كيكة الحلوي العمانيه بطريقة ثانيه

[جارة القمر]

السلام عليكم

شخباركم


سويت كيكة الحلوي العمانيه بطريقة ثانيه

علشان في بنوتات حلوين أطلبوا يشوفون الصور


وهذا الرابط القديم



http://www.q8yat.net/showthread.php?t=18402
وهذي الطريقة اليديده
كيكة الحلوي
المقادير::
1 علبة روبن هود الخليط الأبيض
كوب فستق
قطرتين من الصبغة الخضراء
3 بيضات
كريمه حمراء
القليل من الماء
الحشوة::
حلوي العمانية أو الرهش

صلصة التوفي::

1 علبة قيمر كي دي دي أو كريمة حمراء كي دي دي
ثلث قالب زبدة
قلاص سكر
تخلط جميعا ويمكن أضافة القليل من النسكافيييييييييييه

الطريقة::

طبعا أول شي تخلطين البيض مع شوية فانيلا وهيل وبعدين تضيفين الكريمه الحمراء وخليط الكيك والماء وآخيرا الفستق والصبغة

اللي معطتني الطريقة أهي تبيع هالكيك وأهي تسويه بجهاز وأنا اشكثر دورت علي الجهاز وما حصلته لا دبي ولا بالصين ولا بالكويت أهي شاريه الجهاز من أربع سنين من دبي
بس أنا اسويه بماعون الكب كيك أحط الخليط بورق البلسيه وحطيت خليط الكيك وحطيت قطعة الحلوي ودخلته الفرن

وبعدين أزينه بالوفي وشوية فستق

كيكة الرهش

طبعا إذا بتسوين كيكة الرهش طبعا نفس الطريقة بس بدون الصبغة الخضراء والفستق


و تحطين فيه رهش وتصبين جزء من الخليط بورق البلسيه وتحطينه بماعون الكب كيك ودخلينه الفرن
ويزين بالتوفي وشوية رهش


وهذي الصوره

 

[النور الهادي]

تسلمين ياجارونتنا:eh_s(15): :eh_s(15): :eh_s(15):

 

[سبائك]

روعه روعه يا جارونه

 

[ظلال القرآن]

يا بعد قلبي مشكوووووووووووووووره بس فيه سؤال
الكيكه ما تحطين لها ماي وزيت ؟؟
والحلوى تحطينها اخر شي؟؟ عقب ما تصبين الكيك بالكب كيك؟

 

[bedour18]

e

ثاااااااااااااااااااااااااااانكيو و تسلم الأيادي ضروري أجربها

 

[جارة القمر]

النور الهادي

سبائك


bedour18

ولكمووووووووووووووووووو حبايب قلبي

ومشكووووين علي هالمرور العطر




ظلال القرآن

العفو حبيبتي


أنا بس أحط ماء وكريمه حمراء

والبيض

والحلوي أخليه

عقب ما أصب الكيك:eh_s(22): :eh_s(17):

 

[هوّن على قلبي]

تسلم يمينج ياقلبي

انا اذا تعلمت الحلويات فالأفضل يرجع لج لاني قاعده اطبق بعض الاصناف اللي تحطينها

وان شاء الله اجربها واقولج شنو يلطع معاي

 

[جارة القمر]

تسلم يمينج ياقلبي

انا اذا تعلمت الحلويات فالأفضل يرجع لج لاني قاعده اطبق بعض الاصناف اللي تحطينها

وان شاء الله اجربها واقولج شنو يلطع معاي

هوّن على قلبي


ويمناج حبيبتي

بعد عمري

هذي شهادة أفتخر فيه

من بنات هالمنتدى العسل

مشكورين علي هالتشجيع

وأن شاء الله يارب تعجبك

وبعد حقت الرهش حلوه بس أهلي ما يحبون الرهش

 

[bnt q8 in usa]

تسلمين حبيبتي ماشالله عليج يارب مايردج خايبه انشالله بكل دعوه تدعينها

 

[جارة القمر]

تسلمين حبيبتي ماشالله عليج يارب مايردج خايبه انشالله بكل دعوه تدعينها

bnt q8 in usa


يسلمج ربي يا قلبي

أجمعين حبيبتي

ويرزقنا جميعا يا قلبي

ومشكووووره:eh_s(17):

 

[bedour18]

بعد عمري جارونة عتدي سؤال محرج شوي .......................

من وين اشتري الحلوى العمانية ؟؟؟؟

 

[[]نهاوند[]]

تسلم ايدج حبيبتي
بصراحة تشابهه الحول اللي ابالي
كتبت الطريقة وان شاءالله بجربها ​

 

[جارة القمر]

bedour18

حبيبتي

أنا أخذه من حلويات الشمالي الليبسوق الديرة أو اللي بجمعية القصور

ورفيجتي تأخذه من محل بحولي

بس عاد ناسيه أسمه

وحياج الله




بنت الطنايا


وايدج حبيبتي

ومشكوووووره علي هالمرور العطر

وأن شاء الله تعجبج

 

[bedour18]

ثانكيوووووووووووووووووووووووووووووووووووووو
جارة

 

[keeka]

روعه تسلم ايدج ماشاء الله شكلها لزيييييييييييييز

 

[انا_حلوة]

شكلها عجيبه الوصفة و اكيد راح اجربها
نفس المقدار بسوي نصه رهش و نصه حلوه
حق اليمعه و اكيد راح يطلع حلو دام جارونه الحلوه معطتنا الوصفه
:eh_s(15):

 

[جارة القمر]

bedour18


العفو حبيبتي

======================
keeka


وأيدج حبيبة قلبي

ومشكووووووره

=======================


انا_حلوة


مشكوووووره حبيبتي

بس لا تحطين كوب فستق وايد إذا بتسوين نص الكمية

وبالعافيييييييييييييه مقدما

 

[اميرة نفسه]

واااااي وايد حلوة بس انتي الاحلى تسلم ايدينج

 

[جارة القمر]

اميرة نفسه

عيونج الحلوه حبيبتي

ومشكوووووره

 

[mona78]

وااااي قمورة انتي خطيرة .. دايما تتحفينا بالأطباق الرووعة مثلج