كنتِ محسوده وتشافيتِ لاتبخلين علينااا####

[مدّهره !]

بسم الله الرحمن الرحيم ....~



شخبااركم خوااتي ؟؟




البعض عانااا من الحسد والعين وهالسوالف اللي الكل مؤمن فيهاااا



أبي أعرف البنات اللي مروا بهالشيء شلون تعالجواا وتشافوا منه تماماً



أكيد القراءه والزيت المقري فيه والقرآن هو العلاااج




بس أبي قصص بنات أبي وحده مرت بهالحاله أو أحد يقرب لهااا



شنو المراحل اللي مرت فيهاا من العلاااج وهل ممكن تطول الفتره عن شهر شهرين



كلناا نؤمن بقضاء الله وقدره لكن القصص لها وقعهااا ع النفس ...’






وإن شااء الله كل مصاابه بهالشيء تتعاافى منه عاجلاً غير آجل ...~


وسمعت قبل إن الحسد نفس العين هل فعلاً هالشيء ؟؟


وإلا الحسد شيء والعين شيء آخر !!!!



والله يحفظكم من كل عين وحسد ...’



أنتظر تجاااربكم :eh_s(17)::eh_s(17)::eh_s(17):

 

[Tom ♥ Jerry]

,


up

 

[مدّهره !]

أخيراً نزززل موضووعي ..’


ثاانكس مشرفتناااا ...’

 

[دلوعةمآمآ]

ياهلا وغلا ب مدهره

ممم بقولك صار لي موقفين مع العين ..
انا قبل كان فيني عين وتعبت تعب واحلام وكوابيس وخوف وقعدت ثلاث سنوات لدرجة كرهت كل شيء وتركت الدراسه ﻷن بس اتعب واستفرغ وانعزلت عن العالم كله وكانوا اهلي يجيبون لي من مكه ماء زمزم وكل ما اشربه اتعب واستفرغ وينمل جسمي وآآي تعذبت عذآب وعذبت ماما معاي ﻷني وحيدتها، ونحفت نحف فضيييع واي شيء أشربه او آكله مقريء فيه لازم اتعب واستفرغ واقعد بالاسابيع مأتكلم وصرت من بنت مرحه إلى بنت كئيبه
وكل ما انخطب ماتتم الخطوبه او اقعد ابكي لين ارفض
بعدها الحمدلله صرت ارقيء نفسي وحافظت الحمدلله على الأذكار وقدرت ارجع اكممل دراستي الحمدلله
بس للحين ماتتم خطوباتي ،الشيخ يقولي فيه واحد نفسه فيك عشان كذا ماتتم خطوباتك يقولي اخذي غسوله بس انا ماعرف ميين هو ؟
والموقف الثاني : كنت في الابتدائي كانوا فيه حريم يسألون ماما عن جمال شعري وكانوا يحلفونها ويعطونها فلوس عشان تقول !
بعدها انعدم شعري وتغير حيييل وصار مايطول إلا بالعزره حسبي الله ونعم الوكيل
بس احس رجع لي التعب ﻷن ماصرت ارقيء نفسي كثير ،
قبل اسبوع تغسلت ب سدر مقريء فيه وحيييل تعبت وقعدت ابكي واحس بضيق وكتمه فضيعه!!
بس انا متكله على الله سبحانه وتعالى
وراضيه بكل شيء يكتبه لي حتى لو هو ألم يوجعني

والله يشفي جميع مرضى المسلمين يارب
ويبعد عن كل شر حبيبتي ويسعدك

واعراض العين تختلف عن اعراض الحسد

وآآي ضاق صدري لما تذكرت ايامي مع التعب

 

[نُوف~]

