كنتِ محسوده وتشافيتِ لاتبخلين علينااا####

[عالمي انا غير]

انا بعد ما ادري اموري معطلة اللي فيني عين ولا هذي قسمة ربي؟

 

[مؤمنه بربي]

انا والله لو اكتب قصص ماتخلص مع الحسد والعيون اللي صابتني الحمدلله على كل حال عانيت لمدة سنين طويلة مع اني ملتزمة واحفظ القرآن واروح الاترجة ومداومة عالاذكار صباح مساء والصلوات بوقتها والرقية احيانا ومع ذلك صابتني عيون قوية وانواع حسد خبيث //
من دخلت الجامعة تشكلت علي امراض وكنت اطيح يغمى علي فجاه وقسم واني طايحه افكر بالفشلة واتمنى اني اقدر الم نفسي واصحى بس شسوي اسمع الناس حولي يتكلمون ورفيجتي سحبتني مكان بعيد عن الشباب وتكفخ فيني تكفخ طق وعطورات وخذت تلفوني واتصلت باهلي ياخذوني المهم هذا كان بداية الحسد قبل ٤ سنوات تقريباً انا ابد ماحطيت في بالي حسد قلت دوخه بسيطه مع ان لما رحت الطبيب كانوا يعطوني مغذي وكمام لازم كمام مااقدر اول ماادخل الجامعه اختنق وصدري يضيق بالمحاضرات مااقدر اقعد مثل الناس //
المهم مرت سنين ومتبهذله وشقيانه بحياتي ماني متوفقه بشي اموري متعسرة امراضي تشكل والله كنت اروح الطبيب كل يوم دكتور ورا دكتور كل واحد يقولي شي اخر واحد قال انا ماني عارف كل واحد يشخصج بشي اخاف صاير معاج اضطرابات بالجسم انتي متوترة ؟ عليج الدورة ؟ مني مناك وفحص قال اللي امس قالج والي قبله مافيج ووقفت حبوبهم /
البنات والناس يقولون لي عين حسد ارقي نفسج دايم يكررون علي وانا اكرر مدري على شنو انحسد شنى فيني حالي حال البنات !؟؟
وبعدها صار ينشق راسي واعالج فيه ولازم ٩ ايام لااضاءة ولااشوف التلفزيون وظليت كل ماينشق راسي اروح اتعالج ويلفونه يرد بعد شهر ينشق مره ثانيه واتعب زوود ماكو فايدة /ادخل قاعه الامتحان اشوف ارقام غلط مسائل مااشوفها التي الحاسبه كله تطلع ارقام غلط مدري انا اشوفها غلط ماادري شسالفه قالولي يمكن عين واقول على شنو انحسد /
المهم الحين صارلي ٦ اشهر اعالج عند مشايخ طلع فيني عيون قويه وحسد على شعري و طولي وجسمي و دراستي وشهادتي و وجهي وخطي و تلاوة القران وصوتي فيه وصلاتي والتزامي ولبسي الشرعي والذوق وغيره كثيييير والله يمكن تقولين هذي موصايحه على كل شي محسوده اي والله اني على كل شي محسودة
والله وحده عالم بمعاناتي والالامي الشكوى لله معاناتي ماتنحصر //
الحسد والعين اذا تمكن من الانسان تراه مو شي هين ولاسهل والله يلعب فيه لعب خصوصاً النفسية لان العين تهوي بصاحبها وترديه وتكسر الجسم وتكسل الانسان وتعيقه عن حياته وتعطل انجازاته وتأخره يقول النبي صلى الله عليه وسلم (( العين حق واكثر مايموت من امتي بسبب العين ))
والله يابنات صلاتي ماساة مااقدر اصلي صرت اصلي وانا قاعده احياناً لاني عجزت اصلي لمااسجد يجيني شي يطقني بقوة على راسي ويدوس علي واختنق ولما اوقف للصلاة ارجف حيل واطيح والحمدلله على كل حال .
بديت فترة العلاج قبل ٦ اشهر:
١).يومياً السبوح بماي وسدر مقري او الخلطة الرومية كانت عندي .
٢).قراءة البقرة بشكل يومي
٣).اذكار الصباح والمساء والرقية الشرعيه .
٤). المعالجة عند راقي شرعي ثقة يخاف ربه ويخلص لله والرقيه لها شروطها طبعا من القران والسنة مو دجل و كهانه .
٥).جبت زيت زيتون وقريت عليه ايات خاصه للشعر لانبات الشعر وتطويله وحتى يروح *** اسقاط الشعر والحسد عالشعر قريت الايات ونفثن عليه عدة مرات واكرر الايات والدعاء اخذتهم من موقع الشيخ خالد الحبشي .
وكل يوم ازيت شعري بهاالزيت
كان علي حسد فظيع ع شعري يسموني مذيعة الام بس سي ام شعر كثيف وحرير كل ماشافوني نظراتهم اعوذبالله طبعاً شعري من عيونهم طاح طااح حييل وشوي واصلع لدرجه مره رحت استشور ولاتقول الفلبينيه انتي بنت وطاح شعري ع ماتتزوجين تصلعين مافيه شعر طاح وتقطع وصار باهت واحسه خشن وقبل شهرين طلعت لي عقد براسي فجاهتعقد حييل حيل واضطريت اقصه ماتمشط ابد
بس والله عقب ماسويت هالزيت اللي قريت عليه وكل يوم احط منه الحين رجع شعري احلى من اول واطول وخايفه احسد نفسي من الفرحه الله يبارك لي انصحكم سوووا الطريقه .
٦).احط حق جسمي زيت مقري يومياً .
٧).عسل مقري يومياً عالاقل ٥ قفاش .
وللحيني اعاني من الحسد ولله الحمد بس اخف ان شاءالله والله يفرجها علي وعلى غيري وربنا كريم وقادر على كل شي

