كويتين فلوسهم بالهبل !!!

[طفولية]

السلام عليكم ورحمة الله وبركاته ..
انا ودي افتح موضوع اكيد الكل صارله موقف فيه ابيكم تقولولي مواقفكم العجيبة ..
ورايكم ..
وتتوقعون هذولا الاوادم ليش يفكرون جذي ..
نبدي بسم الله الرحمن الرحيم..
امثلة بسيطة تشرح بنفسها موضوعي ..
مرة كنت رايحة العمرة على السنة الي طافت بمركز مكة كنت احوس وخلصت فلوسي .. وكنت ابي شيلتين بعد بخاطري .. وفليساتي ما تكفي يعني لازم اكاسره شوي .. المهم .. وطبعا قبلها كنت شارية شي وما يزت الفلوس ورديت الفندق ىخذ من ابوي فلو يذبحني وما شريت ما رحت لان مالي خلق .. ولوعت جبد ابوي بالتشري المهم ..
جان اكاسره .. وكان مو ذاك الفرق يمكن 20 ريال .. ناقصني .. قتله انا باجر مسافرة الصبح وخاطري بالشيلة .. بشتري منك ثنتين ورخصلي .. وقتله توني رادة الفندق مابي ارد بعد !!
اتوقع جنسيته هندية المهم
قالي
انتوا كويتي يمكن وحد سنة كم مرة ييجي .. مو مشكلة اثنين اسبوع انت مرة ثانية ييجي عطي فلوس بعين اذا مستعجل انا من الصدمة بغيت اقط الشيلات وامشي .. جان اقوله ما تسوى احطها بذمتي خلاص مو لازم .. جان يقولي خلاااااااص والله اخذيهم .. ودفعت بس احللللللى جملة الي طخختني صج انها مالها شغل بالموضوع بس يمكن حس اني انصدمت .. قالي انا سوي خصم عشان انت مطوعة الله يخليج ادعيلي .. انا نطرت اروح عشان ابطها ظحك ..

الموقف الثاني .. من سنتين او اكثر .. كنت اطلب من ماكدونالدز سوق شرق .. ومبين الي تاخذ طلبي فلبينية يديدة .. تتبوسم ومتوهقة .. كنت حزتها مو متنقبة ظحتلها قلتها مبين يديدة .. قالت اي .. ويعني بلطق الجو قتلها عادي اول شي بس بعدين تصيرين مثلهم .. اهيا دشت بالموضوع سيدة .. طبعا بالانجليزي بس بترجم لكم .. ههههههههه
تقول ليش كل الكويتين حتى اليهال متان !!
قتلها ما يتحركون وايد .. واكلنا عيش ..
جان تقول : لاااا كويتي فلوس وااااااااايد عشان جذي ياكلون كله من المطاعم وكلهم متان .. جان تقول ان عملتكم غالية وزينة .. والكويتي الواحد معاشه .. قالتلي رقم ما ادري جم المهم آخره مليووووووون !!!!!

انا اصلن ما نطرت متتتتتتتت من الظحك .. قتلها من قالج .. الي بوزارة حكومية .. ومدير وحالته حااااااالة ان طق امه وابوه .. 3 آلاف ..الا الي بسنس ..
وقتلها اكثر معاشات الي تصير الف والفين .. الجيش ..
بس نظرتها وردية زكانها بتكسب ذهب !!!!

موقف أخير وطبعا هذا ما انساه لان امي انزفت فيه زف .. الله يسامحها الموظفة ..
عاد هذي السالفة وايد قديمة قبل 5 او 6 سنين ..
رايحين مجمع العثمان > حداااا شخباري ..
ودشينا محل وكان باقي نص ساعة ويسكر وانا قست وخلصت وهم باقي وقت ما سكر .. بس تعرفون سوالف المحلات الي اذا ماكو زباين وايد يطلعون الزبيان ويحسبون الفلوس وكل شي .. ويخلصون شغلهم ويصككون عشان يطلون مثلا بالظبط 9 ونص .. المهم
الموظفة كانت من جنسية عربية وتتحلطم من اول ما دشينا بنغزااااااااات كباااااااااااار .. من كبرها مو مصدقة انا اسمعها وانا اقايس .. وامي ه كانت تقايس بالغرفة يمي .. من كبر النغزات مو مستوعبة انها تقصد امي ..
بما معنى الحجي .. انتوا شنو يهمكم احنا الي متغربين عشان رزقنا .. وعيالنا وما ادري شنو تخربط .. يالله افرحي يا حلوة ..
وانتوا كويتين .. ولبس وفلوس .. خرااااابيط واشيااااااااااء وترى امي ما كلمتها الا بس عن القياس مو عطت وخذت بسوالف عشان تتدرج لا من نفسها تقول وتنغز .. وعلى صوت مرتفع فيه نزرة .. وكل ما قلنالها شي نغزت وردت بكبرها لمن صارت اشكررى ..
جان امي تقولها ان ما سكر المحل وباقي بعد وقت .. وكا الموضفين كلهم قاعدين وانا شنو ذنبي تقوليلي هالحجي وامي قطت كل الي بيدها ولا شرت شي .. وطلعت !!!!!


