كيف اتصرف مع هالبنت قليلة الادب

[قاهره عذالي]

رد : كيف اتصرف مع هالبنت قليلة الادب

اختي شوفي اسالي اخوج

قولي له

هل تبي نخطب لك

والا تبي هذي اللي تكلمك بالتلفون

الزواج هو يتزوج مو انتم

فهو يقرر منو يبي

 

[ber00]

رد : كيف اتصرف مع هالبنت قليلة الادب

وش المشكله اذا تزوجها وهو يبيها على سنه الله ورسوله ؟!!

يعني عشانها تكلمه صارت مو زينه طيب يمكن اخوج هو الى مغرر فيها لين خلاها تكلمه

وكيف حكمتي عليها انها قليله ادب عشانها تكلم اخوك ولا عشانك تسمعين كلام من الناس

وترى الناس مايقولون الصدق


واذا انتم ناس محافظين مو انتى تقولين من قرايبكم اكيد بتصير مثلكم محافظين اهلها


بعدين اعرفي البنت اول ثم احكمي مو تحكمين عليها من سمعك لكلام الناس:j013:

 

[T R F]

رد : كيف اتصرف مع هالبنت قليلة الادب

وااااااضح اغلب الردود من قلوب محبه ......

سؤالي ... للي يقولون حديث عن الرسول ... ياليت تجيبون الحديث بالنص ... وتخريجه بعد ... يعني صحيح مسلم او البخاري ... علشان بس ابي اتأكد

ولكم الشكر ....

 

[مملوحه السهول]

رد : كيف اتصرف مع هالبنت قليلة الادب

ما فيها مشكله دام يحبها وتحبه وعلى قوله البنات اخوج مو جاهل تغصبونه على شي ما يبيه تزوجونه بنت ما يحبها ليش ؟ انتي تظلمين البنت بالهطريقه لان اخوج ما يحبها يحب قريبتج واذا على اللوم لومي اخوج مو البنت دام البنت مو زينه اخوج ليش عطاها فيس جان طنشها وحقرها ليش من الاول ر عليها وكلمها ؟!

 

[وهج الخير]

رد : كيف اتصرف مع هالبنت قليلة الادب

ما قصروا خواتي
وربي يرزق اخوك بالزوجه الصالحه

 

[رايدة وقايدة]

يا إلهي.......

قريت ردووووود غير عقلانية الحمدلله والشكر

يستحقووون صاحباتها الحجر عليها...

ماشااااااالله عليكن والله
الحين صارت اللي تكلم شباب خووووش وحده
ومسكييينه لا يظلموووونها
الحييين صارت اللي تكلم شباب اهي الزوجة المناسبة لاخوج
ولاااااااا يوقفون الاهل بطريجهم دام على سنة الله ورسووووله

ماشااالله والله

البنت فهمتكم المشكلة وقالت لكم مانزوج وحده تكلم

وانتوا تردون: وين المشكلة زوجوووووووووهم دام يحبها وتحبه؟؟؟؟

ماقوووووول

الا ياااااااااااااااااااحيف.......

بصرااااااحة ماني مضيعة وقتي بالرد عليكم

وياصاحبة الموضووووع لا تسوين شي لقليلة الادب هذي
اخطبوااااا لولدكم والله ييسر انشاااالله البنت اللي ضافه نفسها
واذا اذا اذا قال لا انا ابي فلاااااانة قولوله لووو تمووووت ماناخذ قليلة الادب هذي
وخلااااااص تنتهي السالفة لكن صدقيني اهو عارفكم اهله ماعندكم خرااابيط ويدري ان هالاشكال ما تعجبكم فماراح يتجرأ عليييكم انشااالله

تقبلي موووووري

 

[baby qa6wa]