 

[فدوووش]

راجعه لكم

 

[فدوووش]

انا كنت محسوده وفيني عين بعد

طبعا الحسد غير عن العين

واهم شي الاذكار تلتزمون فيها

وهاذي تجربتي

http://www.q8yat.com/t951683.html

 

[مدّهره !]

انا بقولج شلون تعالجت الحمدالله .. كانت عندنا مماسبه وكنت كاشخه على سنقة عشره وماذكر ذاك اليوم اني قريت ع نفسي ومااعتقد .. المهم كنت ملفته وارقص وشحلاتي مافيني الا العافيه عقب الحفله الله وكيلج جتني ضييييييقه فظيعه بصدري وكوابييييس وانعزلت وجاني وسواس قهري جعلكم ماتجربونه وكآبه لا تطاق لدرجه تمنيت الموت احس الموت راحة لي من هالتعب .. وكله متاي خلق وعوار بمعدتي .. الزبده صرت افسر احلامي لشيخ قالي انتي محسوده وعرفت منو اللي حاسدتني .. وصرت اشرب ماي مقري وانام على رقيه شرعيه وزيت مقري وكنت اتصددددددددددددق صدقه عجيبه بنية الله يشفيج وابتعدت عن الاغاني والله يثبتني يارب واكثر دعاء واستغغفار وقراءة القران .. عقبها حلمت اني ارجع قالي شيخ هذا شفاء الحمدالله .. وجني انولدت من جديد صرت احس بالحياه بضحك بالاكل الحمددددالله . . والحين ما استغنى عن اذكاري .♥. حصنوا نفسكم والله العين توجع

إي والله صدقتِ تووجع ربي يعاافي كل مريض وعيون ومحسووود

الحمد لله ومااشااء الله تبارك الرحمن ..’

 

[هدوووشه]

والله يامدهره الناس ماتعطي خييير حتى لو عندها النعمة تحسد الله يكفينا شرهم
ووالله انا تعبت من الحسد والعين وغيييييره لدرجة حسيت اني بموووووت ونتي يمكن قريتي مشكلتي
المهم توكلت على ربي وقويت ايماني اقول اذكار الصباح والمسااء وصرت اقرا البقرا كل يوووووم الحمدلله والمعوذات وايه الكرسي والرقية لما التعب شتد علي اكررها واسمعها واحط الاذان ببيتي والرقية
واتدهن بزيت الزيتون واكل عسل الاصلي مع حبة سوداء عالرييق اذا نسيت اكلهم بأي ووقت
واقرى سورة يس واكثر دعااااء حمدلله خاصة برمضان والله كنت ادعي بالحرم وابكي من قلبي لما ادعي احس بضيقة وصدري مكتووم وادعي وادعي واصلي وادعي واشرب زمزم
والحمدلله ربي مايخيب من يطلبه اتحسنت حالتي شووي عن اول ماانكر فضل ربي علي
وللحين مكمله ان شاءالله

