لابسه هاللبس ؟ اذا اهيا ......!!!!! ابي وجهة نظركم

[ضــمــاد]

أنا ماراح أقول حرام وحلال لانه كلنا نعرف دينا أمرنا بالستر ​

لكـن نقول عسى الله يهدينا ويهدي خواتنا وبناتنا ​

بالنسبه لي .. بالهوقت لحجاب والعبايه والنقاب مو مقياس لعفة البنت ​

أحيانا البنت تكون متحجبه لكنها قمه بقلة الأدب وتكلم وتواعد ​

لما كنت بالتجاري بعض البنات كانوا [ منقبات ] و يلبسون [ عباية راس ] ​

لكن من تدخل التجاري على طول على الحمام مكرم السامع .. تبتدي سوالف البهرجه والتفصخ ​

وبعضهم الله يستر عليهم ويهديهم تطلع من التجاري بدون نقابها وعبايتها ​

بالمقابل اعرف بنات مو متحجبات ويكشخون لكن بأحترام بدون ترصرص وهالسوالف ..​

لكن قمه بالأدب و الأخلاق ​

فالشكل العام مو مقياس لأخلاق البنت بالنسبه لي



لكن



متى يكون الشكل العام مقياس





لما البنت يكون لبسها فاضح و كاشف




لبسها راح يخرب عليها ويخلي الناس يقسوون بحكمهم عليها




​

 

[blue ocean]

احترم رايج خيتي

اهي الحريه الشخصيه شيء احترمه جدآ في الانسان ايآ كان جنسه ,, بس الحريه لها حدود

اول شي ماتتعدى حدودي مع ربي ,, وثاني شي ماتخدش الناس

فأعتقد ان الحريه بأختيار الملابس شي طبيعي لكن كوني بنت ضروري ما ألفت الغير وأثيره

وضروري أقدر المجتمع اللي عايشه فيه ونظرته ...

وعلى قولتهم كل ماتشتهي والبس ماتشتهي الناس​

 

[miss Noosa]

انا برايي ما احكم على البنت من لبسها وبنفس الوقت مو مع انها تتفصخ وتلبس قصير وحفر لان مجتمعنا ما يسمح ودينا بعد

يعني الحين البنات طالعين طلعة بالشورتات وبلوزة حفر بالمطاعم والمجمعات احترموا شعور الناس يعني في ناس محافظه عندنا عيال مراهقين

حلات البنت تستر نفسها علشان حتى لو شافج احد برا يقول مشالله عليها مو اعوذ بالله منها

ويعطيج العافيه​

 

[دلوعة الكويت90]

امبيييييييه متزوجه وعادي ماتكرهين نفسج ان ريلج مايغار وييييع

 

[khawla&tito]

اكل اللي يعجبك والبس اللي يعجب الناس

 

[اريج الجوري]

إحنا دائماً ما نخلط بين الحياء والأخلاق ،، ممكن وحده تكون بقمة الأخلاق لكن مافيها حياء ولا غيره على نفسها والعكس صحيح وحدة قليلة الادب وأخلاقها اي كلام لكن فيها حياء ،،

صحيح ان اللبس ما يمثل الأخلاق لكنه يمثل الحياء والدين ،، وينا إسلامي وعاداتنا وتقاليدنا وتربيتنا علمتنا الحياء باللبس والتصرفات وتنجرح مشاعرنا من اللبس الفاضح ،،

وحتى في الدول الغربيه يحترمون اللبس الساتر ويحتقرون المفصخ طبعا مع اختلاف درجة تقبلهم لنوعية اللبس عنا لكن الستر مطلوب بكل المجتمعات

ونا احترم اللي لسبها محترم وساتر مؤ شرط محجبه لانه ممكن تكون منقبه ولبسها يفشل ،،

وفي مثل يقول : حريتك تنتهي عندما تبدأ حرية الاخرين. ،،

واتمنى ان يكون في قانون يحدد من حرية اللبس شويه سواء للبنات او الشباب لانه صراحه مصخوها بزيادة هالايام ..

تحياتي

 

[ReD&FoSHia]

والله يا حياتي
احنا بمجتمع اسلامي و مجتمع يحكم عالاخلاق بالمظهر
شئتي ام ابيتي
اللبس الفاضح ما تلبسه المحترمة ابدا

وعلى فكرة طريقة هجومج على نية المحتشمة يعني علشان ابوها ولا ريلها
اكيد الاغلب لبس لانه اهلهم غصبوهم و اهم صغار بس ماتلاقينهم يكملون على هالمنوال
الا لانهم ارتاحو فيه
بالاول امتثلو لامر اولي الامر و هذا امر مشرع بالدين مافيها شي
بس انج تستخدمينها علشان اتوضحين انه اهم مو معاهم حق اذا انصحو ولا اذا خذيناها قدوة ترا غلطانة

و ترا البنت المسلمة مو رخيصة علشان اتفصخ بلبسها و تمشي بالشارع كل من يطالعها
حتى اسفل السافلين يطالعها
ومافيها شي خذتج وحدة ماتعرفج و انصحتج ليش تعتبرين انه النصيحة لازم من اختج ولا امج
عادي ممكن حياتج اتغير للاحسن على يد غريبة ماتعرفينها مجرد حبت تنصح

 

[ReD&FoSHia]

وجهة نظر المرتاحة حلوة
بس للاسف
راح يفسرونها على طول احسن اكون مودبة و لبسي فاضح
ولا مسترة و اخلاقي هابطة
ولو انه المسترة الهابطة عالاقل بينها و بين ربها
وراح اتحصل عقابها نطري عليها ان كان مرض ولا افة تنهش بلحمها
بس انتي المودبة الخلوقة حرام كله يضيع على لبس
المشكلة الحكم بين الناس و غضب ربج على عدم التزامج
اعيدي التفكير
خصوصا انج كبيرة
ترا حتى الاسر الملكية في بريطانيا ترا مسترين و اهم مو مسلمين ماغير الحفلات بس همن مسترين مانلاقي بحياتهم احد يلبس بطريقة الاندر وير يطلع ولا الضيج ولا القصير الساخن
وبنت النوخذة معاها حق بعد لانه هذي تدرجات الشيطان
كل شوي يخلينا انضوق زيادة ولا انقصر زيادة
واحنا وصلنا لمرحلة الاندر وير واصل و الشورت الساخن ترا
جيكي عالمولات و شوفي

 

[قصْر شآمخ~]

أنا من الناس اللي أدخل ملابس الشخص في حكمي عليه







طبعاً اللبس مو معيار أساسي للأخلاق

لكني مؤمنة أن اختيار الإنسان لـ ستايله ولـبسه هو إنعكاس لـ شخصيته

مو قصة حجاب أو نقاب لااا

حجاب عن حجاب يفرق ,, ونقاب عن نقاب يفرق ..

وهم بنت سفور عن سفور تفرق ..

وبـ النسبة لـ الحرية الشخصية هي لها حدود ..
إحنا مو حيوانات نسوي اللي نبيه ومالنا شغل ..

لا إحنا بـشر وأفراد بـ مجتمع .. لازم نراعي مجتمعنا ..
ونراعي الذوق العام ..

يعني الواحد وده يروح مكان ما تلوع جبده من المناظر الخادشة للحياء ..

والله ألحين في أماكن مستحيل أروح لها تلوع جبدي أنقققرف

يعني حريتكم الشخصية ضرت ناس غيركم ..

الله يهدي الجميع

 

[PuPa^^SWeeT]

اللي تلبس لبس فاضح و دارية انه الكل يوجه لها انتقاد و تدري انه فاضح و مع هذا تلبسه



صراحة مادري شقوولج


بس لو اتكونين نظيفة من داخل و تقية و اتخافين ربج بصلاتج

بس ماخفتييه انج تحتشميين

صراحة صعبة


الله يهديييج ان شالله حبيبتي

 

[في الجو غيم]

انا عن نفسي احتقر البنت اللي تلبس ضيج لاصق وقوق الركبه وحفر والا مقصقص مطلعه مفاتها بالاسوقه اللي مايشتري يتفرج خير انشالله وين قاعدين ترا حدج cheap بعين كل الناس ومحد يحترمج حتى الريايل اللي يطالعونج ترى نظرتهم شهوانيه مو اكثر ولو تسألينه شرايك في هاللي تتمخطر بتنصدمين من ردهم يحتقرونهم ويسمونهم اسم مو حلوو كلنا نعرف شنو اهوا ومعناته الرخيصه عكس البنت اللي متستره تعرف تلبس اللبس المناسب في المكان المناسب واللي جسمها ولحمها غالي ويعز عليها ان اللي يسوا واللي مايسوا يشوف !
والريال لي بغى يخطب ماياخذ من هالبنات اللي لبسهم الله بالخير

مهما كان المجتمع وحتى الناس اللي بالمجتمع تحكم على الشخص من لبسه
هذا المجتمع وهذا ناسه واي حد بيحكم على الناس خاصه اذا بنت ولابسه مفصخ
وترى النظرة الاولى للريال حق البنت نظرة جنسية وشلون لو كانت لابسه ومتفصخه
اذا هي راضيه على نفسها خلاص تتحمل ذنوبها ترى بعض الناس تنتقد وتتكلم من باب حب الخير ولان هذا منكر واحنا ملزومين نأمر بالمعروف وننهى عن المنكر هذا ديننا وتربيتنا

 

[كويتية بروما]

انا عايشه بمجتمع اوربي ولبسهم عادي حفر شورت تنوره قصيره بدووووون مكياج وان كثرو مسكره وحمره
بس هم تحسينه محتشم ويناسب طبيعه جوهم وعيشتهه وديانتهم
واللي تتفصخ ولبسها مغررري واوفر وشعرها اووفر تلقينها بالشارع واقفه تنطر زبون يدفع لها عشان تروح معاه تمارس الزنا

بالنسبه للكويت
حريتج تنتهي لما تبتدين تنتهكين حريه الغير
بلبس خادش للحياء

 

[هب العطر]

انتي تامنين لما تطلعين جسمج ما ينزل فيج عقاب الله ؟

يصيبج مرض او حادث و تتشوهين؟

اشتبين بالتفصخ ؟ لهالدرجه ما عندج ثقه بنفسج لدرجه تبين تصير ككاوه تطيح عليها سعابيل الوصخين؟

 

[هب العطر]

دينكم ؟
ليش انتي شنو دينج ؟

اذا كنتي مسلمه فدينج هو ديننا و الحجاب فرض
ما فيها روح و تعال

و اذا كنتي مو مسلمه تقدرين تلبسين اللي تبين ليش زعلانه ؟

الحجاب فرض اسلامي ترا حاله حال باقي الفروض

 

[ألايانفس......]

قبل العادآت والتقاليد قيه دين نرتكز عليه !!
آنا آلصرآحة لي شفت وحدة لابسة مرصص وضيق لدرجة ان ملآبسهآ الداخلية وآضحة !!
أكيد مآرآح آحترمهآآ لانها بالاساس ماحترمت الدين
ولااحترمت العادات والتقاليد
ولااحترمت المجتمع اللي هي فيه
ولااحترمت نفسهآآ , جسمهاا خلته مثل الحلاوة اللي مو مجيسة
الكل يناظر فيها اللي يسوى واللي مايسوى !!
كل شيء له حد باللبس سواء سفور / محجبة / منقبة !!
وآصلاا بالادياان السماوية كلهاآآآآ تآمر بستر جسد المراة !!
عشان ماتقولين انج مآ تمتثلين لديننا :d
وشوفي يالدول الاجنبية ماعندهم عادات وتقاليد وماعندهم تمسك شديد بالدين
بس اذا شافوا ( بائعة هوى ) بالشاؤع يستحقرونهآ ونظرتهم دونية لها لانهاا بالاساس مااحترمت نفسها
ولآ حافظت على جسمها !!
فما بالج بمجتمع مسلم ومحافظ ومتدين !!!

 

[Japanese]

ب

نات اسمحولي بس وايد منكم اسلوبهم كلش مب حلو ولا يقنع ،، انا لو اتقصخ ماهتديت ع هالكلام :/ اسم الله علي

جوفي بقولج ،، انا تربيت بمجتمع محافظ وايد بس اهلي مب ذاك الزود متحفظين

المهم

عن نفسي اقدر اقول اني احكم ع المظهر الخارجي لآنه غالبا يعكس اللي داخل " التفكير والمبادى والقيم والخ"

بس عاد مقاييسي غير يعني ،، يعني مب عشان بنت لبست فستان قصير بقول عنها انها مب شي!

