كويتيات هنا تجمع لأفكار العيديات للأطفال ؛؛؛ هلموووووا

[قهوة فرنسية]

السلام عليكم

شلونكم ياكويتيات:q8: جميعا

هذا اول موضوع لي

الموضوع ان كل وحده تحط فكرة عيديه غريبة ومميزة او جديدة شافتها من قبل

وان شاء الله هالموضوع بيفيد الكل يارب

 

[قهوة فرنسية]

يالله أنا بأبدأ اول واحده وبأقولكم عن العيديات اللي حسيتها غريبة

وحده تصير لنا وزعت على الاطفال اللي مثل البالونات لكنها بلاستيك << مثل كفرات البحر البلاستيك
وعلى اشكال مثل البطة والجمل والبقرة يعني حيوانات؛؛ الله يعزكم

 

[قهوة فرنسية]

وبعد وحده وزعت على الاطفال
الاكياس القماش اللي تنسحب من فوق
وداخلها حلويات ولبان وبالونات وريالات
وحاط عليها صورة بنتها مسويتها بالفوتوشوب

وكاتبه معايده للاطفال

يالله قولولنا على عيدياتكم

 

[ام غلا اخت سعود]

حلوه فكره البالونات

بس اغلب الناس يوزعون فللوس كعيديه

انا محتااره هالسنه مادري شسوي...

 

[قهوة فرنسية]

هلا روووووز
خليك معنا وان شاء الله بتستفيدين

وين الباقين

كنت بأقول الافكار الباقية بس خلاص هونت

ليش مافي تفاعل


انتظرررررررررركم

 

[شيخه_البيض]

مرحبا

امي تسوي كل سنة عيديات للأطفال

تييب جياس حلوة وتحط فيها حلاو وكاكاو وتحط داخلها فلوس بس تلفها بطريقة حلوة وحييييل يستانسون منها اليهال

 

[عهود الحب]

حتى العيد ؟
لاوالله احنا تعودنا نعطي عيادي اهم شي تكون فريشششش من البنك المركزي تلق لق
ولا مايخذونها هههههههههههههه
وصينية حلووووووو وغدانا عند اميمتي فديتها


وبس

كل عام وانتم بخير

 

[قلبوو انا]

حتى احنا فلووس وبس يستانسوون عليها

 

[عهود الحب]

اهو ترى بالسعودية يعطون تفاريح على قولتهم
بس هم حلوة وعسل عالقلب فديت اهلنا بالسعودية
بس بالكويت ان عطينا الجاهل عيدية لعبه وحلاو بط راسي يمكن :/
يبون فلوس عيادي وبس يمكن ياخذون الحلاو بس بيدوورون بينه عيدية الي هي دنانير

 

[الورد الجوري]

انا بالسعوديه نسوي لهم هدايا يعني مثلا عربانات حديد لقاها بمحلات الالعاب ونحط بداخلها حلوا وعلك ولعبه وكمان فلوس يعني ريال او 5 ريال وبس ونغلفها هذا الي اتذكر وكل عاام وانت بالف خير حبيبااتي واهل الكويت كلهم بالف صحه وسلامه