كنتي مظلومه والله نصرج تعالي قولي لنا تجربتج وشنو سويتي وشفتي النصر عليهم

[اسيره السحر]

اكمل لكم
هناء الخبيثه كانت حماتها تتشغل مع مرت اخو بدور شووفو الصدفه شلون تلعب دور
وهني نصيحه للبنات
موكل شي تسولفينه
يعني اصلج وفصلج وحمولتج
ماله داعي تهذرين وتسولفين تري الكويت وايد صغيره
بعدي عن المعلوات الشخصيه تماما واحذري من صديقه اليوم تكون عدوة الغد
قامت هناء ووصلت حجي عن بدور لحماتها
والي بطبعها تحب الهذره ونقل السوالف
نسيت اقول لكم طبيعه شغلي
انا اشتغل بوظيفه تستدعي تعاملنا مع الرجال
رغم ان قسمنا مومختلط لكن الاحتكاك دائم بينا وبينهم
هناء الخبيه صارت توصل سوالف لمرت اخو بدور عن طريق حماتها
الي بعد ماتيقنت ولاسالت
وفي ايه اذا جائكم فاسق بنب ولاتنسون زوجه رسلولنا صلي الله علي واله وسلم انرمت في عرضها والله براها بسورة براءة بالقصه المشهورة
ظلت هناء توز وتوز وتودي سوالف خياليه طبعا
ومرت الاخو تخش وتخزن
بيوم من الايام تهاوشت بدور مع مرت اخوها بخلاف عادي
شوفو كيد الحريم
قامت مرت الاخو وفضحت هناء عند اخوها
والاخ طبعا لاسلام ولاكلام دش البيت وهات ياطق ببدور
وماخلي فيها عرج صاحي من الطق تابعوني

 

[اسيره السحر]

اكمل لكم
الاخ بعد ماشيشته زوجته طق بدور المظلومه والي اشهد لها بحسن الاخلاق ولاعمري شفت عليها شي
واختفت بدور فتره واخذت اجازة خاصه وظلينا ننتظر دوامها علي احر من الجمر طبعا ماكنا نعرف ليش البنت اختفت وشصار
تدرون البيوت اسرار بس بعدين عرفت من الطرفين
اخو بدور حكم عليها تقعد بالبيت وتحقق لهناء هدفها وبعدت بدور عنها
بكل حقاره طبعا
بعد فتره يابنات لاحظنا علي هناء تغير واضح
بدت البنت تتغير وتذبل
ولونها صابح قريب من الازرق وشاحب
ويوم عن يوم
تترادي حالتها وتزيد شحوب
وصارت تطلع فيها التهابات غريبه عجيبه
مرة بلسانها مرة بلثتها
وكل فتره تسخن وتطول ياله تطيب بعد فترة داومت بدور وسبحان الله كانت حزينه ومنكسره وحتي سيارتها اخذها اخوها منها
وصار يوصلها بنفسه
ارد علي هناء الي كانت تغيب بالايام
واستمرت رغم تعبها تتحجي بعرض فلانه وعلانه ولاتغيرت
لين يوم طاحت عليما بالدوام ودقوا علي الاسعاف تاخذها لان الكل مايحبها ولاحد تبرع يطل بوييها حتي من كثر بلاها الناس كرهتها وحقدت عليها
شالتها الاسعاف وطلعنا انا والمشرفه وراها للمستشفي
وهناك حجزرها للتحاليل والفحوصات وردينا لشغلنا
شتظنون صار لهناء وشنو رد فعل بدور

 

[((shoOoshoOo))]

اتوقع صار بهناء مرض مو زين

امبيه شنو هالدنياااا الحين بدور وقفت معــــــاها ليش سوت فيها جذي ؟؟

 

[بحط قلبي بين إيدينك هدية]

والله شكلها حايشها مرض خبيث. الله أعلم

 

[مصدر الحب]

اتوقع صار بهناء مرض مو زين

امبيه شنو هالدنياااا الحين بدور وقفت معــــــاها ليش سوت فيها جذي ؟؟

اتوقع نفس رد الاخت ​

 

[دانات2]

سبحان الله

 

[اسيره السحر]