رد : كيف اتصرف مع هالبنت قليلة الادب

عزيزتي مفروض تكلمين البنيه
انتي شايفه عليها شي بعيونج او سامعه حجي عنها
وبعدين لنفرض سامعه حجي متاكده منه هل في انسان مايتعدل ؟
يمكن اهيا من وقت عرفته تعدلت البنت تحبه واهوا يحبها والحب مافي شي يوقف بطريقه
تخيلي نفسج بمكانها
انه ناس تحجوا عنج اكيد انتي مو متعمده تخلينهم يتحجون بس انتي عاطفيه لدرجة انج ماتعرفين تتصرفين
انتي مفروض تساعدينها وتساعدينه بصفتج اخته اتمنى تردين على ردي وتحطين له رد خاص
لانه جد تضايقت عليهم وايد
اذا تحبين له الخير صج ومو تبين الشي حقج وحق مصلحتج انتي
دقي عالبنت سولفي معاها وشوفي قبل ماتقولين لها عن اخوج رافيجيها وشوفي طلعاتا وروحاتها ويياتها
اذا كانت صج فالتة او تعدلت على ايده
واغلب البنات مأيدين كلامي
اما بالنسبة اللي تقول دين واخلاق فانا ماعد البنيه الي قالت هالكلام عندها اخلاق
لانه الانسان الي مابقلبه رحمه مايكون على خلق
توكلي على الله وسوي الي قلت لج عليه وانشالله يتوفقون مع بعض
وقولي لها اذا تبين فلان تثبتين له انج ماتبين شي ثاني
انه اذا مو متحجبه تتحجب او تغير طريقة لبسها او اي تصرفات تريحكم تطلبونها منها
بس لا تحرمونه وتحرمونها من الزواج لانه مبين انها تحبه ومخلصتله اذا تكلمه جنه مرته
ويكون بعلمج اذا زوجتيه غيرها فراح تكون هالبنيه حبيبة شخص اخر وخذيت حبيبة شخص اخر
فدام عرفتي بالموضوع يكون افضل شي انج تساعدينه لو انا بمكانج كنت بساعدهم وراح تحبج اكثر لي وفقتي بينهم كسبيها

 

[baby qa6wa]

رد : كيف اتصرف مع هالبنت قليلة الادب

قايده ورايده الرسول تزوج عن حب
لا تصيرين مستعسرة بالامور
لانه التدين الزايد يولد التعصب ويولد الكراهية
احب الخير لاخلك المسلم

 

[رايدة وقايدة]

رد: رد : كيف اتصرف مع هالبنت قليلة الادب

قايده ورايده الرسول تزوج عن حب
لا تصيرين مستعسرة بالامور
لانه التدين الزايد يولد التعصب ويولد الكراهية
احب الخير لاخلك المسلم

حبوبة ممكن تذكريلي قصة الحب اللي من خلالها تزوج الرسول صلى الله عليه وسلم
استغفر الله بس
تبيني اذكرج كل زيجااات الرسول صلى الله عليه وسلم واسباب كل زواج عشااان تعرفين قصة الحب عدل

والله مادري صج الزمن تغير.....

وبعدين شنو يعني التدين الزايد؟؟؟؟؟؟؟؟؟؟؟شايفتني ارهابية مثلا؟؟؟؟؟
حبوبه انا لا مدينه ولا متعصبه شلووون حكمتي علي جذي؟؟؟ عشااان ماكلم شباب بالتلفووون؟؟

اللهم لك الحمد والمنه والفضل....

 

[حب الرّمان]

أظم صوتي وياكم

 

["اسطورة العشق"]

اممممم

شكله يحبها .. يعني اهو يكلمها اربع و عشرين ساعه اكيد حابها
و اذا قاعد ياجل الزواج يمكن لان ما يبي الي انتو اخترتوها و يفكر في الي يكلمها بصوره جديه

 

[متخصصة بالاعشاب]

رد : كيف اتصرف مع هالبنت قليلة الادب

انا مستغربه من البنات اللي يقولون حرااام خلوهم ياخذون بعض

مستغربه اكثر لمن يقولون شلون حكمتي انها قليلة ادب

مستغربه اكثر لمن يقولون يمكن نيتها صافيه وما تلعب

حبايبي مابني على باطل فهو باطل

الزواج بهالحالة للطرفين غلط بالنسبه لاخوج لا تزوجونه بنت تكلم من ورى اهلها ابد هذا معناته انها ما تستحي وممكن تكلم غيره بعدين واللي ما خافت من ربها وكلمت واحد غريب راح تكررها مليون مره
وبالنسبه للبنت الله يوفقها مع واحد ثاني ومو من مصلحتها تاخذ اخوج لانه راح يشك فيها بعد الزواج حبايبي الحب غير الزواج والزواج مقبرة الحب واذا اهي بعايلتها عادي هالسوالف والكلام مع الشباب خل تاخذ من اهلها واحد مثلها عشان تعيش بتوافق وترتاح بنفس مستواها وتفكيرها وثقافتها

