كما تدين تدان(قصة دلال ومحمد) قصة حقيقيه 100%[ مسَمُوح بهَآ ]

[TATA.Q8]

شكراااااااااااااااا ع القصه
امبيييييييييييييييييييييييه تره صج حدي انقهرت
تره دلال موبس طيبه الا ساذجه بعد
والله لو منها اتم عانس طول عمري ولا ارضا بواحد ماعرف يحافظ علي... لا وتخلى عني بعد
اففففففففففف <<< حدها منفعله ;p
يلا بانتضار البارت الاخير وشكرا شكرا شكرا ع القصه

 

[gala_roohey]

حبيبتى مشكوووووووووووورة واااااااااااااايد على القصه .... بس ترى محمد وايد احبها بس ابليس لعب بعقله الله يهديه لها ..... وناطرينج حبوبه

 

[الجرح الدفين]

مسكينهـــــــــ دلال .... اللهــ يوفقهــ

نااااطرين الباارري الاخييييييييييير ...

 

[Al9out-Aljare7]

الذين تشاهدون محتوى الموضوع الآن : 15 ( العضوات 6 والزائرات 9)
‏Al9out-Aljare7, ‏A7la Jekra, ‏أميرة العود, ‏ملكة الأشواق, ‏الحلوه وبس, ‏MC ANFAL

 

[Al9out-Aljare7]

بارت11
ابو دلال: وشنو شهادة الصبي؟
امل: ثانوية ويشتغل اب......
ابو دلال: يعني معاشه زين
امل: اي اكيد فوق ال 1000 اعتقد
ابو دلال: يبا اذا اهيا تبيه كيفها مانوقف بطريجها ان كان خوش صبي
وانا عن نفسي بروح اسأل عنهم
مو ضروري يا امل يكونون اغنيا عشان ارضا.. المهم يعيش بنتي عيشة زينة انا يوم خذيتج كانت حالتي حيل بسيطه
وانتي تذكرين عدل اعتقد واذا اخلاقه زينه وشاريها انا ماعندي مانع
امل: يعني انت شايف جذي(حيل استغربت من رد ريلها!! اللي توقعت انه حيل بيعارض)
ابو دلال: ايه حياهم الله.. بس خليني اسأل عنه
امل: اي ولي عافيك ترى هاذي وحيدتي وخايفه عليها
ابودلال: انشالله ولا يهمج

محمد ودلال ناطرين الخميس على احر من الجمر
صار الخميس
وراحت دلال الصالون سوت شعرها تكسير
وردت البيت حطت ميك اب برونزي وشدو رمادي وماسكرا وايد طولت وكثفت رموشها حيل
وحمرة بنفسجيه فاتحه تينن عليها
ولبست نفنوف بنفسجي غامج جبنيز حيل ضيج ومخصر جسمها وطوله لي فوق ركبها على طول وصاير نازل شوي عند الصدر
ولبست كعب فضي وزينت رقبتها بطقم الماس ناعم حيل ويا تراجيه وخاتم واسواره وساعه كبيره مرصعه بالالماس
امل: ماشالله يمااااااا تهبليييييييين تعالي ابخرج واقرا عليج المعوذات لا اله الا الله عليج
دلال: واي يما استحي احس اني كبرت
امل: ايه يما كبرتي شنو بعد هههههه
دلال: ههههههههههههههه
الساعه 7 وصلت ام محمد وياها بناتها واختها
وشافوا دلال وحيل حيل انبهروا بجمالها واناقتها
كلش ماتوقعوها جذي
وغير هذا بنت شاطره وتدرس بالحقوق كامله والكامل الله
ماخرب عليها الا سوات ولدهم الله يسامحه
تعرفوا على اهلها وامل حيل حبتهم حست انهم على نياتهم وخوش ناس
طلعوا الساعه 10

امل: يما تصدقين حبيتهم مبينين خوش ناس
دلال: اي يما انا بعد ماتوقعتهم جذي
محمد يتصل على دلال
دلال: يما عن اذنج
محمد:الووو
دلال: هلاا حبييي
محمد: هلااااابالقمر هلاا باللي رفعت راسي اهلي خقوا عليج
طايحيله تمدح فيج
دلال مستحيه: يسلمون
محمد: دلول يعني خلاااص انتي حقييييييي
دلال: انشالله باذن الله
محمد : انشالله يارب

بعد شهر من هذا كله ملج محمد على دلال
وعرسهم صار بتاريخ 1-5 -2010
وبصراحة من جمالها بالعرس ماشالله وشكلها شلون كان اينن بجينا عليها احنا رفيجاتها صج كانت قمر
وبدون مبالغه احلى عروس شفتها بحياتي....
بعدين خذاها شهر عسل النمسا وسويسرا
واخر مكالمة بيني وبينها بلغتني انها حامل
ومحمد حيل تغير حتى الاغاني قطعها ومحافظ على صلاته
وووخر عن ربع الخراب والسوء
وحاط دلال بعيونه واهيا صاينه ريلها وبيتها
وعالكورس الياي بيبدي يداوم بأحد الجامعات الخاصه بالكويت
بمساعده مرته

