لابسه هاللبس ؟ اذا اهيا ......!!!!! ابي وجهة نظركم

[ReeMoh]

قوه بناات
شرايكم بالانسان الي يحكم علا شخص من لبسه
يعني مثلا انا انسانه احب البس كل شي وبعلم امي وابوي واهلي والحمدلله اهما متفهمين ويقدرون الحريه الشخصيه بس في وايد ناس يحكمون علي باني بنيه مو زينه ومو مضبوطه لانه لبسي علا قولتهم فاضح!!!!!
مو هذا الجسد جسدي وملكي ؟ اذا انا حره اطلعه او اخشه
فشرايكم؟ وعلا اي اساس تحكمون علا اي انسان؟*

 

[VET-Nour]

البنت الي تلبس لبس فاضح يطلع كل شيء تعتبر رخيصه لان كل من يشوف جسمها
عندنا بديننا البنت من واهي صغيره تلبس ساتر مادري اذا انتي عندج جي ولا لا ؟؟
مافي شيء اسمه حرية شخصيه لما البنت تتفصخ !!
هاذي يسمونها قلة حيا

يعني انتي عبالج وناسه لمن تلبسين فاضح؟؟؟
الاهم اخرتج لانها اهيا الباقيه مو الدنيا .. !

 

[دلوعة الكويت90]

اي احكم علا البنت من لبسها في وايد بنات مو متحجبات مثلا ولبسهم حلو ومرتب بس مو مفصخ وضيج وهذا طالع وهذي تختض اصلا شكل يوحش عيب مافيها شي لو البنت تلبس وتكشخ بس بدون مايكون لبسها مغري اذا اهي تفصخت بالشارع حق زوجها شنو تلبس وانا صراحا انأرف اذا شفت وحده مفصخة بالشارع عيب يعني شنو تقول حق الرياييل تعالوا شوفوني اصلا حتى الريال الي بيشوفها ويعجب فيها حق شسمونه اما ادا كان مكياجها ناعم شكلها حلو حتى لو الصبي يشوفها وينعجب فيها يدق قلبها مايقوم .... سوري علا هالحجي بس هذا الصج

 

[ReeMoh]

احترم وجهة نظركم
واختي الي تقول قلة حيا يا ليت لو تتلفظين بالفاظ ارقى
بس انا عندي الوحده تتدخل بلبس بنتها اختها اوكي ! بس مو وحدا ماتعرفها
يعني مايصير وحده بالسوق يايه ساحبتني من زندي تقولي لبسج كيت وكيت !!
وشدراكم اني انا مثلا امتثل لدينكم او اؤمن بعتقاداتكم وتقاليدكم الي بنظري متخلفه
اذا جذي ترا مجتمعنا سلبي درجة اولى الي يحكم علا شخص من لبسه
ولاتنسون ان وايد بنات البسوا لبس محتشم علا قولتكم امتثال لامر ريلها او ابوها مو لله!!!!! او للعادات مو للدين مثل النقاب
علا العموم اختلاف الراي لايفسد من الود قضيه دمتم سالمين

 

[HaAaDoOol]

شنو يعني البنت لما تلبس لبس فاضح مو لله ؟؟؟

امبلى لله واذا ‏ٱنـَyouـِتَيٓ عبالج ان الي يلبسون لبس ساتر عشان ابوهم او ريلهم آمرهم

ف ‏ٲنـًٍM̶̲̥̅̊E̶̲̥̅̊ـًٍـآإٍ اقولج انه الي تفكرين فيه ‏ٱنـَYOUـِتَيٓ غلط بالعكس كل الي متنقبين لله مو لاي مخلوق

وعيب هالاشياء

ناس فاضيه استغفرالله

قلتا مو متحجبه بس مو مفصخه

‏ٲنـًٍm̶̲̥̅̊e̶̲̥̅̊ـًٍـآإٍ مو متحجبه بس مو مفصخه بالعكس البس لبس محتشم مو مفصخه جدام الله وخلقه

بعدين صج هذي قلة ادب يعني ‏ٱنـَyouـِتَيٓ حدددج مؤدبه ومفصخه ببالشارع ؟؟؟ شي مايدش العقل

واحترمي وجهة نظري ولا تزعلين

 

[فراشه بيضا]

الله يهديج

 

[جنون العاطفه]

