لابسه هاللبس ؟ اذا اهيا ......!!!!! ابي وجهة نظركم

[نهى الأحمد]

أخواتي العزيزات


أتمنى منكم احترام آراء البعض ووجهات النظر

فلكل انسان له نظرة خاصة لاي موضوع يطرح

وأتمنى منج اختي صاحبة الموضوع احترام كل رأي طرح في موضوعج

وياليت بعد تبتعدون عن الألفاظ اللي ممكن تجرح أحد


قولي رأيج بكل صراحة لكن من دون تجريح



عزيزتي ريم


الحرية الشخصية بالنسبة لي اذا ماتعدت الحدود


اهو صحيح انتي كيفج تلبسين اللي عاجبج وبعجب امج وابوج

لكن الناس والمجتمع بالذات له نظرة ثانيه غير نظرة اهلج ولازم تتقبلين هالشي

وهذا اسميه ضريبة الحرية الشخصية

عمري ما ربطت اللبس بالحكم على اخلاق هذا الشخص انه زين او مو زين


لبسي حبيبتي كل اللي بخاطرج
احنا مالنا سلطة عليج

بس علينا بتقديم النصيحة الأخوية من اخت لاخت انها تحط جدامها مخافة الله سبحانه وتعالى في كل شي تسويه في حياتها


لانه اول شي ننسأل عنه في الاخرة

شنو سوينا وشنو عملنا


بالنسبة

[quoteاحترم وجهة نظركم كلكم حبايبي
ومايقصرون الي وجهولي نصايح
واذا علا الشباب الي يقطون حجي العيب منهم والشرهه علا امهاتهم المحترمات المتسترات علا هالتربيه
ويعطيكم العافيه ][/quote]

حبيبتي ريم

الشباب غصبن عليهم يقولون جذي من اللي يشوفونه من تصفخ وقلة حيا من بعض البنات عسى ربي يهديهم

وحطو في بالكم ماقلت كل البنات

أكيد أمهاتهم ربوهم احسن تربية

لكن اللبس الفاصخ يلفت النظر بسرررعه وخصوصا الشباب عسى ربي يهديهم

على مستوى احنا البنات لما نشوف وحده لبسها فاصخ نقول بينا وبين نفسنا عسى ربي يهديها لكن ماقلنا انها اخلاقها مو زينه لانه ماندري شنو شخصيتها


الله يستر على كل البنات يااارب

 

[حناينq8]

قوه بناات

الله يقويج

شرايكم بالانسان الي يحكم علا شخص من لبسه

في مثل يقول : كن حسن المظهر لن تنساك العيون - وكن حسن الخلق ولن تنساك القلوب

يعني مثلا انا انسانه احب البس كل شي وبعلم امي وابوي واهلي والحمدلله اهما متفهمين ويقدرون الحريه الشخصيه بس في وايد ناس يحكمون علي باني بنيه مو زينه ومو مضبوطه لانه لبسي علا قولتهم فاضح!!!!!

دامج تلبسين كل شي اختاري المناسب لج ولجسمج وشخصيتج ومجتمع ودينج
الحريه الشخصيه حلوه وسلوك راقي اذا التزم صاحب الحريه بمتطلبات دينه ومجتمعه

مو هذا الجسد جسدي وملكي ؟ اذا انا حره اطلعه او اخشه
فشرايكم؟ وعلا اي اساس تحكمون علا اي انسان؟*

هالجسد ملك ربج اللي بيوم من الايام بتردين له
ربج حط لج احكام بالقران والاحاديث وعلى اساسها نتصرف ونلبس

 

[دلقينيوم]

انا مع الاخت حناين وبعدين اللبس يعكس شخصية الشخص وانا بصراحه اذا شفت وحده سفور ولابسه لبس غير محتشم يعني قصير وايد وضيق لدرجة مفصل الجسم تفصيل بصراحه وحده تطيح من عيني

 

[المرتاحة]

بالنسبة لي انا اعتبر الحياء شي والأدب والأخلاق شي ثاني

يعني ممكن تلاقين بنت لبسها فاضح علي قولتكم بس مؤدبه و خلوقه في تعاملها وما عندها سوالف لكن للأسف اللي يخرب عليها قلة حيائها واستعراضها لمفاتنها