اخت محمد(اللي جكها بالشاليه): زوجها من اول واحد خطبها وتطلقت منه بعد شهرين من العذاب والطق اللي كان كل يوم يصبحها ويمسيها فيه
زينب: تزوجت ريال غني بس للأسف مع الايام اكتشفت انه فيه شذوذ جنسي ويميل لجنسه. ماتحملت وتطلقت منه
ايمان: مكملة حياتها عادي بس تهاوشت اهيا وزينب هوشة ليش؟ سوت فيها مثل ماسوت بدلال

الله لا يحطكم بموقف دلال
واللي مرت فيه من محمد
ولايرزقكم بواحد يسوي سوات محمد
بس يرزقكم بالسعاده اللي دلال ومحمد عايشينها الحين
ديروا بالكم من شباب هالوقت
هذا الله هداه وصحا ضميره ويا أخذ البنت
غيره وايد ماعندهم ضمير
اشكركم على متابعتكم وياي وانتظروني بروايات قادمه
وانشالله عجبتكم القصة
واتمنى ان كل وحده قرت النهايه
تبدي رايها باللي صار.. لمحمد ولدلال
وسامحوني اذا طولت عليكم بتزيل البارتات..وسوري اذا كان في مني اي قصوور
ومشكورين​

:fun::fun::sfg::fun::fun:

 

[شــــــــــــــوقــــه]

waiting << شنو تلفون

 

[Al9out-Aljare7]

شــــــــوقه : كا حبي حطيت باااارت

 

[شــــــــــــــوقــــه]

الحمدلله صلح غلطه والله يهديه و يوفقهم

 

[ايطاليه]

وووووووووووااااااااااوووووووووو

القصة روووعة الله يطيج الف عافية

والله يتمم على محمد ودلال السعادة يارب

 

[شــــــــــــــوقــــه]

شــــــــوقه : كا حبي حطيت باااارت

اي حبيبتي ما شفت مشكوره :eh_s(22): و يعطيج العافيه


و عن نفسي استفيد من هالقصص حيل اعتبرها عظه و عبره

 

[ايطاليه]

وووووووووووااااااااااوووووووووو

القصة روووعة الله يطيج الف عافية

والله يتمم على محمد ودلال السعادة يارب

 

[الحلوه وبس]

القصه عجييييييييييييييييييييييييييييييييييبه يسلمووو خيتو
وتسلم ايدج

 

[so_what]

يسلمووو حبيبتي على القصه و والله يخليهم حق بعض ان شاء الله

 

[Strawberry Shortcake]

القصــه واايد حلووه ،،
الله يوفقهم انشالله ويرزقهم بالذريه الصالحه ،

 

[كيكه كتكات]

هيااااااااااااااااااا

أيواااااااااااه جك جك جك جك :d <<جوجو ركدي لووول

يعطيج ربي الف الف عافيه على هالروايه الي اللصراحه اكثر من الروعه واسلوبج كان جدا سلس وحلووو

والله يهني دلال مع زوجها وانشالله حياتها كلها سعاده ب سعاده ويتمم عليها ان شاء الله

مع خالص شكري :*

 

[الزين كله فيها]

واااايد حلوه القصه يعطيج العافيه وتسلم ايدج و الله يوفقهم و يرزقهم الذريه الصالحه

 

[lovkom]

يعطيج الف الف عافيه

والرواااايه قوويه وحلووووه و حــــيييييــل إعجبتني

ومبروك عليهم الزواج والبيبي الياي بالطريج :eh_s(3):

والله يتمم عليهم والحمدالله الي الله هداه وصحا ضميره من بعد عذاب وخطبهاا ..

الله يخليهم لبعض ..


وشكر خاص لج (( الصوت الجريح )) عـ الروايه الحلوه وبالعكس مافيها اي قصوؤر حبيبتي ..

ناطريج برواياتج ولا تحرمينا من قصصج ​

 

[A7la Jekra]

alllllaa Y5lehm 7g b3'9 w ywfghm

w el 89a muu 9j

 

[TATA.Q8]

شكرااااااااااااااااا يسلمو الايادي
القصه وايد حلوووه وفيها عبره
بس لازم يديرون بالهم البنات تره مو كل الشباب مستعدين يصلحون غلطتهم

 

[~*~الملكة~*~]

يعطيج العافيه والله يتمم عليهم سعادتهم


الحمدلله ان محمد طلع في خير وصلح غلطته