كويتيات شنو كليتي اليوم ((الجزء الرابع عشر)) تعالي وشاركينا بالصور

[حناينq8]

حناين مو اسمها نرجسي ؟

والله جنه نرجسي
ناسيه بالمره

 

[حناينq8]

أحلى همبه كويتية بالعافيه وايد شهيتيني عالبيتيفور اللوتس الي بالسالميه صح

حناين ياحلات اكلهم وهذي لبنه وسبانخ

حبيبتي تسلمين janaa

اي صح ريمه سبانخ وروب وشي معاه بعد بالخلطه !! بس لذيييذ مع الخبز الايراني

 

[لبنه بالزعتر]

ريمه تسلم ايييدج


هذا شنو متبل ولا شنو اللي بالصحون

ابي الطريقه 

 

[أم حسون]

تارت فواكه وكسترد يمي

تارت مالح حشيته لبنه وزعتر وزيتون وطماط

سلطه

فواكه



كيكة تمر

 

[أم حسون]

دايت كير..
برياني ربيان

كبة مادري شسمها امي مسويتها لذيييييييييذه

دايت كير..كباب سمج

سمج مع صلصه يمي

عش السرايا لذيذ

سلطات

 

[ركاب الأصايل]

عووووافي بطووطات,,

 

[(TigerWoman)]

مس كادي

طلبت منج طريقة شوربة العدس سكبتيني :/​

 

[78MariMar78]

ماشاءالله بالعاااااافية بنات

 

[78MariMar78]

احم احم

Red Valvet Cake
طريقة ريمة الكويت









سباجيتي


ذرة

 

[أحلى همبه كويتية]

ريمه - العفو حبيبتي
همبه - ههههه بالعافيه يقلبي - وين صاير اللوتس خل اجربه ؟؟؟؟

الله يعافيك حبيبتي
تعرفين الأشارة اللي تفصل الساليمة القديمة عن الجديدة ؟؟

فيه محل الصمدي للحلويات
والسرحان مال الأحذية كرمك الله
اهو يمهم

يعني قريب حيل من علاء الدين
علاء الدين يمين وبعدين فيه اشارة
كسري يمين وتلاقينه

بالعافيه عليكم كلكم

ريمه من ابداع الي ابداع
همبوش اللذيذه يسلمو الايدين يا قلبي وبالعافيه عليكم حبيبتي بس ممكن سؤال برجر الخضار انتي سويتيه ولا جاهز

حناين بالعافيه عليكم وانا رحته المطعم حلو

انا لذيذة ؟؟؟؟؟؟؟؟؟؟؟؟
احس انك ماكلتني من قبل هههه :eh_s(11):

البرجر خضار جاهز ماركة العريش ( الاماراتية ) وايد لذيذ

بالعافيه

همبه اللوتس قصدج اللي بالمنطقه العاشره

اللوتس هو اللي بالسالمية
اللي عندكم بالمنطقة العاشرة هو نفسه ( نفس المحل ) بس اسمه مخبز الصباح
بالفحاحيل

أحلى همبه كويتية بالعافيه وايد شهيتيني عالبيتيفور اللوتس الي بالسالميه صح

حناين ياحلات اكلهم وهذي لبنه وسبانخ

حبيبتي تسلمين janaa

ايه صح اللوتس اللي بالسالمية :eh_s(7):
يعافيك ريوم

شغلي سيارتك وسييييييييييييييييدا للمحل
انا جذيه ما أخلي شي بخاطري

كل شي عندي حار بحار:rerrerek:

 

[أحلى همبه كويتية]

تارت فواكه وكسترد يمي

تارت مالح حشيته لبنه وزعتر وزيتون وطماط

سلطه

فواكه



كيكة تمر

ام حسوووووووووووووووني
عوافي كل شي


اشرايك بالتارت ؟؟
انا شريت الحلو وللحين ما سويته



ابي طريقة كيكة التمر ما عليك امر :eh_s(7):​

 

[JANAA]