اكمل لكم
استمرت هناء بالمستشفي لفتره طويله ولاعرفو شنو علتها
وطلع بلسانها يابنات يكافيكم الشر دمل ماعرفو شنو سببه
ولاعرفو شلون يعالجونه
بعضالاطباء قال نعالجها بالحرق
مثل حرق اليزر البارد
وبعضهم قال هذي خلايا نايمه ومانبي نصحيها عشان لاتهاجم جهاز المناعه
والبعض قال علاج كيماوي بسرعه قبل لاينتشر بجسمها لانه شكله في بدايته
هناء صدقوني رمغ هذا ولا تغيرت وتحش بفلان وعلان
وتداوم ساعتين وتطلع من كثر المرض
استمرت هالحاله ست شهور لين فجاه طاحت هناء ن يديد علينا بالدوام
شالوها الاسعاف مثل المرة الي فاتت تصدقون رغم مرضها ولاحد شفق عليها
وهالشي خوفني زياده
معقوله في بشر الناس تبغضه لهذي الردجه حتي شفقه علي المرض مايشفقون اللهم ياكافي
دشت هناء المستفشي والقو لها المرض الشين انتشر بحلجها كامل
من الشفايف لين البلعوم
وتحتاج جرعات كيمائي او شي جذي
طبعا لاتشوفون هناء بهذا الوقت والله لايحطكم بمكانها
المرض والخوف هدوها
وصارت مثل الورقه من الضعف
وانا كنت ازروها دايما مع المرشفه بس باقي البنات ولاعتمو يتصلون تلفون وهالشي بعد غلط
يعني يابنات صدقوني الشماته موزينه
وعياده المريض تشفع لج يوم القيامه غير انها تدفع البلاء
ورغم اني والمشرفه يااما تاذينا من لسان هناء وهم بعد اخذت من فلوسنا وعطتنا طاف
بس هم بالمرض مافي مجال للحقد وامرها الي ربها
وهني بقولكم عن بدور
البنت سبحان الله رغم ان هناء اخذت فلوسها كانت تسالني عنها وتسلم عليها بس مازارتها وسبحان الله احيانا النفس تكون مجروحه وماترضي تتسامح
صفو قلوبكم يابنات الدنيا ماتسوي وووكلو امركم الي الله بس
بعد فتره ترادت حاله هناء ولافاد فيها العلاج وارسلوها للخارج
وهناك يابنات قالو حالتها انتشرت بكل جسمها
ومافي مجال
ردوها ديرتها تموت عند اهلها
تابعوني

 

[قمـ الإحسـاس ـة]

اسيره كله تشوقينا وبس
يلا كملي

 

[اسيره السحر]

والله ماقصد اشوقكم لكن انا بعيد الشر عنج مريضه واكتب شوي ببطئ
وابي بعد تفكرون معاي بلي اكتبه عشان تساعدوني وتعلموني وهالشي وايد يفيدن علي بحياتي مثل مارح تستيفدون بعد من قصص غيركم
وانتظر منكم تكتبون رايكم والي عانيتوة واوعدكم بالمووضع هذا راح اكتب لك شغلات ماتطري علي البال وخصوصا القصه الي بقولها لكم عن غيره الضراير والي بتكون من العيار الثقيل
تابعوني
بطلع الحين واشوفكم باذن الله بليل
لاتنسون الاذكار والتحصين واستودعتكم الله

 

[((shoOoshoOo))]

حافظج الله اسووورتنا
نشوفج بالليل على خـــــــــير ..

 

[um jarra7]

ماتشوفين شر يالغلا
شوقتينا والله :d
قاعدة افكر بعدة افكار
يا ترا توفت والله الرحيم ولا تشافت والحمدلله ولا شنو ؟
ناطرينج

 

[قطوتي]

ويه ماكملت القصه :eh_s(16):

 

[الزين والغلا لي]

تكفيييييييييييييييييييييين اسسسسسسسيييييييييييييييييييييييييييييييييره لااااااااااااا تعلقيييييييييييييينا كملييييييييييييي يا الغاليه نااااااااااااطريييييييينج

 

[_ظل الياسمين _]

خلى هالقصه تكون عضه للمتكبرين والمتجبرين بالغلط..

ربى موجود وياخذ حق كل مظلوم.

 

[كيكة دلال]

طال الزمن أو قصر لابد تشوفين حوبتك باللي ظلمك

 

[حنوشه الحلوه]

