كنتي حامل وسافرتي؟؟؟؟

[om MaRyooM]

السلاااااااام



بنات امس حللت طلعت حامل

مع ان ماكان لا على الباال ولاعلى الخاطر



بس الحمدلله على كل حال


الحين المشكلة ان حاجزين انا وريلي حق تايلند .. يعني اذا بسافر بكون بأول الرابع تقريبا


بس متخوفة .. سألت الدكتور قالي عادي

بس بعرف في وحدة سافرت بهالاشهر ؟؟ وماتأذت وكل شي طبيعي ؟؟؟


بليز ابي تجاربكم


اول مرة احمل واقرر اسافر

 

[Hessa.Om-M7md]

حبيبتي مجرد انج طفتي الثلث الأول من الحمل سافري انشاءالله ما عليج شر
آنا سىافرت و كنت بآخر السادس
الدكتور كان قايل لي اذا سفره قصيره روحي عادي بس أهم شي تديرين بالج على موضوع الأكل بالسفر ... ديري بالج لا تاكلين من أي مكان و بالطياره حاولي انج تمشين اذا قدرتي

و طبعاً أولاً و آخراً اخذي راي الدكتور أكيد ماراح يقص عليج

 

[yummy girl]

:eh_s(22): ما ادري والله انا سافرت بشهر الاول عادي

 

[om MaRyooM]

رد : كنتي حامل وسافرتي؟؟؟؟

مشكورين الله يطمنكم


مابي التذاكر تروح علي وودي استااانس لوول

 

[iLLuMinaTion]

ي والله

مره رحت العمره عادي

 

[om MaRyooM]

رد : كنتي حامل وسافرتي؟؟؟؟

^
^

مشالله عليج عاد عمره ! فيها حركة


يلا زين طمنتوني فديييتكم

 

[ام كوشه منكووشه]

رد : كنتي حامل وسافرتي؟؟؟؟

مبروووك قلبي عالحمل

عسى الله يثبته ويسهل حمله ووضعه ان شاءالله

حبوبه انا بحمالي الاول من اول شهر ونص سافرت لامريكا وبعدها طوول فتره حمالي كنت اسافر عادي لين قبل ولادتي اب 3 اسابيع والحين حامل بالثاني قبل فتره رجعت الكويت اسبوعين وهم ناويه ان شاءالله عالصيف ارجع مره ثانيه الكويت وراح اكوون بالخامس سالت الدكتوره قالت لي عادي مو مشكله طالما ان ماعندي مشاكل بالحمل تمنعني من السفر

 

[om MaRyooM]

رد : كنتي حامل وسافرتي؟؟؟؟

^
^

ام كوشة

مشالله تبارك الرحمن .. طمنتيني والله

مشكوورة:yaaaaaarb:

 

[كنوز78]

حبيبتي راجعى دكتورتج واذا كل شي اوكي سافري و توكلي على الله .. انا جم مرة اسافر وانا حامل و الحمدلله ما صار الا الخير​

 

[أم عبداللطيف]

الله يهون علييج وعلي وعلى جميع البنات يارب بالولاده السهله :yaaaaaarb:

شوفي والله اخذيها نصيحه من اختج

تايلاند حلوه وكلها رحلات ووناسه وسباحه واللعاب وتمشي يبلها فييج حيل قوي وتستانسيييين فيها اذا رحتي وانتي حامل وكل ساع خايفه وتحرمييين نفسج من الرحلات والبحر والسباحه والتمشي والغوص وتركبيين الالعاب كله عشاان الحمل وحاطه ايدج على قلبج انا اقولج لو ديره قريبه وكله قهاوي وطبيعه انا معااج لاكن مثل تايلاند حراام مراح تساتنسييين

نصيحه ان شاء الله خلصي من الاربعييين وخلي ضناج عند امج او احد من اهلج وسافري واستانسي وتصير الفرحه فرحتيييين فرحتج بالامومه وبعد التعب والحمال والولاده وفرحه السفرة لها طعم ثاني

وانتي براحتج وشوفي اللي يريحج:eh_s(7):

 

[فاقده ابوهاااا]

رد : كنتي حامل وسافرتي؟؟؟؟

عادي حبيبتي بعد الرابع انا كنت حامل بالخامس ورحت ماليزيا وتفرفر بالسوق ولله الحمدالله ما صار شي بس بالاوائل الحمل لا تسافرين :

 

[كرز أخضر]

اول شي الف مبروك...الله يتمم عليج بصحه وعافيه لج وللبيبي..

