كويتنا حزينــــــه..!!

[حبيبته آنا]

الحمدلله على كل حال

 

[عبيطه^ماتستعبط]

والله كلام صح يعور القلب
وكلامج كله صح
والله يغفرلك يا امير القلوب

 

[$$مذهلة$$]

السلام عليكم ورحمة الله وبركاته

معاج حق حبيبتي بكلامج

بس احنا قاعدين باي عصر على تقطع الماي والكهرباء كل شوي ؟؟!!

الماي من البحر والله يعافي محطات التقطير احنا مو عايشيين على أنهار ولا

عيون علشان يقولون بيخلص!!

يعني من هالفلوس اللي تروح مني ومني يزيدون لنا محطات تقطير

والكهرباء كذلك

بس هذي سياسة جديدة

لازم يجوعون الشعب علشان بعدها يرضون بأي شي

ويكون بعلم الكل احنا المفروض نكون مثل غيرنا من الدول اللي مايقصرون

على شعوبهم من خير ارضهم مو يسكتونكم ب 200 وشاقين حلوجكم من

الوناسة ترا اللي لنا المفروض اكثر باضعاف مضاعفة

بس الله كريم

ولكن هم حرام نسكت واحنا نشوف غيرنا ماخذ خيرنا

ورواتب بالملايين لناس وناس حسرة عليهم زيادة دينار بالراتب وين الامانه

والانصاف؟؟؟

والله يحفظ الكويت و أهلها من كل شر

آآآآآآآآآآآآمين

 

[bnt_kwt]

وااااااااااااي صج انتي قلتي اللي بقلبي من زماااااااااان
والله لو شنو ما يصير احنا بخير ونعمه وعز ال الصباح لي الحين واصل لنا
الف حمد وشكر لك يارب على كل حال
والف حمد وشكر لك يارب لانه احنا كويتيين مرفوعين الراس بكل الاحول
والف حمد وشكر لك يارب العالمين لانه ال الصباح اهم حكامنا
جابر راح من هالدنيا بس باقي طول العمر بقلوبنا وماراح ننساه
وصباح الله يطول بعمره ويخليه ونشوف خيره مثل ما شفنا خير جابر من قبل

مشكوره اختي على هالموضوع الحلو وفعلا الكويت حزينه واحنا بعد حزينين على اللي قاعد يصير

 

[سويره المطيوره]

كلامج عدل اختي
ليش يعني هالديره من يصير فيها شي وماعجبكم تتحلطمون
وتنسون كل الطيب؟؟
اففف ليش تسوون جذيي؟؟والله ماكومثل ديرتنا ولا حكومتنا
الكل حاسدنا على كل شي
الحمدلله والشكر يا ربي تحفظ هالديره وحكومتنا وشعبنا

صدقتي عزيزتي..

ليش ننسى كل شئ من تقصير واحد..

ليش بس نبي ناخذ ومانعطي!!

مثل ما قلتي كويتنا مافي منها..

وحكومتنا ماتقصر معانا باي شئ..

شوفوا غيركم وانتم تعرفون الفرق..

مشكوره ياغاليه على تفاعلج..

 

[سويره المطيوره]

