لااااا للطيبة بعد اليوم... لا للتسامح ... هيا لخباثة الحريم .. الاجوديات ممنوع الدخول

[Life is short]

مرحبا

باختصار انا انسانه ملييييييت من شي اسمه حريم حموان
كرهتهم
شر لابد منه
والله كنت جدا طيبة معاهم
و مقفلة بابي
و اشتريلهم بهالهدايا
و المواجيب
و سلام وترحيب حار
و اخر شي ما حصلت منهم الا نقل الحجي و الاحراجات
يشوهون صورتج
و يغثونج
و فوق هذا سااااكته
قلت ماعليه اقفل بابي
و اسكت
و زادت الطين بلة
الحين وصلت المواصيل انهم يقولون ان زوجي يكلم بنات
و يحاولون باي طريقة يشوهون صورته
ما سلمت منهم بشي

الحين يوم فكرت فيها
قلت لييييييش اسكت
ليش ابلع لساني
و عشان منو
هم خبيثات؟
بيصير اقوى منهم
بس مشكلتي ماعرف
موضوعي هذا مابي فيه نصايح و ناس تهدي النفوس لاني انا انسانه منغثه حيل
ابي العالم اللي تعاني مثلي
شنو ممكن اسوي
شلون احر قلوبهم مثل ما حروا قلبي
شلون اغثهم مثل ما نكدوا عيشتي

 

[خلان الاشده]

طنشيهم ولا تعطينهم اي اهتمام الحقران يقطع المصران والله راح يموتون قهر اصحكي واستانسي واطلعي وعيشي حياتج

 

[مولاي الفرج]

يا جبل لايهزك رييح

 

[لوزين]

انتي قلتي مابي نصايح

بس بنصحج لان الدين النصيحه

طنشيهم والله سبحانه بياخذ حقج منهم وصدقيني الله سبحانه يمهل ولايهمل احتسبي الاجر بسكوتج عنهم وعيشي حياااتج لاتفكرين بأحد واي شي ينقال عنج من وراج او جدامج ابتسمي فقط لاغيرر

اصلا بيحتروون لانهم يبون يستفزونج وانتي بارده معاهم فهم بيحترون

والله يهديهم لج يارب بهالشهر الفضيل ويصلح مابينكم




نصيحه يابنات مهما عاملونا الناس بسووء نعاملهم بطيب اصلنا لان امنا وابونا تعبوا في تربيتنا ومهما كان الشخص ناااازل انا ارفع نفسي عنه ليش انزل لمستواه؟!

 

[كليـ دلعـ]

هههههههههههه


ماقدر ارد عليج لاني اجوديه

 

[صعبه]

انا اشوف اختي طيبه نفسج وكله ساكته لهم
وعليهم حركات

بس الحين اشوف محترمين اختي لانها محترمتهم وعمرها ماضرتهـــم لو بكلمه حتى


اانا اقول اقصري الشر وطنشي لهم واحتسبي الاجرر وربي لو تدعين لربج ماراح ينساج والدنيا دواره ووو مهما كان يعتبرون اهل عيالج وزوجج ولهم مكانه
وصدقيني الحقران يقطـع المصرران اذا طنشتي هم وربي بيموتون حره

انتي حريهم باسلوببج بيني لهم انج السنعه اللي ماتطلع منج العيبه

والله يهديهـــــــــــم

 

[بنفسج ..~]

أول تأكدي من رجلج يا بعدي
إذا متاكدة100% ما يكلم فعلاً
علميه قوليله ترا يقولن عنك جذي وجذي وهو ما راح يقصر معاهن ههههههههههههههههههه
:d

 

[قــمر]

اصلا ليه تشغلين وقتج فيهم

 

[simply unique]

وتصيرين خبيثة ولئيمة عشان هالتافهات !!

