كنت أبحث عن شي بقوقل ولقيت بحث لزوجي عن ...؟

[أجرح وداوي]

السلام عليكم
خواتي انا بهم عظييييييييييم مايعلم به الا الله عزوجل (ونعم بالله )
تعرفون خاصية البحث اللي تجي فوق باول الصفحه !
كنت ادور فيها عن كلمة المغرب إلا وتطلع كلمات بحث :

1-الوضع في المغرب
وطبعا من لقافتي كتبت كلمة مراكش أبغى أتاكد
وطلع لي مكتوب

2- الليالي الحمراء في مراكش
والله يابنات انصدمت!ودخلت اقرا وشوي طلعت لي منتديات XXXXX المغربيه وفيها كلااام يهز البدن مكتوب عن تقارير الاعضاء اللي سافرو للمغرب وايش سووو هناك من بلاوي تخيلو؟
أنا اللي قاهرني ان زوجي هو اللي مسوي البحث
عن هذي الاشياء ,مدري هو مخطط يروح للمغرب أو لمراكش من وراي ؟
صراحه مره زعلت وانقهرت وعاد انا عندي قولون عصبي وربي روحه ورجعه للحمام مية مره وانتو بكرامه نفسيت جدا تعبانه
وماادري كيف اتصرف دعواتكم لي
قولو ان شاءالله يصير للمغرب مثل ماصار في
في باقي المدن وافتك قولولي ان هذي اوهام
خففو عني الله يخليكم ولاحد تقولي يمكن هو مخزن كذا لااااااااااااااا
انا اعرف جهازي الكلمات اللي انا ابحث عنها
تطلع مكتوبه تحت لانها بخطي فهمتو
________________

تم تعديل المووضوع من قبل المشرفه Dancing^Queen

 

[Dancing^Queen]

اهلين اختي
انا برايي
لاتستبقين الامور ولاتضيقين خلقج!
ليش فرضتي ان بيسافر ويخربط عشان مسوي بحث! ياكثر مانسوي بحوث بغوغل
ومرات موضوع يجر موضوع

يمكن قاعد يشوف تقارير وصور بس
مو شرط معناته ان بيسافروبيخونج
وحبيبتي اللي يبي يخربط بالديره وبره الديره مو شرط يسافر

كبيري عقلج
لاتضيقين خلقج

 

[زهرة البرتغال]

اولاا
في فرق لمن زوجج يقص تذكره ويزهب اغراضه ويرووح

وفي فرق لمن الرجل يبحث بالنت ؟؟؟؟




يمكن فضووول ساعات الواحد يبي يعرف شقاعد يصير بالعالم؟؟





خلج واثقه من نفسج ولا تصيرين محقق كونان علشان من تخربين حياتج بيدج وتيبين حق روحج المشاكل


وادعي ربج بان يسخر لج زوجج ويصلحه

 

[ميمي..]

انا بقولك لو مكانك وش بسوي
وانتي حره مو شرط تطبقين يمكن مايناسب وضعك هالتصرف
انا بواجهه ومارح امسح شي بورهي واخليه هو يقول ليش مسوي هالبحث مجرد فضول ولا ناوي جد يسافر
يمكن مايقول الصدق اصلا ويمكن يقول مو انا....ألخ
بس على الاقل يعرف اني مو نايمه على وداني على قولتهم ومغفله وماادري عن شي
وبعد عشان يوقف ويشيل هالموضوع من راسه لادرى اني عرفت وانتي رافضه هالشي وانه ممكن يخسرني
عشان كذا انا احب المواجهه اكثر من اللي تقول سكتي واهم شي انه للحين ماراح
بالله عليكم تبونها نستنى لحد مايروح بعدين تواجهه

بقولكم مثال يبين لكم ان المواجهه بهالحالات تنفع اكثر من السكوت
مثلا وحده اكتشفت ان زوجها على علاقه بوحده توه متعرف عليها وسكتت وحطت بقلبها وانقهرت
وتجيها هذيك النصايح لبسي وتكشخي واشتري قمصان نوم وغيري اسلوبك >>ترى مو شرط ينجذب لها ويمتنع عن
الثانيه اللي توه بادي علاقته معاها
والزوج فيعالم ثاني وكل مالها العلاقه تتطور مسنجر وايميل لتلفون لطلعات لشقق ...الخ
لكن لو انها واجهته كان ممكن يتغير الوضع ومايوصل لهالدرجه
لانها حطت له حدود وعرف ان المره اللي عنده مو مغفله ويقدر يسوي ويخربط من وراها
واكييييييييد اكييييييييد هالشي ماينبق على الكل كل قاعده لها شواذ
بس انا هذا رأيي
والله يوفقك اختي وان شالله زوجك مو نيته هالشي يمكن فضول ولا شي ثاني
بس اذا المواجهه تريحك واجهيه

