كويت منتسوري او منتسوري الخليج ؟؟

الحالة
مغلق و غير مفتوح للمزيد من الردود.

Love \ Hate

New member
إنضم
26 مارس 2008
المشاركات
2,062
مستوى التفاعل
0
النقاط
0
مرحبا بنات .. مثل ماانتوا شايفين التسجيل للمدارس والحضانات جاري .. وحدي لويه والاستعدادات على قدم وساق :stars:


بسجل بنتي عمرها 3 سنين بحضانه .. بس ابي نظام مدارس مو بيوت .. من بين المجموعه اللي عندي منتسوري !!
بنات شنو الفرق بين مدرسة كويت منتسوري اللي بالجابريه ؟؟ وجلف منتسوري او اللي يسمونها منتسوري الخليج اللي بسلوى ؟؟

انا اللي فهمته من الادارتين !! انه كل وحده مدرسه تختلف عن الثانيه مجرد انهم يتبعون نفس النظام اللي اهوا منتسوري ..

بس اي وحده افضل ؟؟ من ناحيه الستاف والتدريس ؟؟ بليز اللي مدخله عيالها اي وحده فيهم تفيدني ..

وهم اللي عندها مكان مجربته بليز تفيدني
 

حلم الطفولة

*عضــوة شرف في منتديات كويتيات*
إنضم
12 يونيو 2008
المشاركات
10,225
مستوى التفاعل
2
النقاط
0
حبوبه السلام عليكم // نظام المونيسوري مثل ماتعرفين متماثل ونفسه في كل العالم ،،
اللي بسلوى ماعرف عنها , إنما اللي بالجابريه أرجحها لج لأن مجربتها بنت خالتي حق كل عيالها ,, ومستواهم أكثر من الممتاز .
 

Love \ Hate

New member
إنضم
26 مارس 2008
المشاركات
2,062
مستوى التفاعل
0
النقاط
0
هلا والله حبيبتي ..

مشكوره وايد والله يوفقج لانج رديتي علي :)

تصدقين وايد امدحولي اللي بالجابريه وقالولي قديمه صارلها 17 سنة تقريبا من 92 ..

بس سبحان الله تصير مواقف تكششج من المكان .. دقيت كلمتهم ؟؟ من اول ماسالتها عن الحضانه ؟؟ جان تقوللي رسوم التسجيل ب 1400

قلت لها اوكي ابي اعرف نظامكم .. جان تقوللي فتح ملف 200 !! يابنت الناس اتكلم عن السيستم التيجرز النظام ؟؟

مادري بطت جبدي اللبنانيه حسيت الموضوع مادي !! عشان جذي وايد وايد كشيت منها !!

بس علا كلامج الحين والله جنج شجعتيني ,,
 
إنضم
3 يونيو 2006
المشاركات
355
مستوى التفاعل
0
النقاط
0
الإقامة
كويتية بالامارات
السلام عليكم حبوبه
عيال اخوي كانوا بالمنتسوري اللي بالجابريه و الأم وايد تمدحهم ماشاءالله, و كنت اشوف على عيال اخوي اسم الله عليهم يحفظونهم قرآن و ادعيه و يعلمونهم انجليزي طبعا.
اما بنت اختي جربتها ما تمدحها تقول مره بنتها انطقت هناك !!!!!!!!!!
ولما سألت الأبله ليش طقيتي البنت قالت لها انا ما طقيتها لكن كنت ابي انبه البنت علشان تركز
غير جذي تقول زينين
 

Love \ Hate

New member
إنضم
26 مارس 2008
المشاركات
2,062
مستوى التفاعل
0
النقاط
0
حلم الطفوله مشكوره حبيبتي على الافاده ..

ويييه خرعتيني طيبه :(

انشالله موعدي معاهم الاربعا بروح واشوف شالسالفه لازم اقرر !!
 

حلم الطفولة

*عضــوة شرف في منتديات كويتيات*
إنضم
12 يونيو 2008
المشاركات
10,225
مستوى التفاعل
2
النقاط
0
العفو ,, موفقه ان شالله .
 

om 7amadeen

New member
إنضم
1 يوليو 2009
المشاركات
7
مستوى التفاعل
0
النقاط
0
منتسوري الجابرية ممتازة و انا نفسج ولدي عمره 3 سنين و توني سجلته حق شهر 9 .. رحت و شفتهم المبنى قديم بس المضمون قوي واهم شي عندي المضمون و دايما الي يخلصون من هالحضانه ياخذونهم المدارس الخاصه بسرعة لانها تأسس الطفل عدل
 

Love \ Hate

New member
إنضم
26 مارس 2008
المشاركات
2,062
مستوى التفاعل
0
النقاط
0
طيبه الكويت : حبيبتي الله يخليه لج انشالله .. ويي لاتقولين ؟؟ عاد المكان وايد ياثر بجذب الطفل للمدرسه .. اذا قديم شلون تتشجع بس على قولتج المضمون اكيد اهم ..

حبيبتي شرطيه حلوه :
اهيا مو مسألة غاليه ولا رخيصه .. اهم شي المضمون والستاف مال المدرسات .. انتي عندج احد بمنتسوري اللي بسلوى ؟؟

عاد والله مرره شفتهم برحله .. مودينهم المركز العلمي المدرسات اجانب والطلبه مرتبين ولابسين لبس موحد ولا حس مع انهم صفين

لو بنتي معاهم جان اعفستهم لووووول
 
الحالة
مغلق و غير مفتوح للمزيد من الردود.