الخلاصة : الحمد لله الله رازقنا من واسعة الله لا يغير علينا .. بس بالكويت في الي مقتدر والي معدوم والغني وكل الطبقات موجودة .. ليش هالنظرة من الوافدين والدول الي يمنا لدجرة ان بعضهم يكرهونا ويحقدون علينا .. وجم مرة ادخل منتديات بالغلط القى من اييبون سيرة كويتين طبعا اقصد جنسيات عربية وليست خليجية يكروووووهنا حيل .. وانتقاداتهم ان احنا مغرورين وشايفين عمرنا ولي سافرنا همنا نشري .. وفلوس عندنا بالهبل بس نغرف وتعطي !!
الحمد لله على النعمة .. بس شي يظايق ..!!
هل في كويتين يشوهون صورتنا عند الوافدين ..
او شالسالفة ..
انا قلت بأول الموضوع .. ابي تجاربكم وآراءكم .. وكل شي يقرقع بقلبكم عن هالموضوع ..
اتمنى يكون الموضوع يديد وحلو على قلبكم .. ومفيد ..
يالله انطر ردودكم ومشاركاتكم الحلوة ..
اختكم الدرة المكنونة ..
ملاحظة : ممكن تلاقون نفس الموضوع بمنتدى آخر ليس منقول ولكن نفس الكاتبة وشكرا .. :tek:

 

[يا ليل مطولك]

هلا حبيبتي
اول شي الله يديم علينا هالخير والاماااااااان ولا يغير علينا
والله يكفينا من شر عيون الحساااااد

اما احنا الكويتيتن بصرااااحه الكل حاسدنا ليش ما ادري مع انه في بعض الدول الخليجيه اغنى منه بس احس حسادنا اكثر

ليش ما ادري؟؟؟؟

بس اتوقع غيـــــــــــــــــــــــره ..

ذكرتيني بموقف كنا مسافرين سنه من السنوات سوريا ودخلنا محل وقعدت امي تكااااااسر جان يقول البايع انتوا اكيد كويتين الكويتيتن دايم يكاسرون مو مثل........." سمى دوله خليجيه " يشترون ويطلعون ...

>> شكو الاخ يبينا نقط فلوسنا عالعمياني !!!!

وبالخير مشكوووووووره حبوبه عالموضوع ...

 

[Judy abbott]

الحمدالله على نعمته

بس مايدرون هالكشخه وهلسياير والماركت والحاله اكثر الناسمن ورى اقسااط فوق ظهورهم

وانا اتنرفزلما يقولولي هالجمله لما سافرت يقولولي كويت فري رج يعني وايد اغنيا حسبالها عندنا تمطر بدال المطر فلوس ههههههههههههههه

 

[د.شريفة]

حسبي الله ونعم الوكيل احنا محد فاقرنا الا هالخمه اللي عيونهم حاره وعلينا بس يشووفون شنو شرينا وشنو حطينا وشنو كلينا
هالغرب
اللي يدخلون ديرتنا من جميع الجنسيات ميتيين على الكويت

 

[رحيل الشمس]

