جبن ابيض و نعناع عجيبه
خظار: تشوحين بصل بشويه زيت بعدين تحطين الخظار (جزر بزاليا ذره) المجمدين من الجمعيه، و تحطين بهاراتج (بهار حلو و كاري و فلفل احمر بودر و ملح و فلفل اسود)
لحم: تشوحين زيت بعدين عقب ما يذبل تحطين اللحم المفروم و عقب ما يقلب لونه تحطين دارسين بهار حلو ملح فلفل اسود يعني نفس حشوه الكبه تقريبا بس بدون المكسرات
دياي: تفوحين ديايه مع البهارات و عقب ما تستوي ، تنتفينها ناعم و تخلينها عل جنب، تشوحين البصل لما يذبل و اذا حبيتي تحطين جزر و بعدين تحطين الدياي و تخلطينه و عقب حطي كاري و بهار حلو و فلفل اسود بعدين حطي قفشتين كبار جبن قلاص و قفشتين تشيلي صوص و قفشه ميونيز و تخلطين و عل طول شيلي الجدر من النار ، و قوام هالحشوه يصير متماسك حيل جنه عجينه بس عجيبه
جبن: جربي قشقوان و تشدر و جبن قلاص و سلايس، طبعا كل حشوه بروح مو تخلطينهم
بطاط: قصصي بطاط مكعبات و فوحيه لما يستوي بعدين بمقله شوحي شويه بصل لين يذبل و حطي عليه قفشه كزبره حب و قفشتين كزبره مطحونه و فلفل مجفف الاحمر تدقينه بالهاون (او تحطينه بجيس نايلون و تطقينه بشي ثقيل لما يتفتفت، و كاري و ملح و فلفل و اخر شي شيفي عليه كزبره فرش مفرومه ناعم و شيلي المقله من النار
همبورجر: فوحي الهمبورجر لما تطلع الرغوه البيضه، بعدين قصصيه مكعبات و خليه على جنب، الحين قصصي بصار صغار حيل و فلف اخظر صغار حيل و بطاط هم صغار حيل عشان يستوون بسرعه، شوحيهم على النار لما يستوي البطاط بس ديري بالج لا يحترق البصل، الحين حطي الهمبورجر و حطي قفشتين تشيلي صوص و قفشتين باربيكيو صوص و 3 قفشات كريمه بس لا تصير الحشوه سايله وايد خليها ثقيله عشان ما تتفلل منج السمبوسه و انتي تلفينها
بيتزا: بجدر حطي شويه زبده لما تسيح و حطي عليها مشروم فرش شرايح، بعدين حطي ببروني مقصص صغار و بعدين حطي بهارات ايطاليه اللي بالعلبه الخظرا و اذا ما عندج اياها حطي اوريجانو و بارميزان و ثوم بودر و ملح و فلفل اسود بعدين حطي عليهم شويه من صلصله البيتزا الحمرا اي ماركه تحبين لو حتى العلالي، بعدين حطي جبن بارمزان فوقهم، و هم ديري بالج لا تصير وايد سايله
و في سمبوسه ماش بس ماعرف طريقتها
مره ذقت سمبوسه فيها hotdog اتينن و هم ما اعرف طريقتها