انا بنت خالت زوجي
طالعت روحي
كله تحاول تشوه صورتي جدام
زوجي وامي الي اهي ام زوجي
اوصلت فيها الدرجه انها تدز مسج حق ريلي وتقوله اني احب واحد
تعال شوفها في السواق الفلاني
اهي الي دقت على وقالت لي تعالي ابي اكلمج موضوع اناقلت بروح يمكن الله هداها
زوجي قال لي لا ما تروحين انا بوصلج
وبنطرج برا بس لا تقولين لها
المهم
قبل ما اوصل للسوق بدقيه دزت هل مسج زوجي رواني المسج يمه
صج بحزتها مت قهر زوجي جن جنونه
قال بنزل معاج نزل وشافها
اهي راحت تركض جنها ما تعرفنا كان معها واحد هندي لووووووووووووووول يعني هذا الي احبه
على طول زوجي راح بيت امهاما قال لها شنو صار لين
اوصلت للبيت
كفخها تكفخ مع العلم ما عندها لا اخوان وابوها متوفي
والله ما رضيت عليها
حتي طلع دمها ما وقف تكفخ الا يوم شاف امها تبجي
هذا كله علشانها تحب ريلي اول !
الحين تمشي على العجين ما تخربطوش مدري تبعتروش مادري الي هي

 

[لمياء 99]

طال الزمن أو قصر لابد تشوفين حوبتك باللي ظلمك

ايه والله صااااادقه

 

[اسيره السحر]

شلونكم حبايبي اتمني تكونون بالف خير يارب
اكمل لكم القصه وبعدين بعلق علي بعض الاخوات الي صراحه ربي يعينهم علي مابلاهم ويبرد علي قلوبهم
وقفنا عند هناء لما بعثوها علاج للخارج وانا بيني وبينكم قلت خليني اكون طيبه واكلم البنات بحيث يحللونها لانها بين حياه وموت ومانبي تواجه ربها بذنب الي اذتهم
كلمتهم وحده وحده وماتجاوب معاي غير المشرفه والباقي كلهم شايلين وكلهم مقروصين قرص سنع من هناء
وهني كلمه بوجهها للكل وانا اولهم
ياليت نترك حساب العبد لربه وناخذ بالدنيا اجر الصابرين وماقدر اجبر احد يسامح وينسي الاذى والاساءة واكيد هالشي صعب ومر
بس اقول يمكن المظلوم قلبه اطيب وايد من الظالم ويمكن الله عطانا صبر وحلم اكثر من الظالم
اقول هالكلام لنفسي لاني ماحلل من اذاني بس صدقوني قي باقي الامور متسامحه الا بالي حطم حياتي وزواجي ماقدرت وللحين احس غصه بقلبي كل ماتذكر
مع اني طلبت ربي لما حجيت ان يشيلهم من قلبي ويتوكل سبحانه فيهم بس ماقدرت دايما اتحسب عليهم مو بكيفي من حر قلبي
الهم نرد للبنات الي رفضو مسامحه هناء
وصلت لبدور وكلمتها وهني قالت والله ماسامح ولا احلل هناء وانتي ماتدرين هناء شنو سوت فيني
والله مابيحها وخليها تواجه ربها بذنبي
قلت لها يابنيه الفلوس وصخ دنيا وماتسوي سامحي
قالت لا السالفه اكبر ولا قالت لي بوقتها شنو الي اكبر
ونرد لهناء الي هناك قالو يردونها الكويت تموت بين اهلها يارب سترك
ردو هناء علي نقاله وسيدا دخلوها المستشفي
واتصلت اختها علي وقالت طلبتد يااسيره تجين لناء قلت ابشري باجر
قالت لا هناء تنازع الروح وتبيج
رحت انا وامي بوقتها لهناء وكان الوقت متاخر بس شسوي خفت تموت وهي تبيني
اول ماوصلنا كانت هناء بحاله تخوف ماقدر اوصفها لكم
كل مافيها يخوف
والمشكله مسوين لها عمليات بحلجها وشايلني من فكها يعني سبحان الله كلها علي بعضها تدمرت الله الشافي المعافي
طبعا ماكانت تقدر تتكلم واختها قالت لي الكلام
مسكت ايد هناء والله يابنات لما شفتها بالحاله هذي عرفت البشر شكثر ضعيف ولايسوي
بس هاللسان الوصخ
ربي يجيرنا يارب من المرض
قالت لي هناء عن طريق اختها انها تبي تتسمح من بدور بالذات
قلت ماعليج هي سامحتج
اشرت بايدها لااااااااااااااا
قلت انا اكلمها لج
وفعلا كلمتها وبدور اصرت ماتسامحها ابدا
ورديت حاولت ووسطت ناس وايد ولاستجابت بدور
تابعوني

 

[الرها]

انا مظلمممووومه
لكن انا بإذن الله بنتصر على من ظلمني وبوقفها عند حدها
وان الله بينصرني عليها ولو بعد حييين

 

[لمياء 99]

كاني فهمت وش تقصدين من موضوعك

بعد عمري الله
الله يجزااااااك خير على الي تسوينه
:ggdw::ggdw::ggdw:

متااااااااااابعه