البنت اللي تكلم شاب غريب حتى لو كانت نيتها زواج اهي سوري قليلة ادب وما تستحي وما تخاف الله واهلها ما ربوها
لان العين تزني والاذن تزني والفرج يزني

لا تغامرون وتزوجونه هالبنت حاولو تنصحونه وحاولي تاخذين اسم البنت من اخوج باي طريقه وروحي لامها خليها تربيها وتحافظ على سمعتها


الله يسترنا ويستر بنياتنا

بصراحه جدا تخرعت من ردود بعض البنات الله يهديهم احس تاثرو حيل بالمسلسلات والافكار الهدامه وسوالف الحب وين عايشين بامريكا والا بديار الكفار
حبيبتي احفظ الله يحفظك
البنت راس مالها سمعتها

لا تاخذونها البنت هذي ما تستاهل عائلة شريفه انا ما تهمها بشرفها بس اللي تسوي هالسوالف مو غريبه تطلع منها اي شي

حافظو على سمعتكم والله يهدي اخوج

وقولي له افعل كما تشاء وكما تدين تدان

 

[Girl QTR]

رد : كيف اتصرف مع هالبنت قليلة الادب

حرام عليج لاتوقفين في طريجها دامهم يحبون بعض زوجوهم ...
اسالي مجرب ...خالي متزوج وحده مذهبها غير عنه ..وانا ولده من يوم كنا صغار نموت في بعض وعادي كل يمعه يقعد يمي اي شي يضايقه
مايروح حق اي حد ع طووول اييني يوم خطبني رفض اخوي قلتله عن السبب يقول لا انتي تدرين امه من وين ؟؟؟ انزين انا شعلي من امه؟؟
لمه تلح عليه تبي تزوجه ويت امه مره ثانيه وتحجت ..وخالي يقول ابي بس السبب ..ياليت اخوي قايل لهم السبب مرته ..القهر بس يقولهم لا مافي نصيب..
عاد اللحين اهو متزوج والله دايم يكلمني في الفون يقولي انه مب مرتاح المشكله انه مرته تقولي يحاجي وحده ..ودايم يضحك معاها وانا حتى الابتسامه يبخل علي فيها ؟؟ انا خايفه اقولها يحاجيني تنصدم وتفهمني غلط خاصه انه اهيا غريبه مب من اهلنا ...كلمته قلت له لاتحاجيني خلاص هالشي يضايق مرتك يقولي يكفي اخوج حرمنا من بعض على الاقل خلنا جي والله احترت ؟؟؟

تكفووون خلوه يفتح قلبه لكم اذا اهو يبيه بالعكس عادي زوجوه ..لاااااااا تحرمونه من اللي يبيها لانه بالاول والاخير هذي حياته اهو اللي راح يعيشها

 

[الحسن كله]

والله مادري شقولج صج صعب الموقف لأن صج اللي تكلم واحد شعرفنا إذا ماتكلم غيره .. مادري أخاف أظلم البنت لكن ماتعرفين شلون تعرف عليها؟ بنظري عيب الوحده تكلم واحد وعلى طول جنه زوجته ومابينهم حتى خطبه مادري أحس مو خايفه على سمعتها كان المفروض تكون واضحه ياتخطبني يابلا مو أربع وعشرين ساعه تكلمه
مادري ماعتقد إنها مناسبه لأخوج دامكم من عايله محافظه يعني مو حلوه تطلع السوالف بعدين إنه كان يكلمها قبل الزواج
مالج إلا شي واحد وهو الدعاء وربي ييقدملكم اللي فيه خيره لكم يارب​

 

[!.كيـ’ـان.!]

حلوه هذي يحبون بعض ؟!!!!

وين احنا فيه :080402ask_prv:

اختي الله يعينكم على مابتلاكم .. بس نصيحه لك لاتحاولين تكلمينها ابدا لانها بتجي على راسك وكلمو احد قريب من اخوكم ينصحه وخلوه يستخير والله يوفقه بالزوجه الصالحه ..

