كنت عروووووووس وصرت .....

[بنت الأصايل]

عزيزتي ترى خيره ماتدرين يمكن ربي كاتب لج الافضل والاحسن منه

خلي ثقتج بربك كبيرة ومالج شغل من كلام الناس اللي لاعاجبتهم العزوبية ولا المطلقة ولا المتزوجة بس يبون يحشون وبس

هذا قضاء الله وقدره والحمد الله ان ماتم دخول ولا حملتي
الحمد الله انج للحين بنوته والدنيا قدامج وبتفرحين وبتاخذين اللي صج يستاهلج وتحبينه ويحبج

واهم شي لاتفكرين بكلام الناس اللي ايبب الهم والكدر

 

[شيخة الحلوة]

بعد عمري
ربي كاتبلج هالشي قبل لا تنولدين وهالشي خيره لج ياقلبي

وعااااااااااااادي انا اعرف اكثر من وحده انفصلت بالملجة وياها نصيبها سواء مطلق او حتى مو متزوج

ومو شرط اللي منفصل يكون موخوش واحد ترى يمكن يكون مو متوفق مع زوجته الاولى


وخليج ايجابية وماعليج من حجي الناس

 

[FiOnKa]

حبيبتي انتي ما تعتبرين مطلقة انتي انفصلتي بـ الملجه يعني لي الليحن بنــت !

هذا يسمونه فسخ مو طلاق !

و اللي يتكلم ناطر عليـج شي من زمان و مو لاقي لانج توب .. و بـ نظرهم انهم لقو فرصة !

بس انتي لا تخلينهم و لا تسمحين حق أي أحد انه يفتح معاج موضوع يزعجج

 

[أم@الحلوين]

الي يسمع كلام الناس يتعب طنشيهم وعيشي حياتج
وكل شي قسمه ونصيب ويارب الله يرزقج بالي أحسن منه ..

 

[ام شيخوه]

الله يعوضج خير

 

[aṕriliå]

ان شاء الله خيرة


وبعدين احسن لج انه قبل العرس


والله يرزقج باللي يقدرج ويعرف قدرج

 

[واثقة بجمالها]

خلي ثقتج بنفسج كبير وكل شئ بيد الله وهذا نصيبج

وعسى ربي يكتبلج اللي فيه الخير والصالح

وكثري من الاستغفار والدعااء وارضي بما قسم لج ربي

 

[AL ANOOD]

خل يولون اللي يبي يتكلم خل يتكلم اهم شي نفسج وطززززز شنو يعني ريال اصلا وجوده مثل عدمه

 

[حبي حبيبي]

حبيبتي انتي موو اول وحده يصير معاج جذي
وبالعكس توج عالبر

والله ينولج اللي فبالج
ويزرقج اللي احسن منه ان شالله

 

[ماركة انثى]

اهم شي نفسيتج حبوبة كلام الناس لايقدم ولاياخر

بكرة اذا صابج نفسية لاسمح الله مراح ينفعونج الناس


وعسى ربي يعوضج بالزوج الصالح

 

[Cander]

اول شي الموضوع خيرة من رب العالمين

بالعكس عيشي حياتج طبيعي الله سبحانة وتعالى فكج من هم راح يلازمج طول عمرج

الناس ماعليج منهم خليهم اخر همج ، اللي طولت ما تزوجت يتحجون فيها ، واللي تتزوج مبجر يقولون غلط الزواج المبكر

اللي تتطلق يتحجون فيها واللي تطول ماتحمل يتحجون فيها ويقولون فيها شي

خلينا من هذا كلة اللي يكثرون خطاطيبها والله ما يقسم انة يتم الزواج يتحجون عنها

ماعليج الله يعوضج باللي يستاهلج والحين الريال المطلق اهو اللي يخافون منة الناس

الله يوفقج

 

[يمي يمي]

حبيبتي انتي تطلقتي بالملجه عاااااااااااااادي وايد تصير بالعكس انشالله خيره لج
طالعيها من هالناحيه احسن من لا تتطلقين عقب مايدش عليج
انتي عندج فرص للزواج من الغير متزوج حالج من حال اي بنت
والزواااج نصيب صدقيني اللي بيصيرلج مكتوب وخلي عندج ثقه بالله