ثاني شي..السفر وانتي حامل مافيه شي ..الا انه يحرمج من بعض شغلات ..انا بالنمسا انحرمت من الزحليقه الصيفيه لان كنت بالرابع ..:eh_s(16):وماقدرت اصعد مغارة هتلر لانه صعبه اصعد مرتفعات.وماركبت التلفريك زوجي مارضى:eh_s(16):
بس عادي استمتعت بالسفره ..وجاني حالة نهم وشفاحه للاكل مو طبيعيه..:krkrkr:الجو يفتح النفس..

اهم شي وانتي بالطياره لاتقعدين طول الرحله عشان ماتورم رجولج..حاولي تمشين بممر الطياره وتحركين رجولج وانتي بالكرسي... وانتبهي لنوعية الأكل عشان مايصير فيج حارج وحموضه...وبس
وان شاء الله تستانسين بالرحله...:eh_s(9):

 

[om MaRyooM]

رد : كنتي حامل وسافرتي؟؟؟؟

مشكورييين ياقلبي


ماقصرتو

 

[ام عفاف الكويت]

الف الف مبروك ياقلبي
ان شاء الله بالتوائم قولي امين
حياتي شوفي عندي مره هني الله يسهل عليها
اضطرت تسافر بالرابع هني عشان علاج ولدها الله يشافيه
وعندي بعد يايتنا واحد بالسابع عشان عمليه بنتها
وماشاء الله عليهم لاتحاتين

 

[جذابه بنت ذيابه]

رد : كنتي حامل وسافرتي؟؟؟؟

الف مبروك

والله يثبته يارب .. :ggdw:

عادي اذا تعديتي الخامس


بس الرابع لا ما انصحج

والحافظ الله يا الغاليه


:eh_s(17):

 

[السهم الصويب]

مبروووك والله يتمم عليج ...


انا سافرت وكنت بالثالث ...

عادي بالعكس ماكو نساة
تنسين مع الاجواء الحلوة

وبالسلامة انشالله

 

[om MaRyooM]

رد : كنتي حامل وسافرتي؟؟؟؟

مشكورين حبايبي

والله ريحتوني .. الله يرزق كل وحدة بكل اللي تتمناه

 

[سيلينا]

رد : كنتي حامل وسافرتي؟؟؟؟

اذا ماعندج اي مشاكل بالحمل عاادي انا سافرت بحملي الاول وانا باول يوم بالثامن
لمده 14 ساعه ماضرني بالعكس طفت شهري

وبالثاني سافرت وانا بالرابع وهم 14 ساعه الحمدالله كلش مافيها اي مشكله طلما حملج مستقر وماصارت لج اي مشاكل بالحمل

عاادي
** بس وانتي بالطياره تمشي حركي رجولج عشان لا تنتفخ هذي كانت توصية دكتورتي وقالت لي البسي دلاغ

​

 

[حورية البحر 1]

ألف ألف مبروك على الحمال
والله أنا نفسج جبيبتي حامل صالي 4 شهور ودي أسافر دول الخليج بس شوي مترددة بس أنتو جنكم شجعتوني على السفرة :eh_s(9)::eh_s(9)::eh_s(9)::eh_s(9)::eh_s(9)::eh_s(9)::eh_s(9)::eh_s(9):

 

[آهات الليل]

رد : كنتي حامل وسافرتي؟؟؟؟

الله يتمم عليج انا سافرت
مرتين وانا حامل اول 4شهور رحت تايلند بس تعب بالطياره:eh_s(2): وهم لوعه مثلا لما تشوفين اكلهم اللوعه
الله يكرم النعمه بس وناسه المشكله بالنساة

وسافرت الامارات
لاتخافين سهالات ان شالله