التفصخ موحريه شخصية ​

احنا بمجتمع محافظ غصب علينا نحترم نفسنا والناس اللي حوالينا
هذا الرقي أختي احنا مو بمجتمع اوروبي مجتمعنا محافظ
كيفهم الي يلبسون ومو مقتنعين هالشيء يرد لقناعاتهم
ويرد لتربيتهم وخوفهم من الله بالتاكيد ​

وهالشيء مو منا ولا اعتقادات من بالنا وقلناها مثل ما ذكرتي
الله اللي امرنا سبحانه وتعالى مانقدر نعصيه الستر زين ​

واذا انتي ساخطه على المجتمع ماالومج كثير اشياء معكوسه عندنا
لكن موبحساب نفسي وبجسمي اعبر عن هالاعتراض ​

تحياتي لعقليتج الجميله ​

 

[VET-Nour]

جم عمرج حبيبتي؟
منو قالج عاداتنا و تقاليدنا "متخلفه" ؟ انا اشوف عاداتنا و تقاليدنا تحافظ ع البنت ؛)
ولا عاجبتج عيشة الاجانب ؟!!
اذا مجتمعنا "متخلف" عادي روحي عيشي ب مجتمع "متطور" !!

كل الناس تحكم ع البنت من اللبس ولا عمرج شفتي وحده مفصخه محترمه؟؟؟
انا ماقول انه كل الي متسترين محترمين لكن الاغلبيه !

الستر زين للبنت ,
روحي "ثقفي" نفسج و اعرفي ليش الدين امر باللبس الساتر للبنت ؟؟ بعدين قولي (حريه شخصيه) ههههههه ؛**
مجتمعنا مو سلبي ...
مجتمعنا ايجابي بس [البعض] فيه جهل بالدين ..

 

[أحلى البشر]

انا عن نفسي احتقر البنت اللي تلبس ضيج لاصق وقوق الركبه وحفر والا مقصقص مطلعه مفاتها بالاسوقه اللي مايشتري يتفرج خير انشالله وين قاعدين ترا حدج cheap بعين كل الناس ومحد يحترمج حتى الريايل اللي يطالعونج ترى نظرتهم شهوانيه مو اكثر ولو تسألينه شرايك في هاللي تتمخطر بتنصدمين من ردهم يحتقرونهم ويسمونهم اسم مو حلوو كلنا نعرف شنو اهوا ومعناته الرخيصه عكس البنت اللي متستره تعرف تلبس اللبس المناسب في المكان المناسب واللي جسمها ولحمها غالي ويعز عليها ان اللي يسوا واللي مايسوا يشوف !
والريال لي بغى يخطب ماياخذ من هالبنات اللي لبسهم الله بالخير

 

[فطوم 84]

Reemohحبيبتي شوفي كلام من قلبي انا لو اشوف لبسج. بقول حريه شخصيه وعلي راسي من فوق

انتي ممكن. تصلين وتصومين. واحسن مني ك التزام بس انتي حابه لبسج

انا مااحكم علي اللبس كانوا معاي بنات سفور بوظيفتي قمه بالاخلاق والالتزام اكثر مني بس مو محجبات.
انا مااقدر اجي واجرج بمكان عام واحرجج

بعكس احترم وجهة نظرج بس اخذيها نصيحه من اخت. تتمنالج الخير

ممكن بداخلج خير والتزام. بس حابه هاللبس وقانعج والله ياالغاليه خلينا احنا البنات علي صوب انا بسالج شنو نظرة الشباب

تري شبابنا. عندهم جراه وبعضهم ايده طويله واللبس اذا اغراه يتمادي عالبنت وخل اقولج. شي ترا والله الشباب يطلعون البنت اللي تلبس مفصخ

انها راعية خرابيط وطلعات
مره بمجمع جدامي وحده لابسه لبس جري وشوي بارز جسمها. تخيلي غازلها بعدين قالها بجم تطلعين. وقعد يغلط عليها لا تستشرفين علي وانتي .....
وكلام مابي اقوله انا انصدمت ليش متجرا. عليها وتمادي عالبنت

بعدين قلت اكيد من اللبس
ف نصيحه من اختج. نظرة الشباب حييييل مو محترمه للي تتمادي بلبسها

اما بالنسبه لي واييد بنات سفور بس تلاقينها طيبه ومصليه ومسميه ونظيفه وشريفه

والله يوفقج وييسر امرج. ويوفقج لما يحبه ويرضاه اللهم امين

 