الدره انا اول مثلج الاحيهم واراددهم وانتم شدراكم وحنا على الله وعلى هالمعاش ومو كلن شبعان يقط فلوسه بالهبل لكن تالي قلت بطقاق قعدت احرهم اذا قال فلوسج واجد قلت اي بس نحاسه ابي اكاسرك تعطيني ولا طلعت ولا تظنين بعض الكويتيين يشوهون الصوره يختج الصوره قدامهم واضحه بيوت وعمله وخدم وسواق وياربي لك الحمد انا من الحامدين وشاكرين وعيونهم تلاقط من الحره ولي يحسد اخوه المسلم صدقيني الله مايرزقه ماتشوفينهم مهم راضين في قسمتهم وبعدين المصريه الخايسه يوم تحلطم عند امج جان طريتي حسني مبارك عندها علشان يزوغ قلبها لا ظريبه ولاعمات عين وهذا كل وحده تجي عندي وتكبر دبتها قطع مالت غليهم لا ابي اقولج موقف انا داخله على محل والله ان المصريه معاملتها مثل وجها عاد تشبه غباشي المهم جان اقولها عاد طيحيلي من السعر انا امي مصريه وانتي خالتي والله تغير المعامله قالت وانا اشوف الادب والخفه والحلاوه عشان كده امك مصريه وتقول حق المحاسب مصطفى امها مصريه منين يا حبيبتي قلت من شبره اعفن منطقه يجيبون منها الشياب اكيد مرت عليج قالت اقدع ناس وتسب في بنات الكويتيات دول هبل ومدري شنو خذيت حاجتي وحاسبت ويوم جيت اطلع قلت ماهبل الاانتم يا صغيديه ياجحشه والكويتيه انت تجين من ديرتج جاريه عندها يالله باي

 

[غلا الغوالي]

يؤ يؤ هذا الكلام حبيبتي ع كل دوووووول الخليج لانا الحمدلله اغني من الدووول العربيه

والله مره اقراء كلام بنت فلسطينيه تتكلم في السعوديه تقول ليش انت شايفين نفسكم وليش بسسسس ع طول عندكم الخدم

وليش وليش ؟؟

اعوذ باالله من الحسد :eh_s(1):

ومشكووووووره ع كلامك وسوري كان تلقفت بسسسسسس والله من القهر ابي اعلمك ان كل الدول ينظرون لدول الخليج كذا ​

 

[كسرت غروري]

صاااااااااااااااااااااااااااااااادقه نفس حالتنا بالسعوديه الله لايوريك اهل ...........الهلال الخصيب بدون تحديد كل مقال قال ولك انت سعودي تكب مصاري اه يالله ادفع لنا ومدري شو ماشو الله يقلع هالعرق اني ماحبه ابد ولاداني سيرته حسد وغيره وقلة ذوق وكل شي
وترا العيب مننا تدرون لييييييييييييييييييييش احنا اغبياء السعودييين والكويتيين اغبياء يعني يقطون كلام عيلنا وكلام وسخ وفوق ذا نروح حق بلادهم سياحه ونكسبهم ليش انشالله ينطقون وبتراب وانتو بكرامه ومانروح يمهم شوفي اقتصادهم ترا حنا اللي رافعينه وفوق ذا لارحوا الخليج هناك ماتقضوا ولاراحوا والا قالوا زبطونا وزبطونا سلامات ليه عاد يروحون ويكسبونهم خلوهم عشان لاقاطعناهم واكلوا...........
ومارحنا لدولهم وفقروا لاجيناهم عقب يقدرون الخليج واهله ومايسمعونهم كلام زي الزفت
تدرين اخوي راح هو وزوجته يقول لو معاي زوجتي كان ذبحته يتكلم عيلهم كلام وصخ واخر شي قاله السوري يوم عيا يشتري منه .......................................ومدري ايش شي باسم الام بس شوفوا ايش الحقاره وقلة الذوق وربي شي يقهر ولاجوا قاموا يتفنسقون واحنا ومدري شو وانتم بدوا وانتم يالخليج ماعندكم الا كب بالمصاري ومابعرف شو وفوق ذا لاجت الوحده فيهم نقدرها ونحترمها بس لو يتعاملون زينا هناك ترا يكون ابرك عشان يعرفون قيمتهم
احس عصبت وسوري ماحب اكون قليلة ذوق والله واتكلم بس شي يدبل التسبد =يعني يبط الجبد بالكويتي هههههههههههههههههههه
مشكوووووووووووووووووووره على الموضوع الحلو

 

[طفولية]