 

[هدوووشه]

انا والله لو اكتب قصص ماتخلص مع الحسد والعيون اللي صابتني الحمدلله على كل حال عانيت لمدة سنين طويلة مع اني ملتزمة واحفظ القرآن واروح الاترجة ومداومة عالاذكار صباح مساء والصلوات بوقتها والرقية احيانا ومع ذلك صابتني عيون قوية وانواع حسد خبيث //
من دخلت الجامعة تشكلت علي امراض وكنت اطيح يغمى علي فجاه وقسم واني طايحه افكر بالفشلة واتمنى اني اقدر الم نفسي واصحى بس شسوي اسمع الناس حولي يتكلمون ورفيجتي سحبتني مكان بعيد عن الشباب وتكفخ فيني تكفخ طق وعطورات وخذت تلفوني واتصلت باهلي ياخذوني المهم هذا كان بداية الحسد قبل ٤ سنوات تقريباً انا ابد ماحطيت في بالي حسد قلت دوخه بسيطه مع ان لما رحت الطبيب كانوا يعطوني مغذي وكمام لازم كمام مااقدر اول ماادخل الجامعه اختنق وصدري يضيق بالمحاضرات مااقدر اقعد مثل الناس //
المهم مرت سنين ومتبهذله وشقيانه بحياتي ماني متوفقه بشي اموري متعسرة امراضي تشكل والله كنت اروح الطبيب كل يوم دكتور ورا دكتور كل واحد يقولي شي اخر واحد قال انا ماني عارف كل واحد يشخصج بشي اخاف صاير معاج اضطرابات بالجسم انتي متوترة ؟ عليج الدورة ؟ مني مناك وفحص قال اللي امس قالج والي قبله مافيج ووقفت حبوبهم /
البنات والناس يقولون لي عين حسد ارقي نفسج دايم يكررون علي وانا اكرر مدري على شنو انحسد شنى فيني حالي حال البنات !؟؟
وبعدها صار ينشق راسي واعالج فيه ولازم ٩ ايام لااضاءة ولااشوف التلفزيون وظليت كل ماينشق راسي اروح اتعالج ويلفونه يرد بعد شهر ينشق مره ثانيه واتعب زوود ماكو فايدة /ادخل قاعه الامتحان اشوف ارقام غلط مسائل مااشوفها التي الحاسبه كله تطلع ارقام غلط مدري انا اشوفها غلط ماادري شسالفه قالولي يمكن عين واقول على شنو انحسد /
المهم الحين صارلي ٦ اشهر اعالج عند مشايخ طلع فيني عيون قويه وحسد على شعري و طولي وجسمي و دراستي وشهادتي و وجهي وخطي و تلاوة القران وصوتي فيه وصلاتي والتزامي ولبسي الشرعي والذوق وغيره كثيييير والله يمكن تقولين هذي موصايحه على كل شي محسوده اي والله اني على كل شي محسودة
والله وحده عالم بمعاناتي والالامي الشكوى لله معاناتي ماتنحصر //
الحسد والعين اذا تمكن من الانسان تراه مو شي هين ولاسهل والله يلعب فيه لعب خصوصاً النفسية لان العين تهوي بصاحبها وترديه وتكسر الجسم وتكسل الانسان وتعيقه عن حياته وتعطل انجازاته وتأخره يقول النبي صلى الله عليه وسلم (( العين حق واكثر مايموت من امتي بسبب العين ))
والله يابنات صلاتي ماساة مااقدر اصلي صرت اصلي وانا قاعده احياناً لاني عجزت اصلي لمااسجد يجيني شي يطقني بقوة على راسي ويدوس علي واختنق ولما اوقف للصلاة ارجف حيل واطيح والحمدلله على كل حال .
بديت فترة العلاج قبل ٦ اشهر:
١).يومياً السبوح بماي وسدر مقري او الخلطة الرومية كانت عندي .
٢).قراءة البقرة بشكل يومي
٣).اذكار الصباح والمساء والرقية الشرعيه .
٤). المعالجة عند راقي شرعي ثقة يخاف ربه ويخلص لله والرقيه لها شروطها طبعا من القران والسنة مو دجل و كهانه .
٥).جبت زيت زيتون وقريت عليه ايات خاصه للشعر لانبات الشعر وتطويله وحتى يروح *** اسقاط الشعر والحسد عالشعر قريت الايات ونفثن عليه عدة مرات واكرر الايات والدعاء اخذتهم من موقع الشيخ خالد الحبشي .
وكل يوم ازيت شعري بهاالزيت
كان علي حسد فظيع ع شعري يسموني مذيعة الام بس سي ام شعر كثيف وحرير كل ماشافوني نظراتهم اعوذبالله طبعاً شعري من عيونهم طاح طااح حييل وشوي واصلع لدرجه مره رحت استشور ولاتقول الفلبينيه انتي بنت وطاح شعري ع ماتتزوجين تصلعين مافيه شعر طاح وتقطع وصار باهت واحسه خشن وقبل شهرين طلعت لي عقد براسي فجاهتعقد حييل حيل واضطريت اقصه ماتمشط ابد
بس والله عقب ماسويت هالزيت اللي قريت عليه وكل يوم احط منه الحين رجع شعري احلى من اول واطول وخايفه احسد نفسي من الفرحه الله يبارك لي انصحكم سوووا الطريقه .
٦).احط حق جسمي زيت مقري يومياً .
٧).عسل مقري يومياً عالاقل ٥ قفاش .
وللحيني اعاني من الحسد ولله الحمد بس اخف ان شاءالله والله يفرجها علي وعلى غيري وربنا كريم وقادر على كل شي

