كويتنا حزينــــــه..!!

[سويره المطيوره]

كويتنا حزينه..!!

وأنا حاسه بحزنها وهم أنا حزينه..؟؟

تدرون ليش؟

لاننا تركناها..مااهتمينا فيها..انشغلنا عنها؟؟

قمنا نعقد مقارنات..

قمنا نتصيد الأخطاء..

صرنا ندور الزله على بعض..

صار كل همنا نجرح بعض..

ونطلع على الفضائيات ونطعن في بعض..

ونخون الحكومه..!!

كلنا نحب بابا جابر..وكلنا بكينا على موته..

وللحين نتألم بفراقه..

احنا مشتاقين له..لانا كبرنا على حبه..امنا وابونا كانوا يقولون لنا باباجابر

عز الكويت..وكبرنا واحنا نردد بابا جابر عز الكويت..!!

بس بابا جابر الله يرحمه..وبيبقى بقلوبنا..وعوضنا الله ببابا صباح

منو بابا صباح؟؟!!

عهد الكويت اليديد..ابونا كلنا..

شنو يعني تنقطع الكهرباء شويه..شنو يعني ينقطع الماي..!!

بتموتون..لا طبعا..

بس هذا ما يعطينا الحق نتهم فيها الحكومه بالتقصير..

من ايام بابا جابر كانت تنقطع الكهرباء علينا شهر 8..

ليش الحين الكهرباء صارت وااايد عزيزه وغاليه عليكم..

من ايام بابا جابر الله يرحمه..والحكومه كانت تقول سنه 2006

راح يظهر عجز بالطاقه..!!!!

انا اتالم ..لما اشوف اهل الديره بكل مكان يتكلمون عن الكويت كانها صارت

بايد غير امينه..!!

او كاننا ضعنا بعد بابا جابر..!!

صح احنا ايتام بدونه..!!

بس لاتنسون بابا صباح.. واعماله من ايام المرحوم..وتذكرووا..شئ واحد

بس..!!

عيالنا واطفالنا لازم يكبرون مثل ماكبرنا احنا واحنا نردد بابا جابر عز

الكويت..

لازم يكبرون واهم يرددون بابا صباح عــــــــــــــــز الكويت..!!

صدقوني هالكلام من قلبي لاهل ديرتي..!!

اهون علي نعيش بدون ماي وكهرباءولايجي اليوم اللي تعطون الاعداءفيه

فرصه يتشمتون فيها..

ولنبقى اوفياء ..حريصون لكويتنا حافطون..

والله يرحمك يبه جابر..ويحفظك يبه صباح..ويحفظ الكويت وأهلها..


واذا سيـــــــد منا خلا...

قام فينا سيـــــــــد.....

 

[روح المسا]

الله يرحم الامير جابر يارب.. ويحفظ لكم الكويت
عاليه الشاان...

 

[سحيله_الحلوه]

واااااي كلام يعور القلب !!!
اخنقتني العبره وانا بالدوام :eh_s(11):

 

[سويره المطيوره]

الله يرحم الامير جابر يارب.. ويحفظ لكم الكويت
عاليه الشاان...

مشكووره حبيبتي..انا سعيده جدا بمشاعرج الطيبه و مو غريبه عليكم..:eh_s(17): :eh_s(17):

يااهلنا وحبايبنا في امارات الخير..

 

[سويره المطيوره]

واااااي كلام يعور القلب !!!
اخنقتني العبره وانا بالدوام :eh_s(11):

أأأأه ..صج قلوبنا تعبانه بموت بابا جابر والحين تعبنا اكثر باللي قاعد يصير من اهل الديره..!!

مشكوره حبيبتي..هذا يدل على طيب اصلج..يابنت الديره..

 

[سويره المطيوره]

صراحه انا فعلا مصدومه 18 قراءه وبس ردين..!!!!!

شئ يحبط فعلا..!!

 

[*الحالمه*]

شوفي يالغاليه كلامج ماعليه غبار ابدا

و انا اوافقج الراي

بس طبيعة الانسان انه يخاف من المستقبل

و هم من طبيعة الانسان انه انفعالي

كلنا قمنا نتشكى من قطع الكهربا و الماي

بس بينا و بين بعض ويا اهلنا " شعب الكويت "

بس اللي يحز بالنفس ان بعض الناس قامو يدزون مسجات

للفضائيات و يطلبون المساعده!!!!

