كيف كان نظام حياتج قبل

[مزيونة الخبر]

صباح الخير اخباركم سؤال فرفوشي وبنفس الوقت يفيد بنات معينات
يعني قبل لاتزوجين خلينا نقول من عمر 24 الى 35 كيف كان حياتج ورتينج كنتي تفكرين بزواج ولامخليته على الله شنو احساسج وانتي كبيرة
قاعدة عند اهلج شنو كنتي تسوين بيومج من النوع الي زيارات وطلعات وبالبيت مواجتماعية او اهلج ماجتماعين يوم تزوجتي شنو حسيتي شنو الفرق شنو الاحساس الان لما تدكرين قبل
كنتي لج جدول ديني تمشين علية ولاعادي تزوجتي كدا ابي كل شي تقوله طبعا انا عارفين ماني متزوجة وقربت اخلص العشرينات صدق تعبانه نفسيا لكن صابرة فموضوعي ابي الكل يتناقش ويتفاعل

 

[صمتي عذابي:(]

السلام. يسعدك. ربي. ويحقق. اللي. تتمنى. ولسى. صغيره. وقدامك. العمر. امممم. حبيت. ارد وبس. دعواتي. لك

 

[نـعـومـه]

اللي عليج تسوينه دوم تدعين ربج يرزقج الزوج الصالح صلي قيام الليل تقربي من ربج

وبأذن الله يرزقج

اشتركي بنادي يسليج

 

[نـعـومـه]

اللي عليج تسوينه دوم تدعين ربج يرزقج الزوج الصالح صلي قيام الليل تقربي من ربج

وبأذن الله يرزقج

اشتركي بنادي يسليج

 

[لوولوو_88]

ما كنت افكر نهائيا .. حياتي مو اجتماعية نهائيا رفيجتين و بنات خالاتي اهما رفيجاتي ما كنت اروح عروس ولا مناسبات ابد ما احب إلا حق أهلي القراب حيل .. و بنات خالاتي تزوجو صغار .. 18 و 19 .. كنت اوسوس لمن وصل عمري 22 .. بس ما كان مهم ابد لاني لاهيا بطلعات دراسة و وظيفة .. لين ياني نصيبي الحمدلله ♡

كله بوقته يا حبيبتي و عليج بالدعاء ربي يرزقج الزوج الصالح

 

[المبهمه]

للحين عايشن بيت اهلنا ماتزوجنا
روتين ممل
بيت دوام دوام بيت مافيه شي

 

[mrs.abk]

تزوجت وعمري 30 .. ما كنت أفكر أبدا بالزواج .. كنت أشتغل وأروح معارض ومؤتمرات وورش عمل وندوات وآخذ دورات .. كنت أروح الجم دايما والمسبح والغوص هواياتي اللي تخليت عنها الحين ,, دايما ويا أمي وخواتي وأروح أعراس ( علشان أوصل أمي موب علشان أدور لي معرس ) . .وأسولف ويا ربيعاتي ونطلع..

اهتمامي ما كان بالزواج .. كنت متأكدة إن لو لي نصيب ما بيضيع وبتزوج ولو ربي كاتب لي ذرية بييب والحمد لله الحمد لله ربي سهل لي أموري وأنا عندي بنوتة قمر الحين

 

[New_bride]

ماقدر اقول اني ماكنت افكر بالزواج لان كل اللي اصغر مني تزوجوا واللي بعمري امهات

كان اوقات الموضوع يأزمني واوقات اقول الحمدلله

وعلى نهاية ال ٢٥ شلت الفكره تماما من راسي و صرت اطلع واروح واجي واستانس
وسبحان الله ماصار كم شهر الا انا متزوجه
شلون و ليش مادري كل شي صار بسرعه بسرعه
كأن ربي يقول هذا نصيبج اللي صبرتي كل هالسنين عشانه
والحمدلله كل امور الزواج تسهلت

عليج بالدعاء و قراءة البقره

 

[barbiya tota]

قبل زواجي كنت كله طلعات روحات محد يسال محد يهتم عادي عايشه حياتي عشان اسعد نفسي انا كنت انام متي ما ابي اقوم متي مابي الحين ماقدر انام علي راحتي بالحسره علي وطلعات ماطلع الا كل خميس ويمعه وبهاليومين ماخلي شي ما اسويه انفجر لان طول الاسبوع قاعده بالبيت قبل كنت اقعد الاقي شغلي كله زاهب كل جاهز ملابسي مغسوله مكويه الحين اقوم قبل ماطلع بنص ساعه عشان اكوي كل شي علي انا التنضيف الترتيب كله كله انا اسويه قبل اطلع اقول حق الخدامه نضفي ارد الاقي غرفتي تلق لق الحين لا كل شي لازم انا اسويه ...