 

[Winter Q8]

أتوقع هذي اقتراحات يعطيها قوقل للبحث .. مو زوجج باحث عنها

 

[الشيخة@]

الله المستعان

 

[BiiShOoO]

الله يكون بعونج

 

[english muffin]

ذي اقتراحات يعطيها قوقل للبحث .. مو زوجج كاتبهم
اهو قوقل جذي تكتبين اول كلمة او جمن حرف من شي واهو يصف لج اقتراحات للبحث
لاتظنين سوء

 

[_Pure_]

كلميه بصراحة و بشكل عادي


عاد انا ناوية اسوي بحث عن المغرب لان وايد يمدحون السياحة غيها

 

[LuLiTa]

يمكن هذي اقتراحات من قوقل ... و ترا اللي بيبي يخربط راح يخربط و ما يحتاج يسافر دولة معينة ...

 

[انا لحبيبي .]

حبيبتي هادي اقتراحات الجوجل بتعطيكي ياها ، مو زوجك مسوي بحث

 

[موج-البحر]

شوفي حبيبتي الوصاخه بكل مكان وبكل ديره والباجي على الانسان وضميره وخوفه من الله

تكلمي مع زوجج بالموضوع وساليه عسى ماشر تدور بهالشغلات ناقصك شي محتاج شي خليه يطيح من عين نفسه

غلطانه اذا سكتي عن السالفة تكلمي معاه واعرفي ليش دخل يدور بالاساس

وماله شغل اصلا تقولين ان شاءالله يصير بالمغرب مثل ماصار بالدول الثانية حرام جذي الغلط من زوجج مو من

بنات الحرام اللي يدورون ناقصين عقل وخرفان

اهم شششي الحوااااااااااااار مع الزوج

 

[ياربي سكثر أعاني]

ذي اقتراحات يعطيها قوقل للبحث .. مو زوجج كاتبهم
اهو قوقل جذي تكتبين اول كلمة او جمن حرف من شي واهو يصف لج اقتراحات للبحث
لاتظنين سوء

لووووووووووووووووووووول ضحكتيني بتسوين سالفه مني وطريج

ترا صح كلام البناااااااااااااااات هذي اقتراحات من قوقل الموقع نفسه يحطها

كتبي اي دوله ثانية اي شي بيطلع لج ياحلاتج والله زين كتبتي موضوع قبل تسوين شي جان عفستي الدنيا

 

[روئ الايام]

حتى

عم قوقل يدخل في حياتنا الزوجيه

 

[أم توتو]

هههههه يحليلج اقول لاتقوليله بعدين تتفشلين ويطلع اقتراحات قوقل

 

[أم شيوووخة]

حبيبتي إنتي ما تقدرين تحكمين عليه إلا لما فعلا يسافر
وهذي كلها اقتراحات من جوجل آنا مريت بنفس موقفج وكنت غلطانة وتفشلت واااااايد
لا تتسرعين في الحكم عليه وإذا مو قادرة واجهيه بطريقة مؤدبة جنج تسألين مو تهاوشين
موفقة حبيبتي .. والله يكتبلج اللي فيه الخير كله ياااااااارب

 

[lamoshty]

ههههههههههههههههههههههههههههههههههههههههههههههههههآآآآآآآآآآآآآآآآآآآ








ياقلبي وش بلاكم قسسسم ودكم تسوووون سالفة على رجاجيلكم مني والطريق يعني الا هووو بيخون الا بيسسسافر الا انه يغازل الا مادري وش

ارحمو نفسكممممم




ههههههههههههههههه






الله يهديك بس



تعبت انا منكم يالحريم تفكير غريببببب

 

[lamoshty]

اصلا وش دخلك به يبي يسسسافر الله يقويه


يعني بتقولين ليه بتسافر ليه بحثت ترا زين منه مخليك تدخلين نت من جهازه


يعني لو واحد من اخوانك مثثلا معطيك جهازه وشفتي هالشي بجهازه وش بتسوييين





وسعي صدرك بسس

 

[jojo493]

تعوذي من ابليس .. هذا من قوقل نفسه .. اذا كتبتي الكلمة يقوم يكمل لك اقتراحات ..
جربي اكتبي اي كلمة وتلقينه يكمل لك جمله ( مجرد إقتراح من قوقل فقط ) ..

​

 

[Tom ♥ Jerry]

،


رايي من راي البنات
الله الهآدي .!