كويتيه اوبدون دشي

[A5tsloom]

اللَّــہْ يفرج همنا يّےااارب
وتنحل قضيتنا

 

[حلوة وعسل]

انا اعز رفيجاتي بدون وابوها نفس ابوج واموووت فيها وقفت وياي وقفات تنحط على الراس ربي افرج همج حبيبتي انتي وايما قولي (صبر جميل والله المستعان )

 

[فطوم 84]

هواويه انا حاسه فيج لانج مثلي بدون بس تكفين لاتقولين الله يلعن الزمن الله سبحانه خلق الزمن ومفروض مانسب او نلعن الزمن اللهم انت مولانا نعم المولي ونعم النصير بس حبيت اوضح لج هالشغله الله مايرضي بهالشي اللعن والسب فمابالك بانه الله هو من اوجد الزمن سبحانه

 

[المرتاحة]

الله يكون بعونكم

ويرفع عنكم الظلم

 

[ليدي الحاره]

الله يعينكم بجد لازم تطالبون بحقوقكم واكيد الحكومه بتستجيب لكم

وين ديمقراطية الكويت اللي نسمعها " اقل حقوق بدون خدم ديرته جنسيه او جواز ع لاقل

حنا بالسعوديه يقولون عندنا قبائل نازحه بس هالنوعيه م تستحق جنسيه لانها م قدمت شي للسعوديه نازحه او متسلله

 

[ليدي الحاره]

بدون شريف ولا اعجمي حاقد اتمنى الحكومه تتنبه لهالقضيه قبل لايطيح الفاس بالراس

 

[أإلع ـشق دلع ـهـأإ]

الله يفرج همكم ..


مآلكم غير الله ..

 

[هوااااويه]

يا ليدي الحاره ياقلبي
انتي تقولين عندكم ناس ماقدموا شي صح كلامج واكيد ما يستاهلون الجنسية لكن اهلنا ماقصروا عسكريين وشاركوا بالحروب وحتى ايام الغزو ماقصروا وبالعكس لما دافعوا عن الديره مو عشان جنسية والا عماة عين بالعكس لأنها ديرتهم​

 

[ام كوثر2007]

من بعد اذن صاحبة الموضوع ممكن اعلق على بعض كلام الاخوات ورجائن انا قلت اخوات مو اعداء عشان لا تجي وحده وتتهجم وتعلق على كلامي بهواش لاني ملاحظة عسى ما وحدة حطت موضوع صار هواش
المهم الاخت الي تقول السالفة يبيلها صبر مثلا في اكثر من هالصبر من متى واحنا صابرين ولما الاخت قالت اكبر دليل الديره تجنس مثل منو جنست الممثل الايراني والثاني الباكستاني مدري ايراني واحنا الي بالغزو الي ابوها خذوه اسير وعذبوه والي عمها والي اهلها راح بالاسر وتعذب هذا ما يستاهل الجنسية بالعكس الي يستاهلها الممثل الي عنده من الاول جنسيه.
والا البنت البدون الي تاخذ كويتي ضحكتيني خير ان شاءالله تاخذ كويتي لا وتتجنس عليه . ياربي لك الحمد والله كلامج هذا انا ما اعلق عليه
اما عالوظيفه ذبحتونا بسالفة مشرفات التغذيه ولما رحنا على طول قالوا اولا نبي كويتيات وثانيا احنا مكتفين والراتب 150 دينار مدري وش تسوي

حشا راتب عمال مطاعم وخدم بس احنا اكثر يمكن ب40 دينار وفوق هذا الهجوم علينا اما سالفة الي تتهجم علينا بدون سبب وتقول البدون مايستاهلون ما اقول الا الله يلعن الزمن الي خلا وحده مثلج تكلم وتتكبر وتحكم علينا وانا ما اقصد احد بشخصه انا اتكلم بالعموم​

انا راح اعلق علي كلامي اللى انتي علقتي عليه .. وان شاءالله محنا متهاوشين هذى مجرد نقاشاات بين خوات ..

تكلمتي عن الصبر وتبين ا عطيج واقولج لي متي الواحد يصبر .. ما سمعتي ربج يوم يقول وبشر الصابرين ؟ ما سمعتي انه الصبر مفتاح الفرج ؟

بعدين حبيبتي انتي علي شنو مستعيله ؟ اذا تنطبق عليج شروط التجنيس بتاخذينها شئنا ام ابينااا .. لكن اذا ما تنطبق عيل الله يعينج .