شلون تزوجت جي صدفه تقدملي واحد وكانت مواصفاته عاجبتي ووافقت وتزوجت وكنت كلش مافكر بالزواج كلش كلش كانت حياتي عاجبتني ...

علاقتي ويا اهلي كانت شبه منعدمه ابيتنا الكل يقول نفسي نفسي ههههه محد يهتم بالثاني كلش

وبس اتوقع ماكو شي ماقلته لوول

 

[barbiya tota]

قبل زواجي كنت كله طلعات روحات محد يسال محد يهتم عادي عايشه حياتي عشان اسعد نفسي انا كنت انام متي ما ابي اقوم متي مابي الحين ماقدر انام علي راحتي بالحسره علي وطلعات ماطلع الا كل خميس ويمعه وبهاليومين ماخلي شي ما اسويه انفجر لان طول الاسبوع قاعده بالبيت قبل كنت اقعد الاقي شغلي كله زاهب كل جاهز ملابسي مغسوله مكويه الحين اقوم قبل ماطلع بنص ساعه عشان اكوي كل شي علي انا التنضيف الترتيب كله كله انا اسويه قبل اطلع اقول حق الخدامه نضفي ارد الاقي غرفتي تلق لق الحين لا كل شي لازم انا اسويه ...


شلون تزوجت جي صدفه تقدملي واحد وكانت مواصفاته عاجبتي ووافقت وتزوجت وكنت كلش مافكر بالزواج كلش كلش كانت حياتي عاجبتني ...

علاقتي ويا اهلي كانت شبه منعدمه ابيتنا الكل يقول نفسي نفسي ههههه محد يهتم بالثاني كلش

وبس اتوقع ماكو شي ماقلته لوول

 

[مزيونة الخبر]

الفراغ العاطفي يذبح بزمن كثر الحرام وقل الحلال

 

[~ بنت الهدى ~]

عمري 20 و عرسي بعد اسبوعين ..

مممم حياتي حلوه عاديه اطالع اسافر انام بكيفي اقعد بكيفي احيانا اطبخ احيانا لا و اشتغل مع امي هذا شي اجباري مو بكيفي و بعد ممم بسسس حياتي طبيعيه و الله يوفقني في حياتي الجديده يااارب..

 

[مزيونة الخبر]

وين التفاعل بنات

 

[Abraaj]

تزوجت عمري 25 .. اختي اللي اصغر تزوجت قبلي .. بس كنت مؤمنه ان كل واحد ياخذ نصيبه وعشت حياتي مثل مابي ولا رضيت اتزوج الا اللي انا مقتنعه فيه .. والحمدلله ماتنازلت ولا سمعت كلام الحريم ..

المهم حياتي كانت الصبح دوام ومن الدوام لي النادي ومن النادي ارد البيت اكل وجبه (اهيه غدا واهيه عشا) واجابل امي وام بي سي فور

كنت احب اروح سبا .. مطاعم .. سينما .. سوووووووووووق .. سفر .. قراءة (مطيحة بجرير) كنت مدلعه روحي عدل


بعد ماتزوجت .. انحرمت من النادي والسبا والقراءة .. احب الرياضه بس ماعندي وقت وخصوصا ماكو نادي قريب مني ..