ربج فوق وكريم وحقج ما بيضيع
اقطعي العلاقة اذا تقدرين
ولا تاخذين وتعطين بزيادة
وان شاء الله ربي يفكج من شرهم

 

[مرجوجه بس عاقله]

تصدقين لو اقولك



اكشخي وخلك مرحة وحوفي امه وابوه حطيهم فوق راسك وهني زوجك وأكسبيه بطيبتك وجمالك وروحك الطيبه



بيطقن ويموتن قهر لاتبينين لهم أنهم مأثرين بحياتك أو يشكلون لك أي مشكله


أنا هذي تجربتي مع هالأشكال

 

[sh_mashael]

الحقران يقطع المصران هذيل يبون ينرفزونچ و يبون يطلعونچ بالشينه لأنچ زينه
قطعي المواجيب عنهم و ماله داعي تكلفين نفسچ عشانهم

الزم ما عليچ ريلچ و امه و خواته و غير چذي انتي مو ملزومه فيهم

و اعتقد انهم ماتكلموو عن ريلچ الا لأنچ مطيحه الميانه معاهم سوي حاجز بينچ و بينهم

و سلامتچ و. بالتوفيق

 

[أميرة-]

ههههههههههههه

والله انا ماعرف بكيد الحريم ودي أصير حقيرة بس ماااعرف حييل قلبي طيب

أول ما ملجت كذا وحده من رفيجاتي نصحوني أخذ بالي من حريم حمواني يقولون المشاكل كلها منهم بس سبحان الله مادري ليش يعني انا وحده أهم شي عندي علاقتي بزوجي وأمه يمكن أحس اللي ممكن يكون فيه تأثير عليه بس حريم خوانه ماهموني ولا أنا من النوع اللي يقارن ويغار كلش ما يهمني أقارن نفسي بأحد

 

[زوجة عزيز]

ترا انتي مومجبورة اتواصلين معاهم وتقعدين معاهم الا هم حريم حموانج اللي عليج والواجب انج توجبين ام زوجج وابوه بس

 

[lulu_q88]

خلج احسن منهمم وحقريهم هم يبون يقهرونج

انتي اقهريهم بسكووتج وعدم المبالاه وربي بينقهرررون ويحتروننن



( الحقران يقطع المصران ) > هعع

 

[نوفو البطة]

حقريهم وكله لمن يسوون سوالف لا تقولين لهم شي بس ابتسمي لهم راح يفرفرووون وكله كشخي وحطي مكياج الحريم يموتون بهل سوالف و كله صيري انتي المسكينه الفقيره جدام زوجج وام ريلج وابو ريلج لوول ادري اني شريره وايي لو شنو يصير لا تخلينهم يصيرون احسن منج وسلامتج

 

[فوفو22]

استغرب ان احنا ب ٢٠١٣
ولين الحين اكو ناس تتابع
هذا شنو قال
وذاك شنو رد

حبيبتي

١- كونك اولا مسلمه دعيهم يتكلمون كله زياده برصيد حسناتج
٢- دايما الناجحه او اللي فيها ميزه تكون ماده دسمه للغيورات والاعداء
٣- علاج النمامات والحاقدات والحسودات هو




الحقران وتجاهلهم بتاتا وتسكير اي باب او شخص ينقل لكي اخبارهم وانشغلي بحياتح الخاصه وبنفسج فقط لاغير
فوفو

 

[Pinky -cat]

حبوبه في فرق بين طيبة والعبط ، يعني لازم تكونين عارفة شلون تحطين حد ومو اي احد تعطينه من وقتج اوهتمامج
وطيبتج خلج رسمية بس حبوبه تحترمين اللي يحترمج واللي ما يبي يحترم الحشيمة حق ريلج تغلبينهم بادبج بعد
والبعد عنهم اكبر غنيمه.

شوفي اكيد احنا ما شفنا ولا عرفنا شنو صار وياج بس مبين انج معصبة وايد حاليا لان السوالف فرش بس يقولون بعد

تألمت فتعملت فتغيرت سوي جذي .

 

[ليدي بجد]

متابعه اراء البنات. معاك

 

[شادن33]

هههههههههههه


ماقدر ارد عليج لاني اجوديه

سيم سيم :eh_s(15):

 

[شادن33]

استغرب ان احنا ب 2013
ولين الحين اكو ناس تتابع
هذا شنو قال
وذاك شنو رد

حبيبتي

1- كونك اولا مسلمه دعيهم يتكلمون كله زياده برصيد حسناتج
2- دايما الناجحه او اللي فيها ميزه تكون ماده دسمه للغيورات والاعداء
3- علاج النمامات والحاقدات والحسودات هو




الحقران وتجاهلهم بتاتا وتسكير اي باب او شخص ينقل لكي اخبارهم وانشغلي بحياتح الخاصه وبنفسج فقط لاغير
فوفو

:rerrerek::rerrerek::rerrerek: