ينتقم الانسان من عدوه باصلاح نفسه
ركزي ع نفسج
وزنج جمالج مكياجج كشختج تميزج
مو اقصد تكونين سطحية بس هذي الشغلات
اللي تنشاف
عيالج
نظافة تميز باللبس وبالسلوك
علاقتج بزوجج واهله
قوي علاقتج بربج
لان هي العلاقة الوحيدة المستمرة واللي كلها خير
واخيرا
لا تقاطعينهم خليج مبتسمة
بس لا تزيدين العلاقة والسوالف
وتوصلون لمواضيع تضيق الخلق
بالنسبة لسالفة زوجج يكلم
اذا كانت بنفسها قالت السالفة ردي عليها
وقوليلها وانت اشدراج وشنو هدفج من هالكلام؟
انا بعلم زوجج ع سوالفج ومستواج
( لان فعلا المرة الصاحية ماتنزل لهالمستوى)
بس لا تعلمينه صج
واذا كانت وحدة تنقل السوالف
فهذي نقالة الحچي
يبيلها زف
وقوليلها
عيب النفاق
تسوين نفسج صديقة الكل
وتوصلين لي كلام
تبين تخربين بيتي
نمامة والعياذ بالله
احقدي عليها قبل لا تحقدين
ع مرت حماج
ولاتصدقين شي ماسمعتيه بنفسج
وفعلا ركزي بشغلات اهم
راح تنسين التفكير فيهم نهائيا
