كيكة العلالي

[ديانا سبنسر]

مررررحبا

كل مرة اسوي فيها كيكة العلالي ماتظبط معاي مع اني ماشية على التعليمات بالظبط


بس مدري ليه ماتظبط معاي


بليز ساااااااعدوني

 

[أحلى همبه كويتية]

هلا فيج
من اي ناحية ما تضبط ؟؟

عشان نعرف وين الخطأ

 

[78MariMar78]

غريب

يمكن المشكلة في الفرن

 

[ريماا]

غريبة حااولى تتبعين التعليماات صح
يمكن الكاس المستخدم كبير حجمة اختارى العادى

 

[جارة القمر]

ممكن تقوليلي



الطريقة اللي تسوين الكيكه



علشان نقولك وين الغلط



طبعا أول شي لازم تخلطين البيض وبعدين تضفين باقي المقادير




وطبعا لازم الفرن اتشغلينه قبل بوقه قبل ما تحطين الكيكه

 

[الأميرة جوري]

اما الفرن مو حار او انج تفتحينها بسرعه اخذي ربع ساعه وفتحيها او المقاس مو مضبوط تهبلالعلالي

 

[miss-farah]

حبيبتي اكيد حجم الكوب كبير من جذي تفشل معاج الكيكة

 

[كويتية و لكن]

الله يكون بالعون

 

[نادره في وجودها]

يمكن تبيج ادلعينها علا علا علا علااااالي

 

[أميرة-]

رد : كيكة العلالي

مادري انا ماحب الكيك الجاهز احس فيه ريحة زفرة ماحب ريحته

بس اذا تبين الكيك يضبط تكون حرارة الفرن 180 مشغلته قبلها بفترة .. ثلث ساعة من تحت او اكثر شوي لما تنشف بعدين شبي فوق دقايق تتحمر ..

وطلعيها خليها تبرد قبل ما تقلبينها عشان ماتتقطع اذا حاره وقلبيتها تتقطع

 

[ديانا سبنسر]

:شاكرة ردودكم بنات انا استخدم كلاس مو كوب

والفرن اشبه فوق وتحت واخليها 45دقيقة تطلع سودة مفحمة


ابي الخطوات بالظبط بليز امنيتي اسوي كيكة

 

[صلوا على النبي]

رد : كيكة العلالي

هههههههههههه نادره ضحكت من قلب على تعليقج
ان شاء الله البنات أفادوج

 

[الفارسة]

شوفي يا حياتي اتبعي التعليمات وشبي الفرن من تحت بس قبل لا تبدين بخلط الكيك وحطي الكيك بالفرن بس ارفعيها اشوي بالشبك مال الفرن وقصري الفرن يعني خليها على نار هاديةوخليها تستوي على الراحة بعد نص ساعة شوفيها لما تحسين الاطراف مستوية شبي الفرن من فوق وبس سلامتك

 

[الغلاااااااكله]

عرفت شنو غلطج

انج تشبين اللي فوق واللي تحت !!

مايصير حبيبتي

شبي اللي تحت فقط ونصيحتي لما يمر 30 دقيقه جيكي عليها يمكن استوت لان الفرن مرات حاار

انا جذي تطلع معاي 30 دقيقه او 35 دقيقه وتخلص لان فرني حار فمووو شرط تتقيدين بوقتهم


ولما تبين تشبين الفرن اللي فوق اول شي سكري اللي تحت وعقب شغلي اللي فوق
وترى ماتبي غير دقيتين او ثلاث وتتحمر من فووق لاتطولييييين عليها وبالعاااااافيه

 

[ديانا سبنسر]

مشكورين بنات