كيك عيد ميلاد!؟

[FdeeT.BnaTy]

يعطيكم العافية يا أحلى كويتيات ..

عيد ميلاد بنتي مابقى عليه الا اسبوع بالضبط :klhfl: :stars:
ورحت سابليه والخباز احس الكيك اللي عندهم اشكاله قديمة ومادش خاطري شي .. ولابجيت طبعا ما احب كيكهم احسه ناشف جنه بايت ..
ابي شي غريب وحلو تدرون اول عيد ميلاد لها انشالله واهي اول فرحتي فديتها ، وابي شي يملي العين ..


اللي تعرف محلات كيك حلوة حق اليهال لاتبخل علي برايها:080402ask_prv:

وتسلمون لي يارب :tek:

 

[bint_looda]

والله حبيبتي انا كيك سابليه احبه تحسينها ترفه وحلاتها معتدله .. لارحتي طلبي منهم كتلوج الاشكال اليديده ترا عجيييييييييييييب صج روعه واذا ماعجبج منه شي تقدرين تطلعين لج صوره من النت واهم يسونها لج بس عاد الصراحه ماقدر احدد الاشكال الي يقدرون عليها والي لا بس ثقي تماما ان الي عندهم ماشاء الله شطار =)

 

[FdeeT.BnaTy]

صح كلامج حبوبة احلى كيك سابليه ترف وخفيف ومو ثقيل نفس الخباز متروس شكر ولابجيت استغفر الله مو حلو .. بس سابليه ماعندهم شي يديد
وقالوا لي بسابليه اي ديزاين ببالج نسوي بس مافي شي معين ببالي ودورت صور بالنت مالقيت الا صور شخصيات عادية ما ادري ليش انه اول عيد ميلاد احس محتارة وابي شي حلو

تسلمين لي ياقلبي على مرورج

 

[ام خالد 78]

المخبز الدنماركي جنه عنده وبرد توك مادري شسمه وسابليه وبس

 

[جمال الورد]

في محل بشرق اسمه wow اشياءه حلوة البنات معانه بدوام وايد يمدحونه أنا جربت معجناته عجيبه بس ماجربت الكيك عنده بس ارفيجاتي ووايد ناس يمدحون كيكهم وتقول ارفجتي ان اشكال ككهم يشوق روحي وشوفي صاير ورا مغل محل وطبعا سابله كيك حلو نقي اي شخصيه اذا تبين وقوليلهم يسوولج اياها على شكل مجسم مو كيكه عاديه صدقيني تطلع قريبه والخباز ترى يايبين شغلات حلوه انتي شفتي اللى يصيرون على شكل مجسمات صج غالين بس في اشياء حلوة وغريبه

وتبين اقولج شى يصير عيد ميلاد بنتج مميز _03BA:

شوفي اول شي لازم تنقين شخصيه تحبها بنتج بعدين روحي بارتي لاند اللي في الشويخ أو بروي صوب شغلات العيد ميلاد واخذي كل ماتحتاجينه حق العيد ميلاد على شكل الشخصيه اللي نقيتها وطبعا الكيكه تكون على شكل نفس الشخصيه يعني كل شي تحطينه في العيد ميلاد يكون على شكل الشخصيه ( ثيم واحد) راح يطلع شي حلو وغريب أنا سويت حق ولدي جذي صار شكل الصاله يشوق يعني بهطريقه حتى لو الكيكه عاديه بس لان الجو كله على ثيم واحد راح يطلع وايد حلو حتى لو تلبسين بنتج ملابس على نفس الشخصية

 

[my_size]

فصلي لها على الشخصيه الكرتونيه الي تحبها ما يطول
باسكن روبنز عندهم كيك يحبونه اليهال

 

[شيزكيك]

جربي كيك اند بيك وايد حلو

 

[red_rose8278]

حبيبتي انا من جم يوم سويت عيد ميلاد بنتي شهوده ( اول سنه ) الله يحفظها

وخذيتلها من ( كيك اند بيك ) وايد حلو شوي عليه ... والله العظيم الكل يسألني من وين

خذيتلها نص شوكليت ونص كراميل وعليها صورتها بس صج صج يهبببببببببببببل ورقمهم اذا تبين 834834 وشوفي من

بدالتهم اي فرع قريب على منطقتج . وان شاء الله اكون افدتج وعقبال 100 سنه بالعمل الصالح ان شاء الله

 

[الشيهانه83]

حلويات اوبرا كيكهم عجيب روووعه بس مادرى اذا عندهم حق عيد الميلاد اهو بالصالحية

 

[SupeR-GirL]

اذا كان عمرها سنه حلاته يكون عل شخصيه الكارتون اللي تحبه

بس اذا ما تبين كارتون راح يكون شكلها جنها كيكه وحده كبيره

عالعموم في عندج لورينزو برد توك اوبرا وان شاء الله تلقين اللي يعجبج



ايي تذكرت حطي صوره سبونج بوب تشوووق وااااايد حلوه

 

[شوق]

حبيبتي فيه محل اسمه لتل تريت .. بمجمع الوطنية اللي بشارع الفنار .. شغلاتهم حلوة واتشوق وغريبه وهذا سايتهم


http://www.littletreats-q8.com

 

[omlolo]

حبيبتي انا كيك عيد ميلاد ولدي من لوزان كيوزان اللي بالسالمية عمارة الخالد عجييييب واشكالهم عجيبة والكيك ترف يهبل وشغل رااااقي واايد انصحج فيه

 

[Hambka Q8]

http://www.littletreats-q8.com/

عنده كيك يشوق..

شوفيهم

 

[Athwaq]

اوبرا و بس

 

[هيون و بس]

حبيبتي انا حق ولد اختي سويناله شخصية (سبايدرمان) فلين قصدي مجسم كبيييييير من دسمان كلفنا تقريبا 20 دينار لان كان حيييل كبير حجم ياهل بو 5 - 6 سنين و كان بصرااحة مظبوووط
و حطيناااه بطاولة مدورة ودار مدارة كلة كب كيك صغاااار طلبناهم من شوكلت بار و حطينا فوق كل كيكة لعبة سبايدرمان صغييرة حجم نص الصبع من سوق بو مية و بين كل جم كيكة كنا حاطين الشموع فا كانت عجيييبة بصراااحة لا و بالصور كانت احلى و احلى و الكل قال عنها

 

[Tulip81]

أوبرا كيكهم حلو وهندهم أشكال حلوه

 

[Tulip81]

وين صاير لوزان كيوزان ؟؟؟

 

[ام فاطمه]

حبيتى عندج حلويات قيصر روعه الكيك

 

[FdeeT.BnaTy]

ام بوصطيف
جمال الورد
my_size
شيزكيك
red_rose8278
الشيهانه83
SupeR-GirL
حلآ شمّر
omlolo
Athwaq
هيون و بس
Tulip81
ام فاطمه



فدييييييييييتكم يا احلى كويتيات صج صج صج ماخاب من سألكم
تسلمون لي يارب والحين بسجل كل مكان قلتوا عنه وبروح افتر عليهم انشالله بصراحة ماقصرتوا ياقلبي :tek::tek:

 

[لمسات شمووخ]

سابليه ايهبل بس انتي طلبي اللي تبينه وهم يسون صراحه احلى كيك ترف اممممممم