عسى ما شر شاللي صاير ؟ انقطعت الكهربا لمدة 45 اذا مو اقل

تصير باكثر الدول تقدم

على الرغم من انهم يدفعون ضرايب بعكسنا !!

امس احترقت اعصابي من مسج قريتها بقناه فضائيه

عاد ما يندرى اللي كاتبتها كويتيه او لأ بس هذا نصها

" انا .... من الكويت ياناس بنموت الكهربا منقطعه و ماكو ماي "

و الردود حدث و لا حرج

الخلاصه :

احنا بديرة عز و خير دام ال صباح حكامنا

و ان تذمر بعض الناس من اللي صاير فهذا شي طبيعي

بس على شرط يكون بينا

بالنهايه اسمحيلي اهنيج على شعورج الجميل و الوطني

 

[ii DareeN ii]

عسى الله يرحمه ويغمد روحه الجنه عمرنا ماننساه والنقد بالداخل مقبول لانه دوله ديموقراطيه وموعيب ان المواطن ينقد سياسات غلط تتركب عليها مشاكل بس ان ننشر غسيلنا برا الديره لا شنو نقدت على الي متزوجه بدون وطالعه في فضائيه مادري الجزيره ولا العربيه وتذم وتتشكي انتي تزوجتي هالريال وانتي تحملي عقباته الدوله مو كفيله تصرف على انسان مو من مواطنينها كل انسان ياخذ شي يتحمل عقباته مو عديمين انسانيه بس عيب الي في بعض الناس يسونه وعسى الله يرحم ابونا جابر ويغمد روحه الجنه نبجي عليه ليلحين ولا راح ننساه وليلحين الديره ظلمه بدونه ويعطيج العافيه على الموضوع

 

[}{داشـه عرض}{]

قلبتي المواجه

الله يرحم بابا جابر ويسكنه الجنه اللهم آآآمين.

لو راح اتكلم ماراح تكفي صفحات النت هذا بكبره، لكن الله كريم

ما بعد ضيق الا الفرج .​

 

[مطيــ مزيونةــرية]

اي والله صاااجة
بس الي اشوفه ان الكثير من الكويتين مو متأقلمين مع الوضع
وان بابا صباح صار شيخنا وبصراحة ما لومهم بابا جابر موشويه
وان شاء مع الوقت كل شي يتغير
ومشكوووووورة عالموضوع صراااحة حلووو وبجيتيني آآآه قلبت المواجع:eh_s(16):

 

[هاي]

يبه من قال هالحجي؟!!!!!!!!!!!!!!!!!!!!!!!!!!!!1
بالعكس أصلا احنا عارفين عدل انا بابا صباح كان ماسك الكويت من زمان من يوم بابا جابر كان مريض الله يرحمه وقام بعمل مشاريع كثيرة ادت الى تقدم الكويت للأمام
أختي العزيزة اذا سمعتي الكلمه من وحده فلا تعممي الكلام على اهل الكويت كلهم!!!!!!!!
وصرااااااااااااااااحه انه وايد زعلت من كلامج انتي جنه احنا قمه في النذاله ومو حابين حكامنا؟؟؟؟!!!
وقاعده تشهرين فينا جدام الاوادم
يا ليت تفكرين مره ثانيه عدل بأهل الكويت!
وجهة نظر وان شاء الله ما تزعلين مني

 

[أميرة الورد]

صلوا عالنبي اختلاف الآراء لا يفسد للود قضيه

 

[سويره المطيوره]

شوفي يالغاليه كلامج ماعليه غبار ابدا

و انا اوافقج الراي

بس طبيعة الانسان انه يخاف من المستقبل

و هم من طبيعة الانسان انه انفعالي

كلنا قمنا نتشكى من قطع الكهربا و الماي

بس بينا و بين بعض ويا اهلنا " شعب الكويت "

بس اللي يحز بالنفس ان بعض الناس قامو يدزون مسجات

للفضائيات و يطلبون المساعده!!!!

عسى ما شر شاللي صاير ؟ انقطعت الكهربا لمدة 45 اذا مو اقل

تصير باكثر الدول تقدم

على الرغم من انهم يدفعون ضرايب بعكسنا !!

امس احترقت اعصابي من مسج قريتها بقناه فضائيه

عاد ما يندرى اللي كاتبتها كويتيه او لأ بس هذا نصها

" انا .... من الكويت ياناس بنموت الكهربا منقطعه و ماكو ماي "

و الردود حدث و لا حرج

الخلاصه :

احنا بديرة عز و خير دام ال صباح حكامنا

و ان تذمر بعض الناس من اللي صاير فهذا شي طبيعي

بس على شرط يكون بينا

بالنهايه اسمحيلي اهنيج على شعورج الجميل و الوطني

تسلمين حبيبتي عالمرووور,,وواضح جدا انج على مستوى عالي من الفهم والعقلانيه..

الله يوفقج..

وانا فعلا شفت المسج االي اندز على الجرس وحسيت اني ببجي من القهر..

لهدرجه وصلت فيهم الدرجه..!!

قولي هذي وحده تافهه وماينشره عليها..!!

عضو مجلس امه يطلع في مقابله عالعربيه..يخون الحكومه ويقول هذي لعبه اسمها الكهربا والماء!!!!!!!

ليش عندك حصانه تقول جذيه!!

فكر بالديره شوي..!!

عموما ..الله يحفظ ديرتنا يارب ..

ومشكووره حبيبتي مره ثانيه

 

[سويره المطيوره]

عسى الله يرحمه ويغمد روحه الجنه عمرنا ماننساه والنقد بالداخل مقبول لانه دوله ديموقراطيه وموعيب ان المواطن ينقد سياسات غلط تتركب عليها مشاكل بس ان ننشر غسيلنا برا الديره لا شنو نقدت على الي متزوجه بدون وطالعه في فضائيه مادري الجزيره ولا العربيه وتذم وتتشكي انتي تزوجتي هالريال وانتي تحملي عقباته الدوله مو كفيله تصرف على انسان مو من مواطنينها كل انسان ياخذ شي يتحمل عقباته مو عديمين انسانيه بس عيب الي في بعض الناس يسونه وعسى الله يرحم ابونا جابر ويغمد روحه الجنه نبجي عليه ليلحين ولا راح ننساه وليلحين الديره ظلمه بدونه ويعطيج العافيه على الموضوع

هلا حبيبتي دارين..الحمدالله انه في ناس فهموا وجهة نظري صح..

ومافسروها غلط..

للأسف الديمقراطيه في بعض الاحيان تصبح نقمه!!!

الكويت محسوده من الجميع على حكامها على شعبها الوفي على خيراتها..

وحرام نعطي الحساد فرصه وحده للشماته فينا..

كل الشكر لج يالغاليه..على التفاعل..

 

[سويره المطيوره]

قلبتي المواجه

الله يرحم بابا جابر ويسكنه الجنه اللهم آآآمين.

لو راح اتكلم ماراح تكفي صفحات النت هذا بكبره، لكن الله كريم

ما بعد ضيق الا الفرج .​

اكيد حبيبتي بابا جابر مو بس اميرنا ..اهو الكويت بكبرها..

وكلنا عارفين شكثر قدره عظيم بنفوس الكل..


ومثل ماقلتي الله يرحمه يارب..

مشكوووره ياقلبي عالمشاركه

 

[سويره المطيوره]

اي والله صاااجة
بس الي اشوفه ان الكثير من الكويتين مو متأقلمين مع الوضع
وان بابا صباح صار شيخنا وبصراحة ما لومهم بابا جابر موشويه
وان شاء مع الوقت كل شي يتغير
ومشكوووووورة عالموضوع صراااحة حلووو وبجيتيني آآآه قلبت المواجع:eh_s(16):

هلا مطيريه..

كلامج صحيح احنا صج فقدنا بابا جابر..بس الله عوضنا ببابا صباح ..

وبابا صباح شيخنا ومكانه بقلوبنا بس للأسف الطابور الخامس اللس كان بابا جابر يحذرنا منه في كل خطاب له..بدا يشتغل ويرووج اشاعات وكلام فاضي..

وهني يبرز دورنا احنا شبااب وبنات الديره ..نتصدى لهم ونغرس في اطفالنا حب الامير والووطن..

مشكوره حبيبتي عالمشاركه

 

[سويره المطيوره]

يبه من قال هالحجي؟!!!!!!!!!!!!!!!!!!!!!!!!!!!!1
بالعكس أصلا احنا عارفين عدل انا بابا صباح كان ماسك الكويت من زمان من يوم بابا جابر كان مريض الله يرحمه وقام بعمل مشاريع كثيرة ادت الى تقدم الكويت للأمام
أختي العزيزة اذا سمعتي الكلمه من وحده فلا تعممي الكلام على اهل الكويت كلهم!!!!!!!!
وصرااااااااااااااااحه انه وايد زعلت من كلامج انتي جنه احنا قمه في النذاله ومو حابين حكامنا؟؟؟؟!!!
وقاعده تشهرين فينا جدام الاوادم
يا ليت تفكرين مره ثانيه عدل بأهل الكويت!
وجهة نظر وان شاء الله ما تزعلين مني

بداية ياعزيزتي..للأسف انتي مافهمتي كلامي عدل..ثانيا اهل الكويت انا مو قاعده ازايد عليهم..!!

اتمنى تقرين كلامي مره ثانيه بعين بنت الديره اللي خايفه على اهلها..

وصدقيني ياعزيزتي..

انا ماقلت هالكلام من بااب التشهير..!!

واي تشهير تتكلمين عنه!

انا ما طلعت على فضائيه مثل اللي طلعوا وخونوا الحكومه!!

انا ما دزيت مسجات

مثل اللي قاعد يصير بالديره!!

اذا انتي مو عارفه اللي صاير مصيبه!!

صدقيني ..انا ماقلت هالكلام الالاني فعلا شفت وسمعت وقريت..!!

وايد حجي يعور القلب..!!

وفي كل مكان..!!

وانا ماني ساذجه لهدرجه اكتب موضوع كامل علشان كلمه سمعتها من وحده

على قولتج وعممتها عالكل!!

اقري ردود البنات اللي قبلج..وتعرفين شنو اللي صاير..

انا اللي حبيت اقوله لكم بدوووووون اي مزايده..!!

((((((الكويت بيتنا الامن..لاتسمحون للأي احد يمسها بالاشاعات والكلام الفاضي وخصوصا الطابور الخامس)))))


انتهى!!!!

وجهة نظرج احترمها وايد..بس ارجوج لاتزعلين من شئ انتي اساسا فاهمته غلط!!!!

ومشكوووره على تفاعلج الطيب

 

[سويره المطيوره]

صلوا عالنبي اختلاف الآراء لا يفسد للود قضيه

هلا حبيبتي اميره..

عليه الصلاة والسلام..بس ياقلبي مو صاير شئ ..احنا يمكن يمكن نختلف بالراي..وهذا من الديمقراطيه اللي عشنا فيها..بس اكيد ما نختلف على حب الديره وحب شيوخنا..

مشكوووره يالغاليه..على شعورج الطيب

 

[Om_RayooMa]

كلامج عدل اختي
ليش يعني هالديره من يصير فيها شي وماعجبكم تتحلطمون
وتنسون كل الطيب؟؟
اففف ليش تسوون جذيي؟؟والله ماكومثل ديرتنا ولا حكومتنا
الكل حاسدنا على كل شي
الحمدلله والشكر يا ربي تحفظ هالديره وحكومتنا وشعبنا

 

[ii DareeN ii]

يابنات صلو على النبي هالشي في سلبيات وهم في ايجابيه هالي قاعد يصير على سبيل المثال من نواب المجلس الي ممكن يتذمر او ينقد الحكومه هذا يدل على ان في بلد ديموقراطي النقد في موجود وينقد ويقول الي يبيه واهو قاعد في بيته امن هذا لو في بلد ثاني من غير ذكر اسماء يروح ورا الشمس هذا الشي ايصير في امريكا والدول المتقدمه عادي ينتقدون حكوماتهم وسلبياتها في القنوات الاعلاميه وهذا يدل على حريه الراي في هذا البلد الامين الي الكل يحسدنا عليه بس هم نطمح للاحسن والله يرحم بابا جابر وعمرنا مراح ننساه وحكامنا مو ملائكه بس ننحسد عليهم بكل مكان الحمدالله منعزين بكل مكان وزمان ياريت نشوف ايجابيه الاشياء والي يدزون مسجات عادي ناس فاضيه وبصراحه هالمحطات ومسجاتها قاعده تنزل من الذوق العام ويفشلون وعقلياتهم اتييب المرض والله اذا فضيت ولا عندي شي اشوفه افره على اي قناه من هالقنوات اتطمش وخصوصا روتانا الافلام اقرو بس الشريط وشوفو تفاهه العقليات يعني لاتنقهرون ولا تنغثون من اهل المسجات فتى الجبل ولا ابن شبرا بصراحه فضاوه وفلوس ضايعه بالهوا