ما سمعتي عن صبر ايوب ؟ وصبر يوسف بالسجن سبع سنوات ..

هذا اكبر دليل انه ما عندج ايمان بالله سبحانه .. لانه حتي صبر منتي قادره تصبرين . مو يمكن ربج له حكمه انه ما يبيج تاخذينها ؟ مو يمكن خيره ؟؟؟؟؟؟ انتي بتفهمين احسن من الله يعني ؟؟؟؟؟؟؟؟ :bbbiu:



التعقيب الثاني .. قلتي الديره جنست .. انا ما تكلمت عن الاعمال الجليله اللي انسبوها حق الفنانين مثل نوال وغيرها وغيرها . لانه الحكومه ابخص وهذا شغلها ما ادخل نفسي بشي حكومتي شايفته صح .. سواء جنست ايراني والا سيلاني ..

لكن انا اتكلم عن عيال الشهدااء اللى جنسوهم عقب الغزو .. ليش نسيتيهم ؟؟؟؟؟؟؟

اتكلم عن اللى عندهم احصاء 65 و 58 وجنسوا دفعه منهم سنه 2000 ؟؟ جيكي بالجرايد تشوفين اسماءهم ..


وباجي الدفعااات اللى بين فتره وفتره ينزلون مجموعه قاعده تجنس وعلي فكره مهم فنانين عشان تقولين فنانييين .. هذيل بدووون بس بدووون تنطبق عليهم الشروط


التعقيب الثالث علي البنت البدون انها تزوج كويتي .. استغربتي انتي من كلامي وضحكتي وقلتي ما راح اعلق وخير ان شاءالله تتزوج كويتي ؟

يعني شنو اول مره تسمعين انه البنت البدون تتزوج كويتي ؟ وبعد خمس سنين تاخذها ؟


​

 

[ليدي الحاره]

يا ليدي الحاره ياقلبي
انتي تقولين عندكم ناس ماقدموا شي صح كلامج واكيد ما يستاهلون الجنسية لكن اهلنا ماقصروا عسكريين وشاركوا بالحروب وحتى ايام الغزو ماقصروا وبالعكس لما دافعوا عن الديره مو عشان جنسية والا عماة عين بالعكس لأنها ديرتهم

انا هذا اللي اقصده بالضبط اقول ان بدون الكويت يستحقوون بجداره الجنسيه انتو استمروو بمطالبكم لابد ان تتحقق خصوصا في هالربيع العربي ^^

 

[تذكر خافقي رمحك]

الله يفرج همكم
والمفروض يعاملونكم حالكم حال الوافدين
اما الجنسية للي يستاااااهل بس

 

[أم سليمان دشتي]

الله يفرجها عليج , و ماضاقت الا لتفرج

""اللَّهُمَّ اكْفِنِي بِحَلَالِكَ عَنْ حَرَامِكَ، وَأَغْنِنِي بِفَضْلِكَ عَمَّنْ سِوَاكَ ".

 

[منال 1986]

الله بفرج همكم

 

[Shai5at ElGirls]

الله ييسر اموركم
و يعطي كل واحد على قد نيته
والله احنا نحتر معاكم بس ما بيدنا شي نسويه السالفه اكبر مننا :/

و صبروا ان الله مع الصابرين

 

[بريـق]

مادري شقولج بكيت من موضوعج
وحااسه بالنار اللي انتي فيها

عسى ربي يرزقج ويبارك فيج ويحفظج

 

[روح الصباح]

ياربي والله تقطعت بجي
مالنا الا ندعي لكم
ربي يغير سوء حالكم ، و أحوال كل من له همّ
والحمدلله انج انسانة إيمانج بالله قوي
حطي الرحمن بقلبج و إن شاء الله قريب ربي يفرجها

 

[حليمة حب]

عسالله يفرج همكم

 

[* بنت المطر *]

قلبي وياكم حبيبتي فرج من الله قريب ان شالله يارب

 

[R-el.'3hanem]

الله يسهلهآ إن شاء الله

 

[FeShinGoOo]

ان الله مع الصابرين ولاتقنطوا من رحمة الله ..

حق البعض اللي يقولون اعجمي وعربي وواحد احسن من واحد الظاهر مو مامر عليها حديث رسول الله او انه مو تارس عينها يوم قال عليه الصلاة والسلام : لافرق بين عربي ولا اعجمي الا بالتقوى ..


جهل ..!!