لأهل الخبره بسافر نيورك؟

[الباسمه]

مرحبا بنات
انشاء الله على عطله الربيع بسافر نيويورك انا وزوجي وعيالي الصغير عمره سنه ونص
وبغيت خبرتكم بكل شي
افضل سكن من حيث النظافه والامان وطبعا انا افضل شقه فندقيه عشان اطبخ لعيالي خفايف
واهم شي مكان وسيع ماحب الضيج
وشنو افضل الاماكن اللي ازورها والاسواق
رحلتنا اسبوعين بإذن الله وماحاتي الا الطياره شسوي بولدي الصغير وصج المده16 ساعه؟؟؟؟؟؟
تكفوووون بنات لاتبخلون علي لاني اول مره اروح امريكا
ناطرتكمممم​

:bbbiu:

 

[الباسمه]

توقعت الاقي رد
بنات رفعو الموضوع الله يعافيكم

 

[^^yasmina^^]

حبيبتي انا ما جربت الشقق الفندقيه
وبالنسبه للاسوقه تلقينها بكل محلات
شارع فيفث افينيو
عندج الماديسون ستريت هذيله شوارع اطوال وفيها كل الاسوقه وعندهم ديبارتمنت ستورز
اذا عندج بنت في محل اسمه اميريكان جيرل ٤ طوابق يهبل تشترين اللعبه حجمها وشكلها تبينها شقرا سودة كيفج
وتختارين ملابسها تشترينهم يشوق المحل ودج انتي تشترين حق روحج

اي عندج خاصة بالتايم سكوير لما تروحين وايد هذيله الي يفترون عشان تركبين باصات الرحلات ضروري ركبيه وراح يودونج معالم نيويورك يعطونج الخريطة مالت نيويورك بشوارعها ووين يوقف الباصات
الباص يوقف مكان معين مثلا عند معلم سياحي مثل ابراج الحوريه تقدرين تنزلين وتروحين وتخلصين بعدين تروحين لنفس مكان الباص الي وقفتي فيه تنطرين الباص الثاني وهكذا
اي ونسيت اقولج اخذي خريطة نيويورك منهم تري ينفع واايد اتدلين عدل وما تضيعين لازم تعرفين وين مثلا فندقكم صاير وبالاساس تمشين وايد سهل
كل شارع رقم تصاعدي او تنازلي
مثلا كنت ادور علي عناوين المحلات ومكتوب شارع ٥ كنت امشي من الفندق لي المحل والمحل يبعد نص ساعه مشي بس ما كنت اضيع لان وياي الخريطه وادري انا باي شارع
اخطر الشارع الاول
اخطر الشارع الثاني
الثالث
الرابع
الشارع الخامس ونوصل المحل
حيل سهل
واذا تبين اي شي انا بالخدمة

 

[^^yasmina^^]

برج الحرية **


سوري عالبدليات استخدم ايفون

 

[الباسمه]

الف شكر حبيبتي والله يقومج بالسلامه
بس بغيت اسال جم مدة الرحله احتمال كبير نطير عالقطريه
وشنو فيه فعاليات للعيال الصغار ٤ و٥ سنوات
والجو اثقل الهدوم والا صيفي بنسافر بعطله ربيع ان شاء الله
ناطرتج ؛​

)

 

[عواشه القرقاشه]

حبيبتي ثفلي هدووم اللي اعرفه نيويورك برررررد

والله اذا ماخاب ظني مدة الرحلة 14 ساعه وعلى حسب شكثر ترانزيت بقطر
اذا طيرانج عالقطريه

وان شاالله تستانسوووون
موفقه

 

[^^yasmina^^]

ححبيبتي بالنسبه للطيران
انا رحت عالكويتيه
كانت ترانزيت من الكويت لي لندن قعدنا بلندن ساعه ونص وبعدين من لندن لي نيويورك
المدة من الكويت لي لندن ٦ ساعات
ومن لندن لي نيويورك ٦ ساعات

بالنسبه للفعاليات
انا سمعت ان في مدينة ملاهي بس بعيدة همم وبعد شلالات نياجرا وفي متحف يهبل
مثلو فيه فلم أ نايت ان ذا ميوزيم
وفي حديقة السنترال بارك حلو انج تاخذين عيالج واكلج وتقعدون اهناك

 

[الباسمه]

الف شكر حبايبي