حبيبتي الله يشفيك ويشفيني ويشفي جمييييييييع من بحالتنا حسبي الله ونعم لوكيل فيهم
انا نفسك وربي ووقت الصلاة احس بكتمة قوويه وكانه بيغمى علي من ثقل راسي وصدري
ثقيييييييييل صرت نفسك ساعات اصلي ونا جالسة الرجفة بجسمي بس بقلبي قوووية ماترقدني
كثري من العسسسسسل والحبة السوداء يخففها ومايحتاج اوصيك مشاءالله عليك
الله يشفينا

 

[هدوووشه]

اللهم ابطل أثر عين أصابت جسداً فأمرضته .. وأصابت جمالاً فشوهته .. وأصابت شعراً فأسقطته .. وأصابت قلباً فأحزنته .. وفرقت زوجين .. ويتمت أطفالاً .. وأماتت أرواحاً ..اللهم انك قد اقدرت بعض خلقك على السحر والشر .. ولكنك قد احتفظت لذاتك بإذن الضر .. فأعوذ بما احتفظت به مما أقدرت عليه .. بحق قولك .. وما هم بضارين به من أحدٍ إلا بإذن الله .. ​

 

[في الجو غيم]

حبيبتي اي وحدة تحس بالضيق والكدر وتعتزل الناس لازم تنتبه لنفسها وتتقرب لله انا قعدت سنة اقرا البقرة وما كنت احس بشي بس شعور الضيقة يلازمني وصرت ما احب اطلع ولا حتى اقعد مع هلي ورحت عند شيخ قرى علي رقية وعطاني ماي وزيت بس ماحسيت بشي وعقب رحت عند واحد معروف بالرياض يسوي رقية وما اعرف شصار لي لما قرى علي بس عرفت ان فيني حسد يعني سنه اشتغلت ع نفسي وقريت البقرة بس ما ارتحت الا عقب ما قرا علي الشيخ هذا هو كان متخصص بهالامور وبعدين تميت اقرا ع نفسي واسوي رقية دوم واتسبح بماي وملح مرة بالاسبوع وكل جمعه اقرا رقية شرعية ع الماي واشرب منه وسورة البقرة اقراها مع رقية العين والحسد واحطها في براد الماي مالي واشرب منه والحمد الله اموري من احسن مايكون بس الناس اللي اشك انهم حسدوني اعتزلتهم وصرت قليل ما احضر مناسبات وجمعات والحمد الله اشغلت نفسي بامور ثانية والحين كل ما احلم حلم وافسره يقول لي الشيخ في خير جايكم بس حذاري من العين الحاسده عشان جذي انا ما اهمل نفسي اقرا الاذكار والبقرة والمعوذات دوم والحمد الله

 

[شهد الوطن]

انصحك بالصدقة والدعاء

ومنتدى مملكة الضباب متخصص في الرقية وتفسير الاحلام

مملكه الضباب النسآئيه - Powered by vBulletin

لوحبيتي سجلي عندهم واعرضي عليهم حالتك والله يشفيك

 

[Pinky -cat]

حياتي انا مريت بمرحلة سودا بحياتي حول 7 شهور دمار نفسي شديد شعر يطيح ما اكل اكره كل شي لا قمت اداوم لا ادرس
لا اطلع ايام سودا كانت بمعنى الكلمة

الحل امني بالله صلي ذكري ربح تفائلي كوني قوية وقران قران قران وغيري جو حياتج امية بالمية

 

[مدّهره !]

*

حلو الموضوع والله يحفظنا من كل شر ، انا وحدة قريني ضعيف وَ بسرعه آنصاد لول !

الله يحفظنا ويحفظ بناتَْ المسلمين

مشكورهه حبيبتي !

اللهم آممممين

حاافظي ع الأذكاار والأدعيه

نورتِ

 

[عـيّــآره]

الله يحفظنا كلنا يارب من العين والسحر والحسد ومن الناس اللي مايخافوون الله


داومو على اذكار الصباح والمساااء بنااات


مشكوره ياقلبي على الموضوع

​

 

[مملوحة_الوصايف]

شلوون الواحد يعرف اذا فيه عين ؟ حتى لو كنت شاكه ودي لو احد يأكدلي والصراحه فشله اروح حق شيخ اقوله ابي اعرف اذا فيني او لا انا قبل كنت كله احلم احلام خايسه جميع انواع الحيوانات من حشرات الى كلاب وقطاوه وكنت افسرها بالنت اغلب شي يكون انسان حاقد او حاسد بس ما كنت اهتم استغفر الله بس الحمدالله صارلي فتره ما يتني جذي احلام بس ليلحين مرات احس اني متضايقه او مو طايقه احد وكله بقعد بروحي الظاهر اني بداوم على قراءة البقره والاذكار والله يعين ويحمينا من العين والحسد

 

[صمت الليل]

الله يشافي ويعافي الجميع يارب ويحميكم من العين والحسد يارب ....

 

[مـاعاد بدري ة_ة]

أأأأأأأأأأأأب بقوووووووووووووهـ

 

[blackcat2010]

ااااب

 

[A p r i l]

انا عانيت حول الاربع سنين .. كله انطوائيه ماحب حد يكلمني .. شعري تساقط بشكل كبير بشرتي ختربت فجأه ..
مالي خلق وكله احس بضيق متملله .. وغير هذا ما كنت متوفقه ابدا فحياتي .. وصلاتي كنت اتكاسل عنها واحس بثقل

ليين ما هلي ودوني وقرو علي .. والحمدالله أحس احسن من قبل

وكل ما حافظت على الاذكار الصباح والمساء وواذكار النوم وسورة الملك احس براحه فحياتي .. وغير جذي اصلي ركعتين قبل ما انام و صلاة الضحى احافظ عليها

حسيت بتغير في حياتي للأفضل ..

الله يبعد عنكم كل عين حاسده

 

[Ēŋѕαnħ ツ]

انا عانيت حول الاربع سنين .. كله انطوائيه ماحب حد يكلمني .. شعري تساقط بشكل كبير بشرتي ختربت فجأه ..
مالي خلق وكله احس بضيق متملله .. وغير هذا ما كنت متوفقه ابدا فحياتي .. وصلاتي كنت اتكاسل عنها واحس بثقل

ليين ما هلي ودوني وقرو علي .. والحمدالله أحس احسن من قبل

وكل ما حافظت على الاذكار الصباح والمساء وواذكار النوم وسورة الملك احس براحه فحياتي .. وغير جذي اصلي ركعتين قبل ما انام و صلاة الضحى احافظ عليها

حسيت بتغير في حياتي للأفضل ..

الله يبعد عنكم كل عين حاسده

نفس المعاناة
الله يعين
:eh_s(2):

 

[A p r i l]

الله يشفينا ياررب ^^ حبيبتي لا تخلين روحج وتستسلمين التززمي باللي كتبته فوق بتحسين بتغير

و لازم فاليوم تقرين صفحتين من البقره على الاقل .. ودوم شغلي في غرفتج قران ..