كيف تتعاملين مع الشخص اللَي تغير عليك فجاءه

[دلوعة أبوهآ]

سوي اللي عليكِ

وطنشيهآ .. اللي مآيبينآ مآنبيه

 

[نهى الأحمد]

ماشاءالله البنات ماقصروا ياقلبي بالردود


وان صادفني احد تغير علي فجأة احط في بالي جم شغله :

1- يمكن عنده ظروف واثرت عليه وماعاد مثل اول

2- اسأله عن سبب التغير المفاجأ وان عرف السبب بطل العجب وان ماعرفت السبب وماعنده مبرر هالشي رح يكون له عدة تفسيرات وهذي التفسيرات تتغير من شخص لي الثاني

3- اتركها على راحتها لي ترد اهي وتكلمني حتى ما اييب عوار الراس لي وانا افكر واحاتي واقول ليش تغيرت علي


هذا اللي اقدر اقوله لج ياقلبي

 

[زوجة عبودي]

ياقلبي انتي الله يجزاك كل خير ويعطيك العافيه

 

[روح امها]

ماتدرين شنو ظروفها لا تحكمين عليها وانتي ما تدرين
البيوت اسرار يمكن في شي امضايقها مو حابة تتكلم فيه خليها على راحتها دام انتي واثقة انج مو غلطانة

واذا اهي صج اتحبج راح تقولج مع الايام اذا انتي كنتي امضايقتها من غير قصد

 

[زوجة عبودي]

الله يجزاك كل خيير

 

[فيّ العصر]

أممممم انا اقول كل فعل له ردة فعل

يمكن انتي مسوية شي ضايقها او اهي سامعة شي

انتي حاولي معاها و لا تحكمين عليها مني و طريج
و يمكن لما سألتيها استحت تفتح لج الموضوع !
و يمكن اهي كانت تبي شي و لقته و علاقتكم من البداية ما كانت لله

و الي يبيج و يحبج راح يتناقش معاج و ما يسكت و راح اييلج و يصلح كل شي
انشالله الي صار فيه خير

 

[زوجة عبودي]

ياقلبي الله يجزاك الجنه

 

[شفايف كرزيه]

بالنسبه لي
اذا متاكده اني ماغلطت بحقها واهي تغيرت من نفسها احقرررها ولا اسال ليش وشحقه اعطيها اكبر طاااااف
وبصراحه كثرت هالنوعيه من البنات بالاول شحلاتهاااااا وبعد فتره تغير عليج وتكبر تشككج بنفسج انج غلطانه عليها كنت بالاول اتضايق من هالشي بعدين تعودت ع هالعهات وصرت اطنش

 

[كريستال]

اللي مايبينا مانبيه لاتعورين راسج حبيبتي

سويتي اللي عليج واكثر بعد

انا هالنوعيه اطنشها وترد لي بس بعدها انا اللي خلاص مابيهم

 

[Twilighteya]

اعطيها اقوى سيفون واشفط عليها بعد !! دامني ما سويت شي يزعلها لا تجي تطلع مرضها النفسي علي . وللاسف في حريم واجد جذي هالايام .

 

[ديمــــــــــه]

طريق السلامه دامني متأكده اني ماسويت لها شي يضايقها
تجااااهل اكيد : )

 

[طفلة غبية]

نفس رد ديمة ماتشوف شر والحمد الله رايتيبيضاء وعيبها عليه

 

[miss $_$ semsem]

وايد للأسف صاروا جذي
بس ما عليج الباب اللي ايي منه الريح سده واستريح

 

[بنووته تكاانه]

اي والله اكبر طاف

 

[ابدا يالغالي مانساك]

اعطيهاا اكبر طااف ولا ابين لهاا اني مهتمه فيهاا ولا شي
زعلت من غير سبب ماتشووف شر
لا غلطتي ولا سبيتي ولا قلتي شي
ومع هذا سالتيهاا شفيهاا حبيبتي تصادفني نمنووونه من هالشكل
يزعلون ويرضوون ولا هموني

 

[عبطو9وه]

إذا إنتي متأكده إنج ماغلطتي عليها

عطيها أكبر طاااااااف
ولا تعاتبينها تكبرين راسهاااا​

 

[dalo0oa121]

اتجاهلها اكييد ليش انغث وياها

 

[وايليه 1]

في حالة تغير اي شخص علي يكون عندي احتمالين لا ثالث لهما

الاول : اني قد اكون اخطئت بحقها دون علم مني ؛ او سمعت اني اخطأت في حقها وفي هالحاله لازم اوضح وأتأكد هل كنت مخطئه والا لا ؛ لاني اذا ماقتنعت بخطئي لايمكن ان اعتذر لها


الاحتمال الثاني : " واللي بالغالب يكون صحيح " انه انتهت فترة مصلحتها معي واخذت ماكانت تبحث عنه

وبالتأكيد راح تتغير علي

وفي هالحاله نبتعد احنا ولازم اتعلم انه مو اي وحده اكون ميانه معاها واقولها امر وتدلل ولبيه ؛ لانه بزمن مصلحه وحياه ماديه بالدرجه الاولى



وكان الله غفورا رحيما

 

[أكذب عليك]

اذا تهمني بناقشهااا واسالهااا
واذا ماتهمني ماتشووف شر

 

[عيوون ابووي]

دامج سألتيها خلاص سويتي اللي عليج وانا مريت بالشغله هذي وااااايد ودامج واثقه من نفسج خلاص لما تشوفينها سلمي عليها وبس ومردها بتقولج من غير لاتسألينها وبتشوفج تغيرتي عليها ومو مثل قبل تسالين تسولفين معها بتعيد حساباتها وصراحه ماحب النوعيه هذي من الناس تبط الجبد