[hazel eyes]

لمعلووماتج ي حلووه حتى عند الغرب اللي تقتدوون فيهم اللي تتفصخ يسمووونها بائعه هوى <<< سووري
وعررض الجسد جدام الله وخلقه يلووع الجبد والدليل شوفي المحتشمه شلون يكلمونها وشوفي المتفصخه اللي كل من هب ودب قط عليها كلمه

 

[brettey]

برايي كل واحد حر بنفسه بس عاد مو لبس فاصخ ليدرجه الشمئزاز مهما كان احنا عندنا عادات وتقاليد وسالفه الي يتسترون عشان رياييلهم او ابهاتهم غاصبينهم انا معاج بهالسالفه شفت وااايد نماين انفرض عليهم الحجاب او العبايه او النقاب وفيه منهم يقطونه من ورا الاهل
بس هم فيه رياييل يلزمون حريمهم عالتفصخ علبو بيكشخ فيها وهالنوع اسمه ديوث
وبالنهايه انا احكم عالاخلاق بس الناس لها الظاهر وياما فيه بنات مو متحجبات لبسهم زين مو اوووفر ومحترمات

 

[Tom ♥ Jerry]

,


شوفي يا قلبي .. كل شي له حد و لآزم الكل يحترم الذوق العآم
خلي البنات على صوب ..

يعني وآحد اييلج لابس شورت ليييييييييييه فخذه
لمآ يقعد يتحول الشورت الى " بوكسر " و يقول حريه شخصيه
بالله هاذا عقل :/ مو بس البنات .. حتى بعض الشباب الله يهديهم بسالفه الشورتات
يلبس شورت و الله مآ آبالغ جنه يبي يروح يطب بـ حمام سبآحه


بالنسبه للـ بنات وايد نشوف بنات يلبسون حفر أو شورت
أو تنورة أو نفنوف فوق الركبه لمآ تقعد يوصل ليه الفخذ !!
أو وحده اتيييي مطلعه خط صدرها :/ و تقول حريه شخصيه :/ *******


أوكي حريه شخصيه بس مو هني مو بالكويت احنا بيئه محآفظه لنآ عآدآتنآ و تقاليدنآ
بالله عليج .. شنو الفرق بين هاذي الي لابستلي ليه فخذها و بين اليهوديه :/ !
و لا اتييلج وحده لابسه بكيني و أو شووووورت حده حده قصير و راكبه ورا وآحد بالجيتي سكي
تققققول حريه شخصيه !!!!!!!!


فاهميه الحريه غلط .. الحريه بحدود الآخلاق
بحدود الدين بحدود الاسلام حدود الآهل .. اقصصص ايدي لو هاذي الي تسوي جي آهلها يدرون عنهآ
و الله لو يشوفونها آخوآنهآ عآدي يذبحونهآ ،،،،



للحريه حدود .. مآ تتعدى الخط الآحمر ؛)

 

[Tom ♥ Jerry]

,




آتذكر مره كنت بمطعم .. يمي طآولة فيها شباب ..
دخلو بنات الله يستر عليهم لابسين قصصير و الي لابسه حفر و معاهم جم بنت متحجبه
جان وآحد يقول حق رفيجه .. تصدق البنات الحين قاموآ يتفصخون يلبسون ليه الركب عشان يبون يتزوجون :/ !!!!!!!
انا انصصصصصصدمت حدي معقولة الشباب جذي يفكرون !
اي معقوله حبيبتي .. ترا الشباب يضحكون بوي البنت و يقولوهآ آحبج مآ آحبج
و يمدحوونهآ يمكن يمدحون ستايلها و الميكب و لبسها و جسمهآوكل شي بس من وراها لو تدري شنو يقولون عنهآ
جاااان و الله .. تسترت على طول ..


> هذول البشر .. فمآ بآلج برب البشر لمآ يشوفج لابسه قصير و مرصرص و طآلعه !

