يالله بنات كل وحدة تييب ورقة وقلم ونبدي وان شاءالله يارب الكل يستفيد
اول شي نسبة المديونية 20%= 2, x راتبج
مثلا
2, 670x =
134 دينار
نسبة ال70% نسبة امورج الحياتية =7, 670x =
469 دينار هذا المبلغ مبلغ وناستج وامورج الحياتية والاحسن انج تطرحين منه الباقي من مديونية السيارة
134-265=131
131-469=338 دينار هذا المبلغ عيشي فيه حياتج حبوبة
بتقولين لي شلون ؟؟؟ كل اسبوع خصصي مبلغ من 30 الى 50 دينار كمصرف خاص
يعني ان خصصتي 50 دينار معناته مصروفج بالشهر 200 دينار ويبقى عندج 138 دينار
حولي المبلغ هذا الى حساب الطوارئ و الخطط القصيرة والله اشتهيتي جنطة ماركة والله ساعة والله هالشهر بشتري هدوم اذا انتي مااحتجي شئ مصروفج كفاج يمعي هالمبلغ تراكمي كل 8 شهور بيصير عندج 1000 حلوة والا مو حلوة الحمد لله فضل من رب العالمين واستانسي بشي سنع
الحين نسبة التوفير المستقبلي 10 %=1, 670x =
67 دينار هذا المبلغ فتحيله حساب توفير وانصحكم بحساب توفير بيت التمويل لان فيه ارباح
فنهاية السنة بتلقين صار عندج فيه= 804 دينار وخلي هذا المبلغ يتراكم على مدى السنين لما راح تلقين فجاة ان سبحان الله زاد وصار عند بالاف وكل ماكمل 1000 وفوق حطيه وديعة وخليه حق المستقبل والله حق بيت حق شقة او بتفتحين مشروع الا عندج راس مال باذن الله