وطبعا استعراضها لمفاتنها يعكس قلة احترامها لجسدها ولذاتها ومن أهني الرياييل يتجرأون عليها لأنهم يشوفونها مو محترمه جسدها وهذا اللي يجرأهم ، الريال القليل الادب بتجرأ باللفظ ويمكن يتحرش جسدياً فيها اما المحترم فما يقدر يمنع نظراته الا اذا إيمانه وحيائه يمنعه و يغض البصر، وهالشي طبيعي بالنسبة للرياييل لان ربي خلقهم جذي و تكوينتهم جذي


وممكن جداً بنت متغطيه وتعتقدين انها محترمه جسدها لكن تطلع العكس



علي العموم في حديث للرسول عليه الصلاة والسلام بما معناه الحياء من الايمان

يعني هالشي يكون طالع من القلب وينعكس علي تصرفات الانسان و حتى بلبسه وأسلوبه وتعاملاته

اللي مؤمن و عنده ايمان راح يطبق أوامر الله ، و هالايمان ايي بالتدريج و عسى الله يهديج


شغله ثانية انتي قلتيها صح عندنا عادات و تقاليد متخلفه بس ياليت تفرقين بينها و بين دينا لان دينا الاسلامي قمة في الرقي

 

[بنت النوخذا]

قوه بناات
شرايكم بالانسان الي يحكم علا شخص من لبسه
يعني مثلا انا انسانه احب البس كل شي وبعلم امي وابوي واهلي والحمدلله اهما متفهمين ويقدرون الحريه الشخصيه بس في وايد ناس يحكمون علي باني بنيه مو زينه ومو مضبوطه
لانه لبسي علا قولتهم فاضح!!!!!
مو هذا الجسد جسدي وملكي ؟ اذا انا حره اطلعه او اخشه فشرايكم؟

الله يقويج يا الغاليه :eh_s(7):
كل بنت صغيره او كبيره او عجوز تحب اللبس و التكشخ لانه غريزه الانثي
كل انسان الخالق سبحانه وهبه جسد خاص له يمتلكه
بالدنيا .... خلقنا الخالق سبحانه لهدف ... وهو الطاعه و من بعد الطاعه الجزاء و الجزاء هو الجنه
باذن الله تعالي و قال في كتابه الكريم​

( يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُمْ بِمَا كَانُوا يَعْمَلُونَ )​

يعني كل اجزاء الجسم يوم لقاء الرب يشهد و تنطق سبحان الله​

فهل انتــــي مستعده للجــواب عند السؤال لماذا لبسيتي من لبس فاضح ؟؟​

وهل اجابتك لربك
بتكون ... انا احب البس كل شئ .. وان جسدي هو ملكي الخاص !!​

لو كل الناس عاشت كما تريد دون تطبيق شرع الله
لكنا في ضــــــــــــــــــــــياع تام​

مشكـــــــــــــــــــــوره يا الغاليه
موضـــــــوع جدا مهم و غايه الاهميه​

 

[ظبية بوظبي]

عن نفسي اشمئز من الي لبسها غير محتشم حتى لو كان بين النساء
اتقزز منهم
واستغرب وانصدم منهم اشوفهم بلا احساس
احسهم ميت الشعور عندهم
وستغرب كيف ما يحافظون على سمعتهم وصورتهم ..
ما تضايق ان الناس ينظرون لها نظره سيئة ويشككون في اخلاقها
والاكثر استغرب من الي يتزوج من هالنوعيه !!!!

**
+ توني البارحه شفت بنت على اساس انها خليجية وكنت متعرفه عليها عالنت المهم شفتها حاطه صوره يد ماسكه سجاره ومعرف هل هي يدها ولا يد صحبتها
والله اني منصدمه و متلوعه صار لي يومين
وانكسرت الصوره الطيبه الي كنت مكونتها عنها
خلاص مكانها احترق عندي نهائيا
ادري ان موضوع اللبس غير عن التدخين
بس كله يندرج ضمن الاخلاقيات الهابطه
وستغرب وين اهاليهم عنهم!!
موافقين ؟؟!!

