كويتيات مالي غيركم

[rose red]

السلام عليكم..
شلونكم بناات؟؟ أنا فكرت ملياً و احترت و قلت مالي إلا كويتيات :ggdw:
بنات خالي تحجبو وحده بسادس و وحده بسابع و أمي تبي تاخذ لهم هدايا:klhfl: و أنا وأمي احترنا ما ندري شناخذ فقلت ما كو إلا كويتيات ينقذوني ...فبلييز شورو علي و عطوني أفكار و شكرا...

 

[غلا قلبها]

السلام عليكم ورحمة الله وبركاته

أولا شكرا على ثقتك فينا وأخذك لرأينا

وثانيا مبروك تحجب بنات خالك والله يكتب لهم الاجر ان شاءالله

ثانيا أنا أقترح انكم تاخذون لهم حجابات كشخة وحلوة للعيد.

وتحياتي ياقلبي

 

[rose red]

تسلمين غلا قلبها و مشكورة لأنج الوحيدة إلي عبرتيني

 

[kuwait_soso]

اول شي مبروووك
حبيبتي عندج شغلات وايده تقدمينهاا
مثل
ملافع ماركه
او تقدروون تعطوونهم مبلغ معين يكون بعلبه واهم يشتروون اللي يناسبهم
او عطر
اواكسسوار من آقنر او شينل

اتمنى اني فدتج

 

[asma_alyousef]

بدلتين ثلاث او ساعه او جناط اللي عالموضه دامهم صغار مع جم ملفع شوارفسكي ..

 

[rose red]

تسلموووون كويتيااات .... ما قصرتو...

 

[bnt_kwt]

عطوهم فلوس خل يشترون اللي بخاطرهم
والله يكملهم بعقلهم يحليلهم

 

[II'3anomaII]

يبيعون آله حق تثبيت الشوارفسكي اشتريها و اشتري جم لون شوارفسكي و جم ملفع ساده اهمه يسوون الي يبونه
هذا احسن شي اذا كان عندهم وقت فراغ .........

 

[دااانوه]

ما شاء الله مبروووووووووك

الله يحفظهمــ ويتممــ عليهمــ يااارب

ما أزيد على حجي البنات

اشتريلهمـ ملافع كشخه وذربة أو مجموعة ( شاور جيل _ بودي سبراي _ شامبو ) وهالسوالف

أو جنطة حلوة مناسبه لأعمارهمــ .. أو حطوا لهمــ مبلغ حلوو أهما يشترون اللي بخاطرهمــ

 

[$كرستالة$]

اولا مبروووووووووووووووووك
ثانيا افضل تشتريلهم دام اهم صغار عطر او ملفعة شوارفسكي

 

[al-zabarjad]

مبرووك الحجاب

البنات بهالعمر يحبووون

مجموعة من بودي شوب
عطر وكريم وشور جل


مجموعة أشغال يدوية تلقينهم
بجرير وفانتسي وورد


اشتري لهم حجابات حلوة
معاهم عطر وكريمه

دشي كويتيات مول يبوعون اشياء فنتوقية
فلاشات واشياء تونس للبنات
اخذي لهم