حداااااااا مشكورين على تفاعلكم ..
واسعدتني مشاركتاكم ..
بس يزاكم الله ألف خير ..
ما نبي ناخذ سيئات ..
ارجوا عدم ذكر الجنسيات .. ادري اني ذكرت بموضوعي بس باذن الله ما أسأت لهم ..
فما له داعي نعرف الجنسية ..
المهم الموقف ( جنسية عربية .. جنسية آسيوية ..)
لأن الكل مو البعض .. ومنتدانا حلو ومستقطب جنسيات أخرى فما نبي نجرح بأحد ..
ونبي تفاعل :ggdw:

 

[روح الدنيا]

حاسدينا على كوماري اللي مطلعه تسبدنا و على كومار المنحاش ..


ااااااخ يالقهر .. قطيعه مو لاعن خيرنا الا عيونهم .. الله يفكنا من شرهم ..


يبلعووون فلوووس من الكويت اكثر من الكويتين .. (( يا عله ما يحدر فـ بطن كل حاااسد ))


اقوووول خلوووني ساكته .. عورني قلبي من هالحووووش

 

[أمانيQ8]

اي عادي انا يوم بتايلاند كانوا اللي عند الفندق ...الموظفين يطلبون لنا التاكسي نروح السوق ونرجع واحنا راجعين يفتحون لنا الباب ويشوفون الجياس بيدي وبيد زوجي ويقولون اوووووووووووووووووووووووووووووووو شوبنج موووور شوبنج تودي...بترول بترول انا اتضايق وايد...واقول لهم اله يكلفينا شرهم واقوله قول ماشالله زوجي يضحك يقول اشعرفهم هالبوذ بماشالله

وحتى ...بكذا دوله يقولون انتوا فلوسكم من كثرتها مرميه بالشارع...

اله لايغير والله يديم النعمه ويحفظنا ويحفظ بلدنا

 

[أميره بلا قصور]

والله هالديره محسووده ...الله يحفظنا من العين

انا صارلي موقف ...في البحرين قبل جم سنه..رايحه اشتري من المطعم انا واخووي...جينا بنطلب جان تشوفنا اللي تشتغل فيه اهي بحرينيه ..وسيدا طبعا عرفت من اشكالنا ان احنا من الكويت...قامت تخزنا واحنا نقولها الطلب...جان ترد علينا بكل وقاحه..انتوو وااااااايد شايفين روحكم<<<!!!!!!!!!! شكوووو... ..قلت ليش شصاير اختي اسفه اذا غلطنا عليج...قالت دايما الكويتين شايفين روحهم ع بالهم هم ملوك الارض مايدرون ان احنا كلنا عيال ادم ومردنا للتراب.!!!!!!

قلت لها اصابعج مو سوا وكل ديره فيها الزين والشين...وبعد وقت..شغل اخوي البلووتوث واحنا نتغدى بنفس المجمع واكو كويتين شكثر...

تخيلوووو النك نيم حقهم شنوووووووووو( كويتي مغرور_كويتي من قدي_كويتي وافتخر_الخ.....<<معقوله هذا السبب

 

[أسيرة_أحزاني]

الله يحفظ الكويت من كل شي والله يعلم بالحااااااااال عبالهم الكل فلوس مايدرون اقساط وعمات عين
الحمدالله على كل حال

 

[shai5at al3arab]

امبي الكللل نظرته جذي

اخوي سافر اليونان جان يقولون له انته كويتي انتوا oil يقول له انتوا تفتحون المغسلة ما يطلع ماي يطلع oil

عبالهم مساكين كل واحد ببيته بير نفط

امبي جورج قرداحي ذلك اليوم ببرنامجه

سؤالهم جم نسبة الكويتيات اللي يحطون حنة

المهم جان يقول جورج الكويتيات الحين غنيات وعندهم فلوس فمكانتهم الاجتماعية وفلوسهم خلتهم يهدون الحنة @@

شتبي !!!

ونفس البرنامج والله ، كان سؤال جم عدد الكويتيين اللي يأجرون حق السكن ؟؟

المهم اللي يشارك حط وايد ، وطلع غلط ، جان يقول الكويتييين اغنية ومستوى الدخل عالي ليش يأجرون

امبي @@

عييينهم علييينا @@

واحنا الله العالم .