يابنات صلو على النبي هالشي في سلبيات وهم في ايجابيه هالي قاعد يصير على سبيل المثال من نواب المجلس الي ممكن يتذمر او ينقد الحكومه هذا يدل على ان في بلد ديموقراطي النقد في موجود وينقد ويقول الي يبيه واهو قاعد في بيته امن هذا لو في بلد ثاني من غير ذكر اسماء يروح ورا الشمس هذا الشي ايصير في امريكا والدول المتقدمه عادي ينتقدون حكوماتهم وسلبياتها في القنوات الاعلاميه وهذا يدل على حريه الراي في هذا البلد الامين الي الكل يحسدنا عليه بس هم نطمح للاحسن والله يرحم بابا جابر وعمرنا مراح ننساه وحكامنا مو ملائكه بس ننحسد عليهم بكل مكان الحمدالله منعزين بكل مكان وزمان ياريت نشوف ايجابيه الاشياء والي يدزون مسجات عادي ناس فاضيه وبصراحه هالمحطات ومسجاتها قاعده تنزل من الذوق العام ويفشلون وعقلياتهم اتييب المرض والله اذا فضيت ولا عندي شي اشوفه افره على اي قناه من هالقنوات اتطمش وخصوصا روتانا الافلام اقرو بس الشريط وشوفو تفاهه العقليات يعني لاتنقهرون ولا تنغثون من اهل المسجات فتى الجبل ولا ابن شبرا بصراحه فضاوه وفلوس ضايعه بالهوا

حبيبتي دارين..

حقيقه احييج على هالحس الوطني الراقي جدا..

وفعلا حكومتنا مو ملائكه..

واهل المسجات مااقول الا الله يهديهم ..!!

شكرا لج يالغاليه

 

[سويره المطيوره]

الحمدلله على كل حال

فعلا الحمدالله على كل شئ وعلى كل حال..

ولاتنسون ترى النعمه زواله..

مشكوره يالغاليه ع المرور

 

[سويره المطيوره]

والله كلام صح يعور القلب
وكلامج كله صح
والله يغفرلك يا امير القلوب

هلا والله عبيطه..

مشكووره يالغاليه على مرورج..والكلام اللي يعور وايد بس لي متى!!

الله يرحمك يا بابا جابر ويطول بعمر بابا صباح

 

[عاشقه الموضه]

اي والله صاااجة
بس الي اشوفه ان الكثير من الكويتين مو متأقلمين مع الوضع
وان بابا صباح صار شيخنا وبصراحة ما لومهم بابا جابر موشويه
وان شاء مع الوقت كل شي يتغير
ومشكوووووورة عالموضوع صراااحة حلووو وبجيتيني آآآه قلبت المواجع:eh_s(16):

مؤيـــده لـكـل كـلـمـه قلتــيــهاا ..

مشكوووره اخــتـي على هالمووضووع الحساااس ..


شــــي يــعــوووور الــقـــلــب ..​

 

[سويره المطيوره]

السلام عليكم ورحمة الله وبركاته

معاج حق حبيبتي بكلامج

بس احنا قاعدين باي عصر على تقطع الماي والكهرباء كل شوي ؟؟!!

الماي من البحر والله يعافي محطات التقطير احنا مو عايشيين على أنهار ولا

عيون علشان يقولون بيخلص!!

يعني من هالفلوس اللي تروح مني ومني يزيدون لنا محطات تقطير

والكهرباء كذلك

بس هذي سياسة جديدة

لازم يجوعون الشعب علشان بعدها يرضون بأي شي

ويكون بعلم الكل احنا المفروض نكون مثل غيرنا من الدول اللي مايقصرون

على شعوبهم من خير ارضهم مو يسكتونكم ب 200 وشاقين حلوجكم من

الوناسة ترا اللي لنا المفروض اكثر باضعاف مضاعفة

بس الله كريم

ولكن هم حرام نسكت واحنا نشوف غيرنا ماخذ خيرنا

ورواتب بالملايين لناس وناس حسرة عليهم زيادة دينار بالراتب وين الامانه

والانصاف؟؟؟

والله يحفظ الكويت و أهلها من كل شر

آآآآآآآآآآآآمين

هلا عزيزتي..مذهله..

انا اوافقج في بعض الكلام..

صحيح مسالة الماي والكهرباء شئ مزعج لما كل شوي تنقطع..

بس هذا ما يعطينا الحق نخون فيها الحكومه بكبرها!!

بعدين القطع صار له اسبوع وان شاء الله بينتهي خلال ايام

صارت سياسة تجويع!!!!!

تبين تعرفين سياسة التجويع الصج..شوفي الدول اللي حواليج..

وانتي تعرفين!!

يكفي الامن والامان..يكفي حرية الراي..يكفي انه شيوخنا نقعد معاهم

ومتى ما بغيناهم لقيناهم..مو بينا وبينهم زجاج ضد الرصاص مثل بعض الدول ..من نتخرج نلقى الوظيفه.. ما نقعد سنين ندوةر الوظيفه ما نلقاها..رواتبنا ممتازه..العلاج مجانا..بالديره او بالخارج....الخ

والله لو بعدد ما راح اخلص..في كل شئ ديرتنا سباقه..

وين التجويع بذمتج..

صدقيني حمدي ربج على النعمه اللي احنا فيها..

ترى النعمه زاااااله..

و200 دينار هذي منحه..يعني بابا صباح مو ملزوم فيها..

واالرسول الكريم قال(من لايشكر الناس لا يشكر الله))

بالنهايه..حاولي تعطين الديره كثر ما خذيتي مو تطلبين المزيد..

شكرا لج عزيزتي على تفاعلج

 

[سويره المطيوره]

وااااااااااااي صج انتي قلتي اللي بقلبي من زماااااااااان
والله لو شنو ما يصير احنا بخير ونعمه وعز ال الصباح لي الحين واصل لنا
الف حمد وشكر لك يارب على كل حال
والف حمد وشكر لك يارب لانه احنا كويتيين مرفوعين الراس بكل الاحول
والف حمد وشكر لك يارب العالمين لانه ال الصباح اهم حكامنا
جابر راح من هالدنيا بس باقي طول العمر بقلوبنا وماراح ننساه
وصباح الله يطول بعمره ويخليه ونشوف خيره مثل ما شفنا خير جابر من قبل

مشكوره اختي على هالموضوع الحلو وفعلا الكويت حزينه واحنا بعد حزينين على اللي قاعد يصير

هلا والله بنت الكويت..

واااااااااااااي كلامج انتي اللي ريحني فعلا..

الف الحمدالله والشكر يارب على هالنعمه..

يكفيني لما اقول انا كويتيــــــــــــــــــــه..

والله تكفي ياناس..

كل الشكر لج يالغاليه

 

[$$مذهلة$$]

هلا عزيزتي..مذهله..

انا اوافقج في بعض الكلام..

صحيح مسالة الماي والكهرباء شئ مزعج لما كل شوي تنقطع..

بس هذا ما يعطينا الحق نخون فيها الحكومه بكبرها!!

بعدين القطع صار له اسبوع وان شاء الله بينتهي خلال ايام

صارت سياسة تجويع!!!!!

تبين تعرفين سياسة التجويع الصج..شوفي الدول اللي حواليج..

وانتي تعرفين!!

يكفي الامن والامان..يكفي حرية الراي..يكفي انه شيوخنا نقعد معاهم

ومتى ما بغيناهم لقيناهم..مو بينا وبينهم زجاج ضد الرصاص مثل بعض الدول ..من نتخرج نلقى الوظيفه.. ما نقعد سنين ندوةر الوظيفه ما نلقاها..رواتبنا ممتازه..العلاج مجانا..بالديره او بالخارج....الخ

والله لو بعدد ما راح اخلص..في كل شئ ديرتنا سباقه..

وين التجويع بذمتج..

صدقيني حمدي ربج على النعمه اللي احنا فيها..

ترى النعمه زاااااله..

و200 دينار هذي منحه..يعني بابا صباح مو ملزوم فيها..

واالرسول الكريم قال(من لايشكر الناس لا يشكر الله))

بالنهايه..حاولي تعطين الديره كثر ما خذيتي مو تطلبين المزيد..

شكرا لج عزيزتي على تفاعلج

لاتلوميني !!
من طلعنا من بطون امهاتنا واحنا بخير ونعمه الحمدلله هذا مايختلف عليه اثنين
بس الدنيا تتطور وشوفي عائدات البترول وفائضها اللي خلى الكل يفكر بالفلوس والقروض نواب وحكومه!!