بخير الحمد لله .. واننتي كيفج ..؟

** من سنتين تقريباا بديت احلم بحشرات تخنقني و تحاول تمسكني و كل مرا ينتهي الحلم و هم ماسكيني و لا انا قادره ادافع عن عمري و لآ اهتميت بالموضوع ابد مع انها دايما تتكرر ..
وقبل ثلاث شهور تقريبا ابوي كان تعبان شوي و جاب شيخ يقرا عليه
وكنا كلنا موجودين شوفي سسسبحان الله و لا اهتم الشيخ لا ابوي
و قف القراءة و قال مين منكم يشوف حشرات و هو نايم
سكتناا كلنا انا ماركزت وايد و لآ قال لا في اكيد احد منكم متآكد
ولا استوعبت و قلت انننا
قال تعالي قدامي و بدا يقررااا بصوت عالي
وانا ما حسيت ب شيء لا الم ولآ نغزات الحمد لله ..
ولآ قال لي ولآبووي جسمج كله تعبان عين و احتمال كبيررررر يتحول لَ مس .. بسم الله ..
قال ضروري تبدين تتغسلين كل يوم بسدر وقت العصرية او الصبح المهم بالنهارررر ماينفع بالليل
وقال كل يوم تقراين البقرة لمدة اسبوعع ..

و راح تشوفين بحلمج انج انتي الي تقتلينهمم ...

وبصراحة ما استمريت وايد مثل ما قال و للحين ما شفت الي قال عليهه

ذي قصتي ..

يعطيج العافيه ع الفكره ..~

 

[azaiN]

انا بقولج شلون تعالجت الحمدالله .. كانت عندنا مماسبه وكنت كاشخه على سنقة عشره وماذكر ذاك اليوم اني قريت ع نفسي ومااعتقد .. المهم كنت ملفته وارقص وشحلاتي مافيني الا العافيه عقب الحفله الله وكيلج جتني ضييييييقه فظيعه بصدري وكوابييييس وانعزلت وجاني وسواس قهري جعلكم ماتجربونه وكآبه لا تطاق لدرجه تمنيت الموت احس الموت راحة لي من هالتعب .. وكله متاي خلق وعوار بمعدتي .. الزبده صرت افسر احلامي لشيخ قالي انتي محسوده وعرفت منو اللي حاسدتني .. وصرت اشرب ماي مقري وانام على رقيه شرعيه وزيت مقري وكنت اتصددددددددددددق صدقه عجيبه بنية الله يشفيج وابتعدت عن الاغاني والله يثبتني يارب واكثر دعاء واستغغفار وقراءة القران .. عقبها حلمت اني ارجع قالي شيخ هذا شفاء الحمدالله .. وجني انولدت من جديد صرت احس بالحياه بضحك بالاكل الحمددددالله . . والحين ما استغنى عن اذكاري .♥. حصنوا نفسكم والله العين توجع

 

[azaiN]

تقريبا ضليت تعبانه لمدة اربع تشهر

 

[محبوب قلبي]

لا اله الا الله

 

[57LOoOD]

*

حلو الموضوع والله يحفظنا من كل شر ، انا وحدة قريني ضعيف وَ بسرعه آنصاد لول !

الله يحفظنا ويحفظ بناتَْ المسلمين

مشكورهه حبيبتي !

 

[Royof]

حبيبتي

انا كان فيني عين و لازالت و لي الحين قاعد اقرا

المهم كنت اتحلم برياجيل يلحقوني و ناس تخرعني و بسس اتفزفز و لما تزوجت حييييل زادة قمت كل شهر تجيني ضيقه و اتعب و لما حملت اتحلم باني اتعب و اجهض و فعلن اجهضت و طبعن ما كنت منتبهه ان فيني عين و الكل ينصحني بسس ما اسمع لاحد مقتنعه ان مافيني شي و الله وكيلج كل شهر امرض بشي والله الكل يقولي انتي موطبيعيه و حتى طلاقي كان غريب مازعلت و جتني راحه منه كانت العين على زواجي و حملي والله العظيم طول ما انا حامل متنرفزه وعلى طول ابجي ومتضايقه و لما اجهضت ارتحت ونفس الشي زواجي اهني انتبهت لنفسي و قعدت اقرا سورة البقره و ادهن جسمي زيت و كلمت شيخ بالاعراض اللي قاعد تجيني مع الرقيه قالي كملي قرب الفرج و الحين مستمره و ارتحت مشاءالله اكثر و خفت الضيقه و للعلم مع القرايه راح تتعبين اسم الله عليج لان العين تخرعج عشان ما تكملين بسس قوي قلبج و كملي


والله كريم يشفي كل محسود و مسحور

 

[أميرة-]

حبيبتي العين حق ومذكوره بالقرآن شي مفروغ منه بس التطير والتشاؤم مو زين

كل ما صابنا شي قلنا عين ولا حسد ولا *** .. وما هم بضااااارين به أحد إلا بإذن الله

