كم صرفيتج شهريا

[منووله مشعل]

على حسب ...

 

[al7our]

كل شهر على حسب الإلتزامات ، بس اذا شهر ماكو مصاريف تقريبا 200

 

[انا لحبيبي .]

على حسب ،

 

[مناكير فوشيه]

على حسب ...

 

[boliana_q8]

بصراحة انا شهريا اصرف 750 على ولا شي
يعني الي ذابحني السوق
لما ادخل السوق ما استغلي شي
اذا عندي فلوس اخذ كل شي
بس هالطبع بايخ يعني من ينزل راتبي بعد اسبوع يخلص

 

[بوغاتي88]

مافي مبلغ محدد limet مفتوووووووووح

 

[آتعــبني غـلآآك]

والله كل مصاريفي ع الوالد الله يطول بعمره

 

[غير كل الناس]

1000 بدون مبالغه غير اللي يدفعه ابو العيال

 

[غمزه وإبتسامه]

انا مو متزوجه

ومو موظفه
ومتخرجه من الجامعه
اصرف كل شهر

امممم اقل من الاميه او اميه على خطي والوايفاي
وثلاثميه وتسعين على خرابيط بدل صوالين مطاعم اكثر شي كريمات عيادات نظارات عدسات مكياج ووووو الجمعيه اروح الجمعيه اقط اربعين دينار او خمسين ستين جذي كريمات واكل

 

[المـــــها]

مافي ميزانية محدده
طبعا المصروف على زوجي
عندج مصروف البانزين بروح
و الفواتير 40 دينار
و الثلاجةبالشهر مع اغراض الجمعية من شامبو و كريمات إلخ 60
المطاعم يعني سندويتشات و وجبات بالأسبوع تقريبا 5
الصالون 20 تقريبا
تقريبا خنقول 150 دينار
هذا الثابت

و البيبي مصاريفه إن شاء الله على زوجي مع معاش الخادمة



اما اذا ابي عبايات جدد او جواتي عزج الله او قمصان او طلبات الدوام من وسائل و أقلام وايت بورد و حبر و غيره
هذا حساب ثاني

و بمااني بتوظف إن شاء الله بفتح لي سيارة مادري جم قصدها؟؟
و طبعا باقي المعاش راح يكون لي اشتري اللي بخاطري و اخش منه و اعطي اهلي ..

 

[اخت خالتهم]

والله ما احسب
حسب طلعاتي ومصروف الجامعة والصالون مرتين بالاسبوع
و العشا كل خميس مع خواتي ..

وعلى حسب روحه السوق

 

[دكتواره]

اتوقع تصرفون المبلغ خالي من الالتزامات. انا اصرف الف دينار ملابس واشتراكات نت وتلفون وبي بي وسيارة وبانزين اهىء اهىء

 

[روائع الجوري]

انا مو موظفه اخذ من زوجي كل شوي يعني كل اسبوع بلسوق بس انا قنوعه تقريبا 400 دينار اذا رحت السوق واحيانا 200 وفيه اشهر ما اخذ حتي 20 دينار علي حسب النفسيه بس زوجي يشوفهم كثير السوق نار شنسوي

 

[AVE.NJ]

ماشالله عليج
انه ودي احط كنترول بس مو عارفه

 

[ابلة مبتسمة]

وااااي ياربي انا معاشي كله طااااااااااااااير على شنو مادري ياربي

على اشياء ولبس ومكياج وعطورات وهدايا وملابس حق ولدي الخ.....

يعني اعترف اني صريفة بس ما تحمل ياربي ادخل السوق وما اشتري شي ما اعرف

حاولت امسك نفسي ورجعت على طبعي وبحاااااول مرة ومرتين وعشرة امسك نفسي

طبعا غير الفلوس الي رايحة حق اغراض المدرسة والطالبات والورش ماشاء الله ميزانية بروحهم وتكلفة يعني المعاش طاير طاير



*

 

[pinkoosha]

تمر علي اشهر ماصرف حتى خمسين, بس لي بغيت اسوي شوبنق اقط كل الي بجيبي امووووووووووووت عالتسوق والملابس واركب بدل وفاشن ,,طاح حظي فلوسي كلها تطير على هالشغلات لو افتح لي مشغل وانزل معارض احسن

 

[أم ريــــــم]

يطيرالمعاش كله من اول اسبوووع
واقط وجهي على زوووجي



ماكوووو نظام في حياتي فوضويه

 

[roseberry]

انا مو متزوجه ولاعندي التزامات ولا اقساط
راتبي كبير ولله الحمد بس كله يروح وينصرف شلون مادري

طلعات ومطاعم واكسسوارات .. ليت فلوسي تروح على المجوهرات
لا انا احب الاكسسورات والفاشن وفلوسي كلها رايحه على هالاشياء

توني بديت اوفر شوي .. يلا الحمدالله

أسأل الله انه يبارك لي فيه .. ويرزقنا اجمعين من حيث لانحتسب

 

[سكوتي بذوقي]

زوجي كل شهر يعطيني 3 آلاف ريال

بس ماصرفهم كلهم

على حسب إحتياجي

أكثر شي يروحون لكشختي له فديته

يعطيكِ العافيه

 

[هتـــان]

احم احم انا عندي مشروع خاص توني باديته بس ماشي معاي حلو مره الحمد لله بس من اول يوم فهمت زوجي فلوسي فلوسي وفلوسه فلوسنا خخخخخخخخخ< نصابه صح
المهم زوجي يعطيني حوالي خمس الاف ريال بس شهريا استهبله حوالي الفين او ثلاث ذياده وهو اموره طيبه الحمد لله ومن عندي انا حوالي خمس لسبع الاف ريال منها فلوسي ومنها ابويا يعطين وامي تعطيني واعمامي لاني دلوعه العيله واغلبها تروح عطور ومكياج ومشاغل وخلطات وووو اللسته تطول المهم بس انا مررره احب اغراض البيت يعني اجيب طقم قهوه جديد كاسات عصير تباسي ومن الشغلات هادي المشكله اني ما اوفر ولا شي ابد عاد الله يعين واتعلم

بنات لاحظت شي كن الكويت ارخص من السعوديه في الاسعار احس اننا نصرف واااجد لا يكون منصوب علينا وما ندري<مفكره تروح الكويت شوبنج تجرب نايس موضوع وموفقات جميعا

لااااا حرام عليش ياحلو رخص السعوودية والله الكويت اسعارهااا ناااار خصوصا المواد الغذائية فررررررق مو طبيعي بالسعر وهم الصيدليات فرررررق حيييييييل لا عندكم عموما كل شى ارخص وبالنسبة لي قبل كنت آخذ اعانة من الكلية وكان ابوي يعطيني شهريا 50 مع اعانتي يصير 150 وبالأعياد لا فديته والله ميزانية مفتووووحه والحين تخرجت وبطالية وقدمت على الديوان صار مصروفي 100 دينار منه وتلفوني الكروت باباتي فديته هو اللي يجيبهم من عنده من غير مصروفي ومن غير اغراض الجمعية والصديلة اروح مع امي او ابوي وهم اللي يدفعونها يعني المية تروح ماادري على شنو