كيكة الكوسا خطوات بصور

[نور من نور]

البعض رح يستغرب منها والبعض يعرفها
بس من جد طعمها غير شكل احلا من كيك الجزر والتمر والله :eh_s(22): <<< احرج عليها

المقادير

2 كوب كوسا مبشور
2وربع طحين
اربع بيضات
2/1 كوب زيت
كوب جوز خشب
1ملعقه صغيره فانيلا
1ملعقه كبيره بكنج بودر
1وثلث كوب سكر
1ملعقة كبيره دارسين

الطريقه

1- نخلط السكر والزيت ونظيف لهم البيض والفانيلا
2- نخلط الطحين والبكنج بودر والدارسين والجوز مع بعض

3- نظيفه على خليط البيض
4- اخر شي الكوسا المبشور

4- ونخبزها على حرارة 350 درجه لمدة ساعه الى ربع او لمن تنضج الكيكه

بالف عافيه للجميع

شنو ريكم بها :eh_s(20):
​

 

[QUMAR]

تسلم أيدج حبيبتي
بس تصدقين مو مستوعبه كيكه وبالكوسا
لووووووووووووول
اجربها علي مسئوليتج

 

[^^دموع الكويت^^]

واووووووووووو

روووووووعة رووووووووعة


شكلها لذيذة ... اول مره اسمع كيكة كوسا !!!

 

[bnt q8 in usa]

تسلم ايدج يانووووووووووووووووور عجيبه عجيبه انشالله بجربها
عاد اشوي عندي كوسه

 

[جارة القمر]

تسلم ايدج حبيبتي


وشكله وايد غريب

 

[jolie_q8]

تسلم ايدج شكلها عجيب

انا شايفه شيف اسامه السيد ... مسوي نفس الطريقه

 

[لولي**]

الله شكلها روعه
بس مستغربه بالكوسه
خايفه اجربها بس بحاول
يسلمو يالغاليه

 

[[]نهاوند[]]

عجيبه
انا دايما اسوي طريقة كتاب المطاحن تختلف شوي عن طريقتج
بس بجرب طريقتج إن شاءالله
تسلم ايدج حبيبتي ​

 

[ايفيان]

مشكوررررررررررره حبيبتي على الكييكه الحلوه والتقديم الأحلى

دائما اسمع عن كيكة الكوسا بس أخاف اجربها اخاف تطلع مو حلوه ومحد ياكلها

بس الحين انتي شجعتيني عشان اجربها وبشوف شنو يصير معاي

تسلم ايديك الطيبه

 

[keeka]

ياسلالام شكلها اشهي تسلم ايدج

 

[نور من نور]

تسلم أيدج حبيبتي
بس تصدقين مو مستوعبه كيكه وبالكوسا
لووووووووووووول
اجربها علي مسئوليتج

:eh_s(22): يسلم عمرج وقلبج يارب
انتي اتبعي مثل ما قلت وجربيها على ضمانتي
:eh_s(20): امري تبي ارجع الكوسا لو الطحين من عنوني :eh_s(9):

بالف عافيه عزيزتي ويارت تعجبج :eh_s(15):

 

[نور من نور]

واووووووووووو

روووووووعة رووووووووعة


شكلها لذيذة ... اول مره اسمع كيكة كوسا !!!

ياهلا دموع حياج ربي
اني اخد مقادير دي الكيكه واسوي منها بعد اي شي
بقايا خضار لو فواكه بالبيت
وتزبط كمثرا او تفاح او حتى كرز
و موز اي شي
اقطعه والباقي اسوي منه
كاب كيك او صوص من نفس الفاكه فقط شوي عصير وشوي سكر واخليه على النار لمن يصير مثل العسل

تحياتي لج عزيزتي :eh_s(17):

 

[نور من نور]

تسلم ايدج يانووووووووووووووووور عجيبه عجيبه انشالله بجربها
عاد اشوي عندي كوسه

ياهلا عزيزتي حياج ربي
ما عليه جربي شوي شوي ما يهم اهم شي كوسا هههههههه

بالف عافيه يارب :eh_s(8):

 

[نور من نور]

تسلم ايدج حبيبتي


وشكله وايد غريب

الله يسلمج عزيزتي جار القمر
بس طعمها :eh_s(15):

 

[نور من نور]

تسلم ايدج شكلها عجيب

انا شايفه شيف اسامه السيد ... مسوي نفس الطريقه

:eh_s(14): ما احب طبخاته ما تزبط وياي وخاصه طبخات العله رمزي
احسه نصاب في مقاديره :eh_s(6):
حياج يالغلا:eh_s(17):

 

[atooma]

تسلم ايدج بس ماني مصدقه ان في شي اسمه كيكه الكوسا حدي محشي او كوسا بالباشميل

بس راح اجربها

يسلمووووووووووووووا

 

[سعوودية]

:eh_s(22): بجربها بس شهادتى فيك مجروحه كل طبخه احلى من الثانيه مشالله :eh_s(22):
يسلموو يا نور وبجربها بعد بالجزر :eh_s(17):
يسلمووووو على الطبخات الحلوة :eh_s(9):

 

[نور من نور]

ههههههههههههههه
الاسم حق الكيكه من جد يخرع بس والله ادا تسويها غير
طعمها من جد طيب واني دائم اسويها لبوي وامي
تحياتي للجميع

 

[ضحكة الدنيا]

شكلها حلوه بس ماادرى عن الطعم
بجربها ان شاء الله
تسلم ايدج حبوبه

 

[نور من نور]

اتمنى تعجبج
بعد التجربه عزيزتي
تحياتي لج