كيف اقوي ثقتي بنفسي

[بنوته شيك]

السلام عليكم

فراشات المنتدى الحلوات

ماعندي غيركم اشكي له همي

عندي مشاكل كثير واحباطات والكل يقول انتي ضعيفة الثقه بنفسك جاني مرض من هالكلمه

والي زاد الطين بله تخصصي اجتماع وصار الكل يحكي علي

شو اسوي شورو علي

انتم خواتي وغاليات على قلبي

انصحوني

 

[بنوته شيك]

رفـــــــــــــــــــــــــــــــــــــــــــــــع

 

[بنوته شيك]

مافيه احد رد الله يسامحكم

 

[7andoosa]

حبيبتي ما فيكي ثقة اي شنو ؟؟؟ من نفسج ؟ اب شكلج ولا اب نجاحج ؟؟ فاهمينا عشان نقدر انفيدج :**

 

[بنوته شيك]

حبيبتي شكر على ردك قصدي

انه تعقد مقارنه بين وبين شخص وينحط اهو الافضل وعمرنا واحد بس ظروفه زينه اهو عشان جذيه اهو جيه من جميع النواحي في الشكل في العمل يعني هاي البنت يقولون ليه تلاقي شغل وانتي لا اكيد لانها الافضل

ليه ييها ناس وايد خطبه لانها الافضل وانا اتأثر كنتا اقول هاي كتبه مو معناه انها الافضل ويقولن لا
احباطات اتعرض لها ونقد في كل شي

يعني من اهلي المشكله لو اغلط غلطه انتي معقده انتي ماتصلحين جيه فهمتي

وبعد شي ثاني صرت اخاف حتى قدام الناس ماتعرفين تتكلمين ليه تسوين جيه

انا اهتم لكلام الناس ورايهم

 

[7andoosa]

امممم حبيبتي ... شوفاي الثقة بالنفس جزء كبير منها تري من الاهل و الجزء الباقي الشخص اهوا الي يتحكم فية ...
شوفاي شي طبيعي اب تزعلين وو ضيق خلقج اذا ما شتغالتاي.. بس مو معناته انا البنت الي اشتغلت احسن منج لا حبيبتي ...
وو نفس الشي سالفة الخطبة .... كل شي قسمة و نصيب و لو مهما بنتقدزنج حطي في بالج شي ان اللة سبحانة خاشلج الشي الزين سواء شغل ولا خطبة ولا اي شي من امور الحياة .... وو اهم شي انج ماتزعلين وو تحترين من احد (حب للناس ما تحب لنفسك)

و مو معقولة انتاي مافيج اشيء زينة وو حلوة ؟؟ قوليلي شنو اشياء حلوة فيج وو اب شكلج وو اب شخصيتج ؟؟؟؟؟؟


اممم تري انا نفسج شوية .. وو وايد ياثر فيني كلام الناس و حساسة ... بس واللة احاول واااايد اني ما اهتم ...
قوليلي الحين شنو الحلو فيج ؟؟ الايجابية ؟؟

 

[نسمه بارده]

حياج معانا لدورة وابتدي التمرين الاول

 

[السدرة2]

:68_asmilies-com:حبيبتي انا اخصائيه ومع هذا شكثر يصير اني افقد الثقه بنفسي مع هذا اتعوذ من الشيطان واحاول واجتهد لان احيا الظروف تخيب الواحد بس انتي قدها وقدود انشالله تقهرين الظروف ودوام الحال من المحال يعني اليوم ماعندج وظيفه باجر انشالله يصير عندج كثري الاستغفار ودايما رددي ربي اشرح لي صدري ويسر لي امري واحلل عقدة من لساني يفقهوا قولي وفي دورا ت بالنت لتقوية الثقه بالنفس وانصحج هم باليوتوب تلقين اشياء مفيده واحلى من هذا كله كتاب لاتحزن لانه فيه فصل عن انتقادات البشر لج وحاولي ما تهتمين بتعليقات الاخرين خلي حكمتج ان ثلثي الحكمه التغافل واذا ظروفج ميسره تاخذين دورات تطوير الذات الي تقام مع مدربين اكفاء توكلي على الله واخذي واعرفي ان كل شي قسمه ونصيب سوري اذا الافكار مو مرتبه بس ولدي :eh_s(6):مزعجني دعواتج لي بالتوفبق

 

[بنوته شيك]

مشكورين حبايبي