الى coffee shop واكلنا ريوقنا وبعدها بعد 25 دقيقه رحنا الى الباص علشان مانتأخر ويوم رحنا ولا احنا اخر ناس واصلين مع انه كنا عالوقت بس شوفوا الالتزام بالوقت عندهم

وبعدها كملنا طريقنا وهذي صور الطريق

شوفوا الطريق اشلون خطر بس المناظر روعههه حسافه اني مارحت بسيارتي لأن الياص مايوقف عند كل مكان

شوفوا خطوره المنعطفات

 

[دلوعة أبوي**]

وبعدها مناظر لجبال ووادي

وبعدها بدأت البحيره بالخروج

وبعدها مرينا على مجرى مائي عجيييب

وبعدها وصلنا الى وجهتنا

المكان اللي احنا قاصدينا هو yosemite park وهذا موقع عام للمكان

Yosemite National Park Vacation - Yosemite Vacation : Yosemite Park

وبعدها وصلنا الى اول محطتنا بعد 4 ساعات من اخر مكان طلعنا منه وكانت الحلم اللي انا ويا زوجتي كنا نحلم ان نروح مكان وانشوفه ومانوقعنا ان بنشوفه في امريكا خاصه في هذا الوقت من السنه

ووصلنا الى بقاله للراحه ونشتري احتياجاتنا وكان الحلم موجود هناك وقبل لا ننزل قال لنا المرشد ان في هذا الوقت من السنه تقوم الدبب من السبات وتدور على الاكل فديروا بالكم واذا شفتوا دب سووا روحكم ميتين ولا تركض عنه

المهم نزلنا وعلى طول مادشينا البقاله رحنا الى الحلم وهو

 

[دلوعة أبوي**]

وطبعا من زمان واحنا ودنا نروح مكان فيه ثلج وكل الدول اللي سافرناها مايكون وقت نزول الثلج فيها وطبعا على طول رحنا نلعب بالثلج

وهذي صور للمكان

وهذي طبعه ريلي بغيت اطيح هناك غاصت ريلي بالثلج

وهذي صوره لكوخ لقيناه هناك وسط الثلج

وبعدها ركبنا الباص لدخول عالم الطبيعه في yosemite park واعطيكم نبذه بسيطه عنها

المكان مشهور بالمناظر الطبيعيه والشلالات ويحتوي تقريباً 130 نوع من النباتات المزهرة وحوالي 31 نوع من الأشجار منها غابات الصنوبر والأرز، ويحوي أيضاً حوالي 220 نوع من الطيور

والكثير من الناس يروحون هناك for camping واغلب الرحلات اللي شفتها كانت عباره عن يومين و ثلاثه واربعه ويكون السكن في خيمه .. ومن الصعب الحصول على غرفه في الفنادق هناك وكانت النيه اني اسكن فيها يوم بس ماحصلت فندق واغلب الفنادق هناك بسيطه جدا

وان شاء الله راح امر على المعالم هناك واكتب اسمه واذا لقيت معلومات عنه راح اكتبها

رسوم دخول الyosemite park 10$

 

[دلوعة أبوي**]

تابع​

بسم الله نكمل .... بعدها رحنا الى اول معلم من المعالم اللي بنزورها وهي

Bridalveil Falls​

وهو عباره عن شلال ارتفاعه 188 متر (617 قدم) ومنظر خلاب صراحه الصوره ماتعطيه حقه لأن فعلا روعه

اخلي الصور تعبر عن المكان

وهذي صورتين بالطول لنفس المكان

صراحه ماكان ودي امشي من هذا المكان لأن فعلا روعه بس كان لازم نمشي الى مكان ثاني وتحسفت ان ماعندي كاميره يكون تصويرها اوضح من هذي

المهم كملنا طريقنا الى المكان الثاني وكان عباره عن نهر وشلال في اخره وهذي صور الطريق الى النهر

 

[دلوعة أبوي**]

وبدأنا بالصعود الى الشلال وهذا الماء اللي نازل من الشلال

سبحان الله شكل الماي وهو نازل عجييييب

وهذي صوره الشلال وبدأنا بالاقتراب منه

وبدأنا نقترب اكثر واكثر ونشوف الناس راده وكلها ماي

وفجأه طق علينا مطر قوي

وبدأنا ننزل بسرعه علشان نروح الباص وبعد مانزلنا وقف المطر ولا طلع هذا من الشلال مو مطر

