كويتيات جنوب السرة (السلام -حطين-الزهراء -الشهداء)الجزء الثاني

[3so0ola_94]

هلا والله عسولة

ماعليه الوالد الله يحفظه يبي مصلحتكم
انا مانعة اللاب توب والاي بود عن بنتي هالايام عشان تدرس
وبيلحقها اخوها بس يخلص سالفة هالمشروع

عسى ربي يسهل اموركم وينجحكم وترفعون راس اهلكم ان شاءالله ​

امييييين حبيبتي الله يسمع منج ياارب

 

[dandooosh]

صباح الخير
أم الدرر مشكوووووووورة ع الدعوة الحلوة
يارب يخلي لج أعيالج وأتشوفينهم معاريس ويوم تخرجهم من الجامعة انشالله

 

[ام عواشة]

بنات بعرف تطعيم الكبد الوبائي وين يطعمون بجنوب السره يقولون لازم الصحه الوقائيه واللي تعرف ختفيدنا وترى لازم الكل يروح يطعم من مواليد 90 وطالع

 

[ام الدرر]

صباح الخير
أم الدرر مشكوووووووورة ع الدعوة الحلوة
يارب يخلي لج أعيالج وأتشوفينهم معاريس ويوم تخرجهم من الجامعة انشالله

يامال الجنة
جزاج الله خير ياقلبي​

 

[ام الدرر]

بنات بعرف تطعيم الكبد الوبائي وين يطعمون بجنوب السره يقولون لازم الصحه الوقائيه واللي تعرف ختفيدنا وترى لازم الكل يروح يطعم من مواليد 90 وطالع

مستوصف السلام فيه صحة وقائيه ​

 

[ام الدرر]

مساء الخيرات
بنات جنوب السرة شخباركم ​

 

[^ دانة الزين^]

هلا حبيبتي ام الدرر
بخير الله يسلمج
انتي شلونج؟؟

 

[dandooosh]

بنات وين تعرفون عيادة أو مستشفى زين حق الاطفال
ابي اسوي عملية اللحمية واللوز حق ولدي
بليز وابي اعرف الاسعار بعد ؟؟

 

[ام الدرر]

هلا حبيبتي ام الدرر
بخير الله يسلمج
انتي شلونج؟؟

هلا حبيبتي
دانة
انا بخير الحمدلله​

 

[ام الدرر]

بنات وين تعرفون عيادة أو مستشفى زين حق الاطفال
ابي اسوي عملية اللحمية واللوز حق ولدي
بليز وابي اعرف الاسعار بعد ؟؟

هلا دندوش ليش ما تسوينها بالحكومه
مستشفى زين خاص لعمليات الانف والاذن
اذا بطاقتكم على جنوب السرة طلبي من المستوصف يعطونج تحويل للعيادة
بصباح السالم
وخلي يكتبون بالتحويل انه وايد يسخن ويصير عنده احتقان
مراجعتين هناك والدكتور يعطيج تحويل لمستشفى زين مع اشعه بمستشفى مبارك وتخطيط سمع بمركز سالم العلي
يومين انتي خالصة اوراقج تروحين زين ويحددون موعد للعمليه اذا كثر شهر
اول يوم فحوصات وتحاليل
وترجعون اليوم اللي وراه بالليل الساعة 8 تنامون بالمستشفى ومن الصبح العمليه والعصر انتو طالعين
انا سويتها لبنتي الصيف اللي طاف ​

 

[Fstani]

ماشاءالله خووووش موضوع عجييب ووايد مفييد



أهني صاحبة الموضوع





أنا بالزهراء إذا تبون شي قولولي ان شاءالله أقدر أفيدكم =)

 

[dandooosh]

هلا أم الدرر
مشكورة ياقلبي
أنا الله يسلمج عطوني التحويل من زمان،،، شافه دكتور أنف وأذن وحنجرة بمستوصف الصقر بالعديليلة وعطانا تحويل حق مستشفى زين حق العملية بس أنا مو مرتاحة حق مستشفى زين ومن بعد ما قريت اللي كتبتيه يعني السالفة فيها مشاوير ومستشفيات ثانية :eh_s(10): أنا ودي خاص عشان أسرع وأحسن
تخيلي أصلا كل مرة يسخن وأوديه الطبيب كل الدكاترة اللي يشوفونه يقولون لي لازم لازم تشيلينهم ،،،
بس شكلي بغير رأيي بما أنج سويتيها حق بنتج ،،، طيب شنو تقييمج لهم ؟؟؟ اشلون العملية ؟؟؟ ليزر ولا جراحة ؟؟ واشلون مستواهم يعني تنصحيني فيهم :bbbiu:

 

[ام الدرر]

ماشاءالله خووووش موضوع عجييب ووايد مفييد



أهني صاحبة الموضوع





أنا بالزهراء إذا تبون شي قولولي ان شاءالله أقدر أفيدكم =)

حياج الله حبيبتي
لا خلا ولا عدم​

 

[ام الدرر]