انا قصدت هالديرة اللي كانت درة الخليخ الكل يقصدها من كل صوب لجمالها ورقيها واسواقها ليش رجعت ورى من بعد الغزو؟؟؟
لان الكل قام يفكر شلون ينهب من خيرها من مكانه بدال ما يعيد امجادها ومكانتها

صحيح الديرة الحين ماعليها قاصر من ناحية الاسواق وسياحة بس صدقيني مومثل غيرنا من اللي حوالينا اللي تقولين عنهم , كانوا يتمنون انهم يوصلون مواصيل الكويت الحين وصلوا وتعدونا (الله يهنيهم) واحنا محلك سر شوفي الدول اللي اولوية العطاء فيها للوطن والمواطن واحنا هني قامت الحكومه تساوم على المواطنين بالاشتراك مع نواب المجلس
(قروض ومنح وماندري وين الصح)
حتى خدمات الكويت صدقيني اللي عنده واسطة مو مثل غيره واللي ايده بالماي مو مثل اللي ايده بالنار من علاج ومن نواحي كثيرة

احب الكويت احب حرها وبحرها وبرها

كلها حبيبتي واغلى منها مافي

بس لازم نترك الماضي ونفكر بجد بالمستقبل

وانا صغيرة ملابس المدرسه من التربية والمطعم موجود بجميع المراحل معقوله الحين بعد الرخاء اللي من الله علينا فيه يتغير كل شي؟؟

وين الخير اللي قاعد يروح برا؟؟
ماقلنا لاتساعدون احد بس هم احنا اولى بخيرنا والاقربون اولى بالمعروف!!
ليش الضرايب علينا اللي يفكرون فبها من كبر الكويت !!

خل الضرايب للوافدين اللي عينهم على لقمتنا

ولما نروح ونسافر لدولهم نتحسر ومعاملتنا غير عن معاملتهم عكسنا ساوينا الكل فينا ويت على راسنا

هذا رأئي واختلاف الراي لا يفسد للود قضية

وسامحوني على الطواله من حر مافيني

 

[سويره المطيوره]

هلا والله مذهله..

كلالالامج لا غبار عليه..فعلا اللي يحب الديره

يفكر شلون يردها مثل اول واحسن..

وانا معاج بكل حرف كتبتيه..لانه ديرتنا مو ناقصها شئ..

بس يبيلها ناس تحبها صج تحبها بالافعال مو بالكلام..

وشوفي شلون بتتغير..!!

مشكلتنا بالكويت نحب المظاهر نحب اللي بره يتكلم علينا..

مثل .......عائله كبيره ومعروفه بالكويت..تكفلت باعمار جنوب لبنان ..

شئ طيب وحلو..بس الاحلى منه لما يكون بديرتك..مو الديره اولى

مو شوارعنا المكسره اولى ..اللي الوحده من تطلع بسيارتها لين توصل البيت والا ماره على عشرين حفره هذا غير الاضاءه التعبانه بالشوارع..

بس يبقى الامل فينا احنا شباب وبنات الديره..ان شاءا لله بنغير الوضع

وكل واحد من شغله وعمله..انا كمدرسه صدقوني صرت احب الدروس الوطنيه احس صج اعطي فيها بكل مافيني حتى طالباتي يتفاعلون وياي..

احنا مابيدنا شئ نسويه غير اننا نحاول نصلح ونصحح المسار

بالشكل الوطني الديمقراطي..بس ما نجرح حبيبتنا الكويت..ولا نخلي احد يتشمت فيها..

ونبقى كلنا للأبد قلب واحد..

كل الشكر لكل البنات الكويتيــــات اللي اثروا الموضوع وتفاعلوا معاه..

الله يحفظ كويتنا باميرها واهلها الطيبين