 

[د.ساره]

الغزو ما جانا الا من عيونهم
الحمدلله على هذه النعمة
و الله يديمها علينا

 

[LuLiTa]

شنو هالحسد ؟؟؟ ,,,,,يا رب احفظنا و ديمها نعمة علينا يا رب ,,

 

[a l m a g r O r a]

الله يكفينا شر الحسد

 

[زهرااا]

بسم الله
ماشالله ماشالله ماشالله ماشالله ماشالله ماشالله ماشالله ماشالله ماشالله ماشالله ماشالله ماشالله ماشالله ماشالله ماشالله ماشالله ماشالله
تبارك الرحمن
يعل عينهم البط انشالله
المفروض ما تسكتون لهم

 

[دلع روز]

حسد لدول الخليج اللهم ياكافي

 

[الحزن عنواني]

وع قطيعه مصيبه تصيبهم يمشون ويحسدون مهي حاله


أمبي هما انا شفه وايد مواقف جذي مايستحون بس زاهبين للحسد

اللهم أبعد عنا شر الحاسدين

أنا عن نفسي لو بدالج ماسكتت لها جان قتلها وليش كل هالحقد والحسد

وااااااااااااااي ناس تضيق الخلق صراحه يعني احنا نستانس وناس وايد تحسد

الحمدالله على النعمه

 

[đeɱɛɼɑ™]

واااااااااااااااااااااي حدث ولا حررررج هالساااالفة !!!

انا ادرس بررره .. فكل ما يعرفووون اني من الكوييت اوووو اوويييل وبتروووول !!!! وكل ما يقولون جذي
اتذكر حسين عبد الرضا بمسرحية باي بااي لندن لوووووووووووووووول !! امبيه يعني صجججج حااطين العيين علينااا

وترى لااحظت خااصة الكويييتييين العين علييهم !!! مو عشان انا كويتية لااا

مرة رفيجة امي من دولة خليجية ماله داعي ذكر اسماء قالت حق امي اشكره بوييهها انتوا الكويتين واايد مغروورين !!!!

جان امي ترد عليها وتقولها احنا مو مغروورين بس احنا نحب ندلع عمرنا ونحب الكششخة وما نقصر على عمرنا ونفتخر بوطنيتنا عشان جذي انتوا حسبالكم مغرورين ,,
جان تسسسكت ~

وبعدين اتووقع انه هالنظرة والحسسد على الكويت

لانهاااا من اول الدول الخليجية اللي تطووووووووووورت تبارك الله بسرعة البرررق

وكااانت مثل دبي الحييين بتطورها مقارنة بزمان اووول <<<<<<< هييييييييي يااا زمان اول

بسسسس صج صج صج العييييييييييين عليناأإأ


وصح مثل ما قااالت شيخة العرب .. جوورج قردااحي امبييييييييييه ببددددع على الكويتيين !!

يقووول حق الكويتي اللي شاارك اييي انتوا ما تبوون عملة موحدة لانه عملتكم قويييية
احنا مواافقين كل الدول العربية تغير عملتها حق الدينار الكويتي !!!!!!!!

يعني اشششششششششكررره جذي حسسسسد عيني عييينك

واااااااااي الكوييت موو ناقصة تعطوونها عيييين !!!

معنا باجي دول الخليييج ما علييهم قاااااااااااااااصر

بس الكويتين ماشاء الله علييهم يحبووووووووووووووون الكشششخة ويدلعوون رووحهم شذنبنا يعني انه احنا ما نقصر على اعمارنا
ونعررف السسنع والكشششخة والذرااابة :eh_s(6):

والله اني افتخر اني كويتييية .. وحب الوطن شيييييييييييي اسااااسي بكل انساأإن وبفطرررته

يعني من حق كل واحد ينتمي حق دووولة انه يفتخر بديييررررته ..

بس انا اشوووف ان احنا الكويتيين وطنيتنااا واااااااايدة ونحب الكويت ونموووت عليهأإأ ومن حقنا

وسالفة انه الدينار الكويتي قوي الف الف الف الحمد الله عالنعممممممممممممة

وياااريت هاللي يحسسسدونااا يشوووفوون جم كويتي عنده قرووووووووووض واقسسأإأط
على ظهرررره ذيج السااع خنشووووف الحسد شلون صاااير


واااي قرقت واايد بسسس صج الوااحد يحتر على ديرته