نصيحة عيشي حياتج .. وكل واحد ياخذ نصيبه من الدنيا .. لا تقعدين تنطرين ريل ! الحياة مو بس زواج

 

[مزيونة الخبر]

وين الباقي ليش المنتدى نايم

 

[A p r i l]

لازم تحطين في بالج اوول شي انه الحياه مب بس زواج وريال وبس

ولازم بببببعد تحطين في بالج انه الزواج قسمه ونصيبب

انا ادري انه ساعات صعب تششيلين هالفكره من بالج خصوصا لما تمين ابروحج وتفكرين بالعمر يمشي وانتي لحين ف بيت هلج

بس عادي لا تحكرين نفسج بمحور معين
طلعي
سافري
دشي دورات
توظفي
تعلمي اشياء جديده
عدلي من نفسج اذا كانت فيج عيوب سواء بشره شعرر

وساعاتهااا اذا الله كتب لج الزواج راح تزوجين وتقولين كلش ماكان في بالي ......

الله يرزقج الزوج الصالح

و عن نفسي صج انه ملل بس الدراسه مضيعه وقتي كله بس عقبها اللي يسترر بس اكيد بشغل نفسي باشياء مفيد وتنفعني بس بصدق بقولج انه لما افكر بالزواج اقول الزواج قسمه ونصيب يمكن الله كاتب الاحسن فالحمدالله اكون راضيه تماما

 

[سور المدينه]

وانا صغيره كنت افكر بالزواج بس من دخلت 23 شلت الفكره من راسي وكنت مقرره ماتزوج ابدا
بس لما الله كتب النصيب كنت متردده ومابي بس استخرت ووافقت
وحياتي قبل كلها قراءة وطلعاتي قليله وماعندي صديقات كثير

 

[مزيونة الخبر]

وين التفاعل ابي قصصكم شنو كنتو تحسون فيه يوم انتو قاعدين بدون زواج وكبيرة شوي كيف تقضين وقت فراغج وكدا بعد الزواج كيف شنو الاحسن الزواج أو العزوبية

 

[تبيني آرضى عليك]

حبيبيتي ربي يرزقك بالزوج الصالح
وإن شاء الله بهذي السنه تتزوجيين يارب

انا عمري 24 وللان ماتزوجت ماجاني نصيبي لكن والله شايله من راسي الفكره لان سواء فكرت فيه او مافكرت ماراح يصير الا اللي ربي كاتبببه نصيبك يجيييك لو من آخر الدنيا
انا صديقاتي ماشاء الله اغلبهم اتزوجو ربي يهنينهم ويسسعدهم

وبالنسبه لوقتي كيف اشغله انا متخرجه لي سنتين ونص وجالسسه بالبيت لااروح ولاطلع تخيلي 24ساعه بالبيت فالحمدلله على كل حال

اشغل وقتي بالاستغفار واصلي الوتر واقرئي قرآن وافتح المنتديات والانستغرام اشوف نكت عنايه طبخ وكذا
وادخل حملات للعنايه بالبشره والشعر والجسم ببالمنتدى وبالكيك

 

[-فلانة-]

انا تزوجت عمري 28، وكنت وقتها شايلة فكرة الزواج من بالي نهاااااائياً مع اني قبلها يوم اني بعمر 22 و أكبر شوي كنت أبجي من أسمع إن بنت تزوجت وانا ليلحين..عقبها لما كبرت وصرت أسمع عن الزواج و مشاكله برد قلبي و طاب خاطري..أحيانا نظن إن سعادتنا بشي معين و نكتشف بعدين ان توقعاتنا كلها غلط..
تزوجت والله رزقني في بنوتة مثل القمر الله يحفظها و زوجي حاله حال هالبشر فيه الزين و فيه الشين..ما أقول اني سعيدة ولا أقول اني حزينة أقول الحمدلله على كل حال و مآل ومافي شي يتم على حاله..فطرة الكون التغيير و التبديل..
للعزوبية جمالها و للزواج جماله..يظل علينا كبشر نكيف نفسنا مع حياتنا و إن لم تعجبنا..ولازم نتذكر إن مافيه شيء دائم..كل شي يتغير..حتى احنا كبشر أفكارنا تتغير و تتبدل بين لحظة والثانية..اللي يعجبنا اليوم ما يعجبنا بكرة والعكس.
علينا ان نكيف نفسنا و نستخدم الوسائل المحيطة بنا لمساعدتنا و سعادتنا و نترك الباقي لتدبير رب العالمين.