اللي تحصن نفسها عقب كل صلاة تقرا المعوذات واية الكرسي وتقول أذكار الصباح والمساء والله مايضرها شي باذن الله تعالى

الحين تحسين انج محسوده ؟ بسيطة خذي لج ماي وأفضل ماي زمزم واقري فيه المعوذات ٣ مرات و الفاتحة ٧ مرات واشربي منه وان شالله تطيبين

والله الشواهد والقصص كثيرة انا اعرف ناس ماتوا من العين بس سبحان الله مقدر ومكتوب واحد نعرفه اهو رياضي سبااح ويسبح مع ربعه يومها يتسابقون وغلبهم كلهم قاله واحد بالحرف الواحد حشى فلان عليك حييل يهد جبال ولا حيل بعارييين .. مر اسبوع يشتكي من ظهره على باله تعب المهم استمر العوار ليما طاح من طوله بوم راح المستشفى اكتشفوا الله يكفينا الشر السرطان منتشر بجسمه جم شهر وتوفى الله يرحمه اكيد قضاء الله وقدره وهذا ربي كتبه لكن الواحد يذكر ربه

 

[عادت ذكرياتي]

الله يكافينا الشر

 

[بدلية]

خل اقولج موقفي

قبل سنتين بالضبط كنت 24 ساعة بالنادي اركض وادخل 4 كلاسات باليوم !!
والعين كلها علي

يوم من الايام حرمة كبيرة شوي شافتني اركض جان توقفني ،، قالت انتي ما تتعبين ؟؟؟

ضحكت قلت لها متعودة عادي

بنفس اليوم احس ايدي اليسار تشنجت !! تتشنج حييل وتنعكف يصير شكلها غريييب
ما بقى مستشفى مارحت
واذكر حطيت موضوع بالمنتدى هني عن السالفة يمكن مرت عليكم
http://www.q8yat.com/t669327.html

وقالولي فيج ام اس !!

وتميت مدة اخذ علاجات ولا فاد !!

عاد قلت سالفة الحرمة الكبيرة حق امي وخواتي

اختي قالت خل نجرب يمكن عين !! انتي جربتي كل شي خل نجرب ناخذ ماي من وضوءها واغتسل فيه
وعشان لا تحس الحرمة
اختي راحت النادي وخذت وضوءها << اقنعتها انها قاعدة تاخذ من ناس وايد

ووالله العظيم بعدها صرت جني جذابة !! خف يوم واليوم الثاني اختفى !!!!!!

وقطيت كل الادوية مافيني شي

وكان هذا علاجي والله يكافينا شر العين

خارج الموضوع : (جان زين ترجع لياقتي نفس اول لوول <<ايااام)

 

[Lovely_R]

ما ادري حبيبتي بروحي ابي اعررف... الله يشاافي الجميع ويبعد الشر ياارب

 

[M!SS.LOBY]

لا حول ولا قوة الا بالله

 

[M!SS.LOBY]

الرقية الشرعية والاذكار الصباح والمساء يوميا

 

[مدّهره !]

ياهلا وغلا ب مدهره

ممم بقولك صار لي موقفين مع العين ..
انا قبل كان فيني عين وتعبت تعب واحلام وكوابيس وخوف وقعدت ثلاث سنوات لدرجة كرهت كل شيء وتركت الدراسه ﻷن بس اتعب واستفرغ وانعزلت عن العالم كله وكانوا اهلي يجيبون لي من مكه ماء زمزم وكل ما اشربه اتعب واستفرغ وينمل جسمي وآآي تعذبت عذآب وعذبت ماما معاي ﻷني وحيدتها، ونحفت نحف فضيييع واي شيء أشربه او آكله مقريء فيه لازم اتعب واستفرغ واقعد بالاسابيع مأتكلم وصرت من بنت مرحه إلى بنت كئيبه
وكل ما انخطب ماتتم الخطوبه او اقعد ابكي لين ارفض
بعدها الحمدلله صرت ارقيء نفسي وحافظت الحمدلله على الأذكار وقدرت ارجع اكممل دراستي الحمدلله
بس للحين ماتتم خطوباتي ،الشيخ يقولي فيه واحد نفسه فيك عشان كذا ماتتم خطوباتك يقولي اخذي غسوله بس انا ماعرف ميين هو ؟
والموقف الثاني : كنت في الابتدائي كانوا فيه حريم يسألون ماما عن جمال شعري وكانوا يحلفونها ويعطونها فلوس عشان تقول !
بعدها انعدم شعري وتغير حيييل وصار مايطول إلا بالعزره حسبي الله ونعم الوكيل
بس احس رجع لي التعب ﻷن ماصرت ارقيء نفسي كثير ،
قبل اسبوع تغسلت ب سدر مقريء فيه وحيييل تعبت وقعدت ابكي واحس بضيق وكتمه فضيعه!!
بس انا متكله على الله سبحانه وتعالى
وراضيه بكل شيء يكتبه لي حتى لو هو ألم يوجعني