هلا أم الدرر
مشكورة ياقلبي
أنا الله يسلمج عطوني التحويل من زمان،،، شافه دكتور أنف وأذن وحنجرة بمستوصف الصقر بالعديليلة وعطانا تحويل حق مستشفى زين حق العملية بس أنا مو مرتاحة حق مستشفى زين ومن بعد ما قريت اللي كتبتيه يعني السالفة فيها مشاوير ومستشفيات ثانية :eh_s(10): أنا ودي خاص عشان أسرع وأحسن
تخيلي أصلا كل مرة يسخن وأوديه الطبيب كل الدكاترة اللي يشوفونه يقولون لي لازم لازم تشيلينهم ،،،
بس شكلي بغير رأيي بما أنج سويتيها حق بنتج ،،، طيب شنو تقييمج لهم ؟؟؟ اشلون العملية ؟؟؟ ليزر ولا جراحة ؟؟ واشلون مستواهم يعني تنصحيني فيهم :bbbiu:

دندوش مدام التحويل عندج سهاله
ومافيها مشاوير وايد مستشفى مبارك الاشعة بنفس اليوم مو موعد
ونفس الشي تخطيط السمع بمركز سالم العلي
اما مستشفى زين انا جربتهم مرتين عملية بنتي السنه اللي فاتت
وعملية لاذني قبل شهرين
المستشفى نظيف ومستوى ماعليه كلام
مافيه اجنحه كله غرف خصوصي
ويحجزون لج الغرفة يوم الفحوصات
والعمليه انا سووا لها بس اللوز وقالو ماتحتاج ازالة اللحميه وهي جراحة مو ليزر
وترى ما طولت نص ساعة وطلعت من غرفة العمليات
تنصدمين لما تشوفين الاجانب شكثر هناك وواسطات عشان يحصلون موعد
مع انه ياخذون عليهم 50 دينار
واحنا يالكويتيين 10دنانير بس تامين للغرفة وقلة اللي يسوونها هناك
استخيري ياقلبي وعسى الله يكتب له الخير ​

 

[dandooosh]

مشكوووووووورة أم الدرر
وصج انا شايفة المستشفى من داخل الحلو ان الغرف خاصة
وانشالله بستخير والله يكتب اللي فيه الخير
تسلمين :eh_s(7):

 

[HearT ChocolaTe]

السلام عليكم ورحمة الله وبركاته

من زمان عنكم حبايبي ~ ولهت عليكم =)
دندوش نصيحه لاتروحين حق لحميه ولوز حق خاص
حكومه وايد احسن وانا مع ام الدرر كلامها 100% الموضوع ما يطول وبنفس اليوم تطلعين
انا مسويتها لولدي ~

الله يوفق عيالنا بإمتحاناتهم ان شاء الله ~ الدعاء لهم الصبح مع ابتسامه من والدينه
تحسسهم بالثقه لاتنسوون :*

 

[ام الدرر]

مشكوووووووورة أم الدرر
وصج انا شايفة المستشفى من داخل الحلو ان الغرف خاصة
وانشالله بستخير والله يكتب اللي فيه الخير
تسلمين :eh_s(7):

العفو ياقلبي
والله يقومه بالسلامة ان شاءالله​

 

[ام الدرر]

السلام عليكم ورحمة الله وبركاته

من زمان عنكم حبايبي ~ ولهت عليكم =)
دندوش نصيحه لاتروحين حق لحميه ولوز حق خاص
حكومه وايد احسن وانا مع ام الدرر كلامها 100% الموضوع ما يطول وبنفس اليوم تطلعين
انا مسويتها لولدي ~

الله يوفق عيالنا بإمتحاناتهم ان شاء الله ~ الدعاء لهم الصبح مع ابتسامه من والدينه
تحسسهم بالثقه لاتنسوون :*

هلا وغلا
هارت شوكليت
غطيتي من غير شر

ماقصرتي عالنصايح
والله يعيننا عالامتحانات ويوفق عيالنا وينجحهم​

 

[dandooosh]

صباح الخير
هارت شوكليت :eh_s(7): مشكورة
شخباركم بنات وأمهات ؟؟

 

[3so0ola_94]

هلا أم الدرر
مشكورة ياقلبي
أنا الله يسلمج عطوني التحويل من زمان،،، شافه دكتور أنف وأذن وحنجرة بمستوصف الصقر بالعديليلة وعطانا تحويل حق مستشفى زين حق العملية بس أنا مو مرتاحة حق مستشفى زين ومن بعد ما قريت اللي كتبتيه يعني السالفة فيها مشاوير ومستشفيات ثانية :eh_s(10): أنا ودي خاص عشان أسرع وأحسن
تخيلي أصلا كل مرة يسخن وأوديه الطبيب كل الدكاترة اللي يشوفونه يقولون لي لازم لازم تشيلينهم ،،،
بس شكلي بغير رأيي بما أنج سويتيها حق بنتج ،،، طيب شنو تقييمج لهم ؟؟؟ اشلون العملية ؟؟؟ ليزر ولا جراحة ؟؟ واشلون مستواهم يعني تنصحيني فيهم :bbbiu:

حبيبتي انا اخوي مسويها بمستشفى زين
والحمد الله سواها ما فيه الا العافية الحين
خوووش مستشفى لا تترددين