لا انا اقصد ممكن اني اخذ فكره مب حلوه عن وحده لابسه لبس صج صج خليع هني صج مادري شلون اقشعر

احس انه اوبيه عيب هاي تطلعينه لحد يحلج مب للكل :/

جوف عيني الله بياكلهم الدود وايد وايد وايد بنات محجبات واشكالهم متدينات بس الله يستر عليهم ويهديهم خرابيطهم

اكثر من السافرات واللي لابسين قصير ،، والعكس بعد اكيد صحيح

بس من وجهه نظري يعني ان اللي تنغصب ع لبس ولا غطى تلقينها مكبوته ف تطلع حرتها بصياعه ولا اللي هو

انا ماآعمم بس وايد جذي وشغله محسوبه علميا ونفسيا بعد

المظهر مقياس ومب مقياس بنفس الوقت ،، يعني مثلا

لمن اجوف وحده تارسه ويهها ميك آب حق نادي اي بالله باخذ فكره مب زينه عنها

احاول كثر ماقدر ماسيى الظن بالناس واحط اعذاز بس ساعات مادري مالقى شي يقنعني!

شسوي عاد بيني وبين نفسي اقعد افكر ليش كل هالميك آب حق النادي؟

شنو مافيه ثقه؟ ولا يايه تغازل ولا شسالفتها ذي :/ شالسبب يعني حق الفل ميك آب بالنادي؟

جذي يعني

جوفي مع اني ادرس بروحي فآخر الدنيا بس بيني وبين نفسي حتى لو لبست قصير ارد واقعد احاسب نفسي

وادعي الله يهديني لآن صج مثل ماقالو البنات

بكل المجتمعات الحشمه باللبس تعتبر شغله اخلاقيه مالها خص لا بتحضر ولا تخلف

تصدقين عاد انا ساكنه ف منطقه بآميركا من كثر ما ديانتهم متحفظه مطلوب من البنات ومادري عن الشباب

بس البنات لازم يلبسون مثل الكلوت الابيض لين الفخذ تحت اللبس وفنيله بيضه بعد وابطهم مايطلعونه!!!!! اقل شي يلبسون جابانيز سليفز

مع انه تخيلي هالناس سكان اكثر دوله متقدمه بالعالم!

الله يهديج ويهدينا ويستر عليج وعلينا ،، لاتعطين فرصه لآحد يتكلم عليج بسبب لبس ولا غيره​

 

[CôôlஜŚŦяάwbĕrяy]

الله يهدينا ويهدي الجميع

 

[* ليــــدي *]

ما اؤمن بالمظاهر بس
الله يهديج

 

[my mimi]

مره حضرت محاضره دينيه عن الظاهر والباطن

وطلع ان سبحان الله الظاهر يأثر على الباطن و الباطن يأثر على الظاهر و استدلو على ذلك بمراجع دينيه و بالقران طبعا و لما تأملت بالموضوع طلع صح انا لما يكون فيني دين و ايمان صادق بقلبي راح احب اللبس الوسيع و بالتالي احب العبايه لان يكون بقلبي شغف على الثواب والحسنات وراح اربط هالامور بالجنه وتيسير الحياه ولما يكون لبسي ساتر و عبايه او نقاب بنائا عليه ما ادش مكان مثلا فيه بار او اتكلم بامور ماتجوز لان الشكل ظاهري أثر على الباطن

وسلامتج ؛)

 

[Queen.H]

ترا انا سفور و رافجت بنات يلبسون قصير و حفر


بس بقولج شي والله لما تثقفت اكثر و فكري بدا يكبر بديت اكره التفصخ

صرت اكره التفصخ و الميك اب الاوفر و اي شي اوفر

احب الانسان اللي ما يحاول يلفت النظر

احس انه انسان راقي و رزين


حتى الستايل المحتشم راقي دايما و كلاس


انا مو قاعده اقول عاد تغطي من فوق لي تحت مع اني انا شخصيا اتمنى اكون جذي بس ما عندي ثقه كافيه والله هذا السبب الوحيد


البسي عادي اللي تبين بس قبل لا تطلعين برا طالعي نفسج بالمنظره و قولي صح انا جذي لبسي مناسب و ما راح يلفت النظر اذا مشيت يم كافي كله شباب !!


وانتي عاد ادرى بمصلحتج اولا و اخرا


و انا بصراحه ضد اللي تمسك وحده و تنصحها ،،، الحين المجتمع حساسين مو متعودين عالنصايح !! انا عن نفسي راح انحرج اكيد