والله يشفي جميع مرضى المسلمين يارب
ويبعد عن كل شر حبيبتي ويسعدك

واعراض العين تختلف عن اعراض الحسد

وآآي ضاق صدري لما تذكرت ايامي مع التعب

حيااك يخيتي ..’

طيب كيف ترقين نفسك تقرأين وتنفثين ع نفسك وإلا تشغلين الرقيه ؟؟!!!!

وكلناا رااضين باللي ربي يكتبه لناا لكن ماانقول متوكلين ونهمل أعماارنااا

وليش تركتِ الأذكاار والرقيه ترى بعيد الشر هالأمرااض مع الزمن تتحول إلى أمراض **** والله

يكاافينااا الشر

 

[Kocheko]

انا لى عودة

 

[معزوفة عشق&]

حبيبتي انا محسوده ولازلت بس الحمد لله جلست فتره قرابة الشهرين ملتزمه بالاشياء التاليه :
)اذكار الصباح والمساء+ الرقيه الشرعيه قراءه واستماع قبل النوم
البقره يوميا اقرائها واسمعها كااااامله
احاول قد ما اقدر اكون طول الوقت ع وضوء
مويه زمزم مقري عليها ايات الرقيه والشفاء من الحسد
الاستغفااااااااار والدعاء
والحمد لله واضبطت عليها واتحسنت حالتي كثير وانخطبت وتزوجت يارب لك الحمد واتسهلت لي شغلات كثير بحياتي بس الحين لما يمر علي كم يوم ماقرى الرقيه او اتكاسل ف العباده استغفر الله ترجع لي الاحلام والكوابيس اللي كنت احلمها
وهذي تجربتي شخصيا

 

[مدّهره !]

بخير الحمد لله .. واننتي كيفج ..؟

** من سنتين تقريباا بديت احلم بحشرات تخنقني و تحاول تمسكني و كل مرا ينتهي الحلم و هم ماسكيني و لا انا قادره ادافع عن عمري و لآ اهتميت بالموضوع ابد مع انها دايما تتكرر ..
وقبل ثلاث شهور تقريبا ابوي كان تعبان شوي و جاب شيخ يقرا عليه
وكنا كلنا موجودين شوفي سسسبحان الله و لا اهتم الشيخ لا ابوي
و قف القراءة و قال مين منكم يشوف حشرات و هو نايم
سكتناا كلنا انا ماركزت وايد و لآ قال لا في اكيد احد منكم متآكد
ولا استوعبت و قلت انننا
قال تعالي قدامي و بدا يقررااا بصوت عالي
وانا ما حسيت ب شيء لا الم ولآ نغزات الحمد لله ..
ولآ قال لي ولآبووي جسمج كله تعبان عين و احتمال كبيررررر يتحول لَ مس .. بسم الله ..
قال ضروري تبدين تتغسلين كل يوم بسدر وقت العصرية او الصبح المهم بالنهارررر ماينفع بالليل
وقال كل يوم تقراين البقرة لمدة اسبوعع ..

و راح تشوفين بحلمج انج انتي الي تقتلينهمم ...

وبصراحة ما استمريت وايد مثل ما قال و للحين ما شفت الي قال عليهه

ذي قصتي ..

يعطيج العافيه ع الفكره ..~

يااحيااج ,’ أنا زينه ولله الحمد ...’

ليييش مااسويتِ اللي قالج عليه ؟؟؟

لاازم تقرأين وتغتسلين لأن بعيد الشر هالأمرااض ممكن تتحول وتكون أسوأ

الله يشفيج .’

ربي يعاافيج