كيفية الحصول على الراتب لأم المعاق أو الزوجة الغير موظفة

[ام اميره]

احنا للحين ماطلع لنا بيتهل لنا منحه البنك التسليف
ولا لما يطلع البيت
بس استفدنا انهم خفضوا لنا سنوات حق استلام البيت
وبسس
وفي ناس تقول لكم منحه خمسه مادري عشره
بس انا انوقع مع استلام البيت صح

 

[الصابرة المحتسبة]

نعم ام أميرة مع البيت وعلى حسب الإعاقة اذا كانت شديدة ١٠الاف
واذا كانت متوسطة٥آلاف

 

[الصابرة المحتسبة]

رفع

 

[ام نوونه]

اشصار على راتب ام المعاق منو نزل لها ؟؟ طولوا الصراحه يعني سنتين القانون مجمد ولم طبقوا ماشفنا شي جم سنه راح ننطر بعد

 

[الصابرة المحتسبة]

للأسف ما مشوا الا ٣٠معاملة بس

 

[ام اميره]

اشلون مشوا مافهمت قصدج سووا مقابله لي٣٠ولا عطوهم الراتب

 

[ام اميره]

وحتى البدل الخادم للحين مانزلولاشي شسالفه ماندري

 

[ام نوونه]

من صجهم بس 30 معامله ليش جذي القانون من 2010 بس مشوا 30 معامله
جنا الناس تطر منهم استغفر الله

 

[الصابرة المحتسبة]

يعني مانزل الراتب الا ٣٠ معاملة والباقي بالدور

الله المستعان

 

[ام اميره]

انزين وبدل الخادم صار.٤ اشهر ومانزل البدل المفروض علي الاقل انه ينزلون البدل
خل الاثر الرجعي بعدين

 

[ام نوونه]

شكلهم مطولين اذا مو بعد سنه

 

[@شمس الضحى@]

يعطيكم العافيه كلكم خواتي
بس فهموني شنو 30 حاله هذي معاش الام ولا بدل السايق ...؟؟؟؟

 

[ام نوونه]

معاش الام بس خلصوا ٣٠ معامله

حتى معاش السايق والخادمه شكله مطول

 

[قطعة حلا2]

السلام عليكم يعطيج الف عافيه اختي الصابره المحتسبه على هالمواضيع وعلى نقلج لها ،،، اختي انا مطلقه وابوي الله يشافيه عنده اعاقه ذهنيه من ٢٠٠٩ قدمت له على سواق وخلال هالشهر بيجي لكن ابي اعرف هل انا استحق ل٣٠٠ ولا لا مع العلم اني استلم من الشوون اعانه بس ابي اعرف اذا لي ولا لا
وانا ارعى ابوي وخواتي واخواني متزوجين كلهم

 

[قطعة حلا2]

اعاقه ذهنيه شديده وعمري ٢٥ سنه

 

[قطعة حلا2]

ليه دايم محد يرد علي؟؟؟؟؟ ))))))))):

 

[قطعة حلا2]

يالصابره الحتسبه وينج عني بليز جاوبيني

 

[ام نوونه]

هذا الراتب بس حق اﻻم اللي ترعى معاق اعاقه شديده ماله شغل اذا كان ابو او زوح بس اﻻم
اﻻم الوظفه او اللي تستلم اعانه من الشؤون مالها حق فيه

 

[مباركيه]

خواتي العزيزات بدل السايق والخادم بدوا فيه
وفي ناس استلموا ..بتاريخ 25 من كل شهر الى 28 شيكوا على حساباتكم
وان شاء الله تلقون البدل نازل لكم
هو بس التدقيق بالمعاملات هو اللي يأخر الصرف
وبإذن الله الكل بيستلم

 

[الصابرة المحتسبة]

السلام عليكم يعطيج الف عافيه اختي الصابره المحتسبه على هالمواضيع وعلى نقلج لها ،،، اختي انا مطلقه وابوي الله يشافيه عنده اعاقه ذهنيه من 2009 قدمت له على سواق وخلال هالشهر بيجي لكن ابي اعرف هل انا استحق ل300 ولا لا مع العلم اني استلم من الشوون اعانه بس ابي اعرف اذا لي ولا لا
وانا ارعى ابوي وخواتي واخواني متزوجين كلهم

وعليكم السلام

هلا وغلا والسموحة على التأخير

انتي قدمي على راتب ام المعاق واذا فيه اي اشكال او عدم استحقاق راح يتصلون عليكم اذا مامشت المعاملة او صادفهم اي استفسار.