في نظري ان اهاليهم حثالة
فعادي هالشي عندهم
واذا جوا ويقولون لنا ليش تهاجمونا اش عليكم فينا
بقول لكم شي
الافه لازم نعدمها لان لو انتشرت بتعم الامراض وبيصير الغلط شي عادي ومب غريب ولا غلط
وانتوا تشكلون ضغط علينا
و نحن نخاف على عيالنا وعالاجيال الجايه منكم لا تنشرون الفاسد بينا

 

[بنت النوخذا]

غلط
وانتوا تشكلون ضغط علينا
ونخاف على عيالنا والاجيال الجايه منكم لا تنشرون الفســاد بينا

لو كل الناس عاشت كما تريد دون تطبيق شرع الله
لكنا في ضــــــــــــــــــــــياع تام​

:rerrerek::rerrerek:

ظبيه بوظــبي

:eh_s(7)::eh_s(7):​

 

[بنت النوخذا]

بالنسبة لي انا اعتبر الحياء شي والأدب والأخلاق شي ثاني
يعني ممكن تلاقين بنت لبسها فاضح علي قولتكم بس مؤدبه و خلوقه في تعاملها وما عندها سوالف لكن للأسف اللي يخرب عليها قلة حيائها واستعراضها لمفاتنها

عزيزتي المرتاحه
:eh_s(7):
شلون لبسها فاضـــــــــــــــــــح وتكون مؤدبه :eh_s(10):
واسعراضها لمفاتنها قلــه حــيا


عزيزتي المحشوم محشوم بكل شئ
بكلامه و بمنطقه و بلبسه

و اللباس هو واجـــهه للعالم الخارجي

 

[senioreta n7oola]

بنظري :
مرخصة بنفسسها !
موبس السفور حتى المنقبات
لبسهم يفششل جنهم رقاصات !
ليقنزز ترتر ولا ديسكو
والصندل كعبه شطوله ! والعيون والحواجب
وكل شي !
فاللبس عندي هو الستر ويكون
فضفاض ! ما افرق بين ام بكيني ولا
لي ركب ولا منقبة !
التبرج تبرج ..
والله يهدينا يارب

 

[Bronzya Q8]

انا معاج ان اللبس مو مقياس وانا مو من النوع الي احكم على الناس من لبسهم او كلامهم لان الانسان تفكير ,, واللبس ما يقيد الشخص بصفه معينه مثلاا مو كل مو متحجبه يعني اهيا مو(محترمة) سوري على اللفظ بس هذا الواقع .. بس انا ما اعطي البنت او الشاب الحرية التامة باللبس لان المكان الي موجود فيه يحكم علينا احترامة مثلا انا طالبة جامعية واضن ان الحرم الجامعي لازم يكون اللبس محترم فيه ولا ننسا ان احنا مجتمع اسلامي عربي خليجي وعندنا عادات وتقاليد .. وترا اللبس المحتشم موضد الموضه ولازم نحترم هذا كله ,,,, هذي وجهة نظري واتمنى محد يزعل مني وبالنههايةة كل واحد ووجهة نظره ..

 

[Dr.Nouf]

البنت الي تلبس لبس فاضح يطلع كل شيء تعتبر رخيصه لان كل من يشوف جسمها
عندنا بديننا البنت من واهي صغيره تلبس ساتر مادري اذا انتي عندج جي ولا لا ؟؟
مافي شيء اسمه حرية شخصيه لما البنت تتفصخ !!
هاذي يسمونها قلة حيا

يعني انتي عبالج وناسه لمن تلبسين فاضح؟؟؟
الاهم اخرتج لانها اهيا الباقيه مو الدنيا .. !