سبحان الله صوره الشلال كانت روعه منظر مايتكرر وايد

وبعدها نزلنا ولا نشوف الشجر الاخضر

 

[دلوعة أبوي**]

وهذي الشجره سبحان الله شكلها غريب

وبعدها ركبنا الباص للانتقال الى مكان جديد

والمكان اسمه

ELCapitan​

وهي عباره عن صخره للتسلق وارتفاعها 910 متر ( 3000 قدم ) ,هي المفضله لهواة التسلق وهذي صور لها

وبعدها ركبنا الباص الى مكانه القادم وهو

Yosemite Falls​

وهو يعتبر اعلى شلال في امريكا ويبلغ ارتفاعه 739 متر ( 2,425 قدم ) و سادس اعلى شلال في العالم

وهذي صور الشلال

وبعدها ركبنا الباص للتوجه الى معلم ثاني من معالم yosemite park الجميله

 

[دلوعة أبوي**]

تابع​

بسم الله نكمل ... بعد الشلال ركبنا الباص وتوجهنا الى ...

half dome​

صراحه ماعندي معلومات عنها بس هي صخره شكلها غريب وهذي صور عنها

بس صراحه منظر الصخره مع النهر حده عجييييييب

وبعد هذي الجوله صار وقت الغدا ورحنا الى مكان فيه فندق ومطعم وفيه شلال ويقولون اذا ركبت الى اعلى الجبل اللي موجود هناك بتشوف view موطبيعي بس المشكله ان كان عندنا بس 30 دقيقه break .. يعني يا نستغني عن وجبه الغدا ونصعد او ما نصعد وناكل .. و صراحه تعبنا وحسينا بالجوع فكان افضل لنا ان ناكل وايضا بعد لقينا مكان للصلاة لأن بتكون ردتنا المغرب .. وكان في مكان لبيع الهدايا والتذكار

بعد ما كلينا وصلينا رحنا نستكشف المكان ونصور وشفنا هذا السنجاب

وبعدها لقينا واحد قاعد يوكل السناجب

وهذي صوره للشلال الي هناك

وهذي صوره للفندق هناك وبتلاقونه من خشب

وهذي صوره للشجر هناك شوفوا فرق الطول .. انا واقف تحت

وبعدها وصل موعد ركوب الباص وفي ناس من مجموعتنا اركبوا فوق وشفنا الصور فعلا الview موطبيعي صوروا الشلال من فوق

وهذي صور متفرقه للمكان هناك والجبال والشلالات

 

[دلوعة أبوي**]

تابع​

بسم الله نكمل ... المكان اللي بنروحله الحين مكتوب في الموقع اللي حجزت منه ان هذا الجزء مو اكيد نروحله على حسب حاله المكان لأن فيه منحدر وممكن يكون خطر وقالنا المرشد ان اللي راحوا امس واللي قبله ماقدرا يدشون المكان


وبعد ماوصلنا والحمدلله ان كان مفتوح والمكان اهو

Giant Sequoia​

وهي عباره عن اشجار عملاقه يبلغ طولها 82 متر (269 قدم) ويبلغ محيطها 38 متر (112 قدم)

طبها الطريق طويل جدا لهم ويكون منحدر وقال المرشد اللي مايقدر يمشي وايد ينطرنا عند الباص ونزلنا وهذي صور الطريق

وهذي خريطه للمكان

بعدها بدأت الشجر العملاقه بالظهور

شوفوا الفرق بين الشجر العادي والعملاق

وهذي صوره تبين ارتفاع الشجر

مادري ليش حسيت هذي الشجره بتكلمني يوم وقفت صورت يمها

ركزوا بتشوفون عندها عيون وخشم

وشوفوا حجم هذي

وبعدها وصلنا الى اخر المشوار وهو نفق الشجره لأنها صايره معبر للطرف الثاني

وبعدها صار وقت الرجوع الى الباص .. طبعا كان النزول الى الاشجار سهل بس وقت الرده كان صعود ومتعب جدا وكان الطريق خطر لأن كان مبلل وفيه ثلج وزلق وفي بعض من مجموعتنا ماراحوا معانا