بالعافيه عليكم كلكم بنات

ام حسون بالعافيه

ريومه حبيبتي شكلي ببسط عندكم ماشاء الله تباركم الرحمن ربي يجعله بيت عامر يارب

همبوش كل شي منك حلو يا جميل انا كنت احب كيك اللوتس بس من زمان ما شريت منهم بجري البيتي فور

 

[JANAA]

احم احم

red valvet cake
طريقة ريمة الكويت









سباجيتي


ذرة

ايوا ايوا مرمورا يسلمو الايدين يا حلو

واخيرا كيكة الرد فيلفيت يسلمو ايدكي وايدين ريومه ​

 

[ريمه الكويت]

Matillda مع الوقت تتعلمين كل شي ونبي نشوف صور العيوش وبالعافيه مقدما

حناين اتذكر وحده ايرانيه علمتني تحط لبنه وتحمس سبانخ طازجه مع جنه ثوم مهروس وليمون واشبنت وتخلطهم باللبنه

لبنه هذا متبل اشوي البيديان لما يصير لين انا اخرمه بالشوكه وادهنه بالزيت واشويه بالمايكرويف بعدين اقشره واشيل الحب الي داخل واهرسه مع ثوم وليمون وطحينه وملح وروب وبقدونس من كل شي شويه واجرب الطعم لما يظبط


أم حسون بالعافيه التارت القاعده من مركز سلطان صح...؟؟ انا عجبني الحلو اكثر من المالح


صاجه همبوش مابخلي شي بخاطري ههههههههه شورانا

الف هنا وعافيه 78MariMar78 عسى عجبتج..؟؟؟


افا عليج JANAA عيوني لج تعالي بسطي

بنتي سارلها جم يوم تحن عيد ميلاد ابلتها اليوم وشرو لها هدايا وتبي بعد تسوي كيكه بيدها تذكرتج همبوش والبنات ماقصرو دلوني على كيكه رد فلفيت المعلبه رحت شريت علبتين وسوينا وحده البارحه وزينتها بالليل واليوم بنوديها

شوفوها وقولي رايكم بذوق بنتي









حشتها داخل كريمه الجبنه وفراوله ومن فوق هم كريمه الجبنه والاجناب بكريمه عاديه وفوق غمست فراوله بالكاكاو وصفتهم وانشالله تعجب الابله

 

[ريمه الكويت]

http://www.gulfup.com/show/X2b9uhegc5eck4

قبل التزيين

 

[حناينq8]

همبه تسلمييين يقلبي
لي شريت منه اعطيج رايي واحط الصور


ريمه مشكوره حياتي على الطريقه
وذوق بنتج حلو على امها

 

[بنت الاحلام]

عوافي

 

[sanyoretaQ8]

بالعافيه

 

[cat_women]

هــــــني و عااااافيه

ريمه
ما شاء الله تسلم ايدين بنتج

 

[مس كادي]

بالعافيه بنات
دراين هذي طريقه عمل الشوربه

المقادير :
عدس
بصل مقطع صغير
ثوم مدقوق
كمون حب
مكعبات ماجي
كيس شوربه ماجي دجاج بالشعيريه
كركم
بزار
رومي مطحون
فلفل اسود مطحون

الطريقه:
اول شي العدس اغسله واسلقه
اجيب تاوه صغيره
احط فيها دهن وبس يسخن احط الكمون الحب
واحركه شوي وبعدين احط البصل والثوم
واحرك ليما يصير لونهم ذهبي
وحزتها احط مكعب ماجي والكركم واشوي بزار واشوي من اللومي والفلفل الاسود
واحط المقادير اللي بالتاوه على العدس بالجدر واخلط المقادير
واكون مجهزه الخلاط واحط العدس فيها
واخلطهم ليما تصير الشوربه ناعمه والمقادير كلها مخلوطه مع بعض
ارجع الشوربه للجدر واحطه على النار واحط عليه كيس شوربه ماجي
واحرك وانتبه لا شعيريه تلصق بقاع الجدر
يعني حركي على طول ليما تستوي الشعيريه

وبالعافيه

تايجر وومن
سوري ما شفت مشاركتج
هذي الطريقه
انا مطبقه طريقه حور فديتها
طعمها رهيب
يسلموووو حور