 

[الدلوعة أمون]

الله يعوضك بأفضل منــــــــــة أهم شي أنتي واثقة بنفسك ولا عليك من هالكلام اللي مالة سنع وماتدرين خيرة لك الحين أفضل من بعد ماتتزوجين وتبلشين الله يوفقك ( :

 

[سفيره الاهات]

ههههه ياعمري لاتشيلي هم ولاتفكري
حنا عايله المطلقات ههههههههه
خواتي خمسه مطلقات
تزوجوالحين عايشين حياتهم
انا الحين مطلقه وعندي عيال
والله مانقصنا شي بس الحظ مايل
عيشي حياتك ولاتفكرين وخلي كلام الناس ورا ضهرك
اشغلي نفسك باي شي

قلت للحظ ليش مايل ؟! قال اسكتي لاانبطح :eh_s(11):

 

[ام شووووق]

الله يصبر قلبج

 

[الينبوعة]

يمعودة احمدي ربج انج ارتحي منة وهو مو زين وعرفتي في البداية قبل ما تتورطين معاة ابدا لا تفكرين بكلام الناس ارضاء الناس غاية لا تدرك ​

 

[نتوفه]

ماقصروا البنات
وبعدين منو قال انتي مطلقه؟
انتي فاجه ملجتج مادخل عليج ولا سويتي عرس
لا يقعدون يخربطون على راسج مطلقه ومطلقه منتي مطلقه
وعيشي حياتج
ياكثر اللي فجوا ملجتهم وخذوا عزاب
انتي بس كثري استغفار وادعي بالزوج الصااااااااالح
وعسى ربي يعوضج

 

[كشفو سر الهوى]

لو تسمعين كلام الناس بتمرضين

و الناس ما يخلص كلامها بتمين تسمعين لهم ؟؟؟؟؟ <<< بتموتين و انتي صغيره اسم الله عليج

يا حبيبتي احمدي ربج تطلقتي و انتي بالملجه مو بعد الزواج شي ارحم من شي يا حبيبتي

و اذا عن تجهيزج الشي اللي تقدرين تلبسينهم الحين لبسيهم استانسي فيهم و الشي اللي ما تقدرين يا تخشينه لنفسج بعدين و لا وزعيهم

و الخيره فيما اختارها الله و الحمدالله ما تدبستي فيه و باجر تتحسفين و الحمدالله بينت من اولها المفروض تسجدين سجدة شكر لله الحين

و طنشي الناس و ريحي بالج

 

[ـألمزـأجيه]

:
:
:
يامعوودهه ماعليج من ااحد
انتي لا كفرتي ولا بقتي
ترآ عآآدي
وبعدين انا اعرف وحده تزوجت مره واثنين وثلاث
ومن كل واحد جآيبه من ولد ولا اثنين وكاهي الحين عآآيشه
مستانسه ويا زووجهآآ مشششآلله علليها واللـه لآيغير عليهآ
ماوقفت حيااتها على هالكلمه
ماعليج من احد عيشششي حياتج
واسسستانسي محد بينننفعج
ودامج اتخذتي قرآرج ابد انسيه ولا تفكرين بلي صآآر
واسمعي مني وقطي مني
اسمعي ولا جنج تسسمعين
احقرريييهمممم
والله والله والله ماكو شششي تتضاايقين عششانه
والدنياا ماتسسوى وربي
هوونيهآ وتهوون
وصعبيها تصصصعب
واللـه ييرزقج بوآحد يسعدج ويسسكت الكل ان شآء اللـه
واحتتترفي فن التغآآفل مو كل ششي تدققين
عليه وتتحسسين منه الان هالشي بينغص عليج حيآآتج
:
:
:​

 

[حرم ^أحمد^]

أنتي مادخل عليج صح يعني أخذيها كآنج تعرفتي عليه وماحصل نصيب والله خيره لج والكل يمناج لانه توك بنوته