بالضبط


بس مانحكم على احد من لبسه ...
يعني وحدة لابسة بنطرون وبلوزة .. ووحدة لابسة عباية


بس مع احترامي الشديد لج ... اذا كنتي لابسة فاضح قصير وهالسوالف
شنو بتتوقعين وجهة النظر بتكون عنج؟

 

[المرتاحة]

عزيزتي المرتاحه
:eh_s(7):
شلون لبسها فاضـــــــــــــــــــح وتكون مؤدبه :eh_s(10):
واسعراضها لمفاتنها قلــه حــيا


عزيزتي المحشوم محشوم بكل شئ
بكلامه و بمنطقه و بلبسه

و اللباس هو واجـــهه للعالم الخارجي

مادري والله يا أختي اشلون ما فهمتي وانا موضحة كل شي


موؤدبة وأخلاق يعني تلاقينها تحترم الكبير والصغير وما تجذب ولا تسرق واسلوبها في التعامل مع الناس وايد راقي


بس عيبها انها مؤ محتشمة بلبسها يعني الحياء عندها قليل من ناحية احتشامها

والحشمة مو بس تكون في اللباس ترا حتى في الأخلاق و تكتمل الصورة اذا كانوا كاملين اثنينهم مع بعض




ان شا الله فهمتي علي

 

[Freakya]

لبسي اللي تبين تلبسينه ومالج شغل بكلام الناس ,, لكن تأكدي ان هالشي راح يأثر عليج مستقبلا ،، وتذكري اني في رب يحاسبج ،، لو انج ما تعترفين بالعادات والتقاليد لكن اعترفي بالدين اللي انتي تمثلينه

 

[المكسيكيه]

استحي ستري عمرج باجر وراج موت

 

[صمت المرافئ]

البنات كفوا ووفوا
طبعا راح أحكم على الوحدة من لبسها
إذا طلعت بهاللبس وما استحت من الله سبحانه فوقها
شي بديهي انها بتكون ساقطة من عيون الناس
بس لفت انتباهي شي قلتيه
بالأول قلتي أمي وابوي راضين ...
قلت يمكن مراهقة ومعجبة بنفسها وشبابها ... لها بعض العذر
بس بعدين ذكرتي انج متزوجة وتشتغلين !!!
الله يهديج هذا تفكير وحدة عاقلة ومتزوجة وفاهمة !!!
عجبي
​

 

[بنت النوخذا]

بس عيبها انها مؤ محتشمة بلبسها يعني الحياء عندها قليل من ناحية احتشامها
والحشمة مو بس تكون في اللباس ترا حتى في الأخلاق و تكتمل الصورة اذا كانوا كاملين اثنينهم مع بعض
ان شا الله فهمتي علي

هلا بالغاليه :eh_s(7): المرتاحه
والله فهاهمة كلامك لكن محـــور الموضوع هو ( اللبس المحتشم )
وارجع اقول لك
عزيزتي المحشوم محشوم بكل شئ
بكلامه و بمنطقه و بلبسه

و اللباس هو واجـــهه للعالم الخارجي


في نظرك هل هذي الانسانه بهذا اللبس و بهذا الشكل
هل حشمت ربها و حشمت دينها
حتي تحشم الناس و تحشم روحها


وهل فسرتو الحديث الشريف ... الذي جاء بالتصريح لا بالتلميح
قال صلى الله عليه وسلم : ( نساء كاسيات عاريات مائلات مميلات رءوسهن كأسنمة البخت المائلة لا يدخلن الجنة ولا يجدن ريحها)
رواه أبو داود

(( و ان شاء الله الصور توصل الرساله والمعني اكـــــــــــــــــــثر ))


نحن الان في هــذي المرحله ...... مــو عدل

يعني لو ترك الحبل علي القارب رااااااااح نوصل الي
هالنماين ................. بحجة الحريه الشخصيه

عيل شنو فايده الدين و الشرائع السماويه .... لا شئ عدل


المرحله الي بعدها

اللي بعدهــــــــــــــا

ويااااااااا تري بعد هالمرحله من الحريه الشخصيه
وين بنوصل عقب الهشئ
لانه هالحريه مراحل ..... بنوصل للشورت الساخن



المرحله اللي بعدها .....

