:: كما وصلني بالايميل من ارامكس :: قانون الجمارك الصينيه الجديد::

[اطياب طيبه.أم عبدالله]

السلام عليكم

كوبي وبيست بالظبط نفس ما وصلني

السؤال الذي يطرح نفسه هل راح تطبق علينا هالقرارات ؟؟

انا اشهد ان فلسنااااااااااااا

 

[ام ورود مول]

مو باين شي
خير اشصاير؟؟؟

 

[اطياب طيبه.أم عبدالله]

هلا فيج

اقري المكتوب فوق

 

[ام ورود مول]

اللي فهمته اننا لازم نطلع رقم او ترخيص عشان نستورد بضاعه من هناك؟

انزين ليش تشحنين عن طريق ارامكس اذا بضاعتج من الصين؟؟

شحني عن طريق ems او dhl احسن و ارخص

 

[اطياب طيبه.أم عبدالله]

ما اعرف طريقتهم ما اعرف الا حق ارامكس

توني راده من الطبيب وبدق عليهم اشوف اشسالفتهم هذيلي

توهم دازين لي مسج عندي شحنه حسابها فوق ال 60 دينار وكلها جم قطعه

تصدقين ما يستحون ؟؟ وهالرقم بالله اشلون نطلعه ؟؟ اكيد عن طريقهم وبفلوس بعد

شكلهم لا قينا الجماعه تصدقين ؟؟

 

[ام ورود مول]

ترى والله ما يسوى تشحنين من الصين عن طريق ارامكس
وايد اغلى

انتي قولي للبايع اللي تشترين منه ابي تشحنهم عن طريق ems ويوصلون بعد اسبوعين الى 3 اسابيع تروحين كيفان تستلمينهم
او dhl يوصلونه لي بيتج

انا ما استخدم الارامكس الا اذا طلبت شي من امريكا او بريطانيا...سعرهم وايد غالي وخدمتهم أي شي

انا عندي شحنه صارلها عندهم شهر كل يوم يدزولي مسج انها بتوصلي اليوم

وما توصل
ليمن دقيت وتهاوشت وياهم...ما تسوى حرقة الأعصاب

 

[اطياب طيبه.أم عبدالله]

تهقين دي اتش ال ارخص منهم ؟؟

وهم لازم اسويلي اكاونت ؟؟

 

[Le-Touch]

لا ما يحتاج اكاونت, بس تعطينه عنوان بيتج ورقم التلفون
وراح يوصلونه لج للبيت هذا بخصوص دي اتش ال
بس اي ام اس انتي تروحين تستلمينه من بريد كيفان

دي اتش ال اسرع من اي ام اس
غالبا يوصل خلال 10 ايام
اي ام اس وقته مو مضمون مرات يتاخرون اكثر من 3 اسابيع

 

[اطياب طيبه.أم عبدالله]

طيب حبايبي دي اتش ال جم عمولتهم تقريبا على النص كيلو .؟؟

 

[أم حمودي**MALL**]

ام ورود بريد كيفان يطلعون الاغراض عادي؟
مايسوون سالفه ويقولون لج تجاري؟!

 

[Chic & Unique]

حبيبتي هذا له علاقه حق الشحنات اللي اكثر من 15 كيلو لاااازم يكون في رقم رخصه حق الشخص اللي طلب الاغراض

ام الشحنات اللي اقل عادي الوضع طبيعي حاليا على قولت الموظفه بس قالت لي راح يطبقونها بعدين حق الشحنات الصغيره

 

[rainbow77]

حبيبتي بالنسبه لي وطلباتي كلها من الصين بعد ماوقفولي اغلب شحناتي ويقولون الجمارك موقفتها ونهبوني قمت ماتعامل مع الارامكس كله عن طريق الدي اج ال ترا اسرع ولما يوصلون الاغراض لي البيت ماتدفعين لهم عموله وقولي للبياع الي بالصين اب تشحنون لي على الدي اج ال ولا مابي الاغراض بيشحنونة لج اكيد بس حرصي عليه وقوليله ان في مشاكل مع الارامكس حتى لو قالج ارخص وجذيه اصري على الدي اج ال وشوفي

 

[girl0lisheis]

:0bee2e8d89::0bee2e8d89::0bee2e8d89:

 

[ام ورود مول]

ام عبدالله ترى الشحن عن طريق dhl يحسبلج اياه البايع ويضيفه على سعر اغراضج ويعطيج المبلغ الاجمالي...فسعر الكيلو يختلف على حسب هو بأي منطقة بالصين

يعني لما يوصلولج الاغراض لي بيتج ما تدفعين شي...تكونين دافعته خلاص

ام حمودي بريد كيفان مرات يمشون ومرات ينشبون...على حسب الموظف ومزاجه :eh_s(4):

والله ترى ما اتغشمر...بعض المرات يصادفج موظف حليو ويمشي...ومرات واحد غثيث يناشبج

بالاغلب يمشون حتى لو خلوج تدفعين رسوم جمركيه...بس همن يبقى السعر احسن من ارامكس

بس اذا مالج خلق تعابلين بالبريد خليهم يشحنون لج بضاعتج عن طريق dhl وارتاحي

 

[اطياب طيبه.أم عبدالله]

وانا اقول ليش عندي شحنه من الصين متاخره من شهر 11

وكلمت السيلر رد شحنها لي مره ثانيه وللحين هم ما وصلت