>>لسا مومستوعبه الردود الي قراتها والبنت صح قليله ادب اجل تكلم رجال مو من محارمها

 

[أم عبود 2011]

رد : كيف اتصرف مع هالبنت قليلة الادب

حبيبتي الرياييل أخبر منا بالحريم وسوالفهم ولو أخوج شايفها مو زينة جان ما يحاجيها ولا يمكن أخوج من النوع اللي يلعب عالبنات ؟؟؟؟؟؟؟؟؟؟
ما أعتقد على حسب كلامج إنكم من عايلة محافظة وله مركز أكيد متربي عدل وفاهم
وبعدين لا اتدخلون بحياته أهو كبير وعارف مصلحته عدل
الساعة المباركة عندي اللي أخوي يحب ويختار شريكة حياته بنفسه هذا زواج ماكو شي غصب وبعدين ليش تجبرونه على وحده باجر تكونون انتوا السبب بطلاقها منه والعياذ بالله
خليه على راحته الزمن تغير الحين وأخوج أكيد فاهم وعارف البنت عدل وبعدين حرااااااااااااام وما يجوز قذف المحصنات لا تعتمدين على الحجي اللي سمعتيه عنها مو كل شي ينقال صحيح
يمكن هالبنت تطلع أحسن من مليون وحدة انتوا تختارونها له
وعلى فكرة لو أخوج شايف فيها عيب جان ما يستمر معاها
الله يوفقه

 

[Laidy n3ooma]

رد : كيف اتصرف مع هالبنت قليلة الادب

والله عاد اذا انتي حبيتي واحد وتبينه ترضين حد يقولج قليله ادب واهل الولد يقولون ان احنا ماعندنا هل سوالف

ماما انتي مو داخله قلب اخووج كيفه هو وياها .. انتي شدراج ان اللي حاطين عينكم عليها تطلع زينه ومراح توافق على اخوج عشان مركزه ..

تركي عنج هل سوالف وهو كبير وفاهم وعارف مصلحته لاتدخلون بحياته وتزوجونه وحده مايبيها .. والحين محد ماحب ولا جرب الحب الا نااااااادر .. ولايغرج البنات اللي مسوين روحهم مثاليات وايد ترا ماتدرين بقلوب الناس شنوو

 

[قطوة@@]

رد : كيف اتصرف مع هالبنت قليلة الادب

اهو ريال عارف وفاهم شنو يبي

خلوة اهو اللي يختار

لا تعصبونه على شي

و يمكن حب البنت اللي يكلمها

 

[يا عيون جدي]

يمكن اخوج يحبها و متفق معاها ع الزواج
وان هي فبالها ان علاقتهم بتنتهي بالزواج
يعني حب شريف
شوفي انتي اسألي اخوج اذا ناوي يتزوجها ولا لا
اذا اي خلوا يشوف نصيبه اهو ادرى بمستقبله
واذالا انصحي اخوج يبعد عنها

 

[ارجي رحمة ربي]

رد : كيف اتصرف مع هالبنت قليلة الادب

انا ما رديت الى لان لاني عن جد مستغربه ردكم كثيييير مدري احس اني بكوبكب اخر
اشكركم اخواتي كلكم وربي يسعدكم يااارب
كنت ابي حل ابعد هذي البنت عن درب اخوي .... لكن تفاجاة بردود
البنت التي ما خافت ربها وما صانة سمعت اهلها مستحيل تصون سمعت اخوي لاتقولون لاتظلمينها ووووو
لونزوجهم البعض تعتقدون انه بعيشون حياته مستقرة ابدااا بيظل يشك فيها وفي تصرفتها
ان الحب الذي يكون في الظلام وكانه خفافيش لايعتبر حبا انما هو رجس من عمل الشيطان
مقاصد الاسلام واضح فلقد حرم الله عزوجل الزنى وما يقرب اليه من النظرة المحرمه او المحادثات المحرمه
والحياء شعبة من شعب الايمان
تدرون كاسرة خاطري هالبنت كثيير اخوي ان شاء الله بيتركها لكن خايفة عليها تطيح بيد ابن حرااام وبتعرف ايش معنا
انا الله يمهل ولا يهمل

على فكرة هي التي بدات في المعكسات اخوي صدها اكثر من مره

شكرا خاص لاخواتي الغاليات
قايدة ورايدة
متخصصه بالاعشاب
وكيان
الحسن كله
الحمد الله الدنيا بخييير