وبعد الشورت الساخن
هههههههههههههههههه

عزيزتي الحريه الي قاعدين تتكلمون عنها تراااا مراحل
كل مرحله يقل فيها الحيا درجه الــــــــــي ان نصل
الي نهايه الدرجات
ولا شرايج يا الغاليه
في سلم الحياء ونهايته المخزيه
( ضياع الدين )






:bbbiu:

 

[بنت النوخذا]

الحريه الشخصيه مراحل

(( محـــــــــور الموضوع اللبس الفاضح ... بغض النظر عن السلوك ))
الكلام واضح اللبس فقط


الحريه الشخصيه مراحـــــــــــــــــــــل
كل مرحله تكون اكــــــــــــــــــــثر جرائه
واقل حشمه عن التي قبلها

.............. الي ان نصل مرحله التعري

لا تقولين شدعوا
هذا الصج ولا نكابر و نقول لا .....
شوفي مراحل العباة
شوفي مراحل البنطلون

اللبس يعكـــس شخصيه الانسان
وهو مراته امام العالم

 

[Patcholli]

اشلون تبينا نحترم وحده كاشفه عورتها ومفاتنها ؟؟ والصراحه اللي رايحه فيها ومو شريفه يبين عليها من ستايلها باللبس
انا ماتكلم عن السفور انا اتكلم عن البنت الموزينه سواء متحجبه او غير متحجبه لان في متحجبات بس جنهم مفاصيخ حتى خط ستيانها يبين تحت البدي والقذله الي واصله لي حنجها والفل ميك اب جنها ينيه .. وهم السفور في وايد بنات سفور بس لبسهم محترم وراقي .. صج انهم مخالفين الدين بس يظل اللبس محترم .. بس في بنات اللهم ياكافي جنها تقول ابي ...........

يعني لاتقولين اللبس ما يأثر الا يأثر ونص ..

وفي بنات مستانسين وشادين حيلهم وماسكينلهم ممسك حده وهمي وسخيف ان يطعنون بالحجاب اللي اهو فرض من الله بحجة ان في بنات يلبسونه بطريقه غلط
او محجبه وتكون عندها خرابيط ومعاصي
هل نفاق انسانه او اسائتها للحجاب يبيحلج انج تكنسلين هالفرض بحجة ان غيرج يلبسه بطريقه غلط ؟؟
يعني اذا وحده فطرت برمضان بس جدام الناس تقول انا صايمه راح يبيحلنا ان نفطر ؟؟ بس عشان غيرنا فاطر ويدعي الصيام ؟؟
هل اذا واحد كان مرائي ويصلي بس يوم اليمعه بالمسيد وباجي الايام مايدل الجبله وين يخلينا نكنسل الصلاة ؟؟؟ لان غيرنا مايصلي ؟؟

لا حبيباتي لاتقصون على اعماركم ولاتطلعون حق روحكم اعذار قبيحه ..
كل واحد راح يتحاسب لحاله محد راح يتحاسب مكان احد انتي اذا ماتحجبتي او ماحتشمتي انتي الي بتنسئلين عن حجابج وسترج مو غيرج الي تخربط او الي ماتلبسه عدل ..

 

[ام سعود ديكسون]

كل مناسبة ولها لبسها و كذلك كل مكان له لبسه
يعني أنا مو متحجبة بس ما ادش بعض الاماكن بلبس قصير و ضيج وبعدين اقول الناس خزتني و ما خلتني بحالي
ولا تنسين ان السن له أحكامه كل ما كبرت السيدة او الآنسة بالسن كل ما مالت للحشمة
تدرين ليش لان المظهر ما قام يعني لها أهي تدري ان السنين حكتها و بداخلها جوهر اهم من القشرة الخارجية


انتي يمكن صغيرة بالسن و تواجهين وايد انتقاد
شوفي أنا وجهة نظري الشخصية يمكن امج و ابوج راضيين او ريلج راضي
بس العرف و التقليد السائد بالخليج يفرض علينا لبس معين لازم نحترمه لو شنو ما كنا أوبن مايندد و مثقفين

تقبلي مروري

 

[[[ عيون جابر ]]]

بنظري الي تلبس ضيج وقصير وتبرز معالم جسدها هي بالاساس رخيصه ولحمها رخيص وتستاهل اذا الناس خذو عنها فكره او احرجوها بالنصيحه ترا احنا بدولة مسلمه واحنا مسلمين ومانرضى بناتنا وشبابنا يختربون ويتعلمون هالسلوكيات من البعض الي مسمين الي يسونه حريه شخصيه
اذا تتحملين نار جهنم طلعي من جسمج كثر ماتقدرين وكثر ماتتحملين منها