 

[نمله ذربه]

اختي في مثل مو ذاكرته عدل
في معناه لبسي مثل مايبون الناس واكلي اللي تحبينه

اهم شي يكون اللبس محتشم وساتر
بالبيت لبسي اللي تبينه

صدقيني مستحيل واحد يحترم وحده لبسها مو اوكي

اما سالفة الحكم على اخلاق البنت
انا احكم عليها من تصرفاتها ونظراتها حتى ولو كانت كلها مغطيه مو شرط

واهم شي رب العباد يكون راضي عليج
الناس مو مهم جعلهم مارضوا لكن موضوع اللبس لازم تراعينهم فيه
سووي شي لاخرتج قبل دنيتج

 

[ReeMoh]

شنو يعني البنت لما تلبس لبس فاضح مو لله ؟؟؟

امبلى لله واذا ‏ٱنـَyouـِتَيٓ عبالج ان الي يلبسون لبس ساتر عشان ابوهم او ريلهم آمرهم

ف ‏ٲنـًٍm̶̲̥̅̊e̶̲̥̅̊ـًٍـآإٍ اقولج انه الي تفكرين فيه ‏ٱنـَyouـِتَيٓ غلط بالعكس كل الي متنقبين لله مو لاي مخلوق

وعيب هالاشياء

ناس فاضيه استغفرالله
هههه بزعل الصراحه لانه كلامج يزعل
شقصدج بناس فاضيه لو توضحين حبوبه؟
شكو قله ادب ؟ شكو اللبس بالادب ؟ الادب بالاخلاق يالغاليه*
لا حبيبتي وايد حريم يلبسون النقاب مو لله واكبر دليل بعض السعوديات لي سافروا
ويعطيج العافيه*









قلتا مو متحجبه بس مو مفصخه

‏ٲنـًٍm̶̲̥̅̊e̶̲̥̅̊ـًٍـآإٍ مو متحجبه بس مو مفصخه بالعكس البس لبس محتشم مو مفصخه جدام الله وخلقه

بعدين صج هذي قلة ادب يعني ‏ٱنـَyouـِتَيٓ حدددج مؤدبه ومفصخه ببالشارع ؟؟؟ شي مايدش العقل

واحترمي وجهة نظري ولا تزعلين

ههههه الصراحه برعل لانه كلامج يزعل
شقصدج بناس فاضيه حبوبه؟
شلون قلة ادب؟ شدخل الادب باللبس الادب اخلاق
ولعلمج وايد منقبات لتبسين للنقاب عشان العادات

 

[ReeMoh]

احترم وجهة نظركم كلكم حبايبي
ومايقصرون الي وجهولي نصايح
واذا علا الشباب الي يقطون حجي العيب منهم والشرهه علا امهاتهم المحترمات المتسترات علا هالتربيه
ويعطيكم العافيه

 

[ReeMoh]

انا عن نفسي احتقر البنت اللي تلبس ضيج لاصق وقوق الركبه وحفر والا مقصقص مطلعه مفاتها بالاسوقه اللي مايشتري يتفرج خير انشالله وين قاعدين ترا حدج cheap بعين كل الناس ومحد يحترمج حتى الريايل اللي يطالعونج ترى نظرتهم شهوانيه مو اكثر ولو تسألينه شرايك في هاللي تتمخطر بتنصدمين من ردهم يحتقرونهم ويسمونهم اسم مو حلوو كلنا نعرف شنو اهوا ومعناته الرخيصه عكس البنت اللي متستره تعرف تلبس اللبس المناسب في المكان المناسب واللي جسمها ولحمها غالي ويعز عليها ان اللي يسوا واللي مايسوا يشوف !
والريال لي بغى يخطب ماياخذ من هالبنات اللي لبسهم الله بالخير

حدي مو cheap علا قولتج;p
بالعكس انا بمكان عملي القى احترام من الكل سواء البنات او الشباب
انا متزوجة حبيبتي

 

[طموحه بزياده]

يعتمد على لبسج اذا كان مخصر ومبين مفاتح جسمج خصوصا اذا كانت البنت ملينه من ورا وصدرها كبير اهني تصير حدا cheep لانها طلعت فضايحها بوقاحه لو عصله قلنا تهون

وعموما ماحب اربط اللبس بالاخلاق ابدا ابدا .. ياما منقبات الله بالخير

بس لازم ينقال وهو الحق ام اللبس القصير المخصر اليل يبني الصدر عيب ومايجوز والمجتمع مايتقبله


تقبلي مروري

 

[فـــخـــر]

* الشكل واجهة البنت اما داخلها فـ بينها وبين ربها يعني اشوف بنتين وحده مستتره

والثانيه لابسه فوق الركبه والثنتين ماعرفهم اكيد بقول الاولى احسن

والله يهدي الجميع