وبعد جهد كبير وصلنا الباص تقريبا ساعه مشي

وبعدها ركبنا الباص وصراحه الحمدلله ان قدرنا ندخل هذا المكان العجيب

وهذي صور الطريق في الرده والطريق تقريبا 6 ساعات

 

[دلوعة أبوي**]

وهذي صور للغيوم عجيب

وهذي كأنه كاكاو ذايب

وهذيله مراوح نسيت حق شنو .. يمكن يصدون الرياح

وهذي صوره حلوه للخضره

وبعدها وصلنا ولكن ماخلصت الرحله ونظرا لالتزامنا كلنا بالوقت صار في وقت انشوف سان فرانسيسكو لحظه الغروب .. وقفنا في مكان وكان خوش مكان للتصوير

golden gate

وبدأت بالغروب اكثر

سجن الكاتراز

وبعدها خلصت الجوله و معلومان عن الحجز

هذا موقع الشركه وكان سعر التذكره لي لزوجتي 278$

Total Yosemite Experience & Giant Sequoias Yosemite and Giant Sequoias Tour

ووصلنا الفندق الساعه 9:30 تقريبا وحدنا دايخين وتعابا

صلينا وريحنا وبعدها دشيت اميلي علشان اطبع تذاكر السفر للرده واسوي شيك ان للمقاعد ولا المفاجأه الحلوه .. والى الاماراتيه دازيلي اميل ومسويلي عرض لي اني اسوي upgrade للتذكره من درجه سياحيه الى درجه رجال الاعمال ب 900$ صراحه حده تسوى خاصه ان الطياره دايركت من سان فرانسيسكو الى دبي وبعدها الكويت تقريبا من سان فرانسيسكو الى دبي 16 ساعه !! والحمدلله خيره لنا واستفدنا من التاخير في وايد شغلات منها التذكره

وبعدها ارتحنا لأن ورانا سفره باجر الى الكويت الحبيبه وهذي صور ختاميه للcheese cake لقيتهم وانا ادور الصور للجزء الاخير

 

[دلوعة أبوي**]

اليوم الثالث والثلاثون
23-5-2010 الاحد
الرجوع الى ارض الوطن​

اليوم كان يوم خروجنا من امريكا اللي فعلا استمتعنا فيها وكان وقت خروجنا الظهر وقبل لا نطلع من الفندق صلينا وبعدها رحنا المطار وركبنا الطياره اللي فعلا كانت مريحه للأخر ماحسينا بالطريق الى واحنا واصلين دبي وبعدها على طول طياراتنا الثانيه الى الكويت

ان شاء الله يكون التقرير عجبكم وان شاء الله اكون وفقت في كتابه التقرير واعذروني اذا قصرت في شي لأن اول مره اكتب تقرير واول مره اشارك في منتدى

وان شاء الله اشوفكم في سفره ثانيه ومغامره ثانيه والله اعلم وين بتكون في اي دوله

 

[دلوعة أبوي**]

تكاليف السفره​

التكاليف بتكون للشخص الواحد بالنسبه للتذاكر السفر وبالنسبه لتذاكر العروض والاماكن السياحيه لسهوله حق اللي يبي يحسب تكلفته .. وبالنسبه للفنادق غرفه double


اول شي نبدي بتذاكر السفر وكان الروحه على القطرية وشامل السعر سعر طيران داخلي على دلتا وكانت تفاضيل السفره كالتالي :-


القطرية على الدرجة السياحية : كويت - دوحه - نيويورك (oneway)

دلتا على الدرجة السياحية : نيويورك - سان فرانسيسكو = 1550 $

الرده كانت على الاماراتيه

الاماراتية على درجة رجال الاعمال : سان فرانسيسكو - دبي - كويت(oneway) ا=2023 $



اجار السيارة من شركه افيس:-

Avis ا: 18 يوم Full size استلام من سان فرانسيسكو وتسليمها في لاس فيغاس شامل التأمين = 1050 $

Avis : يومين Full size استلام من لاس فيغاس وتسليمها في سان فرانسيسكو شامل التأمين = 350 $





الفنادق :-


Newyork


Districkt midtown hotel :نوع الغرفة 1 King bed no smoking = ليلة واحدة = 276 $

Manhattan Hotels: Distrikt Midtown Hotel near New York City attractions offers vacation accommodations packages area nyc empire state building times square and theater district


San Francisco



mariott union square hotel : نوع الغرفة king bed limited view =ا 4 ليالي =690 $

Union Square Hotel | San Francisco Marriott Hotel in Union Square


the westin st. Francis SF : نوع الغرفة Traditional Non-smoking Queen bed =ا 3 ليالي = 390 $

Union Square San Francisco Hotels- Downtown San Francisco Luxury Hotel- Westin St. Francis

Los angeles


Hotel Palomar los angeles - west wood : نوع الغرفة Deluxe Guest Room with 1 King Bed =ا 8 ليالي = 1660 $

Los Angeles Luxury Boutique Hotel Near UCLA: Hotel Palomar Los Angeles - Westwood


ocean view hotel santa monica : نوع الغرفة 1King Bed-Courtyard =ا ليله واحده = 168 $


Santa Monica Beach Hotels - Ocean View Hotel in Santa Monica

Orange county - Newport beach


Ramada inn and siute = نوع الغرفة 1 King Bed Suite =ا 4 ليالي = 429 $

Ramada: Online hotel reservations, special hotel discounts, vacation packages and Wyndham Rewards

San Diego


days hotel circle = نوع الغرفة Business Place Room 1 King =ا 4 ليالي = 325 $


Hotels in San Diego | San Diego Zoo | Sea World Hotels | Days Hotel - Hotel Circle, San Diego, CA

Las vegas


Mirage Hotel = نوع الغرفة Guest Rooms king bed = ليلة واحدة = 85 $


http://www.mirage.com/


Bellagio Hotel = نوع الغرفة Lakeview Deluxe Room = ليلة واحدة = 125 $

Las Vegas Hotels - Bellagio


Encore Hotel = نوع الغرفة Panoramic Suite King = ليلة واحدة = 250 $

Encore Las Vegas, Las Vegas Hotels, Encore at Wynn Las Vegas


Palazzo Hotel = نوع الغرفة Palazzo Luxury View Suite =ا 4 ليالي = 603 $

The Palazzo Las Vegas - Resort Hotel Casino

تذاكر الاماكن السياحية


الاسعار للشخص الواحد


sea world =ا 42 $


Worner Bros WB =ا VIP Tour =ا 48 $


NBA = خلف احتياط فريق lakers =ا 325 $


Disneyland = نوع التذكره park hopper الدخول للحديقتين ليومين = 151 $


Six Flags magic mountain =ا 43 $


Alcatraz =ا 26 $


Gondola Ride - Private Boat in venetian hotel =ا 64 $ لشخصين


madame Tussuad متحف الشمع - لاس فيغاس + هوليوود = 50 $


universal studios = VIP tour =ا 239 $


Total Yosemite Experience & Giant Sequoias =ا 139 $


Grand canyon Sunset Tour =ا 390 $


Las vegas Shows


O =ا 172 $


Ka =ا 172 $


Le reve VIP Seat =ا 202 $


blue man group =ا 103 $

الاجمالي


مجموع تذاكر السفر والاماكن السياحيه للشخص الواحد = 5739 $


مجموع الفنادق واجار السياره = 5711 $

 

[دلوعة أبوي**]

الادوات اللي ساعدتني في السفره

اول شي نرحب بصديقي في السفره رغم الخلافات اللي صارت بينه بس نبقى اصحاب وهو


Garmin 765t ]

وهذي الكاميرة اللي استخدمتها وهي كاميرة فيديو HD جدا ممتازه وواضحه وفيها تصوير عادي حتى اثناء تصوير الفيديو ممكن التقاط تصوير عادي Sony HDR-XR500V 120GB HDD High Definition Camcorder w/12x Optical Zoom

وهذي الكاميرة العاديه وتصويرها العادي افضل من كاميره الفيديو بس ان شاء الله المره القادمه باخذ معاي canon .. وهذا اسمها Sony Cybershot DSCT300/B 10.1MP Digital Camera with 5x Optical Zoom

القارمن انصح فيه وبشده

كاميرة الفيديو انصح فيها وبشده وانا الحين اشوف تصوير الفيديو كأني انا هناك

الكاميرا الديجيتال افضل تغييرها الى canon لأخذ صور افضل للطبيعة

 

[أم أنور]

woooooooooooooooooooooooooow الاخ بدع بسفرته صج صجججج عليهم بالعافيه